စပါးခွံဖွဲပြာ သဘာဝ မြေသြဇာ ပြုလုပ်နည်း

Photo - စပါးခွံဖွဲပြာပြုလုပ်ခြင်း

သီးနှံ အလေအလွင့်များသော စပါးခွံ၊ ပြောင်းရိုး၊ပဲခွံများအား ဖွဲပြာ ပြုလုပ်၍ သဘာဝမြေသြဇာ အဖြစ် အသုံးပြုနည်းကို ဂျပန်နိုင်ငံ အစိုးရ မဟုတ်သော စိမ်းလန်းမြေ အဖွဲ့မှ စိုက်ပျိုးရေး ဦးစီးဌာန၊ မြေအသုံးချရေး ဌာနခွဲနှင့်CARTC တို့တွင် လက်တွေ့ ပြသ၍ သီးနှံ ၁၀ မျိုးတွင် စမ်းသပ်ခဲ့ရာ အပင် ကြီးထွားမှုကောင်းမွန်ပြီး အထွက်နှုန်း တိုးတတ်နိုင်ကြောင်းတွေ့ရှိခဲ့ပါသည်။

ယင်းစမ်းသပ်တွေ့ရှိချက်ကို အခြေခံပြီး ကုန်ကြမ်း စပါးခွံများစွာ ရရှိနိုင်သောအောက်မြန်မာနိုင်ငံ ရန်ကုန်၊ပဲခူး၊ဧရာဝတီတိုင်း၃ခုရှိခရိုင်တိုင်းတွင်တစ်မြို့နယ်လျှင်ကျေးရွာ၁ရွာစီတွင်စပါးခွံဖွဲပြာပြုလုပ်၍စမ်းသပ်ဆောင်ရွက်ခဲ့ပါသည်။

(က) စပါးခွံဖွဲပြာပြုလုပ်နည်း

၁။ ဖွဲပြာ ပြုလုပ်ရန် စပါးခွံ၊ ပဲခွံ ၊ပြောင်းရိုးများအား စုဆောင်းပါ။

၂။ မီးရှှို့ရန်သွပ်-မီးခိုးခေါင်းတိုင် ၁ ခုလေဝင်ပေါက် ပြုလုပ်ရန်နှင့် မီးခိုးခေါင်းတိုင်အောက်ခံ ပြုလုပ်ရန်ကျောက်တုံး သို့မဟုတ် အုတ်ခဲ ၁၀လုံးခန့်၊ မီးခိုးခေါင်းတိုင် တည့်မတ်စွာထောင်နိုင်ရန် သံချောင်းရှည် တစ်ချောင်း လိုအပ်ပါသည်။

၃။ ပထမဦး အုတ်ခဲ၊ ကျောက်ခဲသုံးလုံးအား ဖိုခုံလောက်ဆိုင် ထားပါ။ ထို့နောက် ၎င်းကျောက်ခဲများပေါ်မှာ သွပ်ခေါင်းတိုင်များအား အထိန်း သံချောင်းဖြင့် စိုက်ထူပါ။ လေဝင်ပေါက် ချန်ပြီး စုဆောင်းထားသည့် စပါးခွံ၊ပြောင်းရိုး စသည်များကို အပေါ်မှ စုပုံပေးပါ။

၄။ လေဝင်ပေါက်မီးထိုးသည့်နေရာမှတစ်ဆင့်မီးရှှို့ပေးပါ။

၅။ မီးခိုးခေါင်းတိုင်မှအမဲရောင် မီးခိုးဦးစွာ ထွက်ပြီး အပြာရောင်သို့ပြောင်းလဲလာမည်။

၆။ မီးခိုးအရောင်ပြောင်းလဲပြီး စပါးခွံအပုံ အပေါ်ယံ အထိ မဲလာပါကလေဝင်ပေါက်ကို ပိတ်ပြီး အအေးခံပါ။ အသုံးပြုနိုင်သည့်စပါးခွံဖွဲပြာ ရရှိမည် ဖြစ်ပါသည်။ မီးလောင်ကျွမ်းမှုများ၍ စပါးများ၊ပြာများ အဖြူရောင် ဖြစ်သွားပါက ပိုတက်ဆီယမ်ဓာတ် မရရှိဘဲ စီလီကာဓာတ်သာ ရရှိပါမည်။

 (ခ) သုံးစွဲမှု

v ရရှိလာသော စပါးခွံ့ဖွဲပြာကို ရေမစိုစေဘဲ၊ မြေတွင်းသို့ ချက်ချင်း ထည့်သွင်း အသုံးပြုရပါမည်။

v တစ်ဧက စပါးခွံ့ဖွဲပြာ ၃၀၀၀ ကီလိုဂရမ် (သို့မဟုတ်) ၁၈၀ပိသာကျော် ထည့်သွင်းပေးရပါမည်။

v ရေမစိုသည့် စပါးခွံဖွဲပြာကို ထည့်ခြင်းဖြင့် ပိုတက်စီ်ယမ် အာဟာရဓာတ် ရရှိစေပါသည်။

(ဂ) အကျိုးကျေးဇူး

စပါးဖွဲပြာအားမြေတွင်းသို့ ထည့်ပေးခြင်းဖြင့်မြေတွင်းလေဝင်လေထွက်ကောင်းစေပြီး အပင်၏ အမြစ်များ ဖွံ့ဖြိုးမှုကောင်းစေပါသည်။ စပါးခွံ ဖွဲပြာ အခြောက်ကို ထည့်ခြင်းဖြင့် ပိုတက်စီယမ်ဓာတ်ရရှိစေပါသည်။

·         မြေတွင်း အစိုဓာတ် ထိန်းသိမ်းမှုကောင်းမွန်စေပါသည်။

·         မြေ၏ pH(ချဉ်ငံကိန်း) မြင့်တက်စေပါသည်။

·         မြေတွင်းမှ အာဟာဓာတ် စုပ်ယူမှု အားကောင်းပြီး အပင်၊ အသီး၊ အရွက် ကြီးထွားမှုကောင်းမွန်စေပါသည်။

·         သီးနှံ အထွက်နှုန်းကောင်းမွန်စေပါသည်။

အစိမ်းရောင်လမ်း စိုက်ပျိုးရေး ဖုန်းဆော့ဝဲလ် (Green Way Agri-Mobile App)

 

ကိုးကား- စိုက်ပျိုးရေး ဦးစီးဌာန



ယခုဆောင်းပါးက သင့်အတွက် အသုံးဝင်ပါသလား?

  ဆိုရိုးစကား  

"ကောင်းမွန်တဲ့ မျိုးစေ့က ကောင်းမွန်တဲ့ သီးနှံတွေကို ရရှိစေတယ်"