နွားငယ်ပြုစုစောင့်ရှောက်ခြင်း (၂)

Photo - google

“ နွားကလေးနှင့်နွားမတမ်းများ၏ ကိုယ်အလေးချိန်တိုးတက်မှုမှတ်တမ်း ”
ကိုယ်အလေးချိန်တိုးတက်မှုတိုင်းတာခြင်း
 မွေးစမှ အသက် (၆) လသားအထိ (၂) ပတ်လျှင်တစ်ကြိမ် ကိုယ်အလေးချိန်တိုင်းတာရမည်။ ထိုသို့(၂)ပတ်တစ်ကြိမ် ကြီးထွားနှုန်း တိုင်းတာခြင်းအားဖြင့် အသက်အရွယ်လိုက်ရရှိမည့် အလေးချိန်များကိုသိရှိပြီး သတ်မှတ်စံနှုန်းအတိုင်းကြီးထွားမှုမရှိပါက လိုအပ်သလို စီမံဆောင်ရွက်နိုင်မည်ဖြစ်ပါသည်။ နွားကလေးများသည် ပျမ်းမျှ တစ်ရက်လျှင်(၆၇၂) ဂရမ်နှုန်းဖြင့် ကြီးထွားရန်လိုအပ်ပါသည်။
 
 အသက် (၃) လသားတွင်သားခွဲခြင်း၏ အကျိုးကျေးဇူးများ
 
အသက် (၃) လတွင် သားခွဲနိုင်ရန်အတွက် သတ်မှတ်ထားသော ကိုယ်အလေးချိန်ပြည့်မီစေရန် နို့နှင့်အစာကိုလုံလောက်စွာ တိုက်ကျွေးရပါမည်။ ထိုမှသာလျှင် ကြီးထွားနှုန်းကောင်းမွန်ပြီး အသက် (၈) လ ခန့်တွင် သားစတင်တောင်းနိုင်မည်ဖြစ်ပါသည်။ သို့သော်လည်း ပထမသားစပ်ရန် သတ်မှတ်ထားသည့် အသင့်တော်ဆုံးအသက်အရွယ်မှာ (၁၅) လ ဖြစ်သည့်အတွက် ထိုအချိန်တွင်ရှိသင့်သည့်ကိုယ်အလေးချိန် ရောက်အောင် သေချာဂရုတစိုက်ကျွေးမွေးရန်လိုအပ်ပါသည်။ သို့မှသာ အသက် (၂) နှစ်တွင် ပထမသား မွေးဖွားနိုင်မည်ဖြစ်ပါသည်။
 
  အသက် (၃) လ သားခွဲချိန်တွင် ကိုယ်အလေးချိန် (၉၀ မှ ၁၀၀) ကီလိုဂရမ်အတွင်းရှိရပါမည်။
  အသက် (၁၅) လ ပထမသားစပ်ချိန်တွင် ကိုယ်အလေးချိန် (၃၀၀ မှ ၃၃၀) ကီလိုဂရမ်အတွင်းရှိရပါမည်။
  အသက (၂) နှစ် ပထမသားကျချိန်တွင် ကိုယ်အလေးချိန် (၅၀၀) ကီလိုဂရမ်ရှိရပါမည်။
 
   သားခွဲချိန်တွင် ရှိရမည့် ကိုယ်အလေးချိန်
   နွားမတန်း ပထမ သားစပ်ချိန်တွင် ရှိရမည့် ကိုယ်အလေးချိန်
တိပ်ကြိုးဖြင့် တိုင်းတာရာတွင် နွား၏လက်ပြင်နောက်မှ ပတ်၍ တိုင်းတရမည်။
ကိုးကား - မြန်မာ-နယူးဇီလန် ကောင်းမွန်သော နို့စားနွားမွေးမြူမှု ဖွံ့ဖြိုးတိုးတက်ရေး စီမံကိန်း


ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"သူ့အသီးကို စားချင်ရင် သူ့ခေါင်းကို ပြောင်အောင် တုံးရတယ်"