အစိမ်း​ရောင်လမ်းမှာ စာအုပ်စင်ကဏ္ဍမှာ သရက်စိုက်ပျိုးနည်း စာအုပ် မှာပြီးဖတ်ပါ။

♥သရက်ပင်များကိုင်းဖြတ်ပြုပြင်ပီး ပထမရွက်နုထုတ်ယူခြင်း (တစိတ်တပိုင်း)♥ =============================== တနှစ်တာလုပ်ဆောင်ချက်လို့မပြောလိုသေးပါ =============================== *ရင်ကျက်မှုရှိ၍ သရက်သီးများကောင်းစွာသီးသော အသီးခူးစားနေရသည့်သရက်ပင်များသည် အသီးများခူးဆွတ်ပီးသည့်ကာလတွင် နှစ်ကျော်သီးခြင်းနှင့် အသီးများအရည်အသွေးမကျဆင်းစေရန်အတွက် နှစ်စဥ်အသီးခူးပီးတိုင်းမှာ သရက်ပင်များသန့်ရှင်းရေးလုပ်ခြင်း(အပိုင်း၅အဆင့်) သရက်ပင်များကိုင်းဖြတ်ပေးခြင်း(အပိုင်း၄အဆင့်) ယခု၂ဆင့်သည် သရက်သီးခူးပီးတိုင်းနှစ်စဥ်မဖြစ်မနေ လုပ်ဆောင်ရမည့်အချက်ပင်ဖြစ်သည် သရက်ကို အပင်ကျဲပင်ကြီးစိုက်ပျိုးထားခြင်းနှင့် ပင်စိတ်ပင်ငယ်စိုက်ပျိုးခြင်းအပေါ်တွက်ဆ၍ ကိုင်းဖြတ်သည့် မူခြင်း ခြားနားနိုင်သည် အပင်ကြီးများစိုက်ပျိုးထားရာတွင် နှစ်စဥ် အပင်သန့်ရှင်းရေးအဆင့်လောက်လုပ်ပေးသင့်ပါသည် အဘယ်ကြောင့်ဆိုသော် အပင်ကြီးလျှင် အသီးများများရရှိသည်ကိုသာအာရုံစိုက်၍နေကျပါသည် အပင်ကြီးများမှာ အပင်ကြီး၍လာသည်နှင့်အမျှ ကိုင်းအို ကိုင်းခြောက် ကိုင်းဆွေး ကိုင်းနာ ကိုင်းကျပ် ကိုင်းညပ် ကိုင်းထပ်များစွာဖြစ်လာတတ်သလိုအစုလိုက်အပြုံလိုက်ထွက်တတ်သောလှီကင်းသောကိုင်းများစသဖြင့်အကြမ်းအားဖြင့်တွေ့ရှိနိုင်ပါမယ် ထိုသို့သောအကိုင်းအခက်များကို သန့်ရှင်းအောင်ပယ်ပေးမှသာလျှင် အသီးထွက်စံနှုံးများမကျဆင်းစေဘဲ အသီး၏အရည်အသွေးများလဲတိုးတက်စေသလို နှစ်ကျော်သီးတတ်ခြင်းကိုကာကွယ်ပေးခြင်းရဲ့တစိတ်တဒေသ အထောက်အကူကောင်းလဲ​​​ဖြစ်စေပါသည် ဒီနေရာမှာ ပို၍သဘောဘောပေါက်ရမှာက ဒေသအလိုက် အချိန်မီအခါမီ သရက်ပင်များကိုင်းဖြတ်ခြင်း ကိုင်းပြုပြင်ခြင်းအပီးမှာ ပဌမအကြိမ်ရွက်နု(ရွက်ညွန့်)ကိုပိုင်ပိုင်နိုင်နိုင် ထုတ်ယူတတ်စေရန်အတွက်အထူးအရေးကြီးသော ကဏ္ဍတခုဖြစ်ပါတယ် ထိုအချက်သည် သရက်စိုက်ပျိုးရေးကဏ္ဍတွင်သရက်သီးကောင်းရရှိမှုနှင့်နှစ်ကျော်သီးသောကဏ္ဍကိုကျော်လွှားသွားနိုင်သောအကြောင်းအရာအစိတ်အပိုင်းဖြစ်စေသည် သရက်ပင်များသည် အသီးများခူးဆွတ်ပီးသွားပါက ကလေးမွေးပီးသောအမျိုးသမီးတယောက်ကဲ့သို့ အင်အားများဆုတ်လျှောအားနည်းနေခြင်းမျိုးဖြစ်နေသည်ကို သတိပြုမိစေရန်လိုအပ်ပါမည် တသားမွေးပီး တသွေးလှလာစေရန်အတွက် စောင့်ရှောက် ဖြည့်ဆီးမှုများလိုအပ်နေမည်ကို အမှတ်တမဲ့မနေမိစေရန်အတွက် လိုအပ်သော အာဟာရများ ပြည့်မီလာစေရန် ဖြည့်စီးစောင့်ရှောက်မှသာလျှင် တသွေးလှ၍နောက်တသားကောင်းစွာမွေးနိုင်ပေလိမ့်မည် ကုန်ခမ်းသွားသောအားအင်တွေကိုဘယ်လိုအာဟာရတွေလိုအပ်သလဲ ဘယ်လိုအချိန်မှာဘယ်လိုအာဟာရဓာတ်တွေလိုအပ်လိမ့်မယ်ဆိုတာသိရှိနားလည်ထားရင် နှစ်တိုင်းမွေး နှစ်တိုင်းကျွေး နှစ်တိုင်လှ အဲဒီသက်ရှိတွေရဲ့ ဇီဝကမ္မ သဘော သဘာဝ တွေကို သရက်ပင်စိုက်သူတိုင်း နားလည်ပေးတတ်ရင် အချို့သောအကြောင်းရင်းတွေကိုလွန်ဆံကျော်လွှားနိုင်ပါလိမ့်မည် ============================= ပြောချင်တဲ့အချက်က သရက်ပင်၏ပဌမရွက်နုကိုကောင်းစွာထုတ်ယူခြင်း ပဌမရွက်နုကိုပိုင်ပိုင်နိုင်နိုင်ထုတ်ယူခြင်းအပိုင်း =============================== (1)- --သရက်ပင်တွေမှာကုန်ဆုံးနေတဲ့ နိုက်ထရိုဂျင်---(N) ဖော့စပရပ်----(P) ပိုက်တက်စီယံ--(K) ဆိုတဲ့အပင်မှာအများဆုံးလိုအပ်တတ်တဲ့အာဟာရဓာတ်တွေပါဘဲ အဲဒီလိုဆိုတော့ (N P K)ဓာတ်တွေတညီထဲ တချိန်ထဲမှာသရက်ပင်အတွက်ထည့်ပေးရမှာလား အဲဒီလိုတော့မဟုတ်ဘူးခမျာ့ သူ့အချိန်ကာလနဲ့သူ သူလိုအပ်တဲ့အချိုးအဆကိုမြှင့်၍အချိုးကျအသုံးပြုပေးဘို့ပါဘဲခမျာ သိထားရမည့်အချက်က ================== (N) နိုက်ထဂျင်ဓာတ် -အညွန့်ထွက်စေသည် အပင်ကြီးထွားဖွံ့ဖြိုး မှုကိုလှုံ့ဆော်ပေးသည်(အကျဥ်း) (P) ဖော့စပရပ် -အမြစ်ဆင်းမှုကိုအားပေးသည် အမြစ် ဥတို့ကိုကြီးထွားဖွံ့ဖြိုးစေသည် -လိင်စိတ်တိုးပွား၍ ပန်းပွင့်ခြင်း အမြစ်စား ဥစားများအတွက် ဖွံဖြိုးတိုးတက်စေသည် အသီးများ ဥများအရည်အသွေးနှင့်ကြီးထွားမှုကိုအားပေးစေသည်(အကျဥ်း) (K) ပိုတက်စီယံ -Nနှင့်Pတို့ရဲ့လုပ်ဆောင်ချက်တွေကို ထိန်းပေး၍ အရွက် အဖူး အပွင့် အသီး ဥ တို့၏ အရည်အချင်းများဖြစ်သည့် အရောင်အသွေး အရသာ အနံ့ ကြီးထွားဖွံ့ဖြိုးခြင်းများကိုအားပေးသည်(အကျဥ်း) စသဖြင့်သိထားခြင်းအားဖြင့် မြေသြဇာ ကျွေးသည့်အချိန်မှာဖြစ်ဖြစ် ရွက်ဖျန်းအားဆေးအသုံးပြုသည့်အခါမှာဘဲဖြစ်ဖြစ် မကုန်သင့်တာ /ကုန်သင့်တာ တွက်ဆခြင်းဖြင့်  အလေအလွင့်မဖြစ်နိုင်တော့ပါ (ဥပမာ) အပင်ကြီးထွားချိန်ဖြစ်သည့် အညွန့်သစ်ကိုထုတ်ယူချိန်မှာ (15-15-15-)အချိုးမြေသြဇာနဲ့ (30-10-10)အချိုး မြေသြဇာ ဘယ်မြေသြဇာအချိုးက သရက်အညွန့်ကိုမြန်စွာထွက်စေနိုင်ပါသလဲ?/ မြေကြီးထဲမှာ အပင်ကြီးထွားချိန်မှာမလိုအပ်ဘဲ ဘယ်ဓာတ်​တွေကအပိုအဖြစ်အသုံးပြုထားလဲ ထိုသို့ချိန်ဆတတ် တွက်ဆတတ်မှသာ ကုန်ကျမှုနှင့်ထိရောက်မှုတွေတွက်ဆနိုင်ပါလိမ့်မယ်(အကျဥ်း) ============================= ပန်းပွင့်ဖြစ်လာစေရန်ကြိုတင်ဆောင်ရွက်သည်အချိန်မှာ (ဥပမာ) (15-15-15)မြေသြဇာအချိုးအဆနှင့် (10-30-10)သို့(10-30-20)မြေသြဇာအချိုးအဆသည် လိင်စိတ်ဖြစ်ထွန်းမှုကို ဘယ်အချိုးအဆကပို၍အားပေးနိုင်မလဲ မလိုအပ်ဘဲ ဘယ်ဓာတ်တွေကို အသုံးပြုမိနေသလဲ// နှိုင်းယှဥ်ချင်ချိန်၍ အသုံးပြုတတ်မည်ဆိုပါလျှင် သင်၏သရက်စိုက်ပျိုးရေးမှာ အကျိုးရှိမှုထိရောက်မှု များစွာကွာခြားနေမည်ကို သတိပြု၍ အကျိုးရှိအောင်အသုံးပြုတတ်စေရန်နှင့် စိုက်ပျိုးရေးသမားတယောက်ဖြစ်လာလျှင် (ဥာဏ်မသေဘို့အရေးကြီးသည်) သူများပါးစပ်ဖြားလမ်းမဆုံးအောင်အဖြေရှာတတ်ရပါမည် အဲဒီတော့ အဲဒီမြေသြဇာအချိုးအဆတွေ ဘယ်မှာရှာဝယ်မလဲမေးလာတဲ့အခါ ဒါလေးကိုအမြဲသတိရလိုပါ ဝယ်ရမည့်သဘော Nနိုက်ထရိုဂျင်(ပုလဲ 46%) Pဖော့စပရပ်(တီစူပါ 46%) Kပိုတက်စီယံ(ပိုတက် 60%) တအိပ်ခြင်းဝယ်ယူပီး မိမိလိုချင်သောအချိုးအဆရအောင်စပ်ယူပါ ဘယ်လိုရောစပ်ရမလဲဆိုရင် အချင်အတွယ် အသုံးမပြုရပါ အချိန်အတွယ်ဖြင့်တွက်ဆရပါမည် ကတ္တားဖြင့်အသုံးပြလျှင် အချိုးအဆမှန်သည် (ဥပမာ) တွက်နည်း (N P K 30-10-10)အချိုးအဆရောစပ်မည်ဆိုလျှင် (Kg)ရောစပ်နည်း ============== N-65-22-kg P-21-74-kg K-16-67-kg ==========. == ===== (N P K 30-10-20)အချိုးအဆရောစပ်မည်ဆိုလျှင် N-65-22-kg p-21-74-kg K-33-34-kg ထိုကဲ့သို့ ကိုယ်တိုင်ရောစပ်ခြင်းဖြင့် မှန်ကန်သောအချိုးအဆကိုရောစပ်၍အသုံးပြုခြင်းဖြင့်စိုက်ပျိုးသူတယောက်၏အရည်အချင်းတိုးတက်လာစေသလို အကျိုးသက်ရောက်မှုများနှင့် အကုန်အကျကိုလဲတွက်ဆနိုင်လာပါလိမ့်မည် =============================== -========

ဖတ်လို့မရပါ ဆရာ error ဖြစ်နေပါတယ် ထပ်မံဖြေကြားပေးစေလိုပါတယ်ရှင့်