နည်းစနစ်မှန် စိုက်ပျိုးရေး စပ်မျိုးစပါးတွင် အလေးပေးနှင့် အခြားဆောင်းပါးများ

အခမဲ့ ရယူပါ (2 MB)

နည်းစနစ်မှန် စိုက်ပျိုးရေး စပ်မျိုးစပါးတွင် အလေးပေးနှင့် အခြားဆောင်းပါးများ

ဤစာအုပ်ပါ ဆောင်းပါးများသည် စပ်မျိုးစပါးကို စိုက်ပျိုးလျက်ရှိသူများ စိုက်ပျိုးရန် ရှိသူများအတွက် ရည်ရွယ်၍ ရေးသားထားသော ဆောင်းပါးများ ဖြစ်ပါသည်။ စပ်မျိုးစပါးသည် လက်ရှိစိုက်ပျိုးလျက်ရှိသော ဒေသစပါးမျိုးနှင့် အထွက်ကောင်းစပါးမျိုးတို့နှင့် မျိုးဖြစ်ပေါ်လာပုံနှင့် အပင်သဘာဝ လုံးဝကွဲပြားခြားနားပါသည်။ တောင်သူလယ်သမားများ၊ ပုဂ္ဂလိကကုမ္ပဏီများနှင့် စိုက်ပျိုးသူများသည် စပ်မျိုးစပါးကို မစိုက်ပျိုးမီကပင် စပ်မျိုး၏အကြောင်းခြင်းရာနှင့် စပ်မျိုးစပါးစိုက်ပျိုး ထုတ်လုပ်မှုနည်းပညာကို လေ့လာထားသင့်ပါသည်။

ဤစာအုပ်ကို စာရေးဆရာ ဆင်းသီဟ မှ ရေးသားပြုစုထားသော စာအုပ်ဖြစ်ပြီး အစိမ်းရောင်လမ်း အင်တာနက် စာမျက်နှာနှင့် ဖုန်းဆော့ဝဲလ်မှ တောင်သူများထံ အခမဲ့ ဖြန့်ဝေခွင့် ပြုထားပါသည်။ သုံးစွဲခွင့်ပေးပါသော စာရေးဆရာ ဆင်းသီဟအား အစိမ်းရောင်လမ်းမှ ကျေးဇူးအထူးတင်ရှိပါတယ်။

မှတ်ချက်။    ။ စာအုပ်အရွယ်အစားမှာ၃၂၃.၃၈ ကီလိုဘိုက်သာ ရှိပါသည်။  
၁၉၆၇ ခုနှစ်တွင် စိုက်ပျိုးရေးဝန်ထမ်းအဖြစ် မကွေးတိုင်း ကံမမြို့နယ်တွင် စတင်တာဝန်ထမ်းဆောင်ခဲ့သည်။ အလုပ်ခွင်မပျက် ပညာဆက်လက်သင်ကြားကာ ၁၉၇၅ ခုနှစ်တွင် ပျဉ်းမနားမြို့ စိုက်ပျိုးရေးသိပ္ပံမှ စိုက်ပျိုးရေးဒီပလိုမာ လက်မှတ်ကို လည်းကောင်း၊ ၁၉၇၈ ခုနှစ်တွင် ရန်ကုန် ဝိဇ္ဇာနှင့်သိပ္ပံ တက္ကသိုလ်မှ ပြင်ပဝိဇ္ဖာ(သမိုင်း)ဘွဲ့ကိုလည်းကောင်း၊ ၁၉၈၃ ခုနှစ်တွင် ရေဆင်း စိုက်ပျိုးရေးတက္ကသိုလ်မှ စိုက်ပျိုးရေးပညာဘွဲ့ကိုလည်းကောင်း ရရှိခဲ့သည်။ မြန်မာ့စိုက်ပျိုးရေးလုပ်ငန်း၊ စိုက်ပျိုးပညာပေးရေးလုပ်ငန်းများကို မကွေးတိုင်းအတွင်း ဆောင်ရွက်ခဲ့ပြီး ၁၉၈၃ ခုနှစ်တွင် ရေဆင်း၌ စိုက်ပျိုးရေး သုတေသနလုပ်ငန်းများကို စတင်တာဝန်ထမ်းဆောင်ခဲ့သည်။ ၂၀၀၈ ခုနှစ်တွင် ညွှန်ကြားရေးမှူး ရာထူးဖြင့် အငြိမ်းစား ယူပြီးနောက် အကြံပေး(ညွှန်ကြားရေးမှူး)နှင့် ကျွမ်းကျင်သူ(သီးနှံစိုက်ပျိုးရေးစနစ်)အဖြစ် ဆက်လက်တာဝန် ထမ်းဆောင်ခဲ့သည်။ ယခုလက်ရှိတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန(စိုက်ပျိုးရေးဦးစီးဌာန)နှင့် ကိုရီးယားနိုင်ငံ အပြည်ပြည်ဆိုင်ရာ ပူပေါင်းဆောင်ရွက်ရေးအေဂျင်စီတို့ ပူးပေါင်းအကောင်အထည်ဖေါ် ဆောင်ရွက်လျက်ရှိသော မြန်မာဆယ်မာအူးလ်အွန်ဒုံ စီမံကိန်းတွင် အကြံပေးပညာရှင်အဖြစ်တာဝန်ထမ်းဆောင်လျက် ရှိပါသည်။