သရက်ပွင့်တွေ များပေမယ့် သရက်သီး သီးတာဘာကြောင့်နည်းရသလဲ။ အသီးသီးလာတဲ့ သရက်သီးက ဘယ...

လွန်ခဲ့သော ၄၀ မိနစ် က · ဖေါင်းပြင်

သရက်ပွင့်တွေ များပေမယ့် သရက်သီး သီးတာဘာကြောင့်နည်းရသလဲ။ အသီးသီးလာတဲ့ သရက်သီးက ဘယ်လိုအောင်မြင်လာသလဲ ။မသီးနိုင်တဲ့ အပွင့်တွေက ဘာဖြစ်လို့ပါလဲ။

စိုက်ပျိုး ဗဟုသုတ သရက်

280,240 လွန်ခဲ့သော ၂ မိနစ် က

သရက်ပင်များ ပန်းပွင့်သော်လည်း အသီးမတင်ဘဲ ကြွေကျရခြင်းမှာ သရက်ပန်းခိုင်တွင် သန္ဓေမအောင်နိုင်သော "အဖိုပွင့်" ရာခိုင်နှုန်း ပိုများနေခြင်း၊ ပန်းပွင့်ချိန်တွင် ရာသီဥတုဆိုးရွား၍ ဝတ်မှုန်ကူးပေးမည့် အင်းဆက်များ မလာခြင်းနှင့် ဘိုရွန်၊ ဇင့်ဓာတ် ကဲ့သို့သော အာဟာရများ ချို့တဲ့ခြင်းတို့ကြောင့် ဖြစ်ပါတယ်။ သီးလာသော သရက်သီးများ အောင်မြင်ရန်အတွက် လိင်စုံပွင့်များ သန္ဓေအောင်ပြီးနောက် ကယ်လ်စီယမ်နှင့် ပိုတက်စီယမ်ဓာတ် မျှတစွာရရှိရန် လိုအပ်ပါတယ်။ မသီးနိုင်သော အပွင့်များသည် သရက်ဖြုတ်ပိုး၊ သရက်မှည့်ပျောက်စွန်းမှို (Anthracnose)ရောဂါများ တိုက်ခိုက်ခြင်းကြောင့် မည်းခြောက်ကာ ကြွေကျပျက်စီးသွားရခြင်း ဖြစ်ပါတယ်။ပွင့်ချိန်/သီးချိန်တွင် နိုက်ထရိုဂျင် (ယူရီးယား) ကျွေးခြင်းကို လျှော့ချပြီး ပိုတက်စီယမ် (K) နှင့် ဖော့စဖရပ် (P) ပိုမိုပါဝင်သော မြေသြဇာများကို ပြောင်းလဲကျွေးပါ။ပန်းခိုင်မပွင့်မီနှင့် ပွင့်စအချိန်တွင် ကယ်လ်စီယမ်-ဘိုရွန် (Calcium-Boron) နှင့် ဇင့် (Zinc) ရွက်ဖျန်းအားဆေးကို ပက်ဖျန်းပေးခြင်းဖြင့် အသီးတင်နှုန်း သိသိသာသာ တိုးတက်လာပါလိမ့်မယ်။ဝတ်မှုန်ကူးချိန် (ပွင့်အာချိန်) တွင်မူ အင်းဆက်များ မသေစေရန် ဆေးဖျန်းခြင်းကို ရှောင်ကြဉ်ရပါမယ်။သင့်တော်သော ရေသွင်းမှု (ဥပမာ- အသီးကင်းဝင်ချိန်တွင် တစ်ပတ်တစ်ကြိမ် ရေ သွင်းပေးခြင်း) ကြောင့် အသီးများ တဖြည်းဖြည်း ကြီးထွားအောင်မြင်လာနိုင်ပါတယ်။

လွန်ခဲ့သော ၃၁ မိနစ် က

ကူညီပေးစေလိုပါသည်

ဖြေလည်သော အဖြေရရှိပြီး

7,849

လွန်ခဲ့သော ၂ နာရီ က · ချောက်

ဆရာကြည့်ပေးပါအူးဗျ ခရမ်းခေါင်း သီးလုံးဖောက်ပိုးစတွေ့နေရပီ အများကြီးမဟုတ်ပေမဲ့တစ်လုံးစ နှစ်လုံးစတော့တွေ့နေရပီ အောက်ကပေါင်းပင်လဲရှင်းထားပါတယ်ဆရာ အရင် 24 ရက်နေ့က ဒယ်ဘလယ် ကောင်းတယ်ဆိုလို့ ဒယ်ဘလယ်နဲ့မိုနိုကေးဖျန်းထားတယ်ဆရာ ဒီနေ့ မန်ကိုဇက်နဲ့ ဖော်ယူဖျန်းထားတယ်ဆျာ ဖော်ယူက သီးလုံးဖောက်ပိုးနိုင်လားဆရာ သီးလုံးဖောက်ပိုးနည်းအောင် ဘယ်လိုတွေ ဂရုစိုက်ပေးရမလဲဆျာ ခရမ်းက 1 ပိသာ 3200 လောက်ရတော့ စျေးလေးမဆိုးဘူးပေါ့ဆရာ ခရမ်းချဥ်ကတော့ 1ပိသာ 1000 ဆိုတော့ သေချာတာတစ်ခုတော့ကိုယ့်အတွက် အခုမှ သီးလုံးဖောက်တာပါဆျာ ဒီနေ့ကောဆို ဆေးနှစ်ပတ်ရှိပီဆရာ အကြံပေးပါအူးနော့ဆျာ

ပိုးမွှားရောဂါ ခရမ်းသီး

280,240 လွန်ခဲ့သော ၂ နာရီ က

ဤအဖြေဖြင့် ပြေလည်

ခရမ်းသီး သီးလုံးဖောက်ပိုးကို ထိရောက်စွာ နှိမ်နင်းရန်အတွက် ဆေးဖျန်းရုံတင်မကဘဲ ရောဂါရနေသော အသီးနှင့် အညွန့်များကို တွေ့တွေ့ချင်း ဆွတ်ခူးပြီး စိုက်ခင်းအပြင်ဘက်တွင် မီးရှို့ သို့မဟုတ် မြေမြှုပ်ဖျက်ဆီးပစ်ရန် အရေးကြီးဆုံး ဖြစ်ပါတယ်။ တောင်သူကြီး အသုံးပြုထားသော ဆေးများသည် ကောင်းမွန်သော်လည်း ပိုးယဉ်ပါးမှု မဖြစ်စေရန်အတွက် Chlorantraniliprole သို့မဟုတ် Flubendiamide ကဲ့သို့သော ဆေးအုပ်စု (၂၈) ဒိုင်အာမိုက်ဆေးများနှင့် စပီနိုဆတ် (Spinosad) ဆေးဝါးများကို လှည့်ပတ်အသုံးပြုပေးရပါမယ်။ ဆေးဖျန်းရာတွင် လောက်ကောင်ငယ်များ လှုပ်ရှားချိန်ဖြစ်သော ညနေစောင်းအချိန်ကို ရွေးချယ်ဖျန်းပေးပါက ပိုမိုထိရောက်ပါတယ်။ ယခုအချိန်သည် ခူးဆွတ်နေသည့် ကာလဖြစ်၍ ဆေးဖျန်းပြီးနောက် သတ်မှတ်ထားသော ဆေးနားရက် (PHI) ကိုလည်း အတိအကျ လိုက်နာရပါမယ်။

7,849 လွန်ခဲ့သော ၂ နာရီ က

ဟုတ်ဆျာကျေးဇူးပါခင်ဗျ

လွန်ခဲ့သော ၃ နာရီ က · ဘီးလင်း

ခရမ်းချဥ်မျိုးစေ့စုံလင်စိတ်ချစွာဝယ်လို့ရတဲ့ဆိုင်ညွှန်းပေးကြပါဦးဗျ

စိုက်ပျိုးနည်း ခရမ်းချဉ်

280,240 လွန်ခဲ့သော ၂ နာရီ က

ခရမ်းချဉ်မျိုးစေ့ကို စိတ်ချစွာ ဝယ်ယူစိုက်ပျိုးရန်အတွက် မြန်မာနိုင်ငံ စိုက်ပျိုးရေးဈေးကွက်တွင် အောင်မြင်ဖြစ်ထွန်းမှု အမြင့်ဆုံးဖြစ်သော East-West Seed (အရှေ့အနောက်မျိုးစေ့ကုမ္ပဏီ - အစိမ်းရောင်တံဆိပ်)၊ မြန်မာဩဘာဂရု (Myanma Awba Group) နှင့် Golden Key Myanmar ကုမ္ပဏီကြီးများ၏ မူရင်းမျိုးစေ့များကို ရွေးချယ်သင့်ပါတယ်။ ဗိုင်းရပ်စ်ရောဂါ ကင်းစင်စေရန်အတွက် ကုမ္ပဏီထုတ် လေလုံစတေကာပါကင်များကိုသာ မြို့နယ်အဆင့် စိုက်ပျိုးရေးဆိုင်ကြီးများတွင် စိတ်ချယုံကြည်စွာ စုံစမ်းဝယ်ယူကြည့်ပါခင်ဗျာ။

လွန်ခဲ့သော ၄ နာရီ က · ပေါင်းတည်

ပဲငပိ၁တင်းဘယ်စျေးလဲရှင်အပေါက်ကောင်းမကောင်းဘယ်လိုစမ်းရမလဲဆရာရှင်ထယ်ထိုးပီးပတ်တာမပေါက်လို့ပါရှင်

စိုက်ပျိုးစီးပွား ပဲပုပ်

280,240 လွန်ခဲ့သော ၂ နာရီ က

မျိုးစေ့ဈေးနှုန်းကတော့ အဲ့ဒီပေါက်ဈေးလောက်ရှိပါတယ်၊ကျွန်တော်တို့ကကုန်စည်ဒိုင်ပေါက်ဈေးကိုပြောတာပါခင်ဗျာ၊

91 လွန်ခဲ့သော ၂ နာရီ က

ရွာမှာ၃သိန်းကျော်ထိရောင်းနေကြလို့ခုလိုစျေးနဲ့ရချင်ပါတယ်ဆရာဘယ်မှာဝယ်ရမလဲရှင်

ဖြေလည်သော အဖြေရရှိပြီး

လွန်ခဲ့သော ၆ နာရီ က · ဇမ္ဗူသီရိ

နေကြာမျိုးကောင်းမျိုးသန့် ၁၀ဧက စာ ရချင်ပါသည် ပျဥ်းမနားကပါ ဘယ်မှာဝယ်လို့ရပါသလဲ

စိုက်ပျိုးစီးပွား နေကြာ

1,106,897 လွန်ခဲ့သော ၅ နာရီ က

ဤအဖြေဖြင့် ပြေလည်

ရတနာ မျိုးသန့်ခြံ၊တပ်ကုန်း ဖုန်းဆက်မေးဝယ်ပါ

လွန်ခဲ့သော ၁၆ နာရီ က · ညောင်ရွှေ

မင်္ဂလာပါ ဆရာတို့ဗျာ ကျနော် ခရမ်းချဉ်စိုက်တောင်သူတယောက်ပါ ကျနော် သိချင်တာက ခရမ်းချဉ်မျိုးစေ့စပ်မျိုးမဝယ်ပဲ အရင်ကစိုက်ခဲ့တဲ့စပ်မျိုးတသားကျကို အမျိုးပြန်ယူပြီးစိုက် အဆင်ပြေနိုင်လားဗျ အထွက်နုန်းတွေရော့နိုင်လား ဖြေပေးကြပါ ကျေးဇူး တင်ပါတယ်

စိုက်ပျိုး ဗဟုသုတ ခရမ်းချဉ်

1,106,897 လွန်ခဲ့သော ၅ နာရီ က

ဒေသမျိုးတွေက၊မဖိုးပြန်ယူရင်ရပေမယ့်၊စပ်မျိုးတွေက မရဘူးဗျ။ အပင်ဖြစ်ပြီး အသီးမဖြစ်ထွန်းဘူး။

31 လွန်ခဲ့သော ၉ နာရီ က

မရပါ အသီးသေးသွား

လွန်ခဲ့သော ၁၆ နာရီ က · ချောက်

အပင်တွေကွက်ပြီးဝါနေတာ တစ်ခင်းလုံးလဲကူးခုနီးပါဖြစ်နေလို့ ဘာကြောင့်ဖြစ်လဲ ဘယ်လိုရောဂါအမျုးအစားကျရောက်သလဲ ဘာဆေးဖျန်းရမလဲ ဆေးဖျန်းရင်သက်သာနိုင်လားဖြေပေးပါအုံးရှင့်

ပိုးမွှားရောဂါ မြေပဲ(ကွင်းသီးနှံ)

121 လွန်ခဲ့သော ၇ နာရီ က

မြေပဲပင်တွင်ကျရောက်တတ်သောရောဂါများ

775 လွန်ခဲ့သော ၈ နာရီ က

မြေပဲပင်တွင်ကျရောက်တတ်သောရောဂါများ">https://greenwaymyanmar.com/tags/130">မြေပဲပင်တွင်ကျရောက်တတ်သောရောဂါများ

လွန်ခဲ့သော ၁၈ နာရီ က · ပွင့်ဖြူ

နှမ်းပင်ပိုးစေးနှဲကျရင်ဘယ်လိုဆေးသုံးရမလဲ

ပိုးမွှားရောဂါ နှမ်း

1,106,897 လွန်ခဲ့သော ၅ နာရီ က

ပရိုဖီနိုဖော့ ကို စွဲကပ်ဆေး ထည့်ဖျန်းပါ။အပွင့်ပွင့်ချိန်ရှောင်ပါ။

280,240 လွန်ခဲ့သော ၁၂ နာရီ က

နှမ်းပင်ပိုးစေးနှဲ ကျပါက ပိုးနည်းလျှင် လက်ဖြင့် ကောက်ယူဖျက်ဆီးပါ၊ ပိုးများလျှင်စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ အီမာမက်တင် ဘန်ဇိုအိတ် (Emamectin Benzoate) ဓာတုပိုးသတ်ဆေးကို ညွှန်းတမ်းအတိုင်း အမြန်ဆုံး သုံးစွဲလေ့ရှိတယ်

ဖြေလည်သော အဖြေရရှိပြီး

7,849

လွန်ခဲ့သော ၂၁ နာရီ က · ချောက်

ဆရာခရမ်းချဥ်နဲ့ခရမ်းခေါင်းအတွက် မနက်ဖြန် မှိုဆေးဖျန်းချင်လို့ မန်ကိုဇက်နဲ့ဖော်ယူနဲ့တွဲလို့ရလား အရင် ၆ ရက်ကမှ မိုနိုကေးနဲ့ ဒယ်ဘလယ် ပိုးသတ်ဆေးဖျန်းထားတာပါဆျာ ဒါမှမဟုတ် မန်ကိုဇက်တစ်မျိုးတညိးဖျန်းရမလား

ပိုးမွှားရောဂါ ခရမ်းချဉ်

280,240 လွန်ခဲ့သော ၁၂ နာရီ က

ဤအဖြေဖြင့် ပြေလည်

ဖော်ယူမှာက Abamectin 1.8% နှင့် Mancozeb (မှိုသတ်ဆေး) တို့ကို ဆေးဖျန်းပုံးတစ်ခုတည်းတွင် စနစ်တကျ ရောစပ်၍ တစ်ပြိုင်နက်တည်း ဖျန်းနိုင်ပါတယ်။ ဆေးဖျော်စပ်ရာတွင် ဓာတုဗေဒသဘောအရ ဆေးအာနိသင်ပျက်ပြယ်ခြင်း သို့မဟုတ် ဆေးလောင်ခြင်းမျိုး မဖြစ်စေရန်အတွက် ပထမဦးစွာ အမှုန့်ပုံစံဖြစ်သော Mancozeb ကို ရေတစ်ဝက်ခန့်ရှိသည့် ဆေးပုံးထဲထည့်၍ သမအောင်အရင်မွှေရပါမယ်။ ထိုမှိုသတ်ဆေးအမှုန့်များ လုံးဝပျော်ဝင်သွားပြီဆိုမှ ဒုတိယအဆင့်အနေဖြင့် အဆီရည်ပုံစံဖြစ်သော Abamectin ကို ထပ်မံထည့်သွင်းကာ ရေပြည့်အောင်ဖြည့်၍ မွှေပေးရပါမယ်။ ဤဆေးနှစ်မျိုးတွဲဖက်မှုကို နေပြင်းချိန်တွင် ဖျန်းခြင်းမှရှောင်ကြဉ်ပြီး၊ နေအေးချိန်ဖြစ်သော မနက်စောစော သို့မဟုတ် ညနေစောင်းတွင်သာ ထိုနေ့ချင်းပြီး ကုန်အောင် ဖျန်းပေးရပါမယ်။

7,849 လွန်ခဲ့သော ၁၁ နာရီ က

ဟုတ်ဆရာကျေးဇူးတင်ပါတယ်ဆရာ

လွန်ခဲ့သော ၂၂ နာရီ က · ကလေး

ကလေးမြို့မိုးရာသီမှာနံနံစိုက်ပျိုးနည်းလေးဖြေပေးပါ

စိုက်ပျိုးနည်း ရှမ်းနံနံ

280,240 လွန်ခဲ့သော ၂၁ နာရီ က

ကလေးမြို့၏ မိုးရာသီတွင် ရှမ်းနံနံကို အောင်မြင်စွာစိုက်ပျိုးရန်အတွက် ရေဝပ်ခြင်းနှင့် မှိုရောဂါကာကွယ်ရန် အမြင့် ၈ လက်မရှိသော စိုက်ဘောင်မြင့်မြင့် ပြင်ဆင်ရန် အရေးကြီးပါတယ်။ လတ်တလော မြေဩဇာမကျွေးရသေးသဖြင့် မျိုးစေ့မချမီ မြေပြင်ချိန်တွင် သဘာဝနွားချေးဆွေး၊ ဖွဲပြာနှင့်အတူ အမြစ်သန်မာစေရန် တီစူပါဓာတ်မြေဩဇာကို အောက်ခံအဖြစ် မဖြစ်မနေ စနစ်တကျ ရောမွှေထည့်သွင်းပေးရပါမယ်။ ရှမ်းနံနံမျိုးစေ့များချပြီး‌ နောက်၊ မိုးဖွဲဖွဲရွာသွန်းမှုဒဏ်ကြောင့် မျိုးစေ့များမျောပါခြင်းနှင့် အပင်ပေါက်နုများ ပျက်စီးခြင်းမှ ကာကွယ်ရန် ကောက်ရိုးဖြင့် ဘောင်ပေါ်မှ အုပ်ပေးထားရပါမယ်။

လွန်ခဲ့သော ၁ ရက် က · မန်စီ

ကချင်ပြည်နယ်ဘက်မှာခရမ်းချဥ်မိုးတွင်းကာလစိုက်ပျိုးလို့ရပါသလား

စိုက်ပျိုးနည်း ငရုတ်သီး

280,240 လွန်ခဲ့သော ၁ ရက် က

ကချင်ပြည်နယ်တွင် မိုးရာသီ ခရမ်းချဉ်စိုက်ပျိုးခြင်းသည် အခက်ခဲများရှိသော်လည်း စနစ်တကျ ပြင်ဆင်ပါက အောင်မြင်နိုင်ပါတယ်။ မိုးရွာသွန်းမှုနှင့် စိုထိုင်းဆ မြင့်မားမှုကြောင့် ဖြစ်ပွားတတ်သော ရောဂါများကို ကာကွယ်ရန် မိုးဒဏ်/ရောဂါဒဏ်ခံ F1 Hybrid စပ်မျိုးကို ရွေးချယ်ရပါမယ်။ ရေဝပ်ခြင်းကြောင့် အမြစ်ပုပ်ခြင်းမှ ကာကွယ်ရန် ပျိုးဗန်းဖြင့် အမိုးအောက်တွင် ပျိုးထောင်ခြင်း၊ စိုက်ဘောင်ကို အမြင့် (၈ လက်မမှ ၁ ပေ) ဖော်ခြင်းနှင့် ရေနုတ်မြောင်း ကောင်းမွန်စွာ ပြုလုပ်ခြင်းတို့သည် မဖြစ်မနေ လိုအပ်ပါတယ်။ ထို့ပြင် အပင်လဲခြင်းနှင့် မြေကြီးမှ မှိုရောဂါကူးစက်ခြင်းကို တားဆီးရန် တိုင်ထောင်ခြင်း၊ ကိုင်းဖြတ်ခြင်းတို့ ပြုလုပ်ပေးရမည့်အပြင်၊ မှိုသတ်ဆေးကိုလည်း ကြိုတင်ကာကွယ်သည့်အနေဖြင့် ပုံမှန်ပက်ဖျန်းပေးရန် လိုအပ်ပါတယ်။ ပလပ်စတစ်အမိုးမိုးသည့်ခြံစနစ်ဖြင့် စိုက်ပျိုးခြင်းက အကောင်းဆုံး ဖြစ်ပါတယ်။

လွန်ခဲ့သော ၁ ရက် က · မန်စီ

ကချင်ပြည်နယ်ဘက်မှာ မိုးတွင်းခရမ်းချဥ်စိုက်ပျိုးလို့ရပါသလား

စိုက်ပျိုးနည်း ကြက်သွန်နီ

280,240 လွန်ခဲ့သော ၁ ရက် က

လွန်ခဲ့သော ၁ ရက် က · တောင်ကြီး

သိပ်မဥလိုဘာဆေးတွေးသုံးရမာလဲဗျ

စိုက်ပျိုး ရေ မြေပဲ(ကွင်းသီးနှံ) ဆင်းပဒေသာ-၁၁

280,240 လွန်ခဲ့သော ၁ ရက် က

မြေပဲဥနည်းခြင်းနှင့် ဥမအောင်ခြင်းသည် မြေပဲစွယ်ဆင်းချိန်တွင် ကယ်လ်ဆီယမ် (Calcium) ဓာတ် ချို့တဲ့ခြင်း၊ မြေကျစ်ခြင်းနှင့် နိုက်ထရိုဂျင် မြေသြဇာ အသုံးများခြင်းတို့ကြောင့် အဓိက ဖြစ်ပွားတတ်ပါတယ်။ ဤပြဿနာကို ဖြေရှင်းရန်အတွက် မြေပဲပင်သက်တမ်း (၃၅) ရက်မှ (၄၅) ရက်အတွင်း (ပန်းပွင့်/စွယ်ဆင်းချိန်) တွင် တစ်ဧကလျှင် ဂျစ်ပဆမ် (Gypsum) ၅၀ ကီလိုဂရမ် (၁ အိတ်) ကို အပင်ခြေသို့ ကြဲပက်၍ မြေတောင်မြှောက်ပေးရပါမယ်။ ထို့ပြင် ပဲဆန်အောင်ပြီး ဥအုနှုန်းကောင်းစေရန် ပိုတက်ရှ်မြေသြဇာနှင့် ဘိုရွန် (Boron) ပါဝင်သော ရွက်ဖျန်းမြေသြဇာများကို စွယ်ဆင်းချိန်တွင် စနစ်တကျ တွဲဖက်သုံးစွဲပေးရပါမယ်။

လွန်ခဲ့သော ၁ ရက် က · ပေါင်းတည်

ပဲငပိဘယ်လိုစိုက်ပျိုးရလဲရှင်ဖြေပေးပါအုံး

စိုက်ပျိုးနည်း ပဲပုပ်

280,240 လွန်ခဲ့သော ၁ ရက် က

ပဲပုပ်(Soybean) စိုက်ပျိုးနည်း

လွန်ခဲ့သော ၁ ရက် က · ပေါင်းတည်

မိုးနှမ်းစိုက်သိမ်းပီးသားကိုနှမ်းပြန်စိုက်လို့ရလားရှင်

စိုက်ပျိုးစီးပွား နှမ်း

280,240 လွန်ခဲ့သော ၁ ရက် က

မိုးနှမ်းရိတ်သိမ်းပြီးနောက် နှမ်းခင်းဟောင်းတွင် နှမ်းကို ထပ်မံ၍ တိုက်ရိုက်ပြန်လည်စိုက်ပျိုးရန် လုံးဝမသင့်တော်ပါဘူး။ နှမ်းသည် မြေဆီလွှာအာဟာရကို အလွန်စုပ်ယူသော သီးနှံဖြစ်သဖြင့် မြေမနားဘဲ ထပ်စိုက်ပါက အပင်ကြီးထွားမှု ညှက်ပြီး အထွက်နှုန်း သိသိသာသာ လျော့ကျသွားပါလိမ့်မယ်။ ထို့အပြင် နှမ်းပင်ဟောင်းများတွင် ကျန်ရှိခဲ့သော ပင်စည်ပုပ်၊ ခါးရိနှင့် နှမ်းဖိုဗိုင်းရပ်စ်ရောဂါပိုးများ၊ စုပ်စားပိုးများ အလွယ်တကူ ကူးစက်ပြန့်ပွားနိုင်သဖြင့် နှမ်းအစား မြေဆီလွှာကောင်းမွန်စေမည့် ပဲမျိုးစုံ (ကုလားပဲ၊ မတ်ပဲ) သို့မဟုတ် ဆောင်းသီးနှံများကိုသာ အလှည့်ကျ သီးလှည့်စိုက်ပျိုးသင့်ပါတယ်။

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ရေပန်းစားသော အကြောင်းအရာများ