မင်္ဂလာပါ ဆရာတို့ဗျာ ကျနော် ခရမ်းချဉ်စိုက်တောင်သူတယောက်ပါ ကျနော် သိချင်တာက ခရမ်းချဉ်မျိုးစေ့စပ်မျိုးမဝယ်ပဲ အရင်ကစိုက်ခဲ့တဲ့စပ်မျိုးတသားကျကို အမျိုးပြန်ယူပြီးစိုက် အဆင်ပြေနိုင်လားဗျ အထွက်နုန်းတွေရော့နိုင်လား ဖြေပေးကြပါ ကျေးဇူး တင်ပါတယ်
အပင်တွေကွက်ပြီးဝါနေတာ တစ်ခင်းလုံးလဲကူးခုနီးပါဖြစ်နေလို့ ဘာကြောင့်ဖြစ်လဲ ဘယ်လိုရောဂါအမျုးအစားကျရောက်သလဲ ဘာဆေးဖျန်းရမလဲ ဆေးဖျန်းရင်သက်သာနိုင်လားဖြေပေးပါအုံးရှင့်
နှမ်းပင်ပိုးစေးနှဲကျရင်ဘယ်လိုဆေးသုံးရမလဲ
ဆရာခရမ်းချဥ်နဲ့ခရမ်းခေါင်းအတွက် မနက်ဖြန် မှိုဆေးဖျန်းချင်လို့ မန်ကိုဇက်နဲ့ဖော်ယူနဲ့တွဲလို့ရလား အရင် ၆ ရက်ကမှ မိုနိုကေးနဲ့ ဒယ်ဘလယ် ပိုးသတ်ဆေးဖျန်းထားတာပါဆျာ ဒါမှမဟုတ် မန်ကိုဇက်တစ်မျိုးတညိးဖျန်းရမလား
မသိပါ
ကလေးမြို့မိုးရာသီမှာနံနံစိုက်ပျိုးနည်းလေးဖြေပေးပါ
ကလေးမြို့၏ မိုးရာသီတွင် ရှမ်းနံနံကို အောင်မြင်စွာစိုက်ပျိုးရန်အတွက် ရေဝပ်ခြင်းနှင့် မှိုရောဂါကာကွယ်ရန် အမြင့် ၈ လက်မရှိသော စိုက်ဘောင်မြင့်မြင့် ပြင်ဆင်ရန် အရေးကြီးပါတယ်။ လတ်တလော မြေဩဇာမကျွေးရသေးသဖြင့် မျိုးစေ့မချမီ မြေပြင်ချိန်တွင် သဘာဝနွားချေးဆွေး၊ ဖွဲပြာနှင့်အတူ အမြစ်သန်မာစေရန် တီစူပါဓာတ်မြေဩဇာကို အောက်ခံအဖြစ် မဖြစ်မနေ စနစ်တကျ ရောမွှေထည့်သွင်းပေးရပါမယ်။ ရှမ်းနံနံမျိုးစေ့များချပြီး နောက်၊ မိုးဖွဲဖွဲရွာသွန်းမှုဒဏ်ကြောင့် မျိုးစေ့များမျောပါခြင်းနှင့် အပင်ပေါက်နုများ ပျက်စီးခြင်းမှ ကာကွယ်ရန် ကောက်ရိုးဖြင့် ဘောင်ပေါ်မှ အုပ်ပေးထားရပါမယ်။
ကချင်ပြည်နယ်ဘက်မှာခရမ်းချဥ်မိုးတွင်းကာလစိုက်ပျိုးလို့ရပါသလား
ကချင်ပြည်နယ်တွင် မိုးရာသီ ခရမ်းချဉ်စိုက်ပျိုးခြင်းသည် အခက်ခဲများရှိသော်လည်း စနစ်တကျ ပြင်ဆင်ပါက အောင်မြင်နိုင်ပါတယ်။ မိုးရွာသွန်းမှုနှင့် စိုထိုင်းဆ မြင့်မားမှုကြောင့် ဖြစ်ပွားတတ်သော ရောဂါများကို ကာကွယ်ရန် မိုးဒဏ်/ရောဂါဒဏ်ခံ F1 Hybrid စပ်မျိုးကို ရွေးချယ်ရပါမယ်။ ရေဝပ်ခြင်းကြောင့် အမြစ်ပုပ်ခြင်းမှ ကာကွယ်ရန် ပျိုးဗန်းဖြင့် အမိုးအောက်တွင် ပျိုးထောင်ခြင်း၊ စိုက်ဘောင်ကို အမြင့် (၈ လက်မမှ ၁ ပေ) ဖော်ခြင်းနှင့် ရေနုတ်မြောင်း ကောင်းမွန်စွာ ပြုလုပ်ခြင်းတို့သည် မဖြစ်မနေ လိုအပ်ပါတယ်။ ထို့ပြင် အပင်လဲခြင်းနှင့် မြေကြီးမှ မှိုရောဂါကူးစက်ခြင်းကို တားဆီးရန် တိုင်ထောင်ခြင်း၊ ကိုင်းဖြတ်ခြင်းတို့ ပြုလုပ်ပေးရမည့်အပြင်၊ မှိုသတ်ဆေးကိုလည်း ကြိုတင်ကာကွယ်သည့်အနေဖြင့် ပုံမှန်ပက်ဖျန်းပေးရန် လိုအပ်ပါတယ်။ ပလပ်စတစ်အမိုးမိုးသည့်ခြံစနစ်ဖြင့် စိုက်ပျိုးခြင်းက အကောင်းဆုံး ဖြစ်ပါတယ်။
ကချင်ပြည်နယ်ဘက်မှာ မိုးတွင်းခရမ်းချဥ်စိုက်ပျိုးလို့ရပါသလား
ကချင်ပြည်နယ်တွင် မိုးရာသီ ခရမ်းချဉ်စိုက်ပျိုးခြင်းသည် အခက်ခဲများရှိသော်လည်း စနစ်တကျ ပြင်ဆင်ပါက အောင်မြင်နိုင်ပါတယ်။ မိုးရွာသွန်းမှုနှင့် စိုထိုင်းဆ မြင့်မားမှုကြောင့် ဖြစ်ပွားတတ်သော ရောဂါများကို ကာကွယ်ရန် မိုးဒဏ်/ရောဂါဒဏ်ခံ F1 Hybrid စပ်မျိုးကို ရွေးချယ်ရပါမယ်။ ရေဝပ်ခြင်းကြောင့် အမြစ်ပုပ်ခြင်းမှ ကာကွယ်ရန် ပျိုးဗန်းဖြင့် အမိုးအောက်တွင် ပျိုးထောင်ခြင်း၊ စိုက်ဘောင်ကို အမြင့် (၈ လက်မမှ ၁ ပေ) ဖော်ခြင်းနှင့် ရေနုတ်မြောင်း ကောင်းမွန်စွာ ပြုလုပ်ခြင်းတို့သည် မဖြစ်မနေ လိုအပ်ပါတယ်။ ထို့ပြင် အပင်လဲခြင်းနှင့် မြေကြီးမှ မှိုရောဂါကူးစက်ခြင်းကို တားဆီးရန် တိုင်ထောင်ခြင်း၊ ကိုင်းဖြတ်ခြင်းတို့ ပြုလုပ်ပေးရမည့်အပြင်၊ မှိုသတ်ဆေးကိုလည်း ကြိုတင်ကာကွယ်သည့်အနေဖြင့် ပုံမှန်ပက်ဖျန်းပေးရန် လိုအပ်ပါတယ်။ ပလပ်စတစ်အမိုးမိုးသည့်ခြံစနစ်ဖြင့် စိုက်ပျိုးခြင်းက အကောင်းဆုံး ဖြစ်ပါတယ်။
သိပ်မဥလိုဘာဆေးတွေးသုံးရမာလဲဗျ
မြေပဲဥနည်းခြင်းနှင့် ဥမအောင်ခြင်းသည် မြေပဲစွယ်ဆင်းချိန်တွင် ကယ်လ်ဆီယမ် (Calcium) ဓာတ် ချို့တဲ့ခြင်း၊ မြေကျစ်ခြင်းနှင့် နိုက်ထရိုဂျင် မြေသြဇာ အသုံးများခြင်းတို့ကြောင့် အဓိက ဖြစ်ပွားတတ်ပါတယ်။ ဤပြဿနာကို ဖြေရှင်းရန်အတွက် မြေပဲပင်သက်တမ်း (၃၅) ရက်မှ (၄၅) ရက်အတွင်း (ပန်းပွင့်/စွယ်ဆင်းချိန်) တွင် တစ်ဧကလျှင် ဂျစ်ပဆမ် (Gypsum) ၅၀ ကီလိုဂရမ် (၁ အိတ်) ကို အပင်ခြေသို့ ကြဲပက်၍ မြေတောင်မြှောက်ပေးရပါမယ်။ ထို့ပြင် ပဲဆန်အောင်ပြီး ဥအုနှုန်းကောင်းစေရန် ပိုတက်ရှ်မြေသြဇာနှင့် ဘိုရွန် (Boron) ပါဝင်သော ရွက်ဖျန်းမြေသြဇာများကို စွယ်ဆင်းချိန်တွင် စနစ်တကျ တွဲဖက်သုံးစွဲပေးရပါမယ်။
ပဲငပိဘယ်လိုစိုက်ပျိုးရလဲရှင်ဖြေပေးပါအုံး
မိုးနှမ်းစိုက်သိမ်းပီးသားကိုနှမ်းပြန်စိုက်လို့ရလားရှင်
မိုးနှမ်းရိတ်သိမ်းပြီးနောက် နှမ်းခင်းဟောင်းတွင် နှမ်းကို ထပ်မံ၍ တိုက်ရိုက်ပြန်လည်စိုက်ပျိုးရန် လုံးဝမသင့်တော်ပါဘူး။ နှမ်းသည် မြေဆီလွှာအာဟာရကို အလွန်စုပ်ယူသော သီးနှံဖြစ်သဖြင့် မြေမနားဘဲ ထပ်စိုက်ပါက အပင်ကြီးထွားမှု ညှက်ပြီး အထွက်နှုန်း သိသိသာသာ လျော့ကျသွားပါလိမ့်မယ်။ ထို့အပြင် နှမ်းပင်ဟောင်းများတွင် ကျန်ရှိခဲ့သော ပင်စည်ပုပ်၊ ခါးရိနှင့် နှမ်းဖိုဗိုင်းရပ်စ်ရောဂါပိုးများ၊ စုပ်စားပိုးများ အလွယ်တကူ ကူးစက်ပြန့်ပွားနိုင်သဖြင့် နှမ်းအစား မြေဆီလွှာကောင်းမွန်စေမည့် ပဲမျိုးစုံ (ကုလားပဲ၊ မတ်ပဲ) သို့မဟုတ် ဆောင်းသီးနှံများကိုသာ အလှည့်ကျ သီးလှည့်စိုက်ပျိုးသင့်ပါတယ်။
ကိုယ်တိုင်လုပ်ထားတဲ့ငါးအမိုင်နို+အင်ဇိုင်းအပွင့်အသိးတင်ဆေးနဲ့+တမာပိုးပြေးဆေးကိုရောပတ်လို့အဆင်ပြေနိင်လားဗျ...အပင်အတွက်ကောင်းကျိုးဆိုးကျိုးဘယ်လိုရှိနိင်လဲဆရာတို့...အချိုးကကောဘယ်လောက်ဆိစိုရင်သင့်တော်လဲ...အမိုင်နိုနဲ့အင်ဇိုင်းဆေးရည်က
ငါးအမိုင်နို.50Cc.အင်ဇိုင်း.50Ccစိုရင်လောင်နိင်လားဗျ..ဆေးဖျန်းပုံး1ပုံးစာကို.....ပဲစင်ငုံပင်...
မိမိကိုယ်တိုင် ပြုလုပ်ထားသော သဘာဝငါးအမိုင်နို၊ သဘာဝအင်ဇိုင်းနှင့် သဘာဝတမာဆေးများသည် အပင်အတွက် အလွန်ကောင်းမွန်သော်လည်း အားလုံးကို တစ်ပြိုင်နက်တည်း ရောစပ်မဖျန်းသင့်ပါဘူး။ အာဟာရဖြစ်သော ငါးအမိုင်နိုနှင့် အင်ဇိုင်းကို အုပ်စုတစ်စု၊ ပိုးမွှားကာကွယ်သော တမာဆေးကို အုပ်စုတစ်စု ခွဲခြား၍ ၃ ရက်မှ ၅ ရက်ခန့် ခြားပြီး ပက်ဖျန်းခြင်းက အာနိသင် အပြည့်ဝဆုံး ဖြစ်စေပါလိမ့်မယ်။ သဘာဝဆေးများသည် အချဉ်ဖောက်ထားသဖြင့် အက်စစ်ဓာတ်ရှိပြီး ပြင်းအား မြင့်မားတတ်သောကြောင့် နှုန်းထားလွန်ကဲပါက အပင်လောင်ခြင်း သို့မဟုတ် မှိုရောဂါကျရောက်ခြင်းတို့ ဖြစ်ပွားနိုင်သဖြင့် စနစ်တကျ အချိုးကျ ရေဖျော်အသုံးပြုရန် လိုအပ်ပါတယ်ခင်ဗျာ။နှုန်းထားများကို အနိမ့်ဆုံးဖြင့် စမ်းသပ်ဖျန်းပါ။
ဥစားဘဲတွေကို တစ်ညလုံးမီးထွန်းပေးရတာလားဆရာ
ဟုတျတယျ
ထိပ်အရွက်တွေဝါလာလို့ ဖြေရှင်းပေးပါဦး ခင်ဗျ မည်သို့ပြုလုပ်ရမည်ကိုသိချင်ပါတယ်ခင်ဗျ
ပုံပါ ငရုတ်ပင်တွင် တွေ့ရသော လက္ခဏာများသည် ယင်ဖြူနှင့် ပျပိုးကဲ့သို့သော စုပ်စားပိုးများမှတစ်ဆင့် ကူးစက်ပြန့်ပွားတတ်သည့် ငရုတ်ရွက်တွန့်မိုစေ့ဗိုင်းရပ်စ်ရောဂါ (Chili Mosaic/Leaf Curl Virus) ဖြစ်ပွားနေခြင်း ဖြစ်ပါတယ်။ ဗိုင်းရပ်စ်ရောဂါသည် ဆေးဖျန်းရုံဖြင့် လုံးဝပျောက်ကင်းအောင် ကုသ၍ မရနိုင်သောကြောင့် ရောဂါပြင်းထန်သော အပင်များကို ချက်ချင်းနှုတ်ယူ မီးရှို့ဖျက်ဆီးရပါမယ်။ ထို့နောက် ရောဂါထပ်မံမပြန့်ပွားစေရန် ဗိုင်းရပ်စ်သယ်ဆောင်သော စုပ်စားပိုးများကို စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့အီမီဒါကလိုပရစ် (Imidacloprid) သို့မဟုတ် Fipronil ပါဝင်သော ပိုးသတ်ဆေးသုံးစွဲလေ့ရှိတယ်။ မပြင်းထန်သေးသော အပင်များ ပြန်လည်လန်းဆန်းလာစေရန် ဇင့် (Zinc) နှင့် အနည်းလိုအာဟာရဓာတ် ပါဝင်သည့် ရွက်ဖျန်းအားဆေးကို ဖျန်းပေးပြီး၊ စိုက်ခင်းဘေးပတ်လည်တွင် ပေါင်းမြက်များ ရှင်းလင်းခြင်းနှင့် အတားအဆီးသီးနှံ (ပြောင်းဖူး) စိုက်ပျိုးခြင်းတို့ကို ရေရှည်အတွက် လုပ်ဆောင်သင့်ပါတယ်။
ကျေးဇူးအထူးပါခင်ဗျ
ဘိုစားပဲသံချေးလိုက်နေလို့ပါဘာဆေးသုံးရမလဲရှင့်
ကျေးဇူးပါရှင့်
ဘိုစားပဲခင်းတွင် ကျရောက်နေသည်မှာ သိပ္ပံအမည် Colletotrichum lindemuthianum ဟုခေါ်သည့် ပဲမှည့်ပျောက်စွန်း ရောဂါ (Bean Anthracnose) ဖြစ်ပါတယ်။ ဤမှိုရောဂါသည် အပူချိန်နှင့် စိုထိုင်းဆမြင့်မားချိန်တွင် လျင်မြန်စွာ ပြန့်ပွားတတ်ပြီး အရွက်ကြောများ၊ ရွက်ညှာများနှင့် ပဲသီးများပေါ်တွင် အုတ်နီရောင်မှ အမည်းရောင်ရှိသော ချိုင့်ဝင်နေသည့် ရောဂါကွက်များ ဖြစ်ပေါ်စေကာ အပင်ကို ညှိုးနွမ်းသေဆုံးစေပါတယ်။ ရောဂါကို ထိန်းချုပ်ရန်အတွက် အဇိုလ်ဆီစထရိုဘင် + ဒိုင်ဖီနိုကိုနာဇိုလ်း(Azoxystrobin + Difenoconazole) ကဲ့သို့သော ပင်လုံးပျံ့မှိုသတ်ဆေးကို မန်ကိုဇက် (Mancozeb) ကဲ့သို့ ကာကွယ်ဆေးများနှင့် အလှည့်ကျပက်ဖျန်းကာကွယ်ပေးရပါမယ်။ ထို့ပြင် ရောဂါပိုးသည် ရေစိုနေချိန်တွင် လူ သို့မဟုတ် ကိရိယာများနှင့် ထိမိရာမှတစ်ဆင့် အလွယ်တကူ ကူးစက်နိုင်သဖြင့် အပင်များ စိုစွတ်နေချိန်တွင် စိုက်ခင်းထဲဝင်ခြင်းကို ရှောင်ကြဉ်ရန်နှင့် နောက်ရာသီတွင် ရောဂါကင်းစင်သော မျိုးစေ့ကိုသာ ရွေးချယ်စိုက်ပျိုးရန် အထူးလိုအပ်ပါတယ်
စပါးပင်စည်မှာရော အရွက်မှာပါ သံဂျေးရောင် အကွက်သေးသေးလေးတွေ ပေါ်တာ ဘာဆေးသုံးရမလဲဗျ
စပါးပင်စည်နှင့် အရွက်တွင် သံချေးရောင် အကွက်ငယ်များ ပေါ်လာခြင်းသည် "စပါးရွက်ညိုပြောက် မှိုရောဂါ" သို့မဟုတ် မြေဆီလွှာတွင် ရေဝပ်လွန်း၍ ဖြစ်တတ်သော "သံဆိပ်သင့်ခြင်း (နီတိုပြဿနာ)" ကြောင့် ဖြစ်နိုင်ပါတယ်။ မှိုရောဂါဖြစ်ပါက အာဟာရချို့တဲ့မှုကို ပြုပြင်ရန် ပိုတက်ရှ်မြေသြဇာ ကျွေးပေးရမည့်အပြင် ကာဘင်ဒါဇင် သို့မဟုတ် Propiconazole သို့မဟုတ် Tebuconazole + Trifloxystrobin မှိုသတ်ဆေးတစ်မျိုးမျိုးကို ပက်ဖျန်းနှိမ်နင်းရပါမယ်။ အကယ်၍ ရေဝပ်ပြီး သံဆိပ်သင့်ခြင်း ဖြစ်ပါက လယ်ကွက်အတွင်းရှိ ရေဆိုးများကို အမြန်ဆုံး ဖောက်ထုတ်၍ နေလှန်းပေးရမည်ဖြစ်ပြီး၊ ပုလဲ (ယူရီးယား) မြေသြဇာ ကျွေးခြင်းကို လုံးဝရှောင်ကြဉ်ကာ ပိုတက်ရှ်နှင့် ဂျစ်ဆမ်၊ ဇင့်မြေသြဇာတို့ကို ပြောင်းလဲကျွေးပေးခြင်းဖြင့် သက်သာစေနိုင်ပါတယ်။ရောဂါလက္ခဏာဟုတ်မဟုတ် ပုံတင်ပြီးထပ်မေးပေးပါခင်ဗျာ။
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
မင်္ဂလာပါ ဆရာတို့ဗျာ ကျနော် ခရမ်းချဉ်စိုက်တောင်သူတယောက်ပါ ကျနော် သိချင်တာက ခရမ်းချဉ်မျိုးစေ့စပ်မျိုးမဝယ်ပဲ အရင်ကစိုက်ခဲ့တဲ့စပ်မျိုးတသားကျကို အမျိုးပြန်ယူပြီးစိုက် အဆင်ပြေနိုင်လားဗျ အထွက်နုန်းတွေရော့နိုင်လား ဖြေပေးကြပါ ကျေးဇူး တင်ပါတယ်
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။
ကြိုဆိုပါသည်
ဆက်လက်အသုံးပြုရန် ဝင်ရောက်ပါ
မတင်ဘဲ ထွက်မှာ သေချာပါသလား။
သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။
