လွန်ခဲ့သော ၂၂ မိနစ် က
·
မြိုင်
ငါးအမိုင်နိုက ဖော်စပ်ထားပြီး ရေရှည်ထားရလား ခင်ဗျာ
1,254
လွန်ခဲ့သော ၄၄ မိနစ် က
·
ပွင့်ဖြူ
စပါး၁၅ပတ်လည်၁အိတ်ပုလဲ၁အိတ်ဂျစ်ပဆန်၁အိတ်ရောပြီး၄ဧကကျွေးပြီးကတည်းကမိုးမပြတ်လို့မြေသြဇာဆုံးရှုံးမှုများနိုင်လားခဗျမြောင်းရေပြတ်နေလို့ဆေးကျွေးပြီးကတည်းကမိုးကနေ့တိုင်းများနေလို့
1,254
လွန်ခဲ့သော ၄၄ မိနစ် က
·
ပွင့်ဖြူ
စပါးခင်းအောက်ဆေးကျွေးချင်လို့အခုဖက်ကမိုးမပြတ်ဖြစ်နေလို့ပုလဲနဲ့၁၅ပတ်လည်ကျွေးမှာပါမိုးများရင်အာနိသင်ရော့နိူင်လားခဗျာ
ဖြေလည်သော အဖြေရရှိပြီး
3,861
လွန်ခဲ့သော ၄ နာရီ က
·
ပြင်ဦးလွင်
ဂန္ဓပန်းအခုမှစမ်းစိုက်ကြည့်မလို့ပါစိုက်ပျိုးနည်းစနစ်လေးသိချင်လို့ပါခင်ဗျာ
261,639
လွန်ခဲ့သော ၃ နာရီ က
ဤအဖြေဖြင့် ပြေလည်
ဂန္ဓမာပန်းစိုက်ပျိုးနည်း ( Cultivation of Chrysanthemun)
10
လွန်ခဲ့သော ၆ နာရီ က
·
မကွေး
ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍
261,639
လွန်ခဲ့သော ၃ နာရီ က
ပဲကြီး စိုက်ပျိုးနည်း
2,563
လွန်ခဲ့သော ၈ နာရီ က
·
ပြည်
ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ
15
လွန်ခဲ့သော ၈ နာရီ က
·
ညောင်ရွှေ
ဘာမြေသြဇာ ကျွေးရမလည်းဗျ
261,639
လွန်ခဲ့သော ၃ နာရီ က
စပါးပင်သက်တမ်း (၁၄) ရက် (ပျိုးခင်း သို့မဟုတ် ရွှေ့ပြောင်းစိုက်ပြီးစ) သည် အမြစ်သစ်ပွားပြီး အပင်စတင်ကြီးထွားရန် နိုက်ထရိုဂျင်နှင့် ဖော့စဖရပ်ဓာတ် အလွန်လိုအပ်သော အချိန်ဖြစ်ပါတယ်။ မြေခံမြေဩဇာ မကျွေးရသေးပါက တီစူပါနှင့် ပိုတက်ရှ်ကို အမြန်ဆုံးကျွေးရမည်ဖြစ်ပြီး၊ အပင်အမြစ်စွဲအားကောင်းစေရန် ပုလဲ (ယူရီးယား) ကိုလည်း ပမာဏအနည်းငယ် စတင်ကျွေးနိုင်ပါတယ်။ စိုက်ပျိုးထားသည့် စပါးသည် ပျိုးခင်းလား သို့မဟုတ် ရွှေ့ပြောင်းစိုက်ခင်းလား၊ မြေခံကျွေးထားခြင်း ရှိ၊ မရှိနှင့် မြေအမျိုးအစားကို သိရမယ်ဆိုရင် ဒီထက် တိကျစွာ ဖြေပေးနိုင်မှာပါခင်ဗျာ။
1,569
လွန်ခဲ့သော ၁၉ နာရီ က
·
အုတ်ဖို
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
314,138
လွန်ခဲ့သော ၁၉ နာရီ က
မွှားပင့်ကူနီဟာ အိမ်တွင်းအလှစိုက်အပင်တွေမှာ ကျရောက်တတ်ပြီး ကာကွယ်နှိမ်နင်းဖို့ ခက်ခဲပါတယ်။ ၎င်းတို့ဟာ အပင်တွေပေါ်မှာနေထိုင်ပြီး အရွက်ကနေတစ်ဆင့် အပင်ရည်ကို စုပ်ယူစားသောက်ကြပါတယ်။ မွှားပင့်ကူနီကျရောက်ခြင်းရဲ့ ထင်ရှားတဲ့ လက္ခဏာကတော့ အရွက်တွေမှာ အညိုရောင် အစက်အပြောက်များနဲ့ ခြစ်ရာများကို တွေ့ရမှာ ဖြစ်ပါတယ်။ မွှားပင့်ကူနီဟာ ရေနဲ့ စိုထိုင်းဆများတာကို မကြိုက်တဲ့အတွက် ရေလောင်းပေးနိုင်ပါတယ်။ နေ့တိုင်းရေမလောင်းရင်တောင်မှ စိုထိုင်းဆရှိနေဖို့အတွက် ရေဖျန်းတဲ့ဗူး (ညှစ်တဲ့ဗူး) နဲ့ အပင်နဲ့ အပင်ပတ်ဝန်းကျင်ကို နေ့တိုင်းဖျန်းပေးသင့်ပါတယ်။ ဓာတုနည်းနဲ့ဆိုရင်တော့ ပိုးစေးနဲမှာ မျှဝေခဲ့သလိုပဲ သဘာဝဖက်တီးအက်စစ် (natural fatty acid) (သို့မဟုတ်) ဆာဖက်တန့် (surfactant) ပါဝင်တဲ့ ဆေးတွေအသုံးပြုနိုင်ပါတယ်။ https://greenwaymyanmar.com/articles/%E1%80%95%E1%80%AD%E1%80%AF%E1%80%B8%E1%80%99%E1%80%BD%E1%80%BE%E1%80%AC%E1%80%B8%E1%80%9B%E1%80%B1%E1%80%AC%E1%80%82%E1%80%AB/pest_on_houseplants
ဖြေလည်သော အဖြေရရှိပြီး
19
လွန်ခဲ့သော ၂၂ နာရီ က
·
ဝက်လက်
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
261,639
လွန်ခဲ့သော ၁၆ နာရီ က
ဤအဖြေဖြင့် ပြေလည်
ရွှေဘိုပေါ်ဆန်းသက်နုမျိုးစပါးကို ရမယ်ဆိုရင် ဩဂုတ်လထဲပျိုးထောင်ပြီး စိုက်မယ်ဆိုရင် ရပါသေးတယ်ခင်ဗျာ
32
လွန်ခဲ့သော ၁ ရက် က
·
တံတားဦး
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
1,569
လွန်ခဲ့သော ၁ ရက် က
ဒီစာအုပ်သာ ဖတ် ပြီးရင် အစိမ်းေရာင်လမ်းမှာ ပြန်လာမေး မျိုးကောင်းမျိုးသန့်စိုက်ပျိုးထုတ်လုပ်ပုံနည်းလမ်း
39
လွန်ခဲ့သော ၁ ရက် က
·
ရွာငံ
ကော်ဖီပင်ကို ဆားခါးထည့်လို့ရလား ဘယ်လိုထည့်ရမလဲ ဆရာတို့လမ်းညွှန်ပေးပါအုံး
39
လွန်ခဲ့သော ၁ ရက် က
ကျေးဇူးပါဆရာ
314,138
လွန်ခဲ့သော ၁ ရက် က
မဂ္ဂနီဆီယမ်ဓာတ် ချို့တဲ့နေတဲ့ လက္ခဏာပြရင်တော့ ထည့်လို့ရပါတယ်။ ရွက်ကြောတွေပဲ စိမ်းနေပြီး အရွက်က ဝါနေတဲ့ လက္ခဏာပါ။ ဒီလိုလက္ခဏာပြနေမယ် ဒါမှမဟုတ် မြေကြီးစစ်ဆေးလိုက်လို့ မဂ္ဂနီဆီယမ်ဓာတ်နည်းနေမယ်ဆိုရင် ထည့်နိုင်ပါတယ်။ မြေကြီးထဲကို ထည့်လို့ရသလို ရွက်ဖျန်းအနေနဲ့လည်း ထည့်နိုင်ပါတယ်။ သူက အများလို အဟာရဓာတ်ထဲမပါတဲ့အတွက် မများကြီးထည့်စရာမလိုပါဘူး။ ရေ ၄ ဂါလံပုံးတစ်ပုံးကို ဟင်းစားဇွန်း ၂ ဇွန်းမှ ၄ ဇွန်းခန့် ထည့်ဖျန်းနိုင်ပါတယ်။ အပင်ခြေမှာ ထည့်မယ်ဆိုရင်တော့ တစ်ပင်ကို ဟင်းစားဇွန်း တစ်ဇွန်းလောက်ထည့်ပေးနိုင်ပါတယ်။ မြေကြီးက အစိုဓာတ်ရှိနေရပါမယ်။ မလိုအပ်ဘဲ အများကြီးထည့်လိုက်ရင်တော့ အခြားလိုအပ်တဲ့ အဟာရတွေဖြစ်တဲ့ ကယ်ဆီယမ်နဲ့ ပိုတက်ဆီယမ်ဓာတ်တွေကို အပင်က မရယူနိုင်အောင် ပိတ်ပင်ပစ်နိုင်ပါတယ်။
326
လွန်ခဲ့သော ၁ ရက် က
·
ဘားအံ
ပွင့်ဖတ်ကမဖြူဘူးဘာကြောင့်မ ဖြူတာလဲ ဆေးသုံးဖို့လိုလာဗျာ ဖြေပေးပါဗျာ
326
လွန်ခဲ့သော ၉ နာရီ က
အနီရောင်ပိုးသေးသေးလေးတွေ ပြေးနေတာတွေ့လို့ဘာဆေးဖြန်းရမလဲ
1,569
လွန်ခဲ့သော ၂၃ နာရီ က
ဆေးလောင်တာ
326
လွန်ခဲ့သော ၁ ရက် က
·
ဘားအံ
အရွက်ကဘာဖြစ်တာလဲ ဆေးသုံးဖို့လိုမလာ ပြောပြပေးပါဗျာ
314,138
လွန်ခဲ့သော ၁ ရက် က
အခုပုံစံမျိုးပါ။ ဆေးရည်တွေက အရွက်ဖျားတွေမှာ သွားအိုင်နေပြီး ပြင်းအားများသွားတာကြောင့် အပင်လောင်သွားတာပါ။
326
လွန်ခဲ့သော ၁ ရက် က
အားဆေးနဲ့မိုသတ်ဆေး လောင်ရင်ဘယ်လိုပုံစံဖြစ်လဲဗျာ
103
လွန်ခဲ့သော ၁ ရက် က
·
မြောင်းမြ
ကွမ်းခြံက 2 လရှိပြီး အညွန့်ချိုးခြံပါ အောက်ခြံဆိုတော့စိမ့်ကိုင်နေလို စိမ့်မြောင်းတော့တူးထားတယ် အဲ့ဒါဘယ်လိုဆေးကျွေးပြီး ဘယ်လိုပြုပြင်ရမလဲဆိုတာ အကြံပေးပါအုန်းဗျား ""လေးစာစွာတင်ပြပါတယ်""
1,569
လွန်ခဲ့သော ၂၃ နာရီ က
မိုးတွင်းမှာတော့အမိုးကာကို လျော့သင့်တယ်
314,138
လွန်ခဲ့သော ၁ ရက် က
ကွမ်းမှာ ရောဂါဝင်တာတွေရဲ့ အဓိက အကြောင်းအရင်းက မြေကြီးအစိုဓာတ်မြင့်ရာကနေ စတယ်လို့ ပြောလို့ရပါတယ်။ စိမ့်မြောင်းတူးထားပြီး အစိုဓာတ်များနေသေးရင် စိမ့်မြောင်းကို ထပ်ပြီး နက်နက်လေး တူးပေးပါ။ ကွမ်းဘောင်ရဲ့ အောက် အနက် ၁ပေခွဲကနေ ၂ ပေလောက်ထိ တူးပေးပါ။ ပြီးရင် ရေနှုတ်မြောင်းတွေ သေချာအောင် စစ်ပြီး ပြုပြင်ပေးပါ။ ကွမ်းပင်ခြေကို ထရိုင်ကိုဒါးမားပါတဲ့ သဘာဝမြေဩဇာတို့ ဖွဲပြာတို့ ထည့်ပြီး ဘောင်လုံးပြီး မြေမြှင့်ပေးပါ။
32
လွန်ခဲ့သော ၁ ရက် က
·
ပုသိမ်ကြီး
စံပယ်ကအအေးပိုင်းဝင်သွားရင်အစာခိက်လုပ်မှုနေးကွေးသွားပြီးအဖူးမလိုက်တော့လို့ မြေပြင်အပူဓာတ်ရအောင်ဘယ်လိုပြုစုရမလဲ ဘာတွေထည့်ဖို့လိုသေးလဲပြောပြပေးပါအုံး
314,138
လွန်ခဲ့သော ၁ ရက် က
အအေးကာလရောက်လာတဲ့အချိန် မြေကြီးအပူဓာတ်ရနေအောင်ဆိုရင် မြေကြီးကို မြေဖုံးပေးခြင်း (Mulching) လုပ်ပေးပါ။ ဒါက အပူဓာတ်ကို ထိန်းပေးရာလည်းရောက်ပါတယ်။ အေးတဲ့ကာလတွေမှာ ရေလောင်းခြင်းကို ညနေပိုင်းမှာ လုပ်တာထက် မနက်ပိုင်းတွေမှာ ပြောင်းလဲလုပ်ဆောင်ပါ။ မြေကြီးထဲမှာရှိတဲ့ အဏုဇီဝတွေ အသက်ဝင်နေအောင် သဘာဝမြေသြဇာများ ထည့်သွင်းပေးပါ။ နောက် အမြစ်ရဲ့ ကြံခိုင်သန်စွမ်းမှုရှိနေအောင် Pနဲ့ K အချိုးမြင့်တဲ့ အဟာရများ ထည့်ပေးပါ။
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
/
မေးခွန်း
360
လွန်ခဲ့သော ၂ နှစ် က
မုန်ညင်းထုပ် စိုက်ပျိုးနည်း 🥬🥬🥬🥬🥬🥬🥬🥬🥬🥬 မြန်မာအမည် - မုန်ညင်းထုပ် အင်္ဂလိပ်အမည် - CHINESE CABBAGE ရုက္ခဗေဒအမည် - Bassica chinensis မျိုးရင်းအမည် - CRUCIFERAE ၁။ မူရင်းဒေသ တရုတ်ပြည်မြောက်ပိုင်း၊ ရှန်တောင်ဒေသသည် မူရင်းဒေသဟု ယူဆရသည်။ ၂။ စိုက်ပျိုးသည့်ဒေသ ကမ္ဘာအနှံ့အပြားတွင် စိုက်ပျိုးသည်။ အများဆုံးစိုက်ပျိုးသော ဒေသမှာ တရုတ်၊ ဂျပန်နှင့် အာရှတောင်ပိုင်းဖြစ်သည်။ မြန်မာပြည်တွင် ဒေသမရွေး စိုက်ပျိုးနိုင်သော်လည်း ရှမ်းပြည်နယ်တွင် သင့်တော်သော ရာသီဥတုရှိခြင်းကြောင့် စိုက်ပျိုးမှုများသည်။ ၃။ အမျိုးအစား မုန်ညင်းထုပ်သည် ဂေါ်ဖီမျိုးရင်းထဲပါဝင်ပြီး၊ အေးသောရာသီဥတုကို ကြိုက်နှစ်သက်သည်။ ပုံသဏ္ဍာန် အားဖြင့် မုန်ညင်းထုပ် အရှည်မျိုးနှင့် အပုမျိုးရှိသည်။ သက်တမ်းအားဖြင့် သက်ရင့်မျိုး၊ သက်လတ်မျိုးနှင့် သက်ကြီးမျိုးဟူ၍ (၃) မျိုးခွဲခြားနိုင်သည်။ ၄။ မြေနှင့် ရာသီဥတု မြေအမျိုးမျိုးတွင် စိုက်ပျိုးနိုင်သော်လည်း မြေဆီသြဇာ ပြည့်စုံရန် အရေးကြီးသည်။ မြေညံ့တွင် နောက် ချေး၊ မြေဆွေးများများထည့်ပေးရန် လိုသည်။ အထူးသဖြင့် ရေမဝပ်သော မြေဖြစ်ရမည့်အပြင် ခြောက်သွေ့ လွယ်သော မြေလည်း မဟုတ်ရပေ။ မြေ၏ အချဉ်ဓာတ်ကို အတော်အတန်ခံနိုင်ရည်ရှိပြိး pH (၅.၃) မှ (၆.၅) အထိ စိုက်ပျိုးနိုင်သည်။ ကယ်လ်ဆီယမ်နည်းသော မြေတွင် အူတိုင်ပုပ်တတ်သည်။ ထို့်ကြောင့် မိုးများသော ဒေသများတွင် မိုးရေဖြင့် ကယ်လ်ဆီယမ်များ ဆုံးရှုံးတတ်ခြင်းကြောင့်၊ ၎င်းဓာတ်ပါသော ဓာတ်မြေသြဇာများ (အရိုးမှုန့် gypsum) ကို ထည့်ပေးရန် လိုသည်။ မိုးများသော ရာသီတွင် ရောဂါအလွန်ကျရောက်သောကြောင့် မိုးနည်းသောအချိန်ကို ရွေးစိုက်ရမည်။ မုန်ညင်းထုပ်သည် အအေးကြိုက်သော သီးနှံဖြစ်၍ အအေးဓာတ်ကို အတော်အတန်ခံနိုင်ရည်ရှိသည်။ တစ်နှစ်ပတ်လုံး မိုးရေချိန် သင့်တင့်စွာ ရွာသွန်းသော ဒေသတို့တွင် မုန်ညင်းထုပ်ကို တစ်နှစ်ပတ်လုံး စိုက်ပျိုးနိုင်သည်။ အသင့်တော်ဆုံးအပူချိန်မှာ (၁၅-၂၀) ဒီဂရီစင်တီဂရိတ် ဖြစ်ပါသည်။ ၅။ မျိုးစေ့နှုန်းထား တစ်ဧကလျှင် (၁၀၀-၂၀၀) ဂရမ်နှုန်းအသုံးပြုပေးရပါမည်။ ၆။ မြေသြဇာနှုန်းထား တစ်ဧကအတွက် နွားချေး - (၁၀-၁၅) တန် ယူရီးယား - ၂၂၄ ပေါင် တီစူပါ - ၁၁၂ ပေါင် ပိုတက်ရှ် - ၅၆ ပေါင် နွားချေး၊ တီစူပါ၊ ပိုတက်ရှ် နှင့် ယူရီးယား၊ (၁၁၂) ပေါင်တို့ကို မစိုက်ပျိုးမီမြေတွင် ထည့်သွင်းပြီး ကျန် ယူရီးယား (၁၁၂) ပေါင်ကို (၂) ကြိမ်ခွဲထည့်ပေးသင့်သည်။ ၇။ စိုက်ပျိုးခြင်း မုန်ညင်းထုပ်ကို ပျိုးမထောင်ဘဲ မျိုးစေ့မှ တိုက်ရိုက်စိုက်ပျိုးခြင်းက ပိုကောင်းသည်။ အောက်ပါ ဖော်ပြထားသော အပင်အကွာအဝေးဆုံသည့်နေရာတွင် မျိုးစေ့ (၁၀) စေ့ခန့်ချ၍ မြေနှင့် ပါးပါးဖုံးပြီး စိုက်ရမည်။ သက်လျင်မျိုးတွင် အတန်းအကွာအဝေး (၂) ပေ အပင်အကွာအဝေး (၁.၅) ပေ၊ သက်ကြီးမျိုး အတန်းအကွာ အဝေး (၂.၅) ပေ၊ အပင်အကွာအဝေး (၁.၈) ပေ၊ သက်လတ်မျိုး၏ အပင်အကွာအဝေးမှာ သက်ကြီး သက်လတ်ကြားတွင်ဖြစ်သည်။ ရာသီဥတုပူပြင်းလျှင် အစေ့ချထားသော နေရာကို ကောက်ရိုးနှင့် ပါးပါးအုပ်ထားရမည်။ အပင်ပေါက်လာမှ ဖယ်ရှားပေးရမည်။ မျိုးစေ့ကို မစိုက်ပျိုးမီ မျိုးစေ့လူးနယ်ဆေးတစ်မျိုးမျိုးဖြင့် လူးပေးပါ။ ၈။ အပင်ပြုစုခြင်း အပင်လေးများ အရွက် (၃) ရွက်ခန့်ရှိသောအချိန်တွင် ပထမအကြိမ် အပင်မှုန်းပေးရမည်။ စိုက်ကျင်းတစ်ကျင်းလျှင် (၃-၄) ပင်ချန်၍ မှုန်းပါ။ အရွက် (၈) ရွက် ထွက်လာသောအခါ ဒုတိယအကြိမ် (၂) ပင်ချန်၍ မှုန်းပါ။ အရွက် (၈) ရွက်ရှိလာသောအချိန်တွင် အကောင်းဆုံးအပင်တစ်ပင်ကို ချန်၍ တတိယအကြိမ် မှုန်းပါ။ စိုက်ပြီး (၂၅) ရက်အကြာတွင် ပေါင်းလိုက်မြေဆွပေးပါ။ မုန်ညင်းထုပ်အမြစ်သည် မြေအပေါ်ပိုင်းတွင်သာ ရှိသောကြောင့် အမြစ်များမထိခိုက်စေရန် သတိပြုပါ။ အမြစ်ထိခိုက်က မြေဆောင်ရောဂါဝင်ရောက်ရန် လွယ်ကူခြင်းကြောင့်ဖြစ်သည်။ အတတ်နိုင်ဆုံး ပေါင်းလိုက်မြေဆွခြင်းကို အကြိမ်နည်းနည်းနှင့် နိုင်နိုင်နင်းနင်း ဆောင်ရွက်ရန်လိုသည်။ အပင်ခြေရင်းကို မြေတင်ပေးရာ၌ အပင်၏အောက်အရွက်ကြီးများ မြေကြီးနှင့် မပိမိစေရန်ဂရုပြုပါ။ ၉။ ရေသွင်းခြင်း မုန်ညင်းထုပ်သည် အစိုဓာတ်အမြဲရှိနေသည်ကို ကြိုက်နှစ်သက်သော်လည်း ရေဝပ်ခြင်းကို ကြောက်သည်။ အထူးသဖြင့် အပင်စတင်ထုပ်လာသောအချိန်တွင်ရေပိုလိုအပ်သည်။ အပင်သည် ထုပ်လာပြီး ဆက်လက်ကြီးထွားမှုမရှိလျှင် နိုက်ထရိုဂျင်ဓာတ်မြေသြဇာထည့်ပေးရန်လိုသည်။ အပင်ပတ်လည်တွင် ယူရီးယားမြေသြဇာချပေးပါ။ ၁၀။ ပိုးမွှားရောဂါများ ပိုးကျရောက်မှုတွင် စိန်ကွက်ဖလံကျရောက်တတ်ပြီး ဝိစာရ၏ “အီမာလန်ဒါ၊ ရယ်ဒီ၊ နိုက်ဝမ်း၊ လိုင်းအောက်၊ ရော့ကက်” ဆေးများမှတစ်မျိုးမျိုးကို ရွေးချယ်သုံးစွဲပေးရပါမည်။ ရောဂါအနေဖြင့် ပင်စည်ပုပ်ရောဂါကျလေ့ရှိပြီး “ကျူပရိုမက်စ်၊ ဘာလီဆိုဒ်” ဆေးများဖြင့်ပက်ဖျန်းကာကွယ်နိုင်ပါသည်။ ၁၁။ ရိတ်သိမ်းခြင်း မုန်ညင်းထုပ်သည် ကျစ်၍မာလာလျှင် စတင်ရိတ်သိမ်းရမည်။ ကြာမြင့်စွာ စိုက်ခင်းတွင် ဆက်လက် ထားရှိပါက အထုပ်ကွဲလာခြင်း၊ ပုပ်သွားခြင်း ဖြစ်စေသည်။ အထုပ်၏ အပြင်ဘက်ဆုံး အရောင်ပျက်နေသောအရွက်များကို ခွာပစ်ရမည်။ မုန်ညင်းထုပ် အကာအကွယ်ရစေရန်အတွက် အောက်အရွက် (၃) ရွက်ချန်ထား၍ဆက်ခူးရမည်။ ၁၂။ အထွက်နှုန်း တစ်ဧကလျှင် (၅၀၀၀ - ၇၀၀၀) ပိဿာ ထွက်သည်။ Sources : ဟင်းသီးဟင်းရွက်စိုက်ပျိုးနည်း image : internet
မုန်ညင်းစိုက်ပျိုးနည်း
အမည်မသိ
လွန်ခဲ့သော ၂ နှစ် က
အခုလိုမျှဝေပေးလို့ ကျေးဇူးတင်ပါတယ်ရှင့်
မေးခွန်းမေးရန်
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။