ငါးခွေးလျှာ

    ယခုအခါ Cynoglossus lingua လို့ခေါ်တဲ့ ငါးခွေးလျှာအကြောင်း လေ့လာတင်ပြမှာဖြစ်ပါတယ်။ common name ကိုတော့ long tongue sole or textiles လို့ခေါ်ပါသည်။ ဖိလစ်ပိုင်၊ထိုင်း၊ မလေးရှားကျွန်းဆွယ်နှင့် မြန်မာ့ကမ်းခြေတလျှောက်မှာ တွေ့ရရှိပါသည်။

     Animal kingdom လို့ခေါ်တဲ့သတ္တလောကတွင် မျိုးပေါင်းစုကတော့ chordata ဟုခေါ်သောကျောရိုးရှိအုပ်စု ဖြစ်ပါသည်။ Class မျိုးပေါင်းကတော့ Actinoptergii လို့ခေါ်တဲ့ ray finned fishes အုပ်စုနဲ့ Orger မျိုးစဥ်ကတော့ Pleuronectiformes(flat. fishes) အုပ်စုဖြစ်ပြီး၊family မျိုးရင်းကတော့ Cynoglossusidae ခေါ်တဲ့(tongue fishes)အုပ်စု ဖြစ်ပါသည်။ genus မျိုးစုမှာ Cynoglossus ဖြစ်ပြီး၊ species မျိုးစိတ်မှာ Cynoglossus lingua ဖြစ်ပါသည်။

    ကျောရေယက်ဆူးမာမရှိပါ။ ၎င်းမျိုးစိတ်မှာ ဆူးပျော့အရေအတွက် ၁၂၆-၁၃၈ ခု ရှိပြီး၊ စအိုရေယက်ဆူးပျော့အရေအတွက်မှာ ၉၇-၁၁၄ ခု ထိရှိပါသည်။ မျက်လုံးအရောင်မှာနီညိုရောင်ရှိပြီး၊ ပုံစံအမှန်မရှိတဲ့ ညိုမဲရောင်အကွက်များ ခန္ဒာကိုယ်ပေါ်တည်ရှိပြီး၊ပါးဟက်အဖုံးပေါ်တွင်လည်း ညိုမဲရောင်အကွက်များ ရှိပါသည်။

    ကိုယ်ထည်ရှည်လျားပြီး ကိုယ်ထည်အလျားs tandard length ၏ ၁၇-၂၂% သည်ကိုယ်ထည်အကျယ် ဖြစ်ပါသည်။

    မျက်လုံးသည် သေးငယ်ပြီး လုံးဝန်းသည့်ပုံစံအနေဖြင့် တွေ့ရှိရပါသည်။ အမြီးရေယက် caudal fin ray ဆယ်ခုရှိပါသည်။ အကြေးခွံပမာဏသည် ကိုယ်ထည်အချိုးစားနှင့် နှိုင်းယှဥ်လျှင် ကြီးမားသည်ဟုယူဆရသည်။ ကိုယ်ထည်ဘေးဘက်တွင် ctenoid. Scale နှင့် cycloid အမျိုးအစားကို တွေ့ရှိရသည်။

    အလယ်အာရုံကြောလမ်းကြောင်းတွင် တွေ့ရသည့် (midlateraline) အကြေးခွံအရေအတွက်သည် ၉၀ မှ ၁၀၁အထိရှိပါသည်။ မျက်လုံးနှင့် ကိုယ်ထည်မရောက်ခင်ကြား အကြေးခွံအရေအတွက်သည် ၁၁-၁၂ ထိ ရှိပါသည်။

    ငါးခွေးလျှာ၏ ဇီဝတည်ဆောက်မူကို လေ့လာလျှင် မျိုးပွားနိုင်တဲ့အရွယ် matural size တွင်အဓိကအားဖြင့် ရွံထူထပ်သောနေရာဖြစ်စေ၊ သဲထူသည့်နေရာဖြစ်စေနှင့် ရေတိမ်သည့်ကမ်းရိုးတန်းဒေသများတွင် နေထိုင်ပါသည်။ နေ့ဘက်တွင် အောက်ခြေကို တွင်းတူးနေထိုင်ပြီး ညဘက်တွင် အစာရှာဖွေစားသောက်ပါသည်။

    စားသောက်သော အစားအစာများမှာ benthic invertebrate ဟုခေါ်သော ကျောရိုးမဲ့သတ္တဝါများကို စားသုံးပါသည်။ စီးပွားရေးစျေးကွက်အနေဖြင့် လတ်လတ်ဆတ်ဆတ်ချက်စားရန်အတွက် ရောင်းချခြင်းသော်လည်းကောင်း၊ ရေခဲရိုက်၍သော်လည်းကောင်း၊အခြောက်ခံ၍ ငါးခြောက်အဖြစ်လည်းကောင်း၊ ဆားနယ်၍ ငါးဆားနယ်အဖြစ်သော်လည်းကောင်း စျေးကွက်ဝင်အဖြစ် ရောင်းချနေပါသည်။

    ကမ္ဘာတဝန်းလုံးတွင် စုစုပေါင်းငါးခွေးလျှာမျိုးစေ့ပေါင်း ၆၃ ခုကို တွေ့ရပြီး မြန်မာနိုင်ငံတွင် မျိုးစေ့သစ် ၂၁ ခုအား တွေ့ရှိထားပါသည်။ သို့ဖြစ်ပါ၍ သိရှိနိုင်ရန် လေ့​လာတင်ပြအပ်ပါသည်။ 

ato.dof

Source - Aquadapt_Myanmar