ကြက်သွန်နီတွင် ကျရောက်တတ်သောရောဂါများအကြောင်းကိုသိသလောက်လေးပြောပြပေးပါ
အောက်တိုဘာလအတွက်စိုက်ရန်ဖြစ်သည်ဘောင်တင်စနစ်နဲ့စိုက်တာကောင်းသလား ဘောင်မဲ့မြေပြင်စိုက်တာကောင်းသလားဗျ မြေပြင်စိုက်ပီးဘယ်နှစ်ရက်သားရလျှင်ဘောင်တင်ရသလားဗျ ဘောင်တင်ရာတွင်ပင်စည်ဘယ်နှစ်လက်မလောက်တင်သင့်သလဲဗျ ကျေးဇူးပြု၍ဖြေပေးစေချင်တယ်
ဧရာမင်းစပါး သက်တမ်း၃လရှိပါပြီ။၁လသားမှာ ဒိုပါဝါကျောက်မှုန့်၊တီစူပါ၊ပုလဲ ၂လသားမှာ တီစူပါ၊ပိုတက် ပက်ထားပါတယ်။ကာဆူကာမိုင်စင်မှိုသတ်ဆေး ၂ကြိမ်နှင့်၊ကာတက်ပိုးသတ်ဆေး၂ကြိမ်၊ပိုင်ဒီ တကြိမ် ဖျန်းထားတယ်။အပင် အောက်လက်တွေ ဝါနေသေးလို့ ဘာဆေးဖျန်းရမှာလည်း။မှိုသတ်ဆေးရောပေါ့။
ဧရာမင်းစပါး သက်တမ်း ၃ လ (ရက် ၉၀ ဝန်းကျင်) တွင် အောက်ခြေအရွက်များ ဝါရခြင်းမှာ အသုံးပြုထားသော ပိုးသတ်ဆေးနှင့် မှိုသတ်ဆေးများ စုံလင်နေပြီဖြစ်၍ ပိုးမွှားရောဂါကြောင့် မဟုတ်ဘဲ နိုက်ထရိုဂျင် သို့မဟုတ် ပိုတက်ရှ်ဓာတ် လိုအပ်ခြင်းနှင့် အပင် မှို့ကပ်ချိန် သဘာဝအလျောက် ရင့်ရော်ခြင်းကြောင့် ဖြစ်နိုင်ပါတယ်။ ထို့ကြောင့် ပိုးဆေး/မှိုဆေး ထပ်မဖျန်းဘဲ အပင်အာဟာရဖြည့်တင်းရန်နှင့် စပါးနှံအောင်စေရန်အတွက် ပိုတက်ရှ်ဓာတ်မြင့်မားသော အရည်အသွေးကောင်း ရွက်ဖျန်းမြေသြဇာ (ဥပမာ - 15:15:30 သို့မဟုတ် 10:10:40) ကို အနည်းလိုအဟာရများနှင့် တွဲဖက်ကာ စပါးနှံမထွက်မီနှင့် ထွက်ပြူစအချိန်များတွင် ပက်ဖျန်းပေးသင့်ပြီး၊ လယ်ကွင်းအတွင်း ရေမပြတ်စေရန် ဂရုစိုက်ပေးရပါမယ်။ ပုံတင်မေးရင်တော့ ဒီထက်ပိုအကြံပြုနိုင်ပါလိမ့်မယ်၊ မြေဩဇာမကျွေးတော့ဘူးလား မေးပါရစေ။
ပိုတက်ရှ်ကရောဂါဒဏ်ခံနိုင်ရည်ရှိပါတယ်။ မှိုသတ်ဆေးကိုတော့ ရောဂါကျမှသာ ညွှန်းပေးလေ့ရှိပါတယ်၊ ရောဂါကျမကျသိရရန် ပုံတင်ပြီးနောက်ရက်တွေမှာမေးနိုင်ပါတယ်၊ အကယ်၍မှိုဆေးဖျန်းချင်တယ်ဆိုပါက ဧရာမင်းမှာအဖြစ်များသော ဂုတ်ကျိုး ရောဂါကာကွယ်ရန်အတွက် Azoxystrobin+ Difenoconazole ဖျန်းပေးနိုင်ပါတယ်
အရွက်ချဥ်ဖောက်ရယ်လုပ်တာ တင်လဲရည်ရယ် ဖရုံရွက်ရယ် ၁၅ရက်လောက်စိမ်တာ အဖုံးကိုလေလုံအောင်သီတင်းစာစက္ကူ၂ရွက်ထပ်ပီး တင်းနေအောင်ကြိုးနဲ့ချီပီးလုံအောင်ဖုံးထားရဲ့သားနဲ့ ဖွင့်ကြည့်လိုက်တော့ လောက်ကောင်လေးတေကျနေတယ် အဲ့ဒါပုံမှန်ပဲလား တစ်ခုခုမှားနေလို့လား အသုံးပြုလို့ရသေးလားဗျ
အရွက်အချဉ်ရည် ပြုလုပ်စဉ်အတွင်း လောက်ကောင်များ တွေ့ရခြင်းသည် လုပ်ငန်းစဉ်တစ်ခုခုတွင် လေလုံအောင် ပိတ်ဆို့နိုင်မှု အားနည်းသွားခြင်း သို့မဟုတ် အဖုံးမပိတ်မီ ယင်ကောင်များ ဝင်ရောက်ဉချသွားခြင်းကြောင့် ဖြစ်နိုင်ပြီး ၎င်းသည် ပုံမှန်အခြေအနေမဟုတ်ပါဘူး။ အဆိုပါ လောက်ကောင်ကျနေသော အချဉ်ရည်တွင် မကောင်းသော ဘက်တီးရီးယားများနှင့် ရောဂါပိုးမွှားများ ပွားများနေနိုင်သဖြင့် သီးနှံပင်များတွင် ဆက်လက်အသုံးပြုရန် လုံးဝမသင့်တော်တော့ဘဲ သွန်ပစ်ရန် သို့မဟုတ် မြေဆွေးပုံထဲသာ ထည့်ရန် လိုအပ်ပါတယ်။ နောင်တွင် ဤသို့မဖြစ်စေရန် သတင်းစာစက္ကူဖြင့် ချည်ခြင်းထက် ရာဘာကွင်းပါသော လေလုံပလတ်စတစ်ပုံးကို သုံးခြင်း၊ အရွက်များကို အရည်ထဲမြုပ်အောင် အပေါ်မှ လေးလံသောအရာဖြင့် ဖိထားခြင်းနှင့် ပြုလုပ်စဉ်အတွင်း ယင်ကောင်မနားစေရန် အထူးဂရုစိုက်ခြင်းတို့ကို လုပ်ဆောင်ရပါမယ်။
ဟုတ်ကဲ့၊ သွန်ပစ်မည့်အစားအပင်အနည်းငယ်ကို စမ်းသပ်ဖျန်းကြည့်ပါလားဗျ၊ စမ်းသပ်ဖျန်းပြီးလို့ အပင်ဒုက္ခမပေးရင်တော့သုံးစွဲလို့ရနိုင်ပါတယ် ဘေးကင်းချင်ရင်တော့ စိုက်ခင်းမြေဆီလွှာကိုဖျန်းပေးနိုင်ပါတယ်
မတ်ပဲခုတ်ဖုံးကြဲတာဂျိုးငှက်တွေအုပ်လိုက်ဆင်းလာတာမတ်ပဲစေ့ဆင်းစားတာလား
မတ်ပဲကို ထွန်ရေးမပြင်ဘဲ ဖုတ်ခုတ်/ခုတ်ဖုံးစနစ်ဖြင့် ကြဲပက်ရာတွင် ပဲစေ့များသည် မြေပေါ်၌ ပေါ်နေတတ်သဖြင့် ငှက်များ အုပ်လိုက်ဆင်း၍ ကောက်စားနေခြင်း ဖြစ်နိုင်ခြေ အလွန်များပါတယ်။ ဤသို့ မျိုးစေ့များ ဆုံးရှုံးမှုကို ကာကွယ်ရန်အတွက် ကြဲပြီးချိန်တွင် ပဲစေ့များ မြေဖုံး/ရိုးပြတ်ဖုံးမိစေရန် ဂရုစိုက်ခြင်း၊ စိုက်ခင်းအတွင်း လေတိုက်လျှင် လှုပ်ရှားတောက်ပသော ပလတ်စတစ်စများ၊ အလူမီနီယံပြားများနှင့် ငှက်ခြောက်ရုပ်များ တပ်ဆင်ခြင်း၊လူအားဖြင့် ခြောက်ခြင်းဖြင့် ငှက်ဘေးအန္တရာယ်ကို ထိရောက်စွာ ကာကွယ်နိုင်ပါလိမ့်မယ်။
ကြက်သွန် ဇွန်မွား ဥ မျိုး ရာ် ကြက်သွန်အစေ့မျိူးရယ် လိုချင်ပါတယ် မျိုးဥက ဆိုဒ်ဘယ်နှစ်မျိူးရှိမလဲ? တစ်ပိသာဈေးနှုန်းကဘယ်လောက်လဲ? မျိုးသန့်မျိုးဥ ကို ဘားအံမြို့အနီးနားမှာ စိုက်ပျိုးမျိုးထုပ်သူရှိက မှာယူချင်ပါတယ် ဈေးနှင့်တစ်ကွ လိပ်စာပေးပါ 09427601674ပါ
အစိမ်းရောင်လမ်း၏ ဈေးတန်းကြီး ကဏ္ဍမှာလည်း ပို့စ်တင်မေးပေးပါဦး၊ အခြားအဆက်သွယ်ရှိသူများလည်း ဝင်ရောက်ဆွေနွေးဖြေကြားပေးကြပါဦးခင်ဗျာ
TbL9မတ်ပဲမျိုးကို၁၁လပိုင်းလောက်ကြဲမယ်ဆိုအတင်ပြေနိုင်လား
TBL-9 မတ်ပဲမျိုးသည် သက်တမ်း ၇၅-၈၅ ရက်သာ ကြာမြင့်သည့် သက်တမ်းတိုမျိုးဖြစ်ပြီး ဆောင်းသီးနှံအဖြစ် အောက်တိုဘာမှ ဒီဇင်ဘာလအတွင်း စိုက်ပျိုးရန် အသင့်တော်ဆုံးဖြစ်သောကြောင့် ၁၁ လပိုင်း (နိုဝင်ဘာလ) တွင် ကြဲပက်စိုက်ပျိုးခြင်းသည် အဆင်ပြေရုံတင်မက အချိန်ကိုက်ဖြစ်၍ အလွန်သင့်တော်ပါတယ်။ စိုက်ပျိုးရာတွင် စပါးရိတ်သိမ်းပြီးစ လယ်မြေ၏ မြေအစိုဓာတ်ရှိနေစဉ် အမြန်ဆုံး ကြဲပက်ရန် လိုအပ်ပြီး၊ မျိုးစေ့မကြဲမီ မှိုရောဂါ ကာကွယ်ရန် မျိုးစေ့လူးနယ်ဆေး သုံးစွဲသင့်ပါတယ်။ ဤမျိုးသည် အဝါရောင်မိုစိတ်ဗိုင်းရပ်စ် (ပင်ဝါရောဂါ) ဒဏ်ကို ခံနိုင်ရည်ရှိသဖြင့် ဆောင်းရာသီတွင် စိတ်ချစွာ စိုက်ပျိုးနိုင်ပြီး အပင်သက်တမ်းအလိုက် အာဟာရနှင့် ပိုးမွှားများကို စနစ်တကျ စီမံခန့်ခွဲပါက အထွက်နှုန်း ကောင်းမွန်စွာ ရရှိနိုင်ပါတယ်။
မတ်ပဲအပင်အထနှေးနေလို့အားဆေးဘယ်လောက်ဖျန်းဖျန်းထမလာဘူးဘယ်လိုအားဆေးမျိုးအဓိကဖျန်းရမလဲ တစ်ချို့နေရာတွေကျအားဆေးတစ်ကြိမ်ထဲအပင်အရမ်းအထမြန်ပါတယ်
မတ်ပဲပင်များ အားဆေးမည်မျှဖျန်းသော်လည်း အပင်ထမလာဘဲ နေရာကွက်၍ ညှက်နေခြင်းမှာ မြေဆီလွှာ၏ အစိုဓာတ်မညီညာခြင်း (ရေဝပ်ခြင်း သို့မဟုတ် အစိုဓာတ်ပြတ်လတ်ခြင်း)၊ မြေဆီလွှာဖွဲ့စည်းပုံကွာခြားခြင်းနှင့် အမြစ်ပိုင်းဆိုင်ရာ ချို့ယွင်းမှုများကြောင့် ဖြစ်နိုင်ပါတယ်။ ပဲပင်များ အာဟာရစုပ်ယူမှု ကောင်းမွန်စေရန် ဦးစွာ မြေအစိုဓာတ်ကို ထိန်းညှိပေးပြီး ပေါင်းမြက်များ ရှင်းလင်းရပါမယ်။ ထို့နောက် အပင်သက်တမ်းအလိုက် ကနဦးတွင် အမြစ်ပွားစေရန် ဟူးမစ်အက်ဆစ် (Humic Acid) နှင့် NPK 19:19:19 ရွက်ဖျန်းမြေဩဇာကို တွဲဖက်ဖျန်းပေးပြီး၊ ပန်းပွင့်ချိန်တွင် ကယ်လ်စီယမ်-ဘိုရွန်၊ အစေ့အဆံဖြည့်ချိန်တွင် ပိုတက်စီယမ်မြင့်မားသော ဆေးများကို နေအေးချိန်၌ စနစ်တကျ ပက်ဖျန်းပေးခြင်းဖြင့် အပင်ကို အမြန်ဆုံး ပြန်လည်လန်းဆန်းထွားကြိုင်းလာစေနိုင်ပါလိမ့်မယ်
trichoderma ဖြန်းပြီး နောက်ရက် ဒီလိုမှိုတွေ့ပါတယ် ဒါက trichoderma မှိုလား ဖျက်မှိုလားသိပါရစေ မဖြန်းခင်က ဒီလိုမတွေ့ရဘူး ဖြန်းပြီးမှ တွေ့ရပါတယ်
ခရမ်းချဉ်ပင်ခြေတွင် တွေ့ရသော အဖြူရောင်မှိုမျှင်များသည် Trichoderma အကျိုးပြုမှိုဆေးဖျန်းပြီးနောက် ၁ ရက်မှ ၃ ရက်အတွင်း သဘာဝအတိုင်း ပုံမှန်စတင် ပေါက်ပွားလာသည့် အဆင့်ဖြစ်နိုင်ခြေ အလွန်များပါတယ်။ ဤမှိုမျှင်များသည် နောက်ထပ် ၃ ရက်မှ ၅ ရက်အတွင်း ၎င်းတို့၏ မျိုးမှုန်များ ရင့်မှည့်လာသောအခါ အစိမ်းရောင် သို့မဟုတ် အစိမ်းပုပ်ရောင်သို့ တဖြည်းဖြည်း ပြောင်းလဲသွားပါလိမ့်မယ်။ သို့ဖြစ်ပါ၍ စိုးရိမ်ရန်မလိုဘဲ လောလောဆယ်တွင် ဓာတုမှိုသတ်ဆေးများ ထပ်မံဖျန်းခြင်း မပြုဘဲ အစိမ်းရောင်သို့ ပြောင်းလဲခြင်း ရှိ၊ မရှိနှင့် အပင်၏ ကျန်းမာရေး အခြေအနေကို ၃ ရက်ခန့် ထပ်မံစောင့်ကြည့်ပေးရန် အကြံပြုပါရစေခင်ဗျာ
ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ
ဧရာပဒေသာ စပါးသည် သက်တမ်း ၁၄၀-၁၄၅ ရက်ရှိသဖြင့် နောက်ဆုံးအကြိမ် မြေဩဇာကို သက်တမ်း ၉၅-၁၀၀ ရက်အတွင်း (စပါးဗိုက်လုံးပြီး အလံရွက်ထွက်ချိန်) တွင် ၄ ဧကလုံးအတွက်စပါးပင်အရောင်ကိုကြည့်ပြီး ပမာဏချင့်ချိန်ကာပုလဲသီးသန့်သာ နောက်ဆုံးထည့်ပေးရပါမယ်။ အနှံထွက်ပန်းပွင့်ချိန်တွင် မြေဩဇာ လုံးဝမကျွေးရပါဘူး။ လက်ရှိ ၈၅ရက် အတွက် စီစဉ်ထားသောနှုန်းထားက ကောင်းပါတယ်။ အပင်အရပ် ၃ ပေရှိသော အပင်သန်လွန်းသည့်နေရာများကို ပုလဲ (Urea) မကျွေးဘဲ ပိုတက်ရှ် သက်သက်သာ ကျွေး ပေးနိုင်ရင်ပိုကောင်းပါမယ်။ အပင် ၂ ပေခွဲရှိသော အကွက်များကိုသာ ပုလဲနှင့် ပိုတက်ရှ် မျှတစွာ ရောကျွေးပြီး၊ အပင်ညီညာကာ အနှံအောင်စေရန် ဖော့စဖရပ်နှင့် ပိုတက်ရှ်မြင့်မားသော ရွက်ဖျန်းအားဆေး (MKP 0-52-34) ကိုပါ နို့ရည်တည်ချိန်တွင်ပက်ဖျန်းပေးသင့်ပါတယ်။ အဓိကတော့ ၈၅ရက်လောက်မှာမှို့ကပ်ချိန်ရောက်တာမို့ ပိုတက်ရှ်မဖြစ်မနေထည့်သွင်းပေးရန်လိုအပ်ပြီး သက်တမ်း၉၅-၁၀၀တွင် အနှံမထွက်ခင်၇ရက်အလို သို့မဟုတ် ဖုံးလုံးချိန်ရောက်တာမို့ ပုလဲသီးသန့်သာ အပင်အခြေအနေကြည့်ပြီးထည့်သွင်းပေးရမှာပါခင်ဗျာ။ မှို့ကပ်ချိန် ၈၅ရက်နောက်ပိုင်း ကစ၍ ရေမပြတ်အောင်တော့သေချာလေးဂရုစိုက်ရတော့မှာပါခင်ဗျာ
ကျေးဇူးပါဆရာ
မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ
၅၀ ကီလိုဝင် မြေဩဇာအိတ်ကြီးများအစား NPK ပါဝင်သော အရွက်ဖျန်းမြေဩဇာများကို စပါးရိတ်သိမ်းချိန်အထိ လုံးဝအစားထိုး သုံးစွဲရန် မသင့်တော်ပါဘူး။ စပါးပင် ကျန်းမာသန်စွမ်းပြီး အထွက်နှုန်းကောင်းရန်အတွက် မြေဆီလွှာမှတစ်ဆင့် ရယူရမည့် ပင်မအာဟာရဓာတ် (နိုက်ထရိုဂျင်၊ ဖော့စဖရပ်၊ ပိုတက်စီယမ်) ပမာဏ အမြောက်အမြား လိုအပ်ပါတယ်။ အရွက်ဖျန်းမြေဩဇာများသည် အပင်က လျင်မြန်စွာ စုပ်ယူနိုင်သော်လည်း ပါဝင်သည့် အာဟာရပမာဏ နည်းပါးလွန်းသဖြင့် ဖြည့်စွက်အာဟာရအဖြစ်သာ သုံးသင့်ပြီး ပင်မမြေဩဇာအဖြစ် အပြည့်အဝ အစားမထိုးနိုင်ပါဘူး။ မြေဩဇာဈေးကြီးချိန်တွင် ကုန်ကျစရိတ်သက်သာစေရန် သဘာဝမြေဩဇာ (နွားချေး၊ ကြက်ချေး၊ ကောက်ရိုးဆွေး) ကို မြေခံအဖြစ် အလုံအလောက်သုံးပြီး၊ ပုလဲနှင့် ကွန်ပေါင်းမြေဩဇာကိုအပင်လိုအပ်ချိန်အလိုက် အချိန်ကိုက်လျှော့ကျွေးကာ အရေးကြီးသည့် မှို့ကပ်ချိန်နှင့် အနှံထွက်ချိန်များတွင် အရွက်ဖျန်းမြေဩဇာကို ဖြည့်စွက်ဖျန်းပေးခြင်းကသာ အကောင်းဆုံးနည်းလမ်း ဖြစ်ပါတယ်။
ဓာတ်မြေဩဇာဈေးကြီးပြီး နွားချေးပါ မရနိုင်ပါက လယ်ကွင်းထဲတွင် အလွယ်တကူရှိနေသည့် ကောက်ရိုးများနှင့် သစ်စိမ်းမြေဩဇာများကို အကျိုးရှိရှိ အသုံးပြုရပါမယ်။ ရိတ်သိမ်းပြီး ကောက်ရိုးများကို မီးမရှို့ဘဲ အီးအမ် ကဲ့သို့ ဆေးများဖျန်း၍ မြေဆွေးအောင် ပြုလုပ်ပြီး ထွန်ယက်စိုက်ပျိုးခြင်းဖြင့် မြေဆီလွှာကို အကြီးအကျယ် ပြုပြင်နိုင်ပါတယ်။ ထို့အပြင် စပါးမစိုက်ပျိုးမီ ပိုက်ဆံလျှော်ကို သစ်စိမ်းမြေဩဇာအဖြစ် ရက်ပေါင်း ၄၀-၄၅ တွင် မြေမြှုပ်ပေးပါက ယူရီးယားမြေဩဇာ အိတ်အနည်းငယ်စာ အာဟာရဓာတ်ကို အလကားရရှိနိုင်ပါတယ်။ နွားချေးအစား ကုန်ကျစရိတ်သက်သာပြီး သယ်ယူရလွယ်ကူသော အသင့်သုံး အော်ဂဲနစ်မြေဩဇာ (Organic Fertilizer) အိတ်များကိုလည်း အစားထိုးသုံးစွဲနိုင်ပြီး၊ ပင်မဓာတ်မြေဩဇာကို အနည်းဆုံး ပမာဏအထိ လျှော့ချကာ အရွက်ဖျန်းဆေးနှင့် စနစ်တကျ တွဲဖက်သုံးစွဲခြင်းဖြင့် အဆင်ပြေနိုင်ပါတယ်။
ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။
ဆရာပြောတာအားရှိစရာပေါ့။
ဆရာရဲ့ဓာတ်ပုံတင်အုံးလေချောသလား၊လှသလားလို့ပေါ့။အခြားဆရာတွေရဲ့ပုံကမြင်ဘူးတယ်။
ကုသလို့ ရနိုင်ပါအုံးမလားဗျ ဘာဖြစ်တာလဲ ဘယ်လိုကုသရမလဲ နားလည်သော ပညာရှင်များ အကြံပေးပါအုံး မိုးဆက်တိုက်ရွာလို့ ဖြစ်သွားတာပါ
ကျေးဇူးပါဗျ
မြေက သဲဆန်ပုံရတယ်။အစာထိန်းအားနည်းတော့၊ရာသီဥတုဒဏ်မခံနိုင်ပဲ အပင်မှိုင်နေတယ်။ရွက်ပြောက်တွေ့ရတယ်။ မိုးဆက်လိုက်ရင်၊septoria leaf spotဝင်နိုင်တယ်။ အောက်က အစာလည်းကျွေးပါ။ ကော့ပါးနဲ့ကာဆူမင် သို့မဟုတ် bismerthiazol တကြိမ်ဝင်ပါ။5ရက်ခြားပြီး၊azoxystrobin+difenoconazole တကြိမ်ဝင်ပါ။ဝိုင်ခွအောက်က အောက်ခြေကိုင်းပယ်ပါ။
ဆိတ်တွေ ချေးပန်းနေလို့ ဘယ်လိုကာကွယ်ရမလဲ ဆရာတို့ ကုညီပါအုန်း ခုမှ စိုက်ပျိုးရေးနဲ့ မွေးမြူရေး စပြီလုပ်တာဖြစ်လို့ မကျွမ်းကျင်လို့ပါ🙏🙏🙏
ဝမ်းသွားနေသောဆိတ်ကို အခြားကျန်းမာသောဆိတ်စုနှင့် ချက်ချင်းသီးခြားခွဲထားပါ။ ဝမ်းလျှောခြင်းကြောင့် ရေဓာတ်ဆုံးရှုံးမှုကို ကာကွယ်ရန် ဓာတ်ဆားရည် (ORS) သို့မဟုတ် ရေများများတိုက်ပေးပါ။ နောက်ဆက်တွဲရောဂါများအတွက် ပင်စထရက် (Penstrep) သို့မဟုတ် အောက်ဆီတက်ထရာဆိုက်လင် (Oxytetracycline) ကဲ့သို့သော ပဋိဇီဝဆေးများ၊ အရောင်ကျဆေးနှင့် အားဆေးများကို တိရစ္ဆာန်ဆေးကုဆရာဝန်၏ လမ်းညွှန်ချက်ဖြင့် ထိုးနှက်ကုသပေးပါ။ ဆိတ်ခြံကို ခြောက်သွေ့သန့်ရှင်းအောင် ထားရှိပါ။
ပဲပုပ်ကို အသီးအားကောင်းဖို့အတွက် သြဘာထဲကဘာဆေးဖျန်းရမလဲ နှင့် ပဲပုပ်အရွက်ဝါအပြောက်လောင်မဲအတွက် ဘာမှိုဆေးသုံးရမလဲ သြဘာထဲက ဖြစ်ဖြစ် ပြောပြပေးပါ
ပဲပုပ်ပင် အသီး/အဆံ အားကောင်းပြီး အထွက်နှုန်းတိုးစေရန်အတွက် အပွင့်မပွင့်မီနှင့် အသီးတင်ချိန်များတွင် ဩဘာကုမ္ပဏီထုတ် ပီဖိုလန် (P-Pholan) သို့မဟုတ် ကောမက်အားကောင်း (Comet) အပင်အားဆေးများကို စနစ်တကျ ရွက်ဖျန်းပက်ဖျန်းပေးရပါမယ်။ ပဲပုပ်ပင်တွင် အရွက်ဝါခြင်းနှင့် လောင်မဲ (ရွက်ခြောက်) ရောဂါများ ဖြစ်ပွားခြင်းသည် မှိုရောဂါကြောင့် ဖြစ်တတ်သဖြင့် ကာကွယ်နှိမ်နင်းရန်အတွက် ပင်လုံးပျံ့မှိုသတ်ဆေးဖြစ်သော ဩဘာစွယ်စုံ (၁) သို့မဟုတ်ဝိစာရက ကာဗင် (Carben) ကို စိုက်ခင်းအနှံ့ ဂရုတစိုက် ပက်ဖျန်းပေးရပါမယ်။
ငါးကို ဆေးထိုးသာဖောက်တာဘယ်လိုဆေးကိုအသုံပြုလဲငါးရဲ့ဘယ်နေရာကိုထိုးရလဲ ဘယ်လောက်ccထိုးပေးရလဲ
ဧရာဝတီတိုင်း မအူပင်မြို့နယ် အောင်ဟိတ်ငါးစခန်း နဲ့ တလုပ်လ ငါးစခန်းတွေမှာသင်တန်းတွေပေးနေပါတယ်။ လက်တွေ့သင်တန်းတက်မှကျွမ်းကျင်နိုင်မှာဖြစ်ပါတယ်။ ပညာတရပ်ကိုပြောပြယုံနဲ့မတတ်မြောက်နိုင်ပါ။ သင်တန်းတက်ဖို့အကြံပြုပါတယ်။
ငါးဆေးထိုးသားဖောက်သင်တန်းတွေကို ငါးလုပ်ငန်းဦးစီးဌာနငါးစခန်းတွေမှာ ယခုမိုးရာသီမှာသင်တန်းတွေပေးနေပါတယ်။
(၃) ငါးအမျိုးအစား ဟော်မုန်းအမျိုးအစားအလိုက်ဆေးထိုးရမည့် Dosage - (က) ငါးမြစ်ချင်း၊ ငါကြင်း ငါးခေါင်းပွ 1- Pituitary gland (ပစ်ကျူထရီဟော်မုန်း) ~ငါးအမ (Female): (ပ) အကြိမ် dose - 2 - 3 mg/kg (fish) (ဒု) အကြိမ် dose - 5 - 8 mg/kg (fish) ~ ငါးအထီး (Male): - Single dose (တစ်ကြိမ်) - 2 - 3 mg/kg (fish) 2- Ovaprim / Ovatide - Female: ~ 0.5 - 1.0 ml/kg (fish) Male: ~ 0.2 - 0.5 ml/kg (fish) (ခ) ငါးခူ ငါးတန် - 1. Ovaprim _ - Female: 0.5 - 1.0 ml/kg(fish) - Male: 0.25 - 0.5 ml/kg(fish) 2. HCG ~ - Female: 500 - 1000 IU/kg(fish) - Male: 250 - 500 IU/kg(fish) (ဂ) တီလားပီးယား ~ ~ Ovaprim - 0.3 - 0.5 ml/kg တို့ဖြစ်ပါကြောင်းသိစေအပ်ပါသည်။
(၂) ငါးအမျိုးအစားအလိုက်ဆေးထိုးမဲ့နေရာ (Injection Site) (က) ကြွက်သား (muscle) ထဲသို့ဆေးထိုးခြင်း (Intramuscular Injection) - တွင်များသောအားဖြင့် Carp အုပ်စုဝင် ငါးမြစ်ချင်း ငါးကြင်း ငါးခေါင်းပွ နှင့် တီလားပီးယားငါးများအတွက်ဆောင်ရွက်သည်၊ - ကျောရိုးဆူးတောင်အောက်တစ်ဖက်တစ်ချက်ရှိ ကြွက်သားထဲသို့ဆေးထိုးထဲ့ခြင်း၊ - ငါးရဲ့ခေါင်းနားရင်ဘတ်ဘက်မှာရှိအသက်ရှုအဂ်ါနောက်ဘက်ရှိ ကြွက်သားထဲသို့ ဆေးထိုးထည့်ခြင်း ဖြစ်သည်။ (ခ) ကြွက်သား (သို့မဟုတ်) ဝမ်းဗိုက်အခန်းအတွင်း သို့ဆေးထိုးသွင်းခြင်း (Intraperitoneal) တွင် များသောအားဖြင့် Catfish အုပ်စုဝင် ငါးခူ ငါးတန်ငါးများအတွက်ဆောင်ရွက်သည်။ - ငါးရဲ့ရင်ဘတ်ဘက်ရှိဆူးတောင်စထွက်တဲ့အရင်းပိုင်းနေရာ (သို့မဟုတ်) - ငါး body အောက်ပိုင်းဝမ်းဗို က်ဘက် (velly side) အတွင်းအဂ်ါတွေရှိတဲ့ဘက်နေရာ၊ ယင်းနေရာကိုဆေးထိုးမယ်ဆိုရင် သတိရှိဘို့လိုသည်၊ အတွင်းပိုင်းအဂ်ါ (အူ အစာအိမ် အသဲ) တို့ထိခိုက်နိုင်သည်။ General Rule အနေဖြင့် - ကြွက်သားထူသောနေရာကိုရွေး (muscle thick area) - Internal Organ တွေမထိခိုက်အောင် ဆေးထိုးပေးရမည်။
(၁) ငါးဆေးထိုးသားဖောက် (Induced Breeding) လုပ်ငန်းတွင်အသုံးပြုနိုင်သော ဟော်မုန်း (Hormone) ဆေးအမျိုးအစားများမှာ - (က) Pituitary Extract (PG) - ငါးဦးနှောက်အောက်မှာရှိသောဟော်မုန်းဂလန်း မှထုတ်ယူအသုံးပြုသည်၊ doner ငါးအဖြစ်ရွှေဝါငါးကြင်းကိုအဓိကသုံးသည်၊ မိရိုးဖလာနည်းဖြစ်သည်။ (ခ) Synthetic Hormones - ဓါတုဗေဒ နည်းဖြင့်ဖန်တီးထားသောဟော်မုန်းများဖြစ်သည်။ - Ovaprim (Combination) - Ovatide (Combination) - Suprifac (Single hormone) ဥမှသားပေါက်ခြင်းကိုမြန်စေသည်၊ Pituitary gland နေရာတွင်အစားထိုးသုံးနိုင်သည်၊ အားသာချက်အနေဖြင့် ဆေးထိုးသွင်းသည့်ပမာဏ(dose) တိကျခြင်း- extract လုပ်စရာမလိုဘဲအဆင်သင့်သုံးနိုင်ခြင်း- ရလာဒ်သေချာတည်မြဲခြင်းတို့ကြောင့် သားဖောက်လုပ်ငန်း (Hatchery) တွင်အသုံးများသည်။ (ဂ) HCG (Human Chorionic Gonadotropin) - Human hormone ဖြစ်သည်၊ - Catfish (ငါးခူ/ငါးတန်) မျိုးစိတ်များတွင်အသုံးပြုသည်။
ဒီဆောင်းပါးလေးကို ဖတ်ပြီး လေ့လာနိုင်ပါတယ်ဗျ။ ငါးတန်ဆေးထိုးသားဖောက်နည်းနှင့် ငါးသားပေါက်ပြုစုနည်း
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။
ကြိုဆိုပါသည်
ဆက်လက်အသုံးပြုရန် ဝင်ရောက်ပါ
မတင်ဘဲ ထွက်မှာ သေချာပါသလား။
သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။
