ကျေးဇူးပါ

မိမိလိုအပ်သော ကွမ်းအမျိုးအစားနှင့် အရေအတွက်ကို အစိမ်းရောင်လမ်း ဈေးတန်းကြီးမှာ ပို့စ်တင်၍ အမြန်ဆုံး အဆက်အသွယ် ရှာဖွေနိုင်ပါတယ်။

ဤအဖြေဖြင့်ပြေလည်သည် သတ်မှတ်ပေးနိုင်ပါတယ်ခင်ဗျာ

စပါးဂုတ်ကျိုးရောဂါကို အထိရောက်ဆုံး ကာကွယ်နှိမ်နင်းနိုင်ရန်အတွက် ထရိုင်စိုင်ကလာဇိုး (Tricyclazole) သို့မဟုတ် အိုင်ဆိုပရိုသီယိုလိန်း (Isoprothiolane) ပါဝင်သော ပင်လုံးပြန့်မှိုသတ်ဆေးများကို သုံးစွဲသင့်ပါတယ်။ ဆေးဆိုင်များတွင် "ဩဘာစပါးမှိုဆေး"၊ "နိုက်စ် (Nice 525 SE)" သို့မဟုတ် "အမစ်စတာတော့်ပ်" ကဲ့သို့သော ရောစပ်မှိုသတ်ဆေးများကို ဝယ်ယူအသုံးပြုနိုင်ပါတယ်။ ရောဂါကို ထိရောက်စွာ တားဆီးနိုင်ရန် စပါးပင်မှို့ကပ်ချိန် (အနှံမထွက်မီ) တွင် တစ်ကြိမ်နှင့် စပါးနှံစထွက်ချိန် (၅ ရာခိုင်နှုန်းခန့် ထွက်ချိန်) တွင် တစ်ကြိမ် မဖြစ်မနေ ကြိုတင်ဖျန်းပေးရပါမယ်။ ထို့ပြင် ဆေးဖျန်းရုံတင်မကဘဲ ရောဂါကို ပိုမိုဆိုးရွားစေသည့် ယူရီးယား (နိုက်ထရိုဂျင်) မြေသြဇာ အလွန်အကျွံကျွေးခြင်းကို လျှော့ချပြီး၊ စပါးပင်ကို ရောဂါဒဏ်ခံနိုင်ရည်ရှိစေသော ပိုတက်ရှ်မြေသြဇာကို ဖြည့်စွက်ကျွေးရပါမယ်။ ဤအဖြေဖြင့်ပြေလည်သည် သတ်မှတ်ပေးနိုင်ပါတယ်။

ချင်းဥပုပ်ရောဂါသည် အဓိကအားဖြင့် ပီသီယမ် (Pythium) နှင့် ဖျူဆေရီယမ် (Fusarium) မှိုနှစ်မျိုးကြောင့် အဖြစ်များပါတယ်။ထိရောက်စွာ အမြင့်ဆုံးကာကွယ်ရန် ချင်းမျိုးဥများကို မစိုက်ပျိုးမီ Carbendazim နှင့် Fosetyl-Al တို့ဖြင့် မိနစ် ၃၀ ခန့် စိမ်၍ စိုက်ပျိုးရမည်ဖြစ်ပြီး၊ ရောဂါကျရောက်ချိန်တွင် Hymexazol သို့မဟုတ် Fosetyl-Al ဆေးရည်ကို အပင်ခြေမြေကြီးထဲအထိ စိမ့်ဝင်အောင် ရွှဲရွှဲဖျန်းပေးခြင်းဖြင့် ရောဂါပြန့်ပွားမှုကို အောင်မြင်စွာ တားဆီးနိုင်ပါတယ်။ဤအဖြေဖြင့်ပြေလည်သည် သတ်မှတ်ပေးနိုင်ပါတယ်။

စပါးဘက်တီးရီးယားရွက်ခြောက်ရောဂါ (BB) သည် ဘက်တီးရီးယားကြောင့် ဖြစ်ပွားခြင်းကြောင့် သာမန်မှိုသတ်ဆေး (Fungicide) ဖြင့် ကုသ၍မရဘဲ Kasugamycin၊ Copper oxychloride, Copper hydroxide, Oxolinic acid သို့မဟုတ် Bismerthiazole ကဲ့သို့သော ဘက်တီးရီးယားသတ်ဆေး (Bactericide) ကိုသာ အသုံးပြုရပါမယ်။ ရောဂါကျရောက်ချိန်တွင် နိုက်ထရိုဂျင် (ယူရီးယား) မြေဩဇာကျွေးခြင်းကို ချက်ချင်းရပ်တန့်ပြီး၊ အပင်ခံနိုင်ရည်တိုးစေရန် ပိုတက်စီယမ်မြေဩဇာကို ဖြည့်စွက်ကျွေးရပါမယ်။ဤအဖြေဖြင့်ပြေလည်သည် သတ်မှတ်ပေးနိုင်ပါတယ်။

စပါးရွက် အပေါ်ယံတစ်သျှူးသားတွေကို၊ဒေါင်လိုက်/အရှည်လိုက် ခြစ်စားထားတာတွေ့ရမှာပါ။

ပုံပါစပါးရွက်များတွင် အညိုရောင်အစက်အပြောက်များ တွေ့ရသဖြင့် "စပါးရွက်ညိုပြောက်ရောဂါ (Brown Spot)" ကျရောက်နေခြင်း ဖြစ်ပါတယ်။ ဤမှိုရောဂါသည် မြေဆီလွှာအာဟာရဓာတ် ချို့တဲ့ခြင်း (အထူးသဖြင့် ပိုတက်ဆီယမ်ဓာတ် နည်းပါးခြင်း) နှင့် နိုက်ထရိုဂျင်ဓာတ် လွန်ကဲခြင်းတို့ကြောင့် ပိုမိုဆိုးရွားတတ်ပါတယ်။ ရောဂါကို ထိရောက်စွာ နှိမ်နင်းရန်အတွက် ပရိုပီကိုနာဇိုးလ်သို့မဟုတ် Azoxystrobin+Difenoconazole ပါဝင်သော မှိုသတ်ဆေးတစ်မျိုးမျိုးကို (၇-၁၀) ရက်ခြား၍ ၂ ကြိမ် ပက်ဖျန်းပေးရပါမယ်။ ၎င်းအပြင် အပင်ခံနိုင်ရည်ရှိစေရန် တစ်ဧကလျှင် ပိုတက်ရှ်မြေသြဇာ (MOP) ၁၅-၂၀ ပေါင်ခန့် ကျဲပက်ပေးပြီး၊ စိုက်ခင်းအတွင်းရှိ ရောဂါလက်ခံ ပေါင်းမြက်များကို ရှင်းလင်းကာ ရေသွင်းရေထုတ် စနစ်တကျ ပြုလုပ်ပေးရပါမယ်။

လှေပိုးကြရောက်နေပါသည်

စပါးခင်း ရေကြီးနစ်မြုပ်ပြီးနောက် အပင်များ ပြန်လည်နာလန်ထူလာစေရန် အချိန်မီ ပြုစုပျိုးထောင်ပေးဖို့ အလွန်အရေးကြီးပါတယ်။ စပါးပင်များ ပုပ်ပျက်မသွားစေရန်နှင့် အာဟာရပြန်လည်ရရှိစေရန် အောက်ပါအတိုင်း အဆင့်ဆင့် ဆောင်ရွက်ပေးရပါမယ်။ စပါးခင်း ရေနစ်ပြီးနောက် အပင်များ ပြန်လည်ကောင်းမွန်လာစေရန် ပထမဆုံးအနေဖြင့် ရေနုတ်မြောင်းများဖောက်ကာ ရေကို အမြန်ဆုံး ထုတ်ရပါမယ်။ ထို့နောက် အလင်းမှီစုဖွဲ့ခြင်း ပြန်လုပ်နိုင်ရန် အရွက်ပေါ်ရှိ နုန်းမြေများကို ရေကြည်ဖြင့် ဆေးချပါ။ ရေနစ်ချိန်တွင် အမြစ်များ အလုပ်မလုပ်နိုင်သဖြင့် မြေဩဇာကျွေးခြင်းထက် ယူရီးယား သို့မဟုတ် NPK ပါဝင်သော အပင်ဖျန်းအားဆေးများကို ဦးစွာ ပက်ဖျန်းပေးရပါမယ်။ သို့မဟုတ်Humic Acid (ဟျူးမစ်အက်ဆစ်) ပါဝင်သော ဆေးများကို ဖျန်းပေးပါ။ရေကြီးပြီးနောက် ဘက်တီးရီးယားနှင့် မှိုရောဂါများ ကျရောက်လွယ်သောကြောင့် ရောဂါကျခြင်းရှိမရှိ အမြဲစစ်ပါ။ အပင်များ ပြန်လည်လန်းဆန်းလာပြီး အမြစ်သစ် ထွက်လာသည့် (၅-၇) ရက်ခန့်တွင်မှ တစ်ဧကလျှင် ယူရီးယား (၁၅-၂၀) ပိဿာ နှင့် ပိုတက်စီယမ် (မိုရီယိတ် အော့ဖ် ပိုတက်ရှ် - MOP) (၅-၁၀) ပိဿာ ကို ရောစပ်ပြီးမြေဩဇာကို ပြန်လည်ကျွေးရပါမယ်။။ ပိုတက်စီယမ်သည် အပင်ကို ရောဂါဒဏ်နှင့် ရာသီဥတုဒဏ် ခံနိုင်ရည်ရှိစေပါတယ်။

ဟုတျကဲ့ပါ

ပုံပါကွမ်းရွက်တွင် ဖြစ်ပွားနေသည်မှာ Xanthomonas campestris pv. betlicola ဘက်တီးရီးယားကြောင့် ဖြစ်သော "ဘက်တီးရီးယား ဆီစွန်းရောဂါ ဖြစ်ပါတယ်။ ရောဂါသည် အရွက်ပေါ်တွင် ရေစိုနာကွက်များမှတစ်ဆင့် အဝါရောင်အနားသတ်ရှိသော ညိုမဲသည့် အကွက်များအဖြစ် ကူးစက်ပျံ့နှံ့တတ်ပြီး အပင်ကို သေစေနိုင်ပါတယ်။ ကုသရန်အတွက် ကွမ်းရွက်ခူးပြီးချိန်တွင်ကော့ပါး (Copper) ဆေးတစ်မျိုးမျိုး၊Oxolinic acidသို့မဟုတ် ကာဆူဂါမိုင်စင် (Kasugamycin) ကဲ့သို့သော ဘက်တီးရီးယားသတ်ဆေးကို Bismerthiazole နှင့် ရောစပ်ကာ အရွက်ထက်အောက်မျက်နှာပြင်ပါ နှံ့စပ်အောင် ပက်ဖျန်းပေးရပါမယ်။ တစ်ပြိုင်နက်တည်းမှာပင် ရောဂါရအရွက်များကို ခူးယူမီးရှို့ဖျက်ဆီးခြင်း၊ ခြံထဲတွင် လေဝင်လေထွက်ကောင်းအောင် ပြုလုပ်ခြင်းနှင့် အပင်ကို နုဖတ်ပြီး ရောဂါဝင်လွယ်စေသည့် နိုက်ထရိုဂျင် (ယူရီးယား) မြေသြဇာ အလွန်အကျွံကျွေးခြင်းကို ရှောင်ကြဉ်ခြင်းဖြင့် စိုက်ပျိုးရေးနည်းလမ်းအရ စနစ်တကျ ကာကွယ်ရပါမယ်။

စပါးခင်းတွင် ဖလံဖြူကျရောက်ပါက အပင်ရွက်ဝါခြောက်ပြီး အထွက်နှုန်း ထိခိုက်နိုင်ပါတယ်။ ကာကွယ်ရန်အတွက်စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ ပင်လုံးပျံ့ပိုးသတ်ဆေးများဖြစ်သည့် အီမီဒါကလိုပရစ် (Imidacloprid)၊ သို့မဟုတ် အဆီတာမီပရစ် (Acetamiprid) ပါဝင်သော ဆေးဝါးများကို ဖလံဖြူများ ခိုအောင်းရာ ရွက်အောက်မျက်နှာပြင်ပါ ထိမိစေရန် နံနက်စောစော အချိန်တွင် စနစ်တကျ ပက်ဖျန်းသုံးစွဲလေ့ရှိတယ်။ ဓာတုဆေးအပြင် ပိုးမွှားများ ထပ်မံပွားများခြင်းမှ ကာကွယ်ရန် ယူရီးယားမြေဩဇာ အလွန်အကျွံကျွေးခြင်းကို ရှောင်ကြဉ်ခြင်းနှင့် စပါးခင်းပတ်လည်ရှိ ပေါင်းမြက်များကို ရှင်းလင်းပေးခြင်းတို့ကို ပူးတွဲလုပ်ဆောင်ရပါမယ်။