စိုက်ပျိုးရေးပညာရှင်များ ခင်မျာ့ သိချင်တာလေးမေးပါရစေ။ယခုစပါးမျိုးသစ် ငွေတိုး ဟုခ...

ဖြေလည်သော အဖြေရရှိပြီး

3,861

လွန်ခဲ့သော ၃ နာရီ က · ပြင်ဦးလွင်

ဂန္ဓပန်းအခုမှစမ်းစိုက်ကြည့်မလို့ပါစိုက်ပျိုးနည်းစနစ်လေးသိချင်လို့ပါခင်ဗျာ

261,636 လွန်ခဲ့သော ၂ နာရီ က

ဤအဖြေဖြင့် ပြေလည်

ဂန္ဓမာပန်းစိုက်ပျိုးနည်း ( Cultivation of Chrysanthemun)

လွန်ခဲ့သော ၅ နာရီ က · မကွေး

ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍

261,636 လွန်ခဲ့သော ၂ နာရီ က

ပဲကြီး စိုက်ပျိုးနည်း

2,559

လွန်ခဲ့သော ၇ နာရီ က · ပြည်

ချီးပါနေတဲ့အကောင်ပါ2လသားကျော်ကာစပါ အသားရဲတယ်အစာအံနေလို့ပါ

လွန်ခဲ့သော ၇ နာရီ က · ညောင်ရွှေ

ဘာမြေသြဇာ ကျွေးရမလည်းဗျ

261,636 လွန်ခဲ့သော ၂ နာရီ က

စပါးပင်သက်တမ်း (၁၄) ရက် (ပျိုးခင်း သို့မဟုတ် ရွှေ့ပြောင်းစိုက်ပြီးစ) သည် အမြစ်သစ်ပွားပြီး အပင်စတင်ကြီးထွားရန် နိုက်ထရိုဂျင်နှင့် ဖော့စဖရပ်ဓာတ် အလွန်လိုအပ်သော အချိန်ဖြစ်ပါတယ်။ မြေခံမြေဩဇာ မကျွေးရသေးပါက တီစူပါနှင့် ပိုတက်ရှ်ကို အမြန်ဆုံးကျွေးရမည်ဖြစ်ပြီး၊ အပင်အမြစ်စွဲအားကောင်းစေရန် ပုလဲ (ယူရီးယား) ကိုလည်း ပမာဏအနည်းငယ် စတင်ကျွေးနိုင်ပါတယ်။ စိုက်ပျိုးထားသည့် စပါးသည် ပျိုးခင်းလား သို့မဟုတ် ရွှေ့ပြောင်းစိုက်ခင်းလား၊ မြေခံကျွေးထားခြင်း ရှိ၊ မရှိနှင့် မြေအမျိုးအစားကို သိရမယ်ဆိုရင် ဒီထက် တိကျစွာ ဖြေပေးနိုင်မှာပါခင်ဗျာ။

1,569

လွန်ခဲ့သော ၁၈ နာရီ က · အုတ်ဖို

နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။

314,138 လွန်ခဲ့သော ၁၈ နာရီ က

မွှားပင့်ကူနီဟာ အိမ်တွင်းအလှစိုက်အပင်တွေမှာ ကျရောက်တတ်ပြီး ကာကွယ်နှိမ်နင်းဖို့ ခက်ခဲပါတယ်။ ၎င်းတို့ဟာ အပင်တွေပေါ်မှာနေထိုင်ပြီး အရွက်ကနေတစ်ဆင့် အပင်ရည်ကို စုပ်ယူစားသောက်ကြပါတယ်။ မွှားပင့်ကူနီကျရောက်ခြင်းရဲ့ ထင်ရှားတဲ့ လက္ခဏာကတော့ အရွက်တွေမှာ အညိုရောင် အစက်အပြောက်များနဲ့ ခြစ်ရာများကို တွေ့ရမှာ ဖြစ်ပါတယ်။ မွှားပင့်ကူနီဟာ ရေနဲ့ စိုထိုင်းဆများတာကို မကြိုက်တဲ့အတွက် ရေလောင်းပေးနိုင်ပါတယ်။ နေ့တိုင်းရေမလောင်းရင်တောင်မှ စိုထိုင်းဆရှိနေဖို့အတွက် ရေဖျန်းတဲ့ဗူး (ညှစ်တဲ့ဗူး) နဲ့ အပင်နဲ့ အပင်ပတ်ဝန်းကျင်ကို နေ့တိုင်းဖျန်းပေးသင့်ပါတယ်။ ဓာတုနည်းနဲ့ဆိုရင်တော့ ပိုးစေးနဲမှာ မျှဝေခဲ့သလိုပဲ သဘာဝဖက်တီးအက်စစ် (natural fatty acid) (သို့မဟုတ်) ဆာဖက်တန့် (surfactant) ပါဝင်တဲ့ ဆေးတွေအသုံးပြုနိုင်ပါတယ်။ https://greenwaymyanmar.com/articles/%E1%80%95%E1%80%AD%E1%80%AF%E1%80%B8%E1%80%99%E1%80%BD%E1%80%BE%E1%80%AC%E1%80%B8%E1%80%9B%E1%80%B1%E1%80%AC%E1%80%82%E1%80%AB/pest_on_houseplants

ဖြေလည်သော အဖြေရရှိပြီး

လွန်ခဲ့သော ၂၁ နာရီ က · ဝက်လက်

ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။

261,636 လွန်ခဲ့သော ၁၅ နာရီ က

ဤအဖြေဖြင့် ပြေလည်

ရွှေဘိုပေါ်ဆန်းသက်နုမျိုးစပါးကို ရမယ်ဆိုရင် ဩဂုတ်လထဲပျိုးထောင်ပြီး စိုက်မယ်ဆိုရင် ရပါသေးတယ်ခင်ဗျာ

လွန်ခဲ့သော ၂၃ နာရီ က · တံတားဦး

စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ

1,569 လွန်ခဲ့သော ၂၃ နာရီ က

ဒီစာအုပ်သာ ဖတ် ပြီးရင် အစိမ်း‌ေရာင်လမ်းမှာ ပြန်လာမေး မျိုးကောင်းမျိုးသန့်စိုက်ပျိုးထုတ်လုပ်ပုံနည်းလမ်း

လွန်ခဲ့သော ၁ ရက် က · ရွာငံ

ကော်ဖီပင်ကို ဆားခါးထည့်လို့ရလား ဘယ်လိုထည့်ရမလဲ ဆရာတို့လမ်းညွှန်ပေးပါအုံး

39 လွန်ခဲ့သော ၁ ရက် က

ကျေးဇူးပါဆရာ

314,138 လွန်ခဲ့သော ၁ ရက် က

မဂ္ဂနီဆီယမ်ဓာတ် ချို့တဲ့နေတဲ့ လက္ခဏာပြရင်တော့ ထည့်လို့ရပါတယ်။ ရွက်ကြောတွေပဲ စိမ်းနေပြီး အရွက်က ဝါနေတဲ့ လက္ခဏာပါ။ ဒီလိုလက္ခဏာပြနေမယ် ဒါမှမဟုတ် မြေကြီးစစ်ဆေးလိုက်လို့ မဂ္ဂနီဆီယမ်ဓာတ်နည်းနေမယ်ဆိုရင် ထည့်နိုင်ပါတယ်။ မြေကြီးထဲကို ထည့်လို့ရသလို ရွက်ဖျန်းအနေနဲ့လည်း ထည့်နိုင်ပါတယ်။ သူက အများလို အဟာရဓာတ်ထဲမပါတဲ့အတွက် မများကြီးထည့်စရာမလိုပါဘူး။ ရေ ၄ ဂါလံပုံးတစ်ပုံးကို ဟင်းစားဇွန်း ၂ ဇွန်းမှ ၄ ဇွန်းခန့် ထည့်ဖျန်းနိုင်ပါတယ်။ အပင်ခြေမှာ ထည့်မယ်ဆိုရင်တော့ တစ်ပင်ကို ဟင်းစားဇွန်း တစ်ဇွန်းလောက်ထည့်ပေးနိုင်ပါတယ်။ မြေကြီးက အစိုဓာတ်ရှိနေရပါမယ်။ မလိုအပ်ဘဲ အများကြီးထည့်လိုက်ရင်တော့ အခြားလိုအပ်တဲ့ အဟာရတွေဖြစ်တဲ့ ကယ်ဆီယမ်နဲ့ ပိုတက်ဆီယမ်ဓာတ်တွေကို အပင်က မရယူနိုင်အောင် ပိတ်ပင်ပစ်နိုင်ပါတယ်။

326

လွန်ခဲ့သော ၁ ရက် က · ဘားအံ

ပွင့်ဖတ်ကမဖြူဘူးဘာကြောင့်မ ဖြူတာလဲ ဆေးသုံးဖို့လိုလာဗျာ ဖြေပေးပါဗျာ

326 လွန်ခဲ့သော ၈ နာရီ က

အနီရောင်ပိုးသေးသေးလေးတွေ ပြေးနေတာတွေ့လို့ဘာဆေးဖြန်းရမလဲ

1,569 လွန်ခဲ့သော ၂၃ နာရီ က

ဆေးလောင်တာ

326

လွန်ခဲ့သော ၁ ရက် က · ဘားအံ

အရွက်ကဘာဖြစ်တာလဲ ဆေးသုံးဖို့လိုမလာ ပြောပြပေးပါဗျာ

314,138 လွန်ခဲ့သော ၁ ရက် က

အခုပုံစံမျိုးပါ။ ဆေးရည်တွေက အရွက်ဖျားတွေမှာ သွားအိုင်နေပြီး ပြင်းအားများသွားတာကြောင့် အပင်လောင်သွားတာပါ။

326 လွန်ခဲ့သော ၁ ရက် က

အားဆေးနဲ့မိုသတ်ဆေး လောင်ရင်ဘယ်လိုပုံစံဖြစ်လဲဗျာ

103

လွန်ခဲ့သော ၁ ရက် က · မြောင်းမြ

ကွမ်းခြံက 2 လရှိပြီး အညွန့်ချိုးခြံပါ အောက်ခြံဆိုတော့စိမ့်ကိုင်နေလို စိမ့်မြောင်းတော့တူးထားတယ် အဲ့ဒါဘယ်လိုဆေးကျွေးပြီး ဘယ်လိုပြုပြင်ရမလဲဆိုတာ အကြံပေးပါအုန်းဗျား ""လေးစာစွာတင်ပြပါတယ်""

1,569 လွန်ခဲ့သော ၂၂ နာရီ က

မိုးတွင်းမှာတော့အမိုးကာကို လျော့သင့်တယ်

314,138 လွန်ခဲ့သော ၁ ရက် က

ကွမ်းမှာ ရောဂါဝင်တာတွေရဲ့ အဓိက အကြောင်းအရင်းက မြေကြီးအစိုဓာတ်မြင့်ရာကနေ စတယ်လို့ ပြောလို့ရပါတယ်။ စိမ့်မြောင်းတူးထားပြီး အစိုဓာတ်များနေသေးရင် စိမ့်မြောင်းကို ထပ်ပြီး နက်နက်လေး တူးပေးပါ။ ကွမ်းဘောင်ရဲ့ အောက် အနက် ၁ပေခွဲကနေ ၂ ပေလောက်ထိ တူးပေးပါ။ ပြီးရင် ရေနှုတ်မြောင်းတွေ သေချာအောင် စစ်ပြီး ပြုပြင်ပေးပါ။ ကွမ်းပင်ခြေကို ထရိုင်ကိုဒါးမားပါတဲ့ သဘာဝမြေဩဇာတို့ ဖွဲပြာတို့ ထည့်ပြီး ဘောင်လုံးပြီး မြေမြှင့်ပေးပါ။

လွန်ခဲ့သော ၁ ရက် က · ပုသိမ်ကြီး

စံပယ်ကအအေးပိုင်းဝင်သွားရင်အစာခိက်လုပ်မှု‌နေးကွေးသွားပြီးအဖူးမလိုက်တော့လို့ မြေပြင်အ‌ပူဓာတ်ရအောင်ဘယ်လိုပြုစုရမလဲ ဘာတွေထည့်ဖို့လိုသေးလဲပြောပြပေးပါအုံး

314,138 လွန်ခဲ့သော ၁ ရက် က

အအေးကာလရောက်လာတဲ့အချိန် မြေကြီးအပူဓာတ်ရနေအောင်ဆိုရင် မြေကြီးကို မြေဖုံးပေးခြင်း (Mulching) လုပ်ပေးပါ။ ဒါက အပူဓာတ်ကို ထိန်းပေးရာလည်းရောက်ပါတယ်။ အေးတဲ့ကာလတွေမှာ ရေလောင်းခြင်းကို ညနေပိုင်းမှာ လုပ်တာထက် မနက်ပိုင်းတွေမှာ ပြောင်းလဲလုပ်ဆောင်ပါ။ မြေကြီးထဲမှာရှိတဲ့ အဏုဇီဝတွေ အသက်ဝင်နေအောင် သဘာဝမြေသြဇာများ ထည့်သွင်းပေးပါ။ နောက် အမြစ်ရဲ့ ကြံခိုင်သန်စွမ်းမှုရှိနေအောင် Pနဲ့ K အချိုးမြင့်တဲ့ အဟာရများ ထည့်ပေးပါ။

လွန်ခဲ့သော ၁ ရက် က · ကျောင်းကုန်း

ကောက်ရိုးမှို ဘယ်လိုစိုက်ရမလဲ

314,138 လွန်ခဲ့သော ၁ ရက် က

ခေါင်းစဉ်တွေကို နှိပ်ပြီး လေ့လာလို့ရပါတယ်ဗျ။ ဂျပ်စက္ကူဖြင့် ကောက်ရိုးမှို စိုက်ပျိုးနည်း | ကောက်ရိုးမှိုကို ငှက်ပျောရွက်ခြောက်ဖြင့်စိုက်ပျိုးနည်း | ကောက်ရိုးမှိုကို ကျင်းဖြင့် စိုက်ပျိုးနည်း | ကောက်ရိုးမှိုစိုက်ပျိုးနည်း | ကောက်ရိုးမှို စီးပွားဖြစ်စိုက်ပျိုးတော့မယ်ဆိုရင် ဘာတွေ အထူးပြုလေ့လာထားသင့်လဲ...?

414

လွန်ခဲ့သော ၁ ရက် က · ပေါင်းတည်

ပဲပုတ်ကိုစပါးရိတ်သိမ်းအပြီးဆောင်းသီနှံအဖြစ်စိုက်လို့ရနိုင်လားဗျ ရေအခက်အခဲရှိတဲ့နေရာ‌တွေမှာရေမသွင်းပဲစိုက်လို့ရလားဆိုတာဖြေကြာပေးစေလိုပါခင်ဗျာ

414 လွန်ခဲ့သော ၁၃ နာရီ က

စိုက်ပျိုးချိန်ဘယ်အချိန်အကောင်းဆုံးလဲဗျ ရေသွင်းပေးရတယ်ဆိုကောဟုတ်လားဆရာ

314,138 လွန်ခဲ့သော ၁ ရက် က

ဟုတ်စိုက်လို့ရပါတယ်ဗျ။ ဧရာဝတီဘက်မှာလည်း ဒီလိုနည်းနဲ့ စိုက်ကြပါတယ်။ စပါးမရိတ်ခင် ၁-၂ ပတ်စောပြီး စိုက်လည်းရပါတယ်။ ခုတ်ဖုံးစနစ်လို့ ခေါ်ကြပါတယ်။

လွန်ခဲ့သော ၁ ရက် က · မိုးမိတ်

ဘယ်လိုလုပ်ရမလဲခင်ဗျ

1,098,193 လွန်ခဲ့သော ၁ ရက် က

စပါးပင်ခြေပုပ်/Stem rot (Sclerotium oryzae )သို့မဟုတ် sheath blight ဖြစ်နိုင်ပါတယ်။ ရေထုတ်ပါ။ပိုတက်စီယံမြေဩဇာကျွေးပါ။azoxystrobin+difenoconazole ဖျန်းပါ။

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ရေပန်းစားသော အကြောင်းအရာများ

စပါးပင်နှင့်အာဟာရ

စပါးပေါင်းသတ်ဆေးများ

စပါးမြေသြဇာကျွေးနည်း

စပါးစိုက်ပျိုးနည်း

စိုက်ပျိုးဗဟုသုတ

စပါးမျိုးများ

ပိုးသတ်ဆေးအေအိုင်များ

ကိုယ်တိုင်လုပ် သဘာဝမြေသြဇာများ

ငရုတ်စိုက်ပျိုးနည်း

အကျိုးပြုအဏုဇီဝ (အီးအမ်)

မေးခွန်း

121

လွန်ခဲ့သော ၉ လ က · ဖြူး

စိုက်ပျိုးရေးပညာရှင်များ ခင်မျာ့ သိချင်တာလေးမေးပါရစေ။ယခုစပါးမျိုးသစ် ငွေတိုး ဟုခေါ်သောစပါးသည် စျေးကွက်ရှိလားမရှိလားသိချင်ပါသည် ။ပြီးတော့ နောင်တွင် စိုက်ပျိုးရန် သင့်မသင့်လေးပါ ဖြေကြားပေးပါခင်မျာ။

စိုက်ပျိုး/မွေးမြူရေး စီးပွား အကြံပြုချက်များ

261,636 လွန်ခဲ့သော ၉ လ က

သယ်ယူဖို့ကားတွေဘာတွေနဲ့ အဆင်ပြေမှ ပဲရမှာလေ။ အဲဒါထက် လယ်သမားတွေက အဲဒီဆန် စက်တွေနဲ့ ချိတ်ဆက်တာက နည်းတယ်လေ။ ကုန်သည်ကိုပဲရောင်းတာများတယ်။ အလုပ်မပို တော့ဘူးလေ။ ပွဲစားတွေထိုးရောင်းလိုက်တာပေါ့။ အစိုဓာတ်နဲ့ဆိုရင်လည်း အစိုဓာတ် (၁၅) ရာခိုင်နှုန်း ပဲကျန်တယ်ဆို ရောင်းပစ်လိုက်တယ်။ ပွဲစားတွေက စပါးကို တချို့အဖျင်းနည်းနည်းပါးပါးပါရင်တောင် ဈေးနှိမ်ခံရတယ်"ဟု ဧရာဝတီတိုင်းဒေသကြီးမှ လယ်သမားတစ်ဦးက ပြောသည်။ (၂၀၂၅-၂၀၂၆) ဘဏ္ဍာနှစ် ပထမ (၆) လပတ်အတွင်း ဆန်/ ဆန်ကွဲ တန်ချိန် (၁၂) သိန်း တင်ပို့ရန် လျာထားသည့်အနက် စက်တင်ဘာ ၃၀ ရက် အထိ ဆန်/ ဆန်ကွဲတန်ချိန် (၁ယ၂၀၆,၄၀၈) တန် တင်ပို့နိုင်ခဲ့ပြီး အမေရိကန် ဒေါ်လာ (၄၀၈) သန်း ဝန်းကျင်ရရှိခဲ့ကြောင်း မြန်မာနိုင်ငံဆန်စပါးအသင်းချုပ်က ထုတ်ပြန်ထား သည်။

261,636 လွန်ခဲ့သော ၉ လ က

ကထိန်ခင်းချင်တာတို့ အလှူလေးလုပ်ချင် တာတို့တောင်မလုပ်နိုင်တဲ့အပြင် အရှုံးကိုဘယ်လို ပြန်ဖာရမလဲစဉ်းစားရတာနဲ့တင် လုံးလည် ချာလည် လိုက်နေကြတယ်။ အခုနှစ်က ကျွန်တော်တို့ဘက်ကမှ မြေပဲစိုက်တဲ့လူတွေကလည်း တိုင်ပတ်တယ်။ နောက်ပြီး ဒီစပါးကလည်း အရှုံးပဲ။ မတ်ပဲကလည်း စပါးရိတ်ပြီးတော့ မိုးများပြီးရေတွေနဲ့ဆိုတော့ လုပ်မရ ဘူး။ ဒီနှစ်ကတော့ အဆိုးဆုံးနှစ်ပေါ့။ ငယ်တဲ့လူတွေ ကတော့ ဒီလယ်ကိုလုပ်လည်းဘာမှမရမယ့်အတူ နိုင် ငံခြားထွက်တဲ့လူကလည်းထွက်ကုန်ပြီ။ ရွာတစ်ရွာမှာ လူငယ်က (၂၅) ရာခိုင်နှုန်း လောက် ပဲရှိတော့မယ်"ဟု အထက်ပါလယ်သမားက ပြောသည်။ ယခုနှစ် (၂၀၂၅) နှစ်ဆန်းပိုင်းမှစတင်၍ နိုင်ငံတကာဈေးကွက်တွင် ဆန်ဈေးနှုန်းများ ကျဆင်း နေသည့်အတွက် ပြည်ပသို့ တင်ပို့သည့် ဧည့်မထ၊ ငစိန် စပါးမျိုးများမှာ အမျိုးအစား၊ အရည်အသွေးပေါ် အခြေခံ၍ ဈေးနှုန်းကွာခြားမှုရှိသဖြင့် ပြည်တွင်းပြည်ပ ဈေးကွက်မှ လိုအပ်သော စပါးမျိုးများကို ရွေးချယ် စိုက်ပျိုးခြင်း၊ မြို့နယ်အသီးသီးရှိ ဆန်စက်များထံသို့ တိုက်ရိုက် တင်ပို့ရောင်းချခြင်း၊ တောင်သူများ အနေဖြင့် တစ်ဦး တစ်ယောက်ချင်း ကွင်းဝယ်လက် များ၊ အကျိုးဆောင်များကို ရောင်းချခြင်းထက် တောင်သူများ စုပေါင်း၍ ဆန်စက်များ၊ ကုမ္ပဏီများထံ တိုက်ရိုက်ညှိနှိုင်း တင်ပို့ရောင်းချခြင်းတို့ကို ဆောင် ရွက်ခြင်းဖြင့် ဈေးနှုန်း ပိုမိုရရှိနိုင်ခြင်း၊ မိမိတို့ ဒေသ အသီးသီးရှိ ဆန်စက်များ၊ ဆန်/ ဆန်ကွဲ ပြည်ပ တင်ပို့သည့် ကုမ္ပဏီများနှင့်ပူးပေါင်း၍ ကန်ထရိုက် လယ်ယာစနစ်/ အာမခံဈေးနှုန်း စနစ်ဖြင့် ပူးပေါင်း ဆောင်ရွက်သင့်ကြောင်း မြန်မာနိုင်ငံ ဆန်စပါး အသင်းချုပ်က အကြံပြု တိုက်တွန်း ထားသည်။ " ပြီးခဲ့တဲ့ စက်တင်ဘာမှာကောက်စောတွေပေါ့။ တကယ်မိုးစပါးက ဒီဇင်ဘာ၊ နိုဝင်ဘာမှ အများဆုံးပေါ် တာပေါ့။ ဒါပေမဲ့ သက်တမ်းတို ဧည့်မထတို့ သက် တမ်းတိုတဲ့စပါးတွေက စက်တင်ဘာမှာပေါ်တယ်ပေါ့။ စပါးပေါ်တဲ့အချိန်မှာ မိုးတွေကရွာ ရေကလည်းတော် တော် စိုတာပေါ့။ စပါးအစိုဓာတ်ကတော်တော်မြင့် တာပေါ့။ ဒါကြောင့်မို့လို့ အစိုဓာတ်မြင့်တဲ့ စပါးတွေ ကျတော့ အရည်အသွေးအားနည်းတဲ့ အခါကျတော့ ဈေးကောင်းမရတာလည်းဖြစ်နိုင်တယ်ပေါ့။ ဒါကြောင့် မို့လို့ အစိုဓာတ်လျှော့ချနိုင်ဖို့ အခြောက်ခံပြီးမှ ရောင်းနိုင်မယ်ဆိုရင်လည်း ဈေးကောင်းရနိုင်မယ်။ ဆန် စက်တွေ၊ ကုမ္ပဏီတွေကို တိုက်ရိုက်ချိတ်ဆက်ပြီးတော့ ရောင်းသင့်တယ်ပေါ့နော်။ ဒါမျိုးကိုဆောင်ရွက်သင့် တယ်လို့ အကြံပြုချင်တာပါ" ဟု မြန်မာနိုင်ငံဆန်စပါး အသင်းချုပ်မှဥက္ကဋ္ဌ ဦးရဲမင်းအောင်က ပြောသည်။ သို့သော်လည်း လယ်သမားများအနေဖြင့် အထက်ပါဈေးနှုန်းမျိုးရရှိရန် လုပ်ဆောင်ရာတွင် အချိန်မပေး နိုင်သဖြင့် စက်ကျစပါးကိုသာအားပြု ရောင်းချရသည့်အခါ ပွဲစားများ၏ ဈေးနှိမ်ဝယ်ခြင်းကိုလည်း ခံရကြောင်း သိရသည်။

261,636 လွန်ခဲ့သော ၉ လ က

ဒီနှစ်မှာ စပါးစိုက်တဲ့ လယ်သမားတွေက ပိုရှုံးတယ်။ ဘာလို့ပိုရှုံးလဲဆိုရင် စပါးဈေးက တင်း (၁၀ဝ)မှာ (၉)သိန်း (၁၀) သိန်းပဲရှိတယ်။ အဲဒီ (၁)ဧက တင်း (၁၀ဝ)ထွက်ဖို့လုပ်နေတာတောင် တင်း(၈၀)လောက်ပဲထွက်တယ်။ (၁)ဧက လုပ်ရင်တောင် တချို့ဆို သွင်းအားစု ဘာညာနဲ့ (၁၂) သိန်းဝန်းကျင် လောက်ကုန်တယ်။ အစိုးရက ချေးငွေထုတ်ပေးတာက တစ်ဧကကို (၂)သိန်းပဲချေးပေးတာလေ။ ကျန်တဲ့ (၁၀)သိန်း လောက်က အပြင်ငွေတိုး (၅) ကျပ်တိုးနဲ့ ချေးရတာကိုး။ (၁၀)သိန်းချေးရင် (၅)ကျပ်တိုးက (၆)လမှာ (၃)သိန်းလောက်သွားကျတယ်။ အဲဒါက အရင်းရဲ့ တစ်ဝက်နီးပါးလောက်ဖြစ်နေပြီလေ။ အဲဒါ (၆)လနော်။ အဲဒီတော့ စပါးဈေးက (၁၀)သိန်းပဲရှိပြီး။ (၁)ဧက တင်း(၈၀)ထွက်တော့ (၈)သိန်းပဲရတယ်။ စောစောက သွင်းအားစုဘာညာက အတိုးတွေနဲ့ (၁၅)လောက်ဆိုတော့ တစ်ဝက်လောက်ရှုံးနေပြီ" ဟု ဧရာဝတီတိုင်းမှ လယ်သမားအရေးဆောင်ရွက်နေသူ တစ်ဦးက ပြောသည်။ လက်ရှိ စပါးဈေးကျဆင်းခြင်းသည် နိုင်ငံတကာ ဈေးကွက်အပြောင်းအလဲကြောင့်ဖြစ်ပြီး အဆိုပါ ဒဏ်ကို လယ်သမား အားလုံးခံစားနေရခြင်း မဟုတ်ကြောင်း မြန်မာနိုင်ငံဆန်စပါးအသင်းချုပ်မှ ဥက္ကဋ္ဌ ဦးရဲမင်းအောင်က ဆိုသည်။ " လွန်ခဲ့တဲ့(၅)နှစ်အတွင်း ဈေးအကျဆုံးဆို တော့ မဟုတ်ဘူး။ ခုနကပြောသလို အဓိကကတော့မှန် တယ်။ စပါးဈေး ဧည့်မထစပါးတို့ ၊ ငစိန်စပါး တို့က တင်း (၁၀ဝ)ကို (၁၀)သိန်းဝန်းကျင်လောက်ပဲရှိတယ်။ တစ်ချို့တောင်သူလယ်သမားတွေဟာအခက်အခဲ ဖြစ်တယ်။ တောင်သူ လယ်သမားအားလုံးတော့ မဟုတ်ဘူးပေါ့။ တော်ကြာကျရင် နိုင်ငံတော်ကလည်း တစ်နည်းအားဖြင့်ပြောရင် ရွေးကောက်ပွဲကိုဦး တည်ပြီးတော့ ပြင်ဆင်ဆောင်ရွက်နေတဲ့အချိန်မှာ ဒီခုနကပြောတဲ့ စပါးဈေးကျတယ်ဆိုတာ စပါးအားလုံး မဟုတ်ဘူးဆိုတာကိုလည်း သတင်းမှန်ကိုလည်း ဖော်ပြစေချင်တယ်။ အဓိကတော့ စပါးကျရတဲ့ဟာ တွေက ဘာကြောင့်ဖြစ်တာလဲဆိုရင် နိုင်ငံခြားကိုပို့တဲ့ ဆန်တွေက မနှစ်ကဆို တစ်တန် ကို ဒေါ်လာကို ၅၀ဝ လောက်ဈေးရှိတာပေါ့။ အခုကတော့ ဒေါ်လာ (၃)ရာလောက်ပဲရှိတယ်။ တစ်တန်ကို ဒေါ်လာ (၂) ရာလောက် ၊ နိုင်ငံတကာဈေးကလည်းကျတယ်လေ။ အဓိကတော့ နိုင်ငံတကာဈေးကွက်ဈေးနှုန်းပြောင်းလဲမှုပါပဲ" ဟု ၎င်းကပြောသည်။ လက်ရှိဖြစ်ပေါ်နေသာ စပါးဈေးကြောင့် ယခင်နှစ်များကထက်ကျပ်တည်း လာသည့် လယ်သမားများသည် လယ်စိုက်ရန်ပင်စိတ် ကုန်လာနေပြီဖြစ်ကြောင်း ပဲခူးတိုင်းမှ လယ်သမား တစ်ဦးက ဆိုသည်။

261,636 လွန်ခဲ့သော ၉ လ က

စပါးဈေးကျဆင်းခြင်းကြောင့် လယ်သမားများ အရှုံးနှင့်ရင်ဆိုင်နေရပြီး လာမည့်နှစ်တွင် စပါးစိုက်ရန် ပင် စိတ်ကုန်သူများရှိနေကြောင်း လယ်သမားများထံ NP News က ဆက်သွယ်မေးမြန်းထားသည့်အချက် အလက်များ အရ သိရသည်။ လက်ရှိတွင် ဆန်ကြမ်းအုပ်စုဝင်စပါးဈေးများ သည် တင်း(၁၀ဝ)လျှင် ကျပ် (၁၀) သိန်းဝန်းကျင်သာ ပေါက်ဈေးရှိနေချိန် သွင်းအားစုဈေးနှုန်းများကြီးမြင့်ခြင်း၊ ထွန်ယက်စိုက်ပျိုးခကြီးမြင့်ခြင်းနှင့် လယ်ယာ လုပ်သားနည်းပါးပြီး လုပ်ခဈေးမြင့်တက်နေသောကြောင့် လယ်သမားများစွာ အရှုံးပေါ်နေခြင်းဖြစ်ကြောင်း သိရသည်။ လက်ရှိ စပါးဈေးနှုန်းအရ လယ်တစ်ဧက စပါးတင်း (၇၀)ထွက်လျှင်ပင် အရင်းကျေသည့်အဆင့် သာရှိပြီး အကယ်၍ တင်း(၇၀)အောက်လျော့ ထွက်ပါက ရှုံးကြောင်း သိရသည်။ " အများဆုံးကောက်စောစိုက်တာက ရက်(၉၀)နဲ့ ရတနာတိုးစိုက်တယ်။ ပုလဲသွယ်ကတော့ မစိုက် ပါဘူး။ အခုမှထွက်နေတာ ရတနာတိုးတွေ။ ဒီမှာက တစ်ဧကကို (၇၀)လောက်ထွက်ကြတယ်။ ငွေတိုးတွေ ဆိုရင်တော့ တင်း(၈၀)နဲ့ (၉၀)ထွက်တဲ့လယ်တွေ တော့ရှိတယ်။ နည်းပါတယ်။ အဲဒါတောင် ဓာတ်မြေ ဩဇာ တင်းတင်း ထည့်မှထွက်တာ။ အဲဒီမြေဩဇာဈေး ကလည်း (၂)သိန်းလောက်ရှိတယ်။ အဲဒီတော့ ကျွန်တော် တို့ဘက်က တစ်ဧကကို (၆၀)ကနေ (၈၀)အထိပဲထွက်တယ်။ အသွယ် (အလယ်အလတ်အဆင့် စပါး) ကတော့ (၁၂)သိန်းဈေးရောင်းရသေးတယ်။ ရက်(၉၀)လောက်စိုက်တဲ့ လူတွေကတော့ ရှုံးတယ်။ တစ်ဧကကို မြေဩဇာ (၂)သိန်းဖိုးလောက်သုံးမှ ထွက်တာ}}ဟု ပဲခူးတိုင်းမှလယ်သမားတစ်ဦးက ပြောသည်။ မြန်မာနိုင်ငံဆန်စပါးအသင်းချုပ်၏ ထုတ်ပြန် ချက်တွင်မူ စပါးအစိုဓာတ်၊ အရည်အသွေးနှင့် အမျိုးအစားပေါ်လိုက်၍ တင်း(၁၀ဝ)လျှင် ကောက် စောဧည့်မထ စပါးသစ်များသည် ကျပ်(၁၁)သိန်းမှ (၁၂)သိန်းအတွင်း ရောင်းဝယ်မှုရှိနေကြောင်း သိရ သည်။ ထို့ပြင် အထူးဧည့်မထအုပ်စု စပါးမျိုးများသည် ကျပ် (၁၄)သိန်းမှ (၁၅) သိန်းအတွင်း၊ ရက် ၉၀၊ မနောသုခ၊ ဧရာမင်း၊ ဧရာပဒေသာ စပါးမျိုးများသည် ကျပ် (၂၂) သိန်း မှ (၂၃) သိန်းအတွင်းနှင့် ဆင်းသုခ စပါး ဖြစ်ပါက အစိုပင်လျှင် ကျပ် (၁၃) သိန်းဈေးဖြင့် ရောင်းဝယ်မှု ရှိနေကြောင်း ထုတ်ပြန်ထားသည်။ အလားတူ မြန်မာနိုင်ငံတွင် စပါးအများဆုံးစိုက် သည့် ဧရာဝတီတိုင်းတွင် တစ်ဧကအထွက်နှုန်း တင်း (၈၀) ထွက်သည့်လယ်သမားများသည့် လက်ရှိ စပါးဈေးတွင် အဆိုးဆုံးအရှုံးအပေါ်သူများဖြစ်ကြောင်း သိရသည်။ ယင်းလယ်သမားများသည် အစိုးရမှထုတ် ပေးသည့် စိုက်ပျိုးချေးငွေကိုတစ်ဧက (၂)သိန်းကျပ် သာအများဆုံးရရှိကြပြီး မလောက်ငသည့်အတွက် ပြင်ပမှ အတိုးနှုန်းဖြင့်ငွေချေးရာတွင် အတိုးများ ကြောင့် အရှုံးမှာ ကြီးမားသထက်ကြီးမားနေကြောင်း ဧရာဝတီတိုင်းမှ လယ်သမားအရေးဆောင်ရွက်နေသူ တစ်ဦးက ဆိုသည်။

261,636 လွန်ခဲ့သော ၉ လ က

လွန်ခဲ့သော‌၁၀ရက်ခန့်ကဆောင်းပါးအရ ငွေတိုးစပါးသည်ကျပ်၁၀သိန်းဝန်းကျင်ပေါက်ဈေးရှိကြောင်းသိရပါသည်၊ ဆောင်းပါးအပြည့်အစုံကို အောက်တွင်ဖတ်နိုင်ပါသည်။ အမြတ်ရရှိတယ်၊ မရှုံးဘူးဆိုရင်တော့စိုက်ပျိုးသင့်မသင့်မိမိဘာသာချင့်ချိန်သင့်ပါတယ်၊ မိမိအတွက်အရင်းနည်းပြီးအမြတ်ရရှိမယ့်အဆင်ပြေမယ့်မျိုးစပါးကိုသာရွေးချယ်ဖို့အကြံပြုချင်ပါတယ်။အောက်ကဆောင်းပါးမှာတော့ စပါးဈေးမကောင်းလို့ စိညစ်ရတဲ့ဆောင်းပါးပါဗျ၊

မေးခွန်း

မေးခွန်းမေးရန်

ကြိုဆိုပါသည်