ပုံထဲတွင် တွေ့ရသော ခရမ်းချဉ်ပင်စည် အရောင်ပြောင်းလဲပြီး မည်းပုပ်နေသည့် လက္ခဏာသည် စိုထိုင်းဆများသော ရာသီဥတုတွင် အဖြစ်များသည့် 'မှို' ကြောင့် ဖြစ်ပွားသော နှောင်းပင်နာကျရောဂါ (Late Blight) ကျရောက်နေခြင်း ဖြစ်ပါတယ်။ ဤရောဂါများသည် ပင်စည်တစ်ရှူးများကို လျင်မြန်စွာ ပျက်စီးစေပြီး အပင်တစ်ပြင်လုံးဆီသို့ ပိုးကူးစက်ပျံ့နှံ့သွားစေနိုင်သဖြင့် ချက်ချင်းကုသရန် လိုအပ်ပါတယ်။ ကာကွယ်နှိမ်နင်းရန်အတွက် ရောဂါကျနေသော အစိတ်အပိုင်းများကို အမြန်ဆုံး ဖြတ်တောက်မီးရှို့ဖျက်ဆီးရမည်ဖြစ်ပြီး၊ Azoxystrobin+ Difenoconazole ကဲ့သို့သော မှိုသတ်ဆေးတစ်မျိုးမျိုးကို စိုက်ခင်းအနှံ့ ပက်ဖျန်းပေးရပါမယ်။ ထို့ပြင် စိုက်ခင်းအတွင်း လေဝင်လေထွက်ကောင်းအောင် အရွက်ဟောင်းများ ဖယ်ရှားပေးခြင်းဖြင့် စိုထိုင်းဆကို လျှော့ချရပါမယ်။ ပင်စည်အကွဲအတွင်း ပိုးလောက်ကောင်များမရှိ၊ပိုးချေးများရှိမရှိ စစ်ဆေးပေးပါဦး၊ ပင်စည်ထိုးပိုးကျနေတာလည်းဖြစ်နိုင်သေးလို့ပါ

စပါးနှံများ အထွက်စုံချိန်တွင် အပင်ယိုင်လဲခြင်း သည် အထွက်နှုန်းနှင့် ဆန်အရည်အသွေးကို များစွာ ထိခိုက်စေနိုင်ပါတယ်။ အရေးပေါ်အနေဖြင့် စပါးခင်းအတွင်းရှိ ရေကို အမြန်ဆုံးပြတ်အောင် ထုတ်ပစ်ရန်၊ အပင်များကို ၃-၄ ပင်တွဲ၍ ပြန်လည်ထူပေးရန်နှင့် အချိန်ဆွဲမနေဘဲ အသီးရင့်မှည့်သည့်အခါအမြန်ဆုံး ရိတ်သိမ်းရန် လိုအပ်ပါတယ်။ ဤသို့ဖြစ်ရခြင်းမှာ ပုလဲမြေသြဇာ အလွန်အကျွံသုံးခြင်း၊ ပိုတက်ဆီယမ်နှင့် ဆီလီကွန်ဓာတ် ချို့တဲ့ခြင်း၊ အပင်သိပ်သည်းဆ များခြင်းနှင့် ရာသီဥတုဆိုးရွားခြင်းတို့ကြောင့် ဖြစ်တာပါ။ နောင်ရာသီတွင် ကာကွယ်ရန် ပုလဲ၊ တီစူပါနှင့် ပိုတက်ဆီယမ် မြေသြဇာများကို အချိုးကျခွဲကျွေးခြင်း၊ ဆီလီကွန်ဓာတ် ဖြည့်စွက်ခြင်း၊ အပင်ပုပြီး ပင်စည်တောင့်သော မျိုးသန့်များကို ရွေးချယ်စိုက်ပျိုးခြင်းနှင့် ရေသွင်းရေထုတ် စိုတစ်လှည့်ခြောက်တစ်လှည့်စနစ် (AWD) ကို ကျင့်သုံးခြင်းဖြင့် စပါးမြစ်ကို ခိုင်ခံ့စေပါမယ်။

ယနေ့ ၂၀၂၆ ခုနှစ် ဩဂုတ်လ ၂၈ ရက်နေ့ နယ်ကုန်စည်ဒိုင်အသီးသီး (မန္တလေး၊ အောင်လံ၊ မကွေး၊ မုံရွာ) ရှိ မိုးနှမ်းသစ် ပျှမ်းမျှပေါက်ဈေးနှုန်းများမှာ တစ်တင်းလျှင် နှမ်းနက် (စမုံ) သည် ၁၆၃,၀၀၀ ကျပ်မှ ၁၈၅,၀၀၀ ကျပ် ဝန်းကျင်၊ နှမ်းဖြူသည် ၁၃၃,၀၀၀ ကျပ်မှ ၁၄၅,၀၀၀ ကျပ် ဝန်းကျင်အသီးသီး ရှိနေပါတယ်။ နှမ်းဈေးနှုန်းသည် မိမိတို့ ရောင်းချမည့် ဒေသအလိုက်နှင့် အရည်အသွေး (အမှိုက်၊ သဲ၊ ဖုန် စင်ကြယ်မှု) ပေါ်မူတည်၍ ဈေးနှုန်းအနည်းငယ် ကွာဟနိုင်ပါတယ်

ယနေ့ ၂၀၂၆ ခုနှစ်၊ ဩဂုတ်လ ၂၈ ရက်နေ့ ပြည်တွင်းကွမ်းသီးဈေးကွက်တွင် သီးနှံအမျိုးအစားနှင့် ဒေသအလိုက် ဈေးနှုန်းများ ကွဲပြားလျက်ရှိပါတယ်။ လက်ရှိတွင် ကွမ်းသီးနုတစ်ပိဿာလျှင် ကျပ် ၄,၂၀၀ မှ ၅,၅၀၀ ဝန်းကျင်ရှိပြီး၊ အရည်အသွေးမြင့် ကွမ်းသီးခြောက်နှင့် ကွမ်းသီးအခြမ်းများမှာ တစ်ပိဿာလျှင် ကျပ် ၁၄,၀၀၀ မှ ၁၇,၀၀၀ ဝန်းကျင်အထိ ပေါက်ဈေးရှိနေပါတယ်။ အထူးသဖြင့် ရခိုင်ဒေသထွက် ကွမ်းသီးများသည် ဈေးကွက်အတွင်း အဝယ်လိုက်ကာ ပစ္စည်းပြတ်လပ်မှုများ ရှိနေပါတယ်။

တမာရွက်မှာ ပိုးကာကွယ်နိုင်သော Azadirachtin 1%ပါဝင်ပါတယ်။ ဆေးခါးရွက်မှာ ခါးတဲ့အတွက် တမာရွက်လောက် ပိုးကာကွယ်နိုင်စွမ်းမရှိသော်လည်း၊အတိုင်းအတာတခု အထိတော့ အာနိသင်ပေးစွမ်းနိုင်ပါလိမ့်မယ်။

ဘိုစားပဲပင် တိုင်မတက်မီ အပွင့်စောပွင့်ပြီး အပင်မကြီးထွားရခြင်းသည် အဓိကအားဖြင့် မျိုးစေ့အမျိုးအစား ကွဲပြားခြင်း (တိုင်ထောင်စရာမလိုသော ပင်ထောင်မျိုး ဖြစ်နေခြင်း) ကြောင့်သော်လည်းကောင်း၊ အပင်ငယ်စဉ် ရေပြတ်လတ်မှုနှင့် ရာသီဥတုပူပြင်းမှုကြောင့် အပင်ဖိစီးမှု (Stress) ဖြစ်ခြင်းကြောင့်သော်လည်းကောင်း ဖြစ်တတ်ပါတယ်။ အပင်ပြန်လည်သန်မာပြီး အသီးတင်စေရန်အတွက် နိုက်ထရိုဂျင်၊ ဖော့စဖိတ်၊ ပိုတက်စီယမ် မျှတစွာပါသော NPK ကွန်ပေါင်းမြေဩဇာ ကျွေးပေးရန် လိုအပ်ပြီး၊ အပွင့်ကြွေခြင်းမှ ကာကွယ်ရန် ကယ်လ်စီယမ်-ဘိုရွန် (Calcium-Boron) ရွက်ဖျန်းဆေးကို ပက်ဖျန်းပေးရပါမယ်။ ထို့ပြင် အပွင့်ပွင့်ချိန်တွင် ရေမပြတ်စေရန်နှင့် ရေမဝပ်စေရန် ရေသွင်းရေနုတ်ကို စနစ်တကျ လုပ်ဆောင်ပေးသင့်ပါတယ်ခင်ဗျာ။

ပုံတင်မေးပေးပါဦးခင်ဗျာ၊

အကောင်းဆုံးကတော့၊ခုနစ်သွားထွန်ကို ၊ဝါးခြမ်းပြား ၄ချောင်းလောက်နဲ့ ကပ်ယက်ပြီး၊ သဲ့ယူလိုက်ပါ။တနေရာမှာ စုပုံထ ားပြီး မီးပုံရှို့ပါ။

နေပြည်တော်ကပါ