ကြက်ဉ အဆင့်ဆင့် ပေါက်ပုံကိုရှင်းပြလို့ရနိုင်မလားရှင့်

3,859

လွန်ခဲ့သော ၁ နာရီ က · ပြင်ဦးလွင်

ဂန္ဓပန်းအခုမှစမ်းစိုက်ကြည့်မလို့ပါစိုက်ပျိုးနည်းစနစ်လေးသိချင်လို့ပါခင်ဗျာ

261,273 လွန်ခဲ့သော ၉ မိနစ် က

ဂန္ဓမာပန်းစိုက်ပျိုးနည်း ( Cultivation of Chrysanthemun)

လွန်ခဲ့သော ၃ နာရီ က · မကွေး

ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍

261,273 လွန်ခဲ့သော ၁၂ မိနစ် က

ပဲကြီး စိုက်ပျိုးနည်း

2,559

လွန်ခဲ့သော ၄ နာရီ က · ပြည်

ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ

လွန်ခဲ့သော ၄ နာရီ က · ညောင်ရွှေ

ဘာမြေသြဇာ ကျွေးရမလည်းဗျ

261,273 လွန်ခဲ့သော ၄ မိနစ် က

စပါးပင်သက်တမ်း (၁၄) ရက် (ပျိုးခင်း သို့မဟုတ် ရွှေ့ပြောင်းစိုက်ပြီးစ) သည် အမြစ်သစ်ပွားပြီး အပင်စတင်ကြီးထွားရန် နိုက်ထရိုဂျင်နှင့် ဖော့စဖရပ်ဓာတ် အလွန်လိုအပ်သော အချိန်ဖြစ်ပါတယ်။ မြေခံမြေဩဇာ မကျွေးရသေးပါက တီစူပါနှင့် ပိုတက်ရှ်ကို အမြန်ဆုံးကျွေးရမည်ဖြစ်ပြီး၊ အပင်အမြစ်စွဲအားကောင်းစေရန် ပုလဲ (ယူရီးယား) ကိုလည်း ပမာဏအနည်းငယ် စတင်ကျွေးနိုင်ပါတယ်။ စိုက်ပျိုးထားသည့် စပါးသည် ပျိုးခင်းလား သို့မဟုတ် ရွှေ့ပြောင်းစိုက်ခင်းလား၊ မြေခံကျွေးထားခြင်း ရှိ၊ မရှိနှင့် မြေအမျိုးအစားကို သိရမယ်ဆိုရင် ဒီထက် တိကျစွာ ဖြေပေးနိုင်မှာပါခင်ဗျာ။

1,569

လွန်ခဲ့သော ၁၆ နာရီ က · အုတ်ဖို

နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။

314,137 လွန်ခဲ့သော ၁၅ နာရီ က

မွှားပင့်ကူနီဟာ အိမ်တွင်းအလှစိုက်အပင်တွေမှာ ကျရောက်တတ်ပြီး ကာကွယ်နှိမ်နင်းဖို့ ခက်ခဲပါတယ်။ ၎င်းတို့ဟာ အပင်တွေပေါ်မှာနေထိုင်ပြီး အရွက်ကနေတစ်ဆင့် အပင်ရည်ကို စုပ်ယူစားသောက်ကြပါတယ်။ မွှားပင့်ကူနီကျရောက်ခြင်းရဲ့ ထင်ရှားတဲ့ လက္ခဏာကတော့ အရွက်တွေမှာ အညိုရောင် အစက်အပြောက်များနဲ့ ခြစ်ရာများကို တွေ့ရမှာ ဖြစ်ပါတယ်။ မွှားပင့်ကူနီဟာ ရေနဲ့ စိုထိုင်းဆများတာကို မကြိုက်တဲ့အတွက် ရေလောင်းပေးနိုင်ပါတယ်။ နေ့တိုင်းရေမလောင်းရင်တောင်မှ စိုထိုင်းဆရှိနေဖို့အတွက် ရေဖျန်းတဲ့ဗူး (ညှစ်တဲ့ဗူး) နဲ့ အပင်နဲ့ အပင်ပတ်ဝန်းကျင်ကို နေ့တိုင်းဖျန်းပေးသင့်ပါတယ်။ ဓာတုနည်းနဲ့ဆိုရင်တော့ ပိုးစေးနဲမှာ မျှဝေခဲ့သလိုပဲ သဘာဝဖက်တီးအက်စစ် (natural fatty acid) (သို့မဟုတ်) ဆာဖက်တန့် (surfactant) ပါဝင်တဲ့ ဆေးတွေအသုံးပြုနိုင်ပါတယ်။ https://greenwaymyanmar.com/articles/%E1%80%95%E1%80%AD%E1%80%AF%E1%80%B8%E1%80%99%E1%80%BD%E1%80%BE%E1%80%AC%E1%80%B8%E1%80%9B%E1%80%B1%E1%80%AC%E1%80%82%E1%80%AB/pest_on_houseplants

ဖြေလည်သော အဖြေရရှိပြီး

လွန်ခဲ့သော ၁၉ နာရီ က · ဝက်လက်

ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။

261,273 လွန်ခဲ့သော ၁၃ နာရီ က

ဤအဖြေဖြင့် ပြေလည်

ရွှေဘိုပေါ်ဆန်းသက်နုမျိုးစပါးကို ရမယ်ဆိုရင် ဩဂုတ်လထဲပျိုးထောင်ပြီး စိုက်မယ်ဆိုရင် ရပါသေးတယ်ခင်ဗျာ

လွန်ခဲ့သော ၂၁ နာရီ က · တံတားဦး

စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ

1,569 လွန်ခဲ့သော ၂၀ နာရီ က

ဒီစာအုပ်သာ ဖတ် ပြီးရင် အစိမ်း‌ေရာင်လမ်းမှာ ပြန်လာမေး မျိုးကောင်းမျိုးသန့်စိုက်ပျိုးထုတ်လုပ်ပုံနည်းလမ်း

လွန်ခဲ့သော ၂၂ နာရီ က · ရွာငံ

ကော်ဖီပင်ကို ဆားခါးထည့်လို့ရလား ဘယ်လိုထည့်ရမလဲ ဆရာတို့လမ်းညွှန်ပေးပါအုံး

39 လွန်ခဲ့သော ၂၁ နာရီ က

ကျေးဇူးပါဆရာ

314,137 လွန်ခဲ့သော ၂၁ နာရီ က

မဂ္ဂနီဆီယမ်ဓာတ် ချို့တဲ့နေတဲ့ လက္ခဏာပြရင်တော့ ထည့်လို့ရပါတယ်။ ရွက်ကြောတွေပဲ စိမ်းနေပြီး အရွက်က ဝါနေတဲ့ လက္ခဏာပါ။ ဒီလိုလက္ခဏာပြနေမယ် ဒါမှမဟုတ် မြေကြီးစစ်ဆေးလိုက်လို့ မဂ္ဂနီဆီယမ်ဓာတ်နည်းနေမယ်ဆိုရင် ထည့်နိုင်ပါတယ်။ မြေကြီးထဲကို ထည့်လို့ရသလို ရွက်ဖျန်းအနေနဲ့လည်း ထည့်နိုင်ပါတယ်။ သူက အများလို အဟာရဓာတ်ထဲမပါတဲ့အတွက် မများကြီးထည့်စရာမလိုပါဘူး။ ရေ ၄ ဂါလံပုံးတစ်ပုံးကို ဟင်းစားဇွန်း ၂ ဇွန်းမှ ၄ ဇွန်းခန့် ထည့်ဖျန်းနိုင်ပါတယ်။ အပင်ခြေမှာ ထည့်မယ်ဆိုရင်တော့ တစ်ပင်ကို ဟင်းစားဇွန်း တစ်ဇွန်းလောက်ထည့်ပေးနိုင်ပါတယ်။ မြေကြီးက အစိုဓာတ်ရှိနေရပါမယ်။ မလိုအပ်ဘဲ အများကြီးထည့်လိုက်ရင်တော့ အခြားလိုအပ်တဲ့ အဟာရတွေဖြစ်တဲ့ ကယ်ဆီယမ်နဲ့ ပိုတက်ဆီယမ်ဓာတ်တွေကို အပင်က မရယူနိုင်အောင် ပိတ်ပင်ပစ်နိုင်ပါတယ်။

326

လွန်ခဲ့သော ၁ ရက် က · ဘားအံ

ပွင့်ဖတ်ကမဖြူဘူးဘာကြောင့်မ ဖြူတာလဲ ဆေးသုံးဖို့လိုလာဗျာ ဖြေပေးပါဗျာ

326 လွန်ခဲ့သော ၆ နာရီ က

အနီရောင်ပိုးသေးသေးလေးတွေ ပြေးနေတာတွေ့လို့ဘာဆေးဖြန်းရမလဲ

1,569 လွန်ခဲ့သော ၂၀ နာရီ က

ဆေးလောင်တာ

326

လွန်ခဲ့သော ၁ ရက် က · ဘားအံ

အရွက်ကဘာဖြစ်တာလဲ ဆေးသုံးဖို့လိုမလာ ပြောပြပေးပါဗျာ

314,137 လွန်ခဲ့သော ၂၁ နာရီ က

အခုပုံစံမျိုးပါ။ ဆေးရည်တွေက အရွက်ဖျားတွေမှာ သွားအိုင်နေပြီး ပြင်းအားများသွားတာကြောင့် အပင်လောင်သွားတာပါ။

326 လွန်ခဲ့သော ၂၃ နာရီ က

အားဆေးနဲ့မိုသတ်ဆေး လောင်ရင်ဘယ်လိုပုံစံဖြစ်လဲဗျာ

103

လွန်ခဲ့သော ၁ ရက် က · မြောင်းမြ

ကွမ်းခြံက 2 လရှိပြီး အညွန့်ချိုးခြံပါ အောက်ခြံဆိုတော့စိမ့်ကိုင်နေလို စိမ့်မြောင်းတော့တူးထားတယ် အဲ့ဒါဘယ်လိုဆေးကျွေးပြီး ဘယ်လိုပြုပြင်ရမလဲဆိုတာ အကြံပေးပါအုန်းဗျား ""လေးစာစွာတင်ပြပါတယ်""

1,569 လွန်ခဲ့သော ၂၀ နာရီ က

မိုးတွင်းမှာတော့အမိုးကာကို လျော့သင့်တယ်

314,137 လွန်ခဲ့သော ၁ ရက် က

ကွမ်းမှာ ရောဂါဝင်တာတွေရဲ့ အဓိက အကြောင်းအရင်းက မြေကြီးအစိုဓာတ်မြင့်ရာကနေ စတယ်လို့ ပြောလို့ရပါတယ်။ စိမ့်မြောင်းတူးထားပြီး အစိုဓာတ်များနေသေးရင် စိမ့်မြောင်းကို ထပ်ပြီး နက်နက်လေး တူးပေးပါ။ ကွမ်းဘောင်ရဲ့ အောက် အနက် ၁ပေခွဲကနေ ၂ ပေလောက်ထိ တူးပေးပါ။ ပြီးရင် ရေနှုတ်မြောင်းတွေ သေချာအောင် စစ်ပြီး ပြုပြင်ပေးပါ။ ကွမ်းပင်ခြေကို ထရိုင်ကိုဒါးမားပါတဲ့ သဘာဝမြေဩဇာတို့ ဖွဲပြာတို့ ထည့်ပြီး ဘောင်လုံးပြီး မြေမြှင့်ပေးပါ။

လွန်ခဲ့သော ၁ ရက် က · ပုသိမ်ကြီး

စံပယ်ကအအေးပိုင်းဝင်သွားရင်အစာခိက်လုပ်မှု‌နေးကွေးသွားပြီးအဖူးမလိုက်တော့လို့ မြေပြင်အ‌ပူဓာတ်ရအောင်ဘယ်လိုပြုစုရမလဲ ဘာတွေထည့်ဖို့လိုသေးလဲပြောပြပေးပါအုံး

314,137 လွန်ခဲ့သော ၁ ရက် က

အအေးကာလရောက်လာတဲ့အချိန် မြေကြီးအပူဓာတ်ရနေအောင်ဆိုရင် မြေကြီးကို မြေဖုံးပေးခြင်း (Mulching) လုပ်ပေးပါ။ ဒါက အပူဓာတ်ကို ထိန်းပေးရာလည်းရောက်ပါတယ်။ အေးတဲ့ကာလတွေမှာ ရေလောင်းခြင်းကို ညနေပိုင်းမှာ လုပ်တာထက် မနက်ပိုင်းတွေမှာ ပြောင်းလဲလုပ်ဆောင်ပါ။ မြေကြီးထဲမှာရှိတဲ့ အဏုဇီဝတွေ အသက်ဝင်နေအောင် သဘာဝမြေသြဇာများ ထည့်သွင်းပေးပါ။ နောက် အမြစ်ရဲ့ ကြံခိုင်သန်စွမ်းမှုရှိနေအောင် Pနဲ့ K အချိုးမြင့်တဲ့ အဟာရများ ထည့်ပေးပါ။

လွန်ခဲ့သော ၁ ရက် က · ကျောင်းကုန်း

ကောက်ရိုးမှို ဘယ်လိုစိုက်ရမလဲ

314,137 လွန်ခဲ့သော ၁ ရက် က

ခေါင်းစဉ်တွေကို နှိပ်ပြီး လေ့လာလို့ရပါတယ်ဗျ။ ဂျပ်စက္ကူဖြင့် ကောက်ရိုးမှို စိုက်ပျိုးနည်း | ကောက်ရိုးမှိုကို ငှက်ပျောရွက်ခြောက်ဖြင့်စိုက်ပျိုးနည်း | ကောက်ရိုးမှိုကို ကျင်းဖြင့် စိုက်ပျိုးနည်း | ကောက်ရိုးမှိုစိုက်ပျိုးနည်း | ကောက်ရိုးမှို စီးပွားဖြစ်စိုက်ပျိုးတော့မယ်ဆိုရင် ဘာတွေ အထူးပြုလေ့လာထားသင့်လဲ...?

414

လွန်ခဲ့သော ၁ ရက် က · ပေါင်းတည်

ပဲပုတ်ကိုစပါးရိတ်သိမ်းအပြီးဆောင်းသီနှံအဖြစ်စိုက်လို့ရနိုင်လားဗျ ရေအခက်အခဲရှိတဲ့နေရာ‌တွေမှာရေမသွင်းပဲစိုက်လို့ရလားဆိုတာဖြေကြာပေးစေလိုပါခင်ဗျာ

414 လွန်ခဲ့သော ၁၁ နာရီ က

စိုက်ပျိုးချိန်ဘယ်အချိန်အကောင်းဆုံးလဲဗျ ရေသွင်းပေးရတယ်ဆိုကောဟုတ်လားဆရာ

314,137 လွန်ခဲ့သော ၁ ရက် က

ဟုတ်စိုက်လို့ရပါတယ်ဗျ။ ဧရာဝတီဘက်မှာလည်း ဒီလိုနည်းနဲ့ စိုက်ကြပါတယ်။ စပါးမရိတ်ခင် ၁-၂ ပတ်စောပြီး စိုက်လည်းရပါတယ်။ ခုတ်ဖုံးစနစ်လို့ ခေါ်ကြပါတယ်။

လွန်ခဲ့သော ၁ ရက် က · မိုးမိတ်

ဘယ်လိုလုပ်ရမလဲခင်ဗျ

1,098,193 လွန်ခဲ့သော ၁ ရက် က

စပါးပင်ခြေပုပ်/Stem rot (Sclerotium oryzae )သို့မဟုတ် sheath blight ဖြစ်နိုင်ပါတယ်။ ရေထုတ်ပါ။ပိုတက်စီယံမြေဩဇာကျွေးပါ။azoxystrobin+difenoconazole ဖျန်းပါ။

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ရေပန်းစားသော အကြောင်းအရာများ

စပါးပင်နှင့်အာဟာရ

စပါးပေါင်းသတ်ဆေးများ

စပါးမြေသြဇာကျွေးနည်း

စပါးစိုက်ပျိုးနည်း

စိုက်ပျိုးဗဟုသုတ

စပါးမျိုးများ

ပိုးသတ်ဆေးအေအိုင်များ

ကိုယ်တိုင်လုပ် သဘာဝမြေသြဇာများ

ငရုတ်စိုက်ပျိုးနည်း

အကျိုးပြုအဏုဇီဝ (အီးအမ်)

မေးခွန်း

လွန်ခဲ့သော ၁ နှစ် က · ပြင်ဦးလွင်

ကြက်ဉ အဆင့်ဆင့် ပေါက်ပုံကိုရှင်းပြလို့ရနိုင်မလားရှင့်

ကြက်ဉပေါက်ပုံအဆင့်ဆင့်

30,443 လွန်ခဲ့သော ၁ နှစ် က

ကြက်ဥမှ ကြက်ပေါက်သို့ ဖြစ်ပေါ်လာပုံ အဆင့်ဆင့် သိပံ္ပပညာရှင်များသည် ကြက်ကလေးဖြစ်ပေါ်လာပုံ အဆင့်ဆင့်ကို လေ့လာခဲ့ကြရာ (21)ရက်အတွင်း ပြည့်စုံသော အကောင်ဖြစ်ပေါ်လာသောကြောင့် လေ့လာမှု မြန်ဆန်၏။ အချို့က ကြက်မဝပ်ပေးခြင်းသည် ကောင်းသည်ဆိုသော်လည်း ဖောက်စက်က သာလွန်သည်ဟု ယူဆကြပါသည်။ ကြက်မလုပ်မပေးနိုင်သော အခြေအနေများကို ဖောက်စက်က လုပ်ပေးနိုင်သည့်အပြင် မပြောင်းလဲသော ပုံမှန်ကို ရရှိစေပါသည်။ ယခင်ကဖောက်စက်အတွင်းရှိ ဥများကို ထုတ်ပြီး ရံဖန်ရံခါ အအေးပေးလေ့ရှိပါသည်။ ကြက်မကြီး ဥမှ ခေတ္တဖယ်ခွာသွားချိန်ကို တု၍လုပ်ခြင်း ဖြစ်ပါသည်။ ခုချိန်တွင် မလိုကြောင်း တွေ့ရှိလာပါသည်။ ကြက်ဥ ပေါက်ရန် (21) ရက် ငုံး (22) ရက် ခွဲ ကြက်ဆင် (28) ရက် ဘဲ (28) ရက် ရေကြက် (28) ရက် ငန်း (30) ရက် ရစ် (23) ရက် ခွဲ ကြက်ဥအနှစ်သည် ဥအိမ်မှပြုတ်ကျလာချင်း ဥပြွန်တွင်းသို့ ဝင်ရောက်လာသည်။ ယင်းနေရာ၌ အသင့်စောင့်နေသော အထီးသုတ်ပိုးနှင့် ပူးပေါင်း၍ မျိုးအောင်၏။ မျိုးအောင်ထားသော သန္ဓေပါရှိသည့် ဥအနှစ်သည် တဖြည်းဖြည်း လိမ့်ဆင်းလာရာ အကာနှင့် အခွံ့များ ရရှိလာပါသည်။ အကာနှင့် အခွံပြည့်စုံရန် နာရီ (20)ကြာ၏။ ထို့ကြောင့် မျိုးဥထွက်ကျလာချိန်တွင် သန္ဓေသားသည် (20)နာရီ ကြီးပွားခဲ့ပြီး ဖြစ်လေသည်။ ကြက်ဥစိမ်း / ပြုတ်ပြီးသားက်ို ခွဲကြည့်လျှင် ဥနှင့် မျက်နှာပြင်ပေါ်တွင် အဖြူစက်လေးတစ်စက် တွေ့ရပေမည်။ လေဥတွင် အမဝတ်မှုံသာရှိပြီး ယင်းအစက်သည် သေးငယ်လှ၏။ အျိုးအောင်ထားသောဥတွင် သန္ဓေသားဖြစ်နေရုံ မက အနည်းဆုံး နာရီ(20)ကြီးထွားခဲ့ပြီးဖြစ်၍ မျက်စိဖြင့် သိသိသာသာမြင်တွေ့နိုင်သည်။ ယင်းသန္ဓေသား အစက်ကလေးကို (ပလပ်စ်တိုတမ်)ဟုခေါ်ပါသည်။ ဥနှစ် နှင့် အကာတို့သည် ယင်းသန္ဓေသားအတွက် အကာအရံနှင့် အစာအဟာရဖြစ်၏။ အပြင်သို့ ရောက်ရှိလာသော မျိးဥသည် (55° F) အထိ အေးစေသောအခါ သန္ဓေသားကြီးထွားမှု ရပ်တန့်နေတော့၏။ အပူချိန် (80-100)ကြားတွင် သန္ဓေသားဆက်လက် ကြီးထွား၏။ မျိုးအောင်အောင်ခြင်း သန္ဓေသားသည် ကလပ်စည်းတစ်ခုမှ နှစ်ခု ၊ နှစ်ခုမှ လေးခု စသည်ဖြင့် ဆပွားလာရာ မျိုးအောင်ပြီး (8)နာရီကြာ (သားအိတ်တွင်းရှိဆဲ)တွင် ကလပ်စည်းပေါင်း (346)လုံးရှိလာတော့၏။ ဥပြီးကာစတွင် သန္ဓေသားသည် အလွှာနှစ်လွှာ အဖြစ်သို့ ပုံပြောင်းလာ၏။ ဖောက်စက်အတွင်းသို့့ ထည့်လိုက်ပြီး မကြာမီမှာ ယင်းနှစ်လွှာ မှ သုံးလွှာအဖြစ်သို့ ပြောင်းလာ၏။ အပြင်ဆုံးကလပ်စည်း (အက်ဒိုတမ်)အလွှာမှ အရေပြား အမွှေး ခြေသည်း နှုတ်သီး မျက်လုံးမှန် အာရုံကြောများ စအို နှင့် ပါးစပ်၏ အတွင်းမှေးများ ဖြစ်လာ၏။ အလယ်လွှာ ကလပ်စည်း (မီဆိုတမ်)မှ မျိုးပွားအင်္ဂါများ အညစ်အကြေးစွန့်အင်္ဂါများ အရိုးများ သွေးများ ကြွက်သားတို့ ဖြစ်ပေါ်လာ၏။ အတွင်းသုံးလွှာ ကလပ်စည်း (အင်ဒိုတမ်)မှ အသက်ရှုလမ်းကြောင်း၏ အတွင်းမှေးများ အူလမ်းကြောင်းအတွင်းမှေးများ ဟိုမုန်းထုတ်လုပ်သည့် ဂလင်းများဖြစ်ပေါ်လာ၏။ ဖောက်စက်အတွင်းတွင် လေးရက်ကြာသောအခါ သန္ဓေသားကို ဖုံးအုပ်သော အလွှာတစ်လွှာ(အမ်မီယွန်) ပေါ်လာ၏။ ယင်းအလွှာနှင့် သန္ဓေသားကြား အရည်ဖြင့်ပြည့်နေ၏။ ထိုအရည်သည် သန္ဓေသားလှုပ်ရှားမှုကို လွတ်လပ်စေသည့်အပြင် ထိခိုက်မှုမှ ကာကွယ်ပေး၏။ အခြားမျက်နှာပြင်တွင် တွယ်ကပ်မှုမရှိစေရန်လည်းဖြစ်၏။ အမ်မီယွန်အမှေးပေါ်သို့ နောက်ထပ်တစ်လွှာ (အလန်တိုးအစ်) ဖြစ်ပေါ်ဖုံးအုပ်လာ၏။ ယင်းအလွှာသည် အိတ်သဖွယ် ကြက်ဥ ပတ်ပတ်လည်သို့ ပြန့်သွား၏။ ဤအလွှာသည် ကြက်ဥခွံ ကြက်ဥအတွင်းမှေးနှင့် ကပ်နေ၍ အပြင်လေထုရှိ အောက်ဆီဂျင်ကို ကြက်သန္ဓေကလေးသို့ ဖမ်းယူပေး၏။ ယင်းအလွှာတွင် သွေးကြောငယ်များ ရှိနေပြီဖြစ်၏။ ကြက်သားလောင်းလေးမှ ဖြစ်ပေါ်လာသော မလိုလားအပ်သည့် ကာဘွန်ဒိုင်အောက်ဆိုဒ်ကို ကြက်ဥခွံ၏ အပြင်သို့ ထုတ်လွှတ်ပေး၏။ ထို့ကြောင့် ဤအလန်တိုးအစ်အမှေးသည် ကြက်သားလောင်းအတွက် အဆုပ်သဖွယ် ဓာတ်ငွေ့များ ဖလှယ်ပေးနိုင်သည့်အပြင် ကြက်သားလောင်း၏ အရိုးအတွက် လိုအပ်သော ကယ်လီစီယမ်ဓာတ်ကိုလည်း ကြက်ဥခွံမှ စုပ်ပို့ပေး၏။ ကြက်သားလောင်းသည် ကြက်ဥအကာမှ ပရိုတင်းဓာတ်များ ယူသုံး၍ အညစ်အကြေးအဖြစ် ယူရစ်အက်စစ် ဖြစ်ပေါ်လာ၏။ ယင်းအညစ်အကြေးသည် အဖြူဖတ်ကလေးများအဖြစ် အလန်တိုးအစ်မှေးတွင် ကပ်နေ၏။ ကြက်ဥအနှစ်ကို ဖုံးအုပ်ထားသော အမှေးတစ်ခုလည်း ဖြစ်ပေါ်ပြီး ကြက်သားလောင်း၏ ချက်တိုင်တွင် အခြားအမှေးနှင့်အတူ စုဝင်၏။ ယင်းအမှေးတွင်လည်း သွေးကြောများရှိ၍ ကြက်သားလောင်းသို့ ဥနှစ်နှင့် အကာမှ အဟာရများ ပို့ပေး၏။ အကောင်မပေါက်မီ(2)ရက်ခန့်တွင် အမ်မီယွန်အရည်များနှင့် ဥနှစ်မှ အရည်များကို ကြက်သားလောင်း ခန္ဓာကိုယ်မှ စုပ်ယူလိုက်၏။ ဥနှစ်တစ်ခုလုံးကို ကြက်သားလောင်း၏ ဝမ်းဗိုက်အတွင်းသို့ ဆွဲသွင်း၏ ။ ပေါက်ပေါက်ခြင်း ကြက်ငယ်ကို ခွဲကြည့်သော် အူတွင်ကပ်နေသည့် ဥနှစ်အိတ်ကို တွေ့နိုင်၏။ အူမှ ဥနှစ်ကို စုပ်ယုစားသုံး၏။ ဥနှစ်အိတ်သည် အူ၏အပြင်နံရံတွင် အမာရွတ်သဖွယ် ကျန်ရစ်ခဲ့၏။ ကြက်ကြီးများ၌ပင် ယင်းအမာရွတ်ကို ရှာတွေ့နိုင်ပါသည်။ ဖောက်စက်အတွင်းမျိုးဥများသည် အနည်းဆုံး (13%)သေကြေပျက်စီး ကြပါသည်။ ထိုသေကြေမှု၏ (16%)သည် ဖောက်စက်တွင်းထည့်ပြီး (4)ရက်ဝန်းကျင်တွင် ဖြစ်၏။ ဖောက်စက်အတွင်း (19)ရက်အကြာတွင် သေကြေမှု၏(48%)ဖြစ်၏။ ကျန်ရာနှုန်းသည် ကျန်ရက်များပေါ်တွင်ဖြစ်၏။ ထို(19)ရက်တွင် ကြက်သားလောင်း၏ ကိုယ်တွင်းသို့ အရည်များစတင်စုပ်ယူချိန် ဥနှစ်ကို ကိုယ်တွင်းသို့ စတင်ဆွဲသွင်းချိန်၊ အဆုပ်လည်း အလုပ်လုပ်ရန် စတင်ပြင်ဆင်ချိန်။ နှုတ်သီးသည် လေအိတ်တွင်းသို့ ထိုးသွင်းချိန်ဖြစ်၏ သေရသည့်အကြောင်းရင်းကို တိတိကျကျ မသိရသေးပါ။ ဒေါက်တာစိုင်းစံအိုက်(အမျိုးသားစာပေဆုရ) ဒေသကြက်မွေးမြူရေး ခေတ်မီကြက်မွေးမြူရေး စာအုပ်မှ ထုတ်နှုတ်တင်ပြပါသည်။

မေးခွန်း

မေးခွန်းမေးရန်

ကြိုဆိုပါသည်