တရုတ်နိုင်ငံက ထူးထူးဆန်းဆန်း လမ်းဘေးအစားအစာများ (၁)

မြွေသားစွပ်ပြုတ်၊ ကြောင်ကင်၊ နှစ်တစ်ထောင်ကြက်ဥ၊ ပုတ်သင်ပျံကြော်တွေစားမလား..ဒါဆိုရင် တရုတ်ကိုသွား..ပါ။

ခရီးပတ်သွားနေရတာကို နှစ်သက်တဲ့ တချို့လူတွေရဲ့ရည်ရွယ်ချက်မှာကိုက ကမ္ဘာတလွှားက ထူးထူးဆန်းဆန်းအစားအစာတွေကို စားဖူးချင်လို့၊ ဒေသတွင်း ယဉ်ကျေးမှုတွေကို စူးစမ်းချင်လို့ပဲမလား..။ စိတ်လှုပ်ရှားစရာကောင်းလိုက်တာ ဆိုတာ ကိုယ့်ရဲ့ထမင်းစားပွဲမှာ ကိုယ််ကြိုက်တဲ့၊ ကိုယ့်ကိုဆွဲဆောင်နိုင်မယ့်အစားအသောက်တွေ ရှိနေတာမျိုး..ဆိုတဲ့လူတွေလေ..။

ဒါဆိုရင်တော့ တရုတ်ကိုသွားပြီး လမ်းဘေးအစားအသောက်တွေ လိုက်စားကြည့်ပေတော့ဗျို့။ ထူးပေ့၊ ဆန်းပေ့ဆိုတဲ့ အစားအသောက်တွေကို တွေ့မြင် ထိတွေ့ ခံစားခွင့် ရသွားပါလိမ့်မယ်..။

အဲ့ဒါတွေထဲက အထူးဆန်းဆုံးဆိုတဲ့ အစားအသောက်တချို့ကို ကြည့်လိုက်ကြရအောင်။

(၁) ပိုးစာကောင်ကြော်

သင်က ပိုးချည်မျှင်တွေ ထုတ်ပေးတဲ့ ပိုးစာကောင်လေးတွေကို ချစ်တဲ့သူတယောက်ဆိုရင်တော့ ဒါကို ဝေါင်ဝေါင်ရွှေး ဝေးဝေးရှောင်ပေါ့လေ။ တရုတ်ဟင်းလျာတွေထဲမှာတော့ ဒီ အကောင်လေးတွေကို ပိုးတုံးလုံးဘဝမှာ ကြော်စားတဲ့ဟာက ရိုးရာဟင်းကောင်းတစ်မျိုးပါတဲ့။

သူ့အရသာက ဘယ်လိုမျိုးလဲဆိုတော့..။ အင်း ပြောကြတာကတော့ ပုစွန်အရ သာမျိုးတဲ့ဗျ။ ဒီကောင်လေးတွေကြော်ရင် ထည့်ရတဲ့ ဟင်းခတ်အမွှေးအကြိုင် ကတော့ များတယ်တဲ့။ ဆိုတော့ အနည်းဆုံးတော့ စားနေရင်းနဲ့ကို သင် ဘာစားလို့ စားနေမှန်းမသိအောင် ဖြစ်နေစေမှာပေါ့လေ။

(၂) ပုတ်သင်ပျံကြော်

Flying Lizard ဆိုတာ အိမ်မြှောင်၊ ပုတ်သင်၊ ကင်းလိပ်ချော၊ ဖွတ်တို့လို အုပ်စုထဲမှာ ပါပြီး ခုန်ပျံနိုင်တဲ့ သတ္တဝါတစ်မျိုးပဲ။ ဆိုတော့ ပုတ်သင်ပျံလို့ပဲ ဆိုကြပါတော့လေ။ တချို့လူတွေကတော့ ဒီအကောင်တွေကို သိချင်မှတောင် သိမှာ။ ဒါပေမဲ့ တရုတ်မှာတော့ ဒီကောင်က စားစရာတစ်မျိုးပဲ။ ဟုတ်တယ်။ လမ်းဘေး တရုတ်တန်းမှာ တွေ့နိုင်တယ်။

ပိုးစာပိုးတုံးလုံးကြော်လေးတွေမျိုးပဲ ဒီအကောင်ကြော်လေးတွေကိုလည်း တုတ်တံလေးတွေနဲ့ တံစို့ထိုးကြော်ထားတာ။ အကြွပ်ကြော်ပြီး ဆားလေးဖြူးပေးထားတယ်။ စားမိလို့ ကြိုက်မိသွားရင်တော့ ဒီအကောင်ကြော်လေးတွေကို ဟောင်ကောင်မှာကော၊ တခြားတရုတ်လူမျိုးတွေရှိတဲ့ ဒေသတွေမှာကော ရနိုင် သုံးဆောင်နိုင်ပါသေးတယ်။

(၃) မြွေသားစွပ်ပြုတ်

ဟုတ်ပ။ သင်မှားဖတ်မိတာဟုတ်ဘူးရယ်။ တကယ် တကယ်။ ချမ်းအေးတဲ့ ညနေခင်းလေးတွေဆို အရသာရှိတဲ့ စွပ်ပြုတ်ပူပူလေးတခွက်လောက် သောက်ချင်လိုက်တာလို့ တွေးဖူးလား။ ဒါပေမဲ့ အဲ့ဒါက မြွေသားနဲ့လုပ်ထားမယ်လို့တော့ ဘယ်စဉ်းစားမိပါ့မလဲပေါ့နော်။

ဒီမြွေသားစွပ်ပြုတ်လေးကိုဆိုရင်...။ နုပ်နုပ်စင်းထားတဲ့ မြွေသားလေးတွေနဲ့ ပြုတ်ထားတာ။ အရိုးလေးတွေတောင် ပေါလောလေး ပါနေသေး။ ဒီစပါယ်ရှယ် ဟင်းလျာရဲ့အစက တရုတ်တောင်ပိုင်းက လာတာ။ တရုတ်စားသောက်ဆိုင်တွေမှာတော့ ဒါကို Se Wong (ဆီးဝန်း) လို့ ခေါ်တယ်။ အဓိပ္ပာယ်ကတော့ ‘မြွေဘုရင်' ပါတဲ့။

(၄) နှစ်တစ်ထောင်ကြက်ဥ

နှစ်တစ်ထောင်ကြက်ဥဆိုတော့ သင် ခေါင်းရှုပ်သွားပြီမလား။ သူ့သက်တမ်းက တော့ တကယ်နှစ်တစ်ထောင်မရှိပါဘူး။ သူ့ပုံစံကိုက အထဲမှာ သက်တမ်းထောင်ချီရှိနေတဲ့ပုံမျိုးပေါက်နေလို့ အဲ့လိုခေါ်တာတဲ့။ တရုတ်ဈေးတန်းကို သွားလို့ ထူးထူးဆန်းဆန်း ကြက်ဥမျိုးတွေ့ရင် ‘ ပီဒန်’ လို့ ပြောလိုက်။ သင့်ကို အဲ့ဒီ ကြက်ဥ ပေးပါလိမ့်မယ်။

ဒီဥတွေကိုတော့ ရက်သတ္တပတ်ပေါင်းများစွာ ဒါမှမဟုတ် လပေါင်းများစွာကြာတဲ့ထိ အချဉ်ဖောက်ထားတာပါ။ တာရှည်ခံဖို့ ပြာတွေ၊ ရွှံ့စေးတွေ၊ ဆားတွေ၊ ထုံးတွေနဲ့ မံထားရတယ်။ စားဖူးသူတွေပြောတာတော့ အထဲမှာ ဒိန်ခဲနဲ့ ရှာလကာ ရည်အနံ့စူးစူးလိုမျိုး ရတယ်တဲ့။ ဆိုတော့ သိပ်တော့ ဆိုးမယ့်ပုံမရှိလောက်ဘူးမလား..။

(၅) ကြောင်ကင်

တရုတ်နိုင်ငံမှာ ခွေးသားစားတာကို သင့်အနေနဲ့ အော်ဂလီဆန်တာမျိုး ဖြစ်ဖူးလား။ ဒါနဲ့မှ မလုံလောက်သေးဘူးဆိုရင် ကြောင်သားကင်စားတာကို ထပ်ပြီးစောင့်ကြည့်လိုက်ပါဦး။ ကမ္ဘာမှာတော့ ခွေးလေး၊ ကြောင်လေးတွေဆိုတာ တန်ဖိုးထားစရာ အိမ်မွေးတိရစ္ဆာန်လေးတွေလို့ ယူဆကြပါတယ်။ ဒါပေမဲ့ အဲ့ဒီထဲမှာ တရုတ်နိုင်ငံကိုတော့ ဖယ်ထားလိုက်။ ဘာလို့ဆိုတော့ သူတို့နိုင်ငံက စားသောက်ဆိုင် တော်တော်များများမှာ အဲ့ဒီဟင်းလျာတွေ ရနိုင်လို့ပါပဲ။

သင့်ရှေ့တည့်တည့်က ပန်းကန်ပြားထဲမှာ ကြောင်ကင်လေး ထည့်စားကြည့်မလား? ဒါက တော်တော်လေးထူးဆန်းမယ်နော်။ စားဖူးသမျှထဲ အဆိုးရွားဆုံး တောင်ဖြစ်ချင်ဖြစ်နေမှာ။ ဒါပေမဲ့ တရုတ်မှာတော့ ဒါက အေးဆေးသာမန်ပဲ။ ဘာမှမထူးဆန်းဘူးတဲ့။

ဆိုတော့ သွားဖူးစားဖူးသွားချင်ကြပြီလား။ ဒါတွေတင်မပြီးသေးပါဘူး။ ကျန်သေးတယ်။ တခြားထူးဆန်းတာတွေ။ နောက်တစ်ပိုင်းမှာ ထပ်ပြောပြပေးသွားပါဦးမယ်။

Ref; https://bigglobaltravel.com/cuisine/chinese-street-food

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...