“ ပိုးစာသီးနဲ့ ကျန်းမာရေး ”

      ပိုးစာသီးဆိုတာ ပိုးစာပင်ကရတဲ့ အသီးတစ်မျိုးပါ။ ပိုးစားပင်ဆိုတာက လူတွေဝတ်ဆင်လေ့ရှိတဲ့ ပိုးထည်တွေကို ရက်လုပ်ဖို့ ပိုးချည်မျှင်တွေကို ထုတ်ပေးတဲ့ ပိုးကောင်လေးတွေရဲ့အစာပင်မို့ “ပိုးစာပင်”လို့ ခေါ်ကြပါတယ်။

ပိုးကောင်လေးတွေက ပိုးစာပင်ရဲ့အရွက်ကိုပဲ စားကြတာပါ။ အသီးတွေကိုတော့ လူတွေစားလို့ရပါတယ်။

          ပိုးစာသီးက စတော်ဘယ်ရီ(Strawberry), ဘလူး ဘယ်ရီ(Blueberry) တွေလို ဘယ်ရီမျိုးနွယ်ဝင်ဖြစ်ပြီး ပိုးစာသီးကိုတော့ “Mulberry”လို့ ခေါ်ကြပါတယ်။ ပိုးစာသီးကို လက်နဲ့ဖျစ်ညှစ်ရင် သွေးလိုအရောင်တွေထွက်လို့ တချို့ဒေသတွေ မှာ “ သွေးသီး “ လို့လည်း ခေါ်ကြပါသေးတယ်။

        ပိုးစာသီးပင်ကို ကမ္ဘာ့မြောက်ပိုင်းသမဇုံတွေမှာ အများဆုံးတွေ့ရပါတယ်။မြန်မာ နိုင်ငံမှာတော့ မန္တလေးတိုင်းရှိ ပြင်ဦးလွင်ဒေသနဲ့ ကချင်ပြည်နယ်၊ မြစ်ကြီးနားဘက်မှာ တစ်နိုင်တစ်ပိုင် ခြံစိုက်ပျိုးကြပါတယ်။ ရှမ်းပြည်နယ်ဘက်မှာလည်း ပိုးစာပင်တွေပေါက်ရောက်လေ့ရှိပြီး ယခုချိန်ဆို  ပိုးစာသီးတွေလှိုင်လှိုင်သီးကြပါပြီ။

         ပိုးစာသီး မမှည့်သေးတဲ့အချိန်ဆို အသီးနီနီလေးတွေက ချိုချဥ်အရသာရှိပြီး မှည့်တဲ့အသီးမည်းမည်းလေးတွေကတော့ ချိုချိုအီအီအရသာရှိပြီး အရည်ရွှမ်းပါ တယ်။

         ဥရောပနိုင်ငံတွေမှာတော့ ပိုးစာသီးကိုစားသုံးသူ များပြီး ကျန်းမာရေးအတွက် အလွန်အထောက်အကူပြုတာမို့ Queen of Health,  Blood Queen ရယ်လို့တောင် အမျိုးမျိုးခေါ်ကြသေးတယ်လို့ ဆိုပါတယ်။

          မြန်မာနိုင်ငံမှာတော့ ချိုအီပြီးအရသာရှိတဲ့ ပိုးစာ သီးကို အသီးအလုံးလိုက်စားကြသလို ဖျော်ရည်ဖျော် သောက်တာ၊ ယိုထိုးစားတာ၊ ဝိုင်ဖောက်တာတွေအပြင် ရေခဲမုန့်၊ရေခဲချောင်းလည်း ပြုလုပ်စားကြပါတယ်။ ဒါ့အပြင် တချို့ဒေသမှာ ပိုးစာရွက်ကိုလည်း  ဟင်းချိုချက်သောက်လေ့ရှိကြတယ်လို့ သိရပါတယ်။အမျိုးသား တွေအတွက် အားဆေးအဖြစ် အရက်နဲ့စိမ်သောက်လေ့ ရှိတယ်လို့လည်း ဆိုကြပါတယ်။

           ပိုးစားသီးက သွေးအားကောင်းစေပြီး ပိုးစာသီး ဝိုင်(Mulberry Wine)သောက်ပေးရင် အရမ်းအေးတဲ့ ရာသီဥတုဒဏ်ကိုခံနိုင်ကြပါတယ်။ သွေးလည်ပတ်မှုကို ကောင်းစေပြီး အကြောအချဥ်ပြေလျော့ကာ ခန္ဓာကိုယ်  လွတ်လပ်ပေါ့ပါးစေပါတယ်။

      ပိုးစာသီး(Mulberry) မှာ ဗီတာမင်စီ၊ ဗီတာမင်ကေ၊ ဗီတာမင်အီး၊ သံဓာတ်၊ ပိုတက်စီယမ်၊ ဖော့စဖရပ်နဲ့ ကယ်လ်စီယမ်ဓာတ်တွေ ကြွယ်ဝစွာပါဝင်နေတာကြောင့် ကျန်းမာရေးအတွက် များစွာအထောက်အကူပြုတယ်လို့ သိရပါတယ်။

ပိုးစာသီးရဲ့ ကျန်းမာရေးအကျိုးပြုပုံတွေကတော့-

၁။ ပိုးစာသီးမှာ Vitamin-C,Vitamin-Aနဲ့ Anthocyanin ပါဝင်တဲ့အတွက် ကိုယ်ခံအားကိုတိုးပွားစေပြီး ကင်ဆာဆဲလ်များမဖြစ်ပွားရအောင် ကာကွယ်ပေးနိုင်ပါတယ်။

၂။ ပိုးစာသီးကိုပုံမှန်စားသုံးခြင်းဖြင့် သွေးထဲက မကောင်းတဲ့အဆီ LDL ကို လျှော့ချပေးခြင်းကြောင့် သွေးတွင်းအဆီများခြင်း၊ နှလုံးအဆီပိတ်ခြင်းနဲ့ လေဖြတ်ခြင်းများကိုလည်း လျော့ကျစေပါတယ်။

၃။ ပိုးစာသီးက သွေးတွင်းသကြားဓာတ်ကိုလည်းလျော့ကျစေတဲ့အတွက် ဆီးချိုဝေဒနာရှင်များအတွက်လည်းအထူးသင့်လျော်တဲ့ အသီးဖြစ်ပါတယ်။

၄။ အမျှင်ဓာတ်(Fibers)ကြွယ်ဝစွာ ပါဝင်တာမို့ ဝမ်းချုပ်ခြင်းကိုလည်း ကာကွယ်ပေးပါတယ်။

၅။ သံဓာတ်ကြွယ်ဝစွာပါဝင်တာမို့ သွေးနီဥ ထုတ်လုပ်ခြင်းကို ပိုမိုကောင်းမွန်စေပြီး ခန္ဓာကိုယ်အတွင်း အောက်ဆီဂျင်လှည့်ပတ်မှုကို ပိုမိုမြန်ဆန်စေပါတယ်။

၆။ ပိုးစာသီးမှာ Vitamin-A, Vitamin-E, Zexanthin နဲ့ Alpha-carotene တို့ ပါဝင်တဲ့အတွက် အသားအရေကို ချောမောလှပစေပြီး အရွယ်တင်နုပျိုစေနိုင်ပါတယ်။

၇။ ပိုးစာသီးဟာ ကိုယ်တွင်းအဆီဓာတ်ကိုလည်း ထိန်းညှိပေးလို့ နှလုံးကျန်းမာရေးအတွက် ကောင်းမွန်စေပါတယ်။

၈။ ပိုးစာသီးမှာ Carotenoid တစ်မျိုးဖြစ်တဲ့ Zeaxanthin ပါဝင်တဲ့အတွက် မျက်လုံးအမြင်အာရုံကို ပိုမိုကောင်းမွန်စေပြီး ရေတိမ်စွဲခြင်းကိုလည်း ကာကွယ်ပေးနိုင်ပါတယ်။

၉။ ဒါ့အပြင် Resveratrol ပါဝင်တဲ့အတွက် သွေးလည်ပတ်မှုကို ပိုမိုကောင်းမွန်မြန်ဆန်စေပြီး သွေးခဲခြင်း၊ နှလုံးသွေးကြောပိတ်ခြင်း၊သွေးပေါင်တက်ခြင်းများကိုလည်း ကာကွယ်ပေးနိုင်ပါတယ်။

၁၀။ Vitamin-K,Calcium တို့ပါဝင်တဲ့ ပိုးစာသီးဟာ အရိုးများကိုသန်မာစေပြီး အရိုးပွခြင်းကိုလည်းလျော့ကျစေပါတယ်။

၁၁။ ပိုးစာသီးမှာ Anti-inflammatory ဂုဏ်သတ္တိတွေရှိတဲ့အတွက် အရွက်ကိုအခြောက်လှန်းပြီး ရေနွေးကြမ်း ခပ်သောက်ပါက ယောင်ရမ်းခြင်းကြောင့်ဖြစ်တဲ့ နာကျင်မှုများကိုလည်း သက်သာစေပါတယ်။

            Berry မျိုးနွယ်ဝင် ပိုးစာသီးမှာကျန်းမာရေး အတွက်ကောင်းကျိုးပြုတဲ့အပြင် အမျိုးစုံလည်းပြုလုပ် စားလို့ရသလို တန်ဖိုးမြင့်ထုတ်ကုန်အနေဖြင့်လည်း ထုတ်လုပ်နိုင်ပါကြောင်း လေ့လာရေးသားလိုက်ရပါတယ်။

Ref: Wikipedia. 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်