ငါးတန်မွေးမြူ ရေးစီမံကိန်းအတွက် အရှယ်ယာဖိတ်ခေါ်ခြင်းကို SECM သို့ ကုမ္ပဏီ၏ အလားအလာညွှန်းတမ်း တင်ပြပြီး DICA ၌ မှတ်ပုံတင်ပြီးမှသာ အစုရှယ်ယာများ ဖိတ်ခေါ်မည်

Global Earth Public Co.Ltd မှ အကောင်အထည်ဖော်လျက်ရှိသည့် ငါးတန်မွေးမြူ ရေးစီမံကိန်းအတွက် အရှယ်ယာဖိတ်ခေါ်ခြင်းကို မြန်မာနိုင်ငံ ငွေချေးသက်သေခံလက်မှတ်ကြီးကြပ်ရေးကော်မရှင်ထံသို့ ကုမ္ပဏီ၏ အလားအလာညွှန်းတမ်း တင်ပြပြီး DICA တွင် မှတ်ပုံတင်ပြီးမှသာ အစုရှယ်ယာများ ဖိတ်ခေါ်သွားမည်ဖြစ်ကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ သိရသည်။ ရန်ကုန်မြို့ရှိ မြန်မာနိုင်ငံငါးလုပ်ငန်းအဖွဲ့ချုပ်၌ ဇွန်လ ၁၁ ရက်က ကျင်းပပြုလုပ်သည့် ၁၀/၂၀၁၉ ကြိမ်မြောက် ငါးကဏ္ဍ ဆိုင်ရာလုပ်ငန်းရှင်များ ပုံမှန်တွေ့ဆုံဆွေးနွေးပွဲမှ သိရသည်။
"ကျွန်မတို့ အစုခေါ်တဲ့ နေရာမှာ ပထမဆုံး လုပ်ငန်းရဲ့ အလားအလာညွှန်းတမ်းကို SECM ကို တင်ရမယ်။ SECM ကနေ ပြီးတော့ ကျွန်မတို့ရဲ့ ညွှန်းတမ်းကို ဖတ်ပြီးတော့ ဒီလုပ်ငန်းစဉ်က တကယ်ပဲ အလားအလာရှိတယ်ဆိုရင် သူကထော က်ခံပေးတယ်။ အဲ့လိုထောက်ခံပေးပြီးရင် DICA မှာ မှတ်ပုံတင်ရတယ်။ အဲ့ဒီကို မှတ်ပုံတင်ပြီးတဲ့အခါမှ ကျွန်မတို့က အ စုဖွင့်ပြီး ရောင်းလို့ရမယ်။" ဟု မြန်မာနိုင်ငံ ငါးလုပ်ငန်းအဖွဲ့ချုပ်၏ အကြီးတန်းဒုတိယက္ကဋ္ဌ ဒေါက်တာတိုးနန္ဒာတင်က ပြောသည်။
အစုရှယ်ယာရောင်းချရာတွင် ရှယ်ယာတစ်စုလျှင် ကျပ်တစ်သောင်းဖြင့် ရောင်းချသွားမည်ဖြစ်၍ အနည်းဆုံးအစုရှယ်ယာပေါင်း ၁၀၀၊ တန်ဖိုးကျပ် ၁၀ သိန်းဝန်းကျင် ဝယ်ယူရမည်ဖြစ်ပြီး အများပြည်သူသို့ အစုရှယ်ယာပေါင်း ၅ သန်း ဖိတ်ခေါ်သွားမည်ဖြစ်ကြောင်း သိရသည်။ ယင်းငါးတန်မွေးမြူ ရေးစီမံကိန်းကို ဧရာဝတီတိုင်းဒေသကြီး၊ ပန်းတနော်မြို့နယ်ရှိ မြေဧက ၉၀၀ ကျော်တွင် အကောင်အထည်ဖော်ဆောင်ရွက်လျက်ရှိပြီး ယင်းစီမံကိန်းနှင့်အတူ အစာစက်ရုံများ၊ အအေးခန်းစက်ရုံများကိုလည်း တွဲဖက်လုပ်ဆောင်သွားမည်ဖြစ်၍ စီမံကိန်းတစ်ခုလုံးအတွက် ရင်းနှီးမြှုပ်နှံမှုအနေဖြင့် အမေရိကန်ဒေါ်လာ သန်း ၂၀၀ ကနဦးရင်းနှီးမြှုပ်နှံသွားမည်ဖြစ်ကြောင်း သိရသည်။
"အဲ့ဒါက အများပိုင်ကုမ္ပဏီဖြစ်တဲ့အတွက် အစုရှယ်ယာခေါ်ဖို့ အရင်တုန်းက ပြောတဲ့ဟာက နည်းနည်းကွဲလွှဲသွားတဲ့အ တွက်ကြောင့် အဲ့ဒါကဘယ်လောက်ကြာမလဲဆိုရင် ၃ လ၊ ၄ လလောက် ကြာမှာဖြစ်ပါတယ်။ ဘာလို့လဲဆိုတော့ ဒီ process က ချက်ချင်းမပြီးပါဘူး။ အလားအလာညွှန်တမ်း ရေးဆွဲရတာကလည်း တစ်လခွဲလောက်ကြာတယ်။ ပြီးလို့ရှိရင် SECM ကို သွားတင်ရတယ်။ သူတို့ စိစစ်တာလည်း ကြာတယ်။ အဲ့ဒါပြီးမှ DICA ကနေ မှတ်ပုံတင်ပြီးမှသာ ဒီ process က အစုခေါ်လို့ရပါတယ်။ ဒါကြောင့် DICA မှာ မှတ်ပုံတင်ပြီး ရင် အစုရှယ်ယာခေါ်ပါမယ်။ လူတိုင်း အစု ၁၀၀ ဝယ်ရင် တစ်စုရပါမယ်။" ဟု ဒေါက်တာတိုးနန္ဒာတင်က ပြောသည်။
ငါးတန်မွေးမြူ ရေးစီမံကိန်းကို အကောင်အထည်ဖော်ဆောင်ရွက်မည့် မြေနေရာကို သဘာဝပတ်ဝန်းကျင် ထိခိုက်ပျက် စီးမှုရှိမရှိကို MIC အဖွဲ့ကိုယ်စား သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ အမြဲတမ်းအတွင်းဝန် အပါအဝင် တာဝန်ရှိသူများမှ လာရောက်စစ်ဆေး၍ MIC ဥက္ကဋ္ဌသို့ အစီရင်ခံတင်ပြခဲ့ခြင်းကြောင့် ၂၀၁၉ ခုနှစ် နှစ်ဆန်းပိုင်းတွင် မြန်မာနိုင်ငံ ရင်းနှီးမြှုပ်နှံမှုကော်မရှင်၏ ခွင့်ပြုချက်ရရှိခဲ့ပြီးဖြစ်ကြောင်း သိရသည်။ ယင်းအပြင် ငါးမွေးမြူရေးလုပ်ကိုင်ရာတွင် Global Earth ကုမ္ပဏီမှ ချမှတ်ထားသော စည်းမျဉ်းအတိုင်းဆောင်ရွက်ရမည်ဖြစ်ပြီး မွေးမြူရေးစနစ်၊ အစာကျွေးနည်း စနစ်နှင့် ရေအရည်အသွေးစစ်ဆေးခြင်းအတွက် နည်းပညာပံ့ပိုးပေးသွားမည်ဖြစ်သည်။ မွေးမြူရေးလုပ်ကိုင်သည့်အခါ ရှယ်ယာရှင်များ ထည့်ဝင်ထားသော ရှယ်ယာပမာဏ လုံလောက်မှုမရှိ၍ ငွေကြေးလိုအပ်မှုရှိပါက အစာသော်လည်းကောင်း၊ ဘဏ်ချေးငွေကိုသော်လည်းကောင်း Global Earth အများပိုင်ကုမ္ပဏီမှ တာဝန်ယူဆောင်ရွက်ပေးသွားမည်ဖြစ်ကြောင်း သိရသည်။
ငါးတန်မွေးမြူ ရေးစီမံကိန်းအတွက် လိုအပ်သော မျိုးငါးအကောင်ရေ ၁၂၀၀၀၀ ကို သားပေါက်စခန်း ၈၀ တွင် ထိန်းသိမ်းထားပြီးဖြစ်၍ သားပေါက်တစ်နှစ်ပတ်လုံးဖောက်နိုင်အောင်လည်း လုပ်ဆောင်လျက်ရှိပြီး မွေးမြူကန်များမှ ထွက်ရှိလာသော ငါးများအား တစ်ပိဿာလျှင် အနိမ့်ဆုံးကြမ်းခင်းစျေး ကျပ် ၂၂၀၀ ဖြင့် ဝယ်ယူပေးသွားမည်ဖြစ်ေ ကြာင်း သိရသည်။
အေးအေးမြင့်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်