လွန်ခဲ့သော ၃၈ မိနစ် က
·
မအူပင်
စပါးစိုက်ဖို့အတွက်သမန်းေကာင်းမွန်ေအာင်မြေဆီလျွှာကိုဘယ်လိုပြုပြင်ရမလဲ?
ဓာမြေဩဇာနဲဖြန်းဆေးတေသုံးဖို့လိုအပ်သလား?လိုအပ်ရင်ရောဘယ်လိုမြေဩဇာမျိုးနဲဘယ်ဆေးမျိုးသုံးသင်ပါသလဲ?
မြေဆီလွှာ
စပါး
·
282,676
လွန်ခဲ့သော ၂၀ မိနစ် က
စပါးစိုက်ပျိုးရန် ကောင်းမွန်သော မြေဆီလွှာဖြစ်စေရန် မြေပြင်ခြင်းကို အဆင့် (၄) ဆင့်ဖြင့် စနစ်တကျ လုပ်ဆောင်ရပါမယ်။ ပထမဦးစွာ ကောက်ရိုးနှင့် ပေါင်းမြက်များ မြေဆွေးဖြစ်စေရန်နှင့် မြေအောက်လွှာပွစေရန် ထယ်ရေးနက်နက် (၆ လက်မခန့်) ထိုးပြီး ၁ ပတ်မှ ၂ ပတ်ခန့် နေလှန်းရပါမယ်။ ဒုတိယအဆင့်အနေဖြင့် မြေခဲများကြေညက်ပြီး သမန်းညက်စေရန် ရေသွင်းကာ ထွန်မွှေစက် (သို့မဟုတ်) ထွန်စက်ဖြင့် ၃-၄ ကြိမ် ထွန်မွှေပေးရပါမယ်။ တတိယအဆင့်တွင် သမန်းတုံးရိုက်၍ လယ်ကွက်မျက်နှာပြင်ကို တစ်ညီတည်းဖြစ်အောင် ညှိရပါမယ်။ နောက်ဆုံးအဆင့်တွင် ရေဝပ်သည့်နေရာ မရှိစေရန်နှင့် ရေသွင်းရေထုတ် လွယ်ကူစေရန် ပတ်လည်ရေမြောင်းနှင့် ပတ်ဆွဲခြင်းတို့ကို ပြုလုပ်ပေးရပါမယ်။စပါးစိုက်ပျိုးရန် မြေပြင်ချိန်တွင် ဓာတ်မြေဩဇာနှင့် ကာကွယ်ဆေးများကို စနစ်တကျ အသုံးပြုရန် လိုအပ်ပါတယ်။ မြေခံမြေပြင်ချိန်တွင် သဘာဝနွားချေး (သို့မဟုတ်) မြေဆွေးကို အဓိကထား ထည့်သွင်းရပါမယ်။ ထို့ပြင် အမြစ်ပွားအားကောင်းစေရန် တီစူပါ (TSP) နှင့် အပင်ရောဂါဒဏ်ခံနိုင်ရန် ပိုတက်ရှ် (MOP) မြေဩဇာတို့ကို မြေခံအဖြစ် မဖြစ်မနေ ထည့်ပေးရပါမယ်။ ဖြန်းဆေးနှင့် မြေချဆေးအနေဖြင့် မြေချဉ်ပါက စိုက်ပျိုးရေးထုံးထည့်ရန်လိုအပ်ပြီး၊ မြေအောင်းမှိုနှင့် နီမတုတ်ပိုးများအတွက် မြေအောင်းပိုးသတ်ဆေးနှင့် ပေါင်းမြက်များ ကြိုတင်ကာကွယ်ရန် အပင်မပေါက်မီဖျန်း ပေါင်းသတ်ဆေး ကို အသုံးပြုသင့်ပါတယ်။
·
17
လွန်ခဲ့သော ၄ နာရီ က
·
အိမ္မဲ
ကွမ်းပင်အခုလိုဖြစ်နေလို့ပါ ခုလက်ရှိတော့ ပုံထဲကဆေး ဖျန်းထားပါတယ် အကြံပေးပါအုံးဆရာ
ပိုးမွှားရောဂါ
ကွမ်း
·
282,676
လွန်ခဲ့သော ၃၂ မိနစ် က
ပုံပါကွမ်းရွက်တွင် တွေ့ရသော လက္ခဏာမှာ အဝါရောင်အနားရစ်ပါသည့် ရေစိုနာအမည်းကွက်များဖြစ်ပြီး ၎င်းသည် ကွမ်းခြံများတွင် အဖြစ်များသော ဘက်တီးရီးယား ဆီစွန်းရောဂါ (ရိုးမဲ/ဆစ်ပြုတ်ရောဂါ) ဖြစ်ပါတယ်။ လူကြီးမင်းအနေဖြင့် Bismerthiazole ဖျန်းထားခြင်းမှာ မှန်ကန်သော်လည်း ရောဂါငြိမ်စေရန်အတွက် (၅) ရက်မှ (၇) ရက်အကြာတွင် အဆိုပါဆေးကို နောက်ထပ်တစ်ကြိမ် ထပ်မံဖျန်းပေးရန် လိုအပ်ပါတယ်။ သို့မဟုတ်နောက်တစ်ပတ်တွင် ဘက်တီးရီးယားနှင့် မှိုကိုပါ ပူးတွဲနှိမ်နင်းနိုင်သော ကော့ပါးအခြေခံဆေးများ (Copper Oxychloride / Copper Hydroxide) ကို ဖျန်းမယ်ဆိုလည်းရပါတယ်။ထို့ပြင် ရောဂါကူးစက်မှုကို ဖြတ်တောက်နိုင်ရန် ရောဂါကျရွက်များကို ဆွတ်ခူး၍ ခြံပြင်ပတွင် မီးရှို့ဖျက်ဆီးပစ်ရမည်ဖြစ်ပြီး၊ ရောဂါ ပိုမိုဆိုးရွားစေတတ်သည့် ယူရီးယား (နိုက်ထရိုဂျင်) မြေဩဇာ ကျွေးခြင်းကို လုံးဝရပ်နားထားကာ အပင်ခံနိုင်ရည်တိုးစေရန် ပိုတက်ရှ်မြေဩဇာကို ပြောင်းလဲကျွေးပေးရပါမယ်။
·
129
လွန်ခဲ့သော ၅ နာရီ က
·
မြောင်းမြ
စိမ့်ကိုင်နေတဲ့နေရာကိုထုန်းချလို့ရလားဗျ
ချလို့ရမရနဲ့ ထုန်းချရင် ကောင်းကျိုးဆိုးလေးပြောပြပေးကြပါအုန်းဗျား
မြေဆီလွှာ
ကွမ်း
·
282,676
လွန်ခဲ့သော ၂၅ မိနစ် က
အစိုဓာတ်မပြတ် စိမ့်ကိုင်ပြီး ရေဝပ်နေသော မြေဆီလွှာတွင် ထုံးကို တိုက်ရိုက်မထည့်သင့်ပါဘူးခင်ဗျာ။ အကြောင်းရင်းကတော့ ရေဝပ်နေစဉ် ထုံးထည့်လိုက်ရင် ထုံးက ရွှံ့တွေနဲ့ပေါင်းပြီး အင်္ဂတေလို မာခဲသွားကာ မြေကြီးကျစ်သွားစေနိုင်လို့ ဖြစ်ပါတယ်။ ဒါ့အပြင် အမြစ်တွေကို အသက်ရှူကျပ်စေပြီး ကွမ်းပင်ခြေပုပ်၊ အမြစ်ပုပ်မှိုရောဂါတွေကို ပိုမိုဆိုးရွားစေနိုင်တဲ့အပြင်၊ အပင်က အာဟာရဓာတ်စုပ်ယူမှုကိုလည်း ပိတ်ဆို့ပစ်တတ်ပါတယ်။ ထုံးထည့်ချင်တယ်ဆိုရင်တော့ အရင်ဆုံး ရေနုတ်မြောင်းစနစ်တကျဖောက်ပြီး မြေဆီလွှာ အနည်းငယ်ခြောက်သွေ့ (စိုထိုင်းရုံပဲရှိတဲ့) အခြေအနေရောက်မှသာ ထုံးအစားထိုးဒိုလိုမိုက်ကို ချင့်ချိန်ထည့်သွင်းရမှာ ဖြစ်ပါတယ်။ အကောင်းဆုံကတော့ဂျစ်ဆမ်ဟာ အစိုဓာတ်စိမ့်ကိုင်ပြီး စေးပျစ်ကျစ်လစ်နေတဲ့ မြေစေးလွှာတွေကို ပွပွအက်အက်ဖြစ်စေပြီး ရေစီးဆင်းမှုနဲ့ လေဝင်လေထွက် ကောင်းမွန်အောင် ပြုပြင်ပေးနိုင်တဲ့အတွက် ကွမ်းခင်းအတွက် အလွန်သင့်တော်ပါတယ်ခင်ဗျာ။ ဒါပေမဲ့ မြေကြီးထဲမှာ ရေဝပ်ပြီး ရွှံ့ဗွက်ဖြစ်နေချိန်မှာ မထည့်ရဘဲ၊ အရင်ဆုံး ရေနုတ်မြောင်းဖောက်ပြီး မြေသားစိုထိုင်းရုံအခြေအနေ ရောက်မှသာ ထည့်သွင်းရပါမယ်။ စိုက်ပျိုးရေးနှင့် နည်းပညာများအရ ဂျစ်ဆမ်ကို တစ်ဧကလျှင် ပိဿာ ၁၀၀ မှ ၁၅၀ ဝန်းကျင် (သို့မဟုတ် ကွမ်းတစ်ပင်လျှင် လက်တစ်ဆုပ်စာခန့်) ကို အပင်ခြေနဲ့ ခပ်လှမ်းလှမ်း မြေပေါ်ဖြန့်ကြဲပြီး မြေဆီလွှာနဲ့ သမအောင် မွှေပေးခြင်းဖြင့် ကွမ်းပင်အတွက် လိုအပ်တဲ့ ကယ်လ်စီယမ်နဲ့ ဆာလ်ဖာဓာတ်ကို ရရှိစေပြီး အမြစ်ပုပ်ခြင်းမှ ကာကွယ်ပေးနိုင်ပါတယ်ခင်ဗျာ။
·
217,994
လွန်ခဲ့သော ၄ နာရီ က
ကွမ်းခြံထဲမှာဆိုgypsum ထည့်ပြီးကွမ်းခုံကိုအြေတောင်မြေတောင်မြှောက်ပြီးရေထုပ်ပေးရင်ကောင်းမယ်လို့အကြံပေးချင်ပါတယ်
·
144
လွန်ခဲ့သော ၁၄ နာရီ က
·
ဆော
စပါးက ပျိုးရွှေ့စိုက်ပြီ ၃၅ရက်သားရှိပါပြီ
စပါး၃ ပုတ်မှာ ဆစ်ပိုးတစ်ကောင်လောက်တွေ့ရပါတယ် ဆေးဖျန်းရမှာလားဗျာ
ပိုးမွှားရောဂါ
စပါး
·
217,994
လွန်ခဲ့သော ၄ နာရီ က
ဤအဖြေဖြင့် ပြေလည်
စပါးဆစ်ပိုးအတွက်ဆေးဖျန်းရပါမယ်အခခြားတောင်သူတွေကိုလည်းဖျန်းခိုင်းပါအများလယ်လည်းဆစ်ပိုးကျနိုင်တယ်အားလုံးသဘောတူရင်မီးထောင်ချောက်ပြုပြီးဆစ်ပိုးကိုကာကွယ်နိုင်တယ်
·
282,676
လွန်ခဲ့သော ၆ နာရီ က
ဤအဖြေဖြင့် ပြေလည်
ပုံပါဖလံကောင်မှာ စပါးအဝါရောင်ဆစ်ပိုး (Yellow Stem Borer) ဖြစ်ပြီး စပါး ၃ ပင်တွင် ၁ ကောင်နှုန်း (၃၃%) တွေ့ရှိခြင်းမှာ ဆေးဖျန်းရန် သတ်မှတ်ထားသော စီးပွားရေးအရ အရေးကြီးသည့် ဆုံးရှုံးမှုအဆင့် (Economic Threshold Level) ထက် များစွာကျော်လွန်နေသဖြင့် ပိုးသတ်ဆေး ချက်ချင်းပက်ဖျန်းရန် လိုအပ်ပါတယ်။ စပါးသက်တမ်း ၃၅ ရက်သား (ပင်ပွားချိန်) ဖြစ်သောကြောင့် ပင်စည်အတွင်းအာနိသင်ရှိသည့် စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ ဖစ်ပရိုနေး (Fipronil 5% SC) (သို့မဟုတ်) ကလိုရန်ထရန်နီလီပရိုး (Chlorantraniliprole 18.5% SC) ဆေးကို အပင်ခြေအထိ စိုစွတ်အောင် ဖျန်းပက်သုံးစွဲလေ့ရှိတယ် ။ ထို့ပြင် ဆစ်ပိုးငြိမ်မသွားမချင်း နိုက်ထရိုဂျင် (ယူရီးယား) မြေသြဇာ ကျွေးခြင်းကို ခေတ္တရပ်ဆိုင်းထားပြီး စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ ပိုးဥမြုံများ သေစေရန် စိုက်ခင်းထဲတွင် ရေကို ၂ လက်မခန့် တင်ပေးထားလေ့ရှိတယ်။
·
126
လွန်ခဲ့သော ၁၄ နာရီ က
·
ပေါင်းတည်
ဆရာရှင် မိုးနှမ်းသိမ်းပီးသားမြေကို တော်သလင်းမြေပဲပြန်စိုက်ရင်ဘယ်လိုစိုက်ရမလဲဆရာရှင်ဘာဆေးတွေသုံးရမလဲဖြေပေးပါအုံးရှင်
စိုက်ပျိုးနည်း
မြေပဲ
·
217,994
လွန်ခဲ့သော ၄ နာရီ က
ပေါင်းတည်မှာဆိုမိုးနှမ်းကိုဇူလိုင်သြဂုတ်လမှာရိပ်သိမ်းပြီးရိုးပြတ်ဖြစ်စေနှုပ်သိမ်းသည်ဖြစ်စေအစိုဓာတ်ရှိတုံးပိုက်ဆံလျှော်ဖြစ်စေပဲရင်းဇျေးပေါတဲ့ပဲတစ်မျိးကိုသစ်စိမ်းအဖြစ်စိုက်ပြီးတစ်လရက်လေးဆယ့်ငါးထားပြီးထယ်ထိုးပါအချိန်ရရင်ဒီထက်ကြာကြာထားရင်မြေသြဇာနဲ့ နိုက်ထရိုဂျင်ပိုရမယ်ထယ်မှောက်ပြီးဆယ်ရက်ကြာရင်ထည်ထိုးထွန်မျွှေပြီးမြေပဲစိုက်ပါခါတိုင်းထက်မြေသြဇာလျှော့ပြီးgyosumကိုတော့ခါတိုင်းလိုသုံးပါ
·
282,676
လွန်ခဲ့သော ၆ နာရီ က
မိုးနှမ်းရိတ်သိမ်းပြီးနောက် မြေပဲပြန်လည်စိုက်ပျိုးရန်အတွက် ပထမဦးစွာ ထွန်ရေးညက်အောင် မြေပြုပြင်ပြီး မိုးရွာသွန်းမှုကြောင့် ရေမဝပ်စေရန် ဘောင်စနစ်ဖြင့် စိုက်ပျိုးရပါမယ်။ မြေပဲတွင် အဖြစ်များသော ခါးရိရောဂါနှင့် အပင်ညှိုးရောဂါများမှ ကာကွယ်ရန် စိုက်ပျိုးခြင်းမပြုမီ မျိုးစေ့ကို ကပ်တန် (Captan) သို့မဟုတ် ကာဗင်ဒါဇင် (Carbendazim) မျိုးစေ့လူးနယ်ဆေးဖြင့် သေချာစွာ လူးနယ်စိုက်ပျိုးရပါမယ်။ မြေခံအဖြစ် သဘာဝမြေဆွေး၊ တီစူပါနှင့် ပိုတက်ရှ်မြေသြဇာတို့ကို ထည့်သွင်းရမည်ဖြစ်ပြီး၊ အပင်သက်တမ်း (၃၀-၃၅) ရက် ပန်းပွင့်ချိန်တွင် အောင်စေ့ဖြစ်ထွန်းစေရန်အတွက် ဂျစ်ပဆမ်မြေသြဇာကို တစ်ဧကလျှင် ပိဿာ (၅၀ မှ ၁၀၀) မရှိမဖြစ် ထည့်သွင်းပေးရပါမယ်။ ပေါင်းမြက်များအတွက် စိုက်ပြီး (၂) ရက်အတွင်း ပင်ဒီမီသလင် အကြိုပေါင်းသတ်ဆေးဖျန်းရန် လိုအပ်ပြီး၊ စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ငမြှောင်တောင်ပိုးနှင့် ယင်ဖြူများအတွက် အီမီဒါကလိုပရစ် ပိုးသတ်ဆေးနှင့် ရွက်ပြောက်ရောဂါအတွက် ဟက်ဆာကိုနက်ဇိုးလ် မှိုသတ်ဆေးတို့ကို လိုအပ်သလို အသုံးပြုသုံးစွဲလေ့ရှိတယ်။
·
59
လွန်ခဲ့သော ၁၅ နာရီ က
·
မုံရွာ
ပုံပါ ငရုတ်သီးတွေကရော နေလောင်တာလား ရောဂါလားဗျ။ ထိလိုက်ရင်ကျွေကျတယ်ဗျ
ပိုးမွှားရောဂါ
ငရုတ်သီး
·
217,994
လွန်ခဲ့သော ၄ နာရီ က
ငရုပ်သီးပိုးထိုးယင်ကြောင့်လားဆိုတာလေ့လာပါပိုးကြောင့်ဆိုပိုးသတ်ဆေးဖျန်းပါ
·
282,676
လွန်ခဲ့သော ၆ နာရီ က
ပုံပါ ငရုတ်သီးများ ဝါတာတာ အရောင်ပြောင်းခြင်းနှင့် အသီးကြွေခြင်းသည် ပိုးမွှားရောဂါကြောင့်မဟုတ်ဘဲ ပြင်းထန်သော နေရောင်ခြည်ဒဏ်ကြောင့် ဖြစ်ရသည့် နေလောင်ခြင်း (Sunscald) နှင့် ရာသီဥတုပူပြင်းမှုကြောင့် ဖြစ်ရသည့် ပတ်ဝန်းကျင်ဖိစီးမှု တို့ကြောင့် ဖြစ်ပါတယ်။ နေ့ခင်းဘက် အပူချိန် အလွန်မြင့်မားချိန်တွင် အသီးအရေပြား ဆဲလ်များ ပျက်စီးကာ အရောင်ဖျော့သွားတတ်ပြီး၊ အပင်က ရေငွေ့ပျံခြင်းကို ထိန်းညှိရန်နှင့် ဝတ်မှုန်ကူးမှု မအောင်မြင်ခြင်းတို့ကြောင့် အသီးအညှာများ ဆတ်ကာ ထိရုံဖြင့် ကြွေကျတတ်ပါတယ်။ ၎င်းအပြင် နိုက်ထရိုဂျင်ဓာတ် လွန်ကဲပြီး ကယ်လ်စီယမ်၊ ဘိုရွန်နှင့် ပိုတက်စီယမ်ဓာတ်များ ချို့တဲ့ခြင်းကလည်း အသီးကြွေခြင်းကို ပိုမိုဆိုးရွားစေပါတယ်။ ၎င်းကို ဖြေရှင်းရန်အတွက် အသီးအညှာခိုင်မာစေမည့် ကယ်လ်စီယမ်-ဘိုရွန် (Calcium-Boron) နှင့် ပိုတက်စီယမ် (Potassium) ရွက်ဖျန်းမြေဩဇာများကို စနစ်တကျ ပက်ဖျန်းပေးရမည်ဖြစ်ပြီး၊ အစိုဓာတ်ညီညာစေရန် မနက်/ညနေပိုင်းများတွင် ရေမှန်မှန်သွင်းပေးကာ အသီးများကို အရိပ်မိုးပေးနိုင်မည့် အရွက်ထွက်အား ကောင်းအောင် ပြုစုပေးရပါမယ်။
·
709
လွန်ခဲ့သော ၁၉ နာရီ က
·
မြိတ်
ပုံပါသည့်အတိုင်း အရွက်နုတက်ဝါနေတာကို ဆားခါး ထမင်းစားဇွန်း ၃ ဇွန်းဖြူးထားတယ် အဆင်ပြေပါသလား အပင်ရဲ့သက်တမ်းက မြေချတစ်နှစ်ကျော်ပါပြီ
စိုက်ပျိုး ရေ
ကြက်မောက်သီး
·
26
လွန်ခဲ့သော ၁၆ နာရီ က
·
282,676
လွန်ခဲ့သော ၁၈ နာရီ က
ပုံပါ ကြက်မောက်ပင်သည် အရွက်ဟောင်းများ စိမ်းနေပြီး ထိပ်ဖျားမှ ထွက်လာသော အရွက်နုသစ်များသာ သိသာစွာ ဝါဖြူဖျော့နေခြင်း ဖြစ်ပါတယ်။ ဆားခါး (မဂ္ဂနီစီယမ်) ချို့တဲ့ခြင်း မဟုတ်ဘဲ အပင်များတွင် အဖြစ်များသည့် "သံဓာတ်ချို့တဲ့ခြင်း" (Iron Chlorosis) လက္ခဏာ ဖြစ်ပါတယ်။ မြေဆီလွှာ အယ်လကာလီဖြစ်ခြင်း (pH မြင့်ခြင်း) သို့မဟုတ် ရေဝပ်ခြင်းကြောင့် အမြစ်က သံဓာတ်ကို မစုပ်ယူနိုင်ဘဲ ဖြစ်ရခြင်းပါ။ ဆားခါးကျွေးရုံဖြင့် မလုံလောက်ဘဲ ရက်သတ္တပတ် (၂) ပတ်လျှင် တစ်ကြိမ် သံဓာတ်" ပါ အရွက်ဖျန်းမြေသြဇာ သို့မဟုတ် အနည်းလိုဓာတ်အစုံ ပါဝင်သည့်အားဆေးကို ဖျန်းပေးရပါမယ်။ ရေရှည်အတွက် မြေဆီလွှာထဲသို့ ဆာလ်ဖာ (ကန့်မှုန့်) နှင့် နွားချေးဆွေး ထည့်သွင်းပြုပြင်ပေးခြင်းဖြင့် အပင် ပြန်လည်စိမ်းလန်းလာပါလိမ့်မယ်။
·
59
လွန်ခဲ့သော ၂၀ နာရီ က
·
မုံရွာ
အနက်ရောင် အထက်အောက် ဒေါင်လိုက်အကြောင်းနဲ့ကဘာရောဂါလဲဗျ
ပိုးမွှားရောဂါ
ငရုတ်သီး
·
282,676
လွန်ခဲ့သော ၁၈ နာရီ က
ပုံပါ ငရုတ်သီးတောင့်တွင် ရောဂါလက္ခဏာ (ပုပ်ခြင်း၊ ချိုင့်ဝင်ခြင်း) မရှိဘဲ အမည်းရောင် သန်းနေခြင်းသည် ရောဂါကြောင့်မဟုတ်ဘဲ သဘာဝဖြစ်စဉ်များကြောင့် ဖြစ်ပါတယ်။ အဓိကအားဖြင့် အစိမ်းရောင်မှ အနီရောင်သို့ ကူးပြောင်းသည့် ရင့်မှည့်ခြင်းကြားကာလ ဖြစ်ခြင်း၊ နေရောင်ခြည် ပြင်းပြင်းနှင့် တိုက်ရိုက်ထိတွေ့ရသဖြင့် အပင်မှ အရောင်ခြယ်ပစ္စည်း (Anthocyanin) ပိုမိုထုတ်လုပ်ခြင်းနှင့် ညဘက် ရာသီဥတု အေးခြင်းစသည့် ပတ်ဝန်းကျင် ဖိစီးမှုများကြောင့် ဖြစ်တတ်ပါတယ်။ အသီးမျက်နှာပြင်သည် ပျော့မသွားဘဲ ပုံမှန်အတိုင်း မာကျောနေပါက စိုးရိမ်ရန် လုံးဝမလိုဘဲ ပုံမှန်အတိုင်း ခူးဆွတ်စားသုံးနိုင်ပါတယ်။
·
23
လွန်ခဲ့သော ၂၃ နာရီ က
·
ပင်လည်ဘူး
ကျနော့်စပါးမျိုးက ဆင်းဧကရီ-၃မျိုးပါ
စိုက်ပြီး၂၁ရက်သားပါဗျ
အရွက်တွေက ဖြူနေပြီးခြောက်နေပါတယ်
အမြစ်ဆင်းတာလဲ တိုတယ်လို့ခံစားရတယ်
ဘာဖြစ်တာလဲခင်ဗျ
ကျနော်ကလယ်အခုမှ စလုပ်ဖူးတာ
ဆိုတော့ လယ်နီးနားချင်းတွေကိုမေးရတယ်
သူတို့ပြောတာကတော့ ပျပိုးကျတာလို့ပြောတယ်ဗျ
ဘယ်လိုဖြေရှင်းရမလဲ
အကြံဉာဏ်ပေးပါဦးဆရာကြီးတို့ခင်ဗျာ
ပိုးမွှားရောဂါ
စပါး
·
282,676
လွန်ခဲ့သော ၂၀ နာရီ က
ပုံပါအတိုင်း စပါးရွက်များ ဖြူပြီး ခြောက်ကာ လိပ်နေခြင်းမှာ ရွက်လိပ်အိမ်ပိုး (Rice Leaf Folder) ကျရောက်ခြင်း ဖြစ်ပါတယ်။ ထို့ပြင် ပိုးကျချိန်၌ ရေကို ၃ ရက်ခန့် ထုတ်ပစ်ပြီး အပင်ပေါ်ရှိ ပိုးကောင်များကို ကြိုးတန်းဖြင့် တိုက်ချခြင်း၊ ကန်သင်းမြက် ရှင်းခြင်းနှင့် နိုက်ထရိုဂျင်မြေသြဇာ လျှော့ကျွေးခြင်းတို့ ပြုလုပ်သင့်ပါတယ်။ အကယ်၍ အရွက်ပျက်စီးမှု များလာပါက စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ကာတပ် ကာတပ် ဟိုက်ဒရိုကလိုရိုက် (Cartap Hydrochloride)၊ကလိုရန်ထရန်နီလီပရိုး (Chlorantraniliprole)၊အီမာမက်တင် ဘန်ဇိုအိတ် (Emamectin Benzoate) စသည့် ပိုးသတ်ဆေးတစ်မျိုးမျိုးကို စနစ်တကျ ပက်ဖျန်းသုံးစွဲလေ့ရှိတယ်။၎င်းကို ကာကွယ်ရန် ပထမဦးစွာ စိုက်ခင်းအတွင်း ရေကို အမြဲအိုင်မနေစေဘဲ အလှည့်ကျ ရေသွင်းရေထုတ် စနစ် အလှည့်ကျပြုလုပ်ပေးသင့်ပါတယ်ခင်ဗျာ။
·
7,994
လွန်ခဲ့သော ၁ ရက် က
·
ချောက်
ဆရာခင်ဗျ တစ်ခုလောက်မေးချင်လို့ပါဆရာ
ခရမ်းချဥ်နဲ့ခရမ်းအတွက် ပုလဲကျွေးလို့ရလားဆရာ
ပထမအပင်ငယ်စဥ်တုန်းက
17.8.8 မြေဆီတစ်ခါပဲကျွေးလိုက်ရတယ်ဆျာ
စစ်ရှောင်နေရတော့
N အချိုးများတဲ့ဆေးတွေလဲ
မဖျန်းလိုက်ရဘူးဆရာ
အဲ့ကအပြန် တောနစ် လေးပဲ ဖျန်းလိုက်ရတယ်
အဲ့နောက်ပိုင်း ဂွပွင့်လေးတွေလိုက်နေတော့
N ချိုးမပါတော့ပဲ
ပီဖိုလန် 0.52.34 နဲ့တောနစ် ရယ်
ပိုးသတ်ဆေးရယ်ဖျန်းလိုက်တယ်ဆျာ
ဆေးဝယ်ရခက်သွားလို့ပါဆရာ
ပီဖိုလန် ဖျန်းတာနှစ်ခါရှိပီဆျာ
ဆိုလိုချင်တာကဆျာ
အပင်သိပ်မတက်ဘူး
အသီးပွင့်တွေများတယ်
အတာကို ပုလဲကျွေးလို့ရလားဆရာ
ဒါမှာမဟုတ် မင်းမဟော်က
ထွက်တိုး 17.17.17 ပတ်လည်တို့လိုအားဆေးဖျန်းသင့်လား
အသီးပွင့်ကတော့အတော်လိုက်တယ်ဆရာ
မြေဆီလွှာ
ခရမ်းချဉ်
·
282,676
လွန်ခဲ့သော ၁ ရက် က
ဤအဖြေဖြင့် ပြေလည်
ခရမ်းပင်များ အပွင့်များပြီး အပင်မတက်ဘဲ ငုတ်နေပါက ပုလဲ (ယူရီးယား) မြေသြဇာကို လုံးဝသီးသန့် မကျွေးသင့်ပါဘူး။ အဘယ်ကြောင့်ဆိုသော် အပွင့်လိုက်နေချိန်တွင် နိုက်ထရိုဂျင် (N) တစ်မျိုးတည်း သီးသန့်ကျွေးပါက အဖူးအပွင့်များ ကြွေကျပျက်စီးခြင်း သို့မဟုတ် အသီးမတင်ဘဲ အရွက်များသာ အဆမတန် ဝေဆာလာခြင်း ဖြစ်တတ်လို့ပါ။ လက်ရှိတွင် N (နိုက်ထရိုဂျင်) လုံးဝမပါဝင်သည့် ပီဖိုလန် (0-52-34) ကို နှစ်ကြိမ်ဖျန်းထားပြီး ဖြစ်သောကြောင့် အပင်က ပုကျစ်ပြီး အပွင့်သာ အားသန်နေခြင်း ဖြစ်ပါတယ်။ ထို့ကြောင့် ပီဖိုလန်ကို ခေတ္တရပ်နားပြီး မင်းမဟော် ကုမ္ပဏီမှ ၁၇-၁၇-၁၇ ပတ်လည် ရွက်ဖျန်းအားဆေးကို လစ်တောနစ် ဟော်မုန်းနှင့် တွဲဖက်ကာ (၇) ရက်မှ (၁၀) ရက် တစ်ကြိမ် ဖျန်းပေးခြင်းက အကောင်းဆုံး ဖြစ်ပါလိမ့်မယ်။ ၎င်းပတ်လည်ဆေးသည် အပင်ကိုယ်ထည်ကို ပြန်တက်လာစေသည့်အပြင် လက်ရှိပွင့်နေသော အပွင့်များကို မကြွေစေဘဲ အသီးခိုင်ခိုင်မာမာ တင်စေရန် မျှတစွာ ကူညီပေးနိုင်ပါတယ်။ ခရမ်းချဥ်၊ခရမ်းပင်များ အပွင့်မှ အသီးပြောင်းလဲချိန်တွင် အသီးဖင်ပုပ်ခြင်းမှ ကာကွယ်ရန်နှင့် အသီးအသားပြည့် စျေးကွက်ဝင်ဖြစ်စေရန် ကယ်လ်ဆီယမ်-ဘိုရွန် (Calcium-Boron) ဓာတ်ပါသော ရွက်ဖျန်းဆေးကိုပါ ၁၀ ရက်တစ်ကြိမ်ခန့် ပူးတွဲဖျန်းပေးသင့်ပါတယ်။အကယ်၍ ပုလဲမြေသြဇာကို သုံးစွဲလိုပါကလည်း မြေဆီလွှာထဲသို့ တီစူပါ သို့မဟုတ် ပိုတက်ရှ် မြေသြဇာများနှင့် သေချာရောစပ်ပြီးမှသာ အပင်ခြေနှင့် ဝေးဝေးတွင် မြေမြှုပ်ကျွေးရပါမယ်။
·
3,507
လွန်ခဲ့သော ၂၃ နာရီ က
မြေသြဇာဝယ်ရခက်နေရင် နွားသေးသာ ခံပြီး တစ်ပတ်တစ်ကြိမ် ဖျန်းပေး။ တကယ်ကောင်းတယ်
·
44
လွန်ခဲ့သော ၁ ရက် က
·
ကျောက်ဆည်
အခု ပုံထဲမှာပါတဲ့အတိုင်းဆိုဘာရောဂါဖြစ်တာလဲခင်ဗျာ
ပိုးမွှားရောဂါ
စပါး
·
1,108,093
လွန်ခဲ့သော ၁ ရက် က
ဤအဖြေဖြင့် ပြေလည်
"လယ်မှာအပုပ်"ဆိုတဲ့စကားအရ,တမန်းအပုပ်မရပဲ တမန်းစိမ်းမှာစိုက်လို့၊တမန်းပူလောင်တယ်လို့ခေါ်ပါတယ်။ရောဂါေကြာင့် လို့ မဆိုနိုင်ပါခင်ဗျာ။
·
282,676
လွန်ခဲ့သော ၁ ရက် က
ဓာတ်ပုံပါ စပါးခင်းတွင် ကွက်တိကွက်ကြား အပင်ပုခြင်းနှင့် အရွက်များ ဝါဖျော့ညှိုးခြောက်ခြင်းကိုေတွ့မြင်ရပါတယ်။ အခုပုံအရတော့ နီးကပ်ထင်ရှားစွာမမြင်ရသည့်အတွက် အတိအကျပြောရန်ခက်ခဲပါတယ်။ ပိုး/ရောဂါသို့မဟုတ် နိုက်ထရိုဂျင်နှင့် ဇင့်ဓာတ် လွန်စွာချို့တဲ့ခြင်း ဖြစ်နိုင်ခြေ အများကြီးရှိပါတယ်။တောင်သူဦးကြီးက ဘာမြေဩဇာတွေကျွေးပြီးပြီလဲ၊ စပါးပင်တစ်ပင်၏အရွက်ဝါနေသည်ကို ထင်ရှားစွာပုံရိုက်ပြီးထပ်မေးပေးပါ။
ယေဘုယျအားဖြင့်ပြောရရင်အပင်များ ရောဂါဒဏ်ခံနိုင်ရန် ယူရီးယားနှင့် ဇင့်မြေဩဇာ ပေါင်းစပ်ကျွေးခြင်း၊အမိုင်နိုအက်ဆစ် ရွက်ဖျန်းဆေး သုံးစွဲခြင်းနှင့် စိုက်ခင်းအတွင်း ရေသွင်းရေထုတ်ကို အလှည့်ကျ ပြုလုပ်ပေးခြင်းဖြင့် စပါးခင်းကို ပြန်လည်ကုစားနိုင်ပါတယ်။
·
230
လွန်ခဲ့သော ၁ ရက် က
·
ယင်းမာပင်
trichodermaက လေဆောင်မှိုကို ကာကွယ်နိုင်သလား
အထူးသဖြင့် ကြက်သွန်နီ ဖြူမှာ ကျတဲ့ ဒေါင်းနီနဲ့ တောက်တဲ့မြှီးကို trichoderma ပုံမှန်ဖြန်းပြီး ကာကွယ်နိုင်သလား
ပိုးမွှားရောဂါ
ကြက်သွန်နီ
·
282,676
လွန်ခဲ့သော ၁ ရက် က
Trichoderma (ထရိုင်ကိုဒါးမား) သည် အကျိုးပြုမှိုဖြစ်၍ အပင်ခြေမြေဆီလွှာအခြေခံရောဂါများနှင့် လေဆောင်မှိုရောဂါများကို ကြိုတင်ကာကွယ်ရာတွင် ထိရောက်မှုရှိသော်လည်း၊ ကြက်သွန်နီတွင် ကျရောက်တတ်သည့် ဒေါင်းနီးနှင့် တောက်တဲ့မြီးရောဂါများ ဆိုးရွားစွာကျရောက်နေချိန်တွင် ၎င်းတစ်မျိုးတည်းဖြင့် ရာနှုန်းပြည့်ကုသရန် မလုံလောက်ပါဘူး။ရောဂါ မကျရောက်မီ ကြိုတင်ကာကွယ်သည့် အနေဖြင့် ပုံမှန်ပက်ဖျန်းထားပါက ရောဂါဒဏ်ကို အတိုင်းအတာတစ်ခုအထိ ခုခံပေးနိုင်သော်လည်း၊ ရောဂါ အမှန်တကယ် ကျရောက်လာပါက ထိရောက်စွာ ကုသနိုင်စွမ်း မရှိပါဘူး။ ရောဂါပြင်းထန်ပါက Irodione သို့မဟုတ် Cymoxanil, Azoxystrobinကဲ့သို့သော ဓာတုမှိုသတ်ဆေးကို အမြန်ဆုံးပက်ဖျန်းနှိမ်နင်းရမည်ဖြစ်ပြီး၊ သတိပြုရန်မှာ Trichoderma နှင့် ဓာတုမှိုသတ်ဆေးများကို ရောစပ်မဖျန်းဘဲ အနည်းဆုံး ၇ ရက်ခြား၍ အသုံးပြုရပါမယ်။ ထို့ပြင် စိုက်ခင်းအတွင်း ရေမဝပ်စေရန်နှင့် နိုက်ထရိုဂျင်မြေသြဇာ အလွန်အကျွံမကျွေးမိရန်လည်း လိုအပ်ပါတယ်။
·
118
လွန်ခဲ့သော ၁ ရက် က
·
မှော်ဘီ
စုတ်စားပိုးကျတာဘာဆေးသုံးရမ လဲ
ပိုးမွှားရောဂါ
ခဝဲသီး
·
282,676
လွန်ခဲ့သော ၁ ရက် က
ဤအဖြေဖြင့် ပြေလည်
ခဝဲသီးတွင် ကျရောက်သော စုပ်စားပိုးများ (ပျပိုး၊ လှေးပိုး၊ ယင်ဖြူ) ကို နှိမ်နင်းရန် စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ အီမီဒါကလိုပရစ် (Imidacloprid)၊ သို့မဟုတ် အဆီတာမီပရစ် (Acetamiprid) ကဲ့သို့သော ပင်လုံးပြန့်အာနိသင်ရှိသည့် ဓာတုပိုးသတ်ဆေးများကို အရွက်အောက်မျက်နှာပြင်ပါ အလှည့်ကျ နှံ့စပ်အောင် ဖျန်းပက်သုံးစွဲလေ့ရှိတယ်။ ဓာတုဆေးမသုံးလိုပါက တမာဆီ သို့မဟုတ် ဆေးရွက်ကြီးဆေးရည်ကဲ့သို့ သဘာဝဆေးများဖြင့် ကာကွယ်နိုင်ပြီး စိုက်ခင်းအတွင်း ပေါင်းမြက်ရှင်းလင်းခြင်းနှင့် မိတ်ဆွေပိုးများကို ထိန်းသိမ်းခြင်းဖြင့် စုပ်စားပိုးအန္တရာယ်ကို ရေရှည်ကာကွယ်နိုင်ပါလိမ့်မယ်။
·
282,676
လွန်ခဲ့သော ၁ ရက် က
ဖြစ်နိုင်မယ်ဆိုရင်ပို့စ်အသစ်တင်မေးပေးပါ၊ ပို့တစ်ခုတည်းစုပြုံမေးသည့်အခါ တခါတရံစာတွေဖတ်မရတာပုံတွေကြည့်မရဖြစ်နေလို့ပါခင်ဗျာ
·
526
လွန်ခဲ့သော ၁ ရက် က
·
စဉ့်ကူး
နွားချေးနွားသေး ထန်းလျက် အချဉ်ဖောက်တာဘလောက်အချိုးစားထည့်ရမလဲရှင့် ဘနှရက်ထားပီးဖျန်းလို့ရလဲရှင့် ဘာကောင်းကျိုးအားသာလဲရှင့်
အပင်အာဟာရ
စပါး
·
282,676
လွန်ခဲ့သော ၁ ရက် က
စပါးတစ်ဧကစာအတွက် နွားချေးလတ်လတ်ဆတ်ဆတ် ၅ တင်း၊ နွားသေး ၅ လီတာ၊ ထန်းလျက် ၁၅ ကျပ်သားတို့ကို ရေ ၂၅ ဂါလံနှင့် ရောစပ်ပြီး စည်ပိုင်းထဲတွင် သမအောင် မွှေရပါမယ်။ ထို့နောက် အရိပ်အောက်တွင် ၃ ရက်ကြာ ပိတ်ပြီး အချဉ်ဖောက်ထားရမည်ဖြစ်ကာ ထို ၃ ရက်အတွင်း တစ်နေ့လျှင် ၆ ကြိမ်ခန့် (စုစုပေါင်း ၁၈ ကြိမ်) သေချာစွာ အထက်အောက် လှန်မွှေပေးရပါမယ်။ ၄ ရက်မြောက်နေ့တွင် အသုံးပြုနိုင်ပြီး၊ ဆေးရည် ၁ ဆလျှင် ရေ ၁၅ ဆမှ ၂၀ ဆခန့် ရောစပ်ကာ စပါးပင်ပွားချိန်မှ အနှံမထွက်မီအထိ ၁၀ ရက် သို့မဟုတ် ၁၅ ရက်တစ်ကြိမ် ဖျန်းပေးနိုင်ပါတယ်။ ဤနည်းသည် ယူရီးယားဓာတ်မြေသြဇာကို အစားထိုးနိုင်ပြီး အပင်ကြီးထွားမှုကို မြန်ဆန်စေကာ မြေဆီလွှာကို ကောင်းမွန်စေသည့်အပြင် ပိုးမွှားရောဂါများကိုပါ သဘာဝအတိုင်း ခုခံကာကွယ်ပေးပါတယ်။နေပြင်းချိန်မဖျန်းရပါ၊ အရင်ဦးဆုံးဧရိယာအနည်းငယ်စမ်းသပ်ဖျန်းပါ၊အချဉ်ဖောက်လုပ်ငန်းစဉ်မှာ မှားယွင်းခဲ့သည်ရှိသော် အပင်မလောင်စေရန်အတွက်ပါခင်ဗျာ
·
81
လွန်ခဲ့သော ၁ ရက် က
·
ဖေါင်းပြင်
သရက်ပွင့်တွေ များပေမယ့် သရက်သီး သီးတာဘာကြောင့်နည်းရသလဲ။
အသီးသီးလာတဲ့ သရက်သီးက ဘယ်လိုအောင်မြင်လာသလဲ ။မသီးနိုင်တဲ့ အပွင့်တွေက ဘာဖြစ်လို့ပါလဲ။
စိုက်ပျိုး ဗဟုသုတ
သရက်
·
217,994
လွန်ခဲ့သော ၁ ရက် က
မမေသော်ညိမ်း
သရက်ပင်ပန်းခိုင်မှာအပွင့်သေးသေးလေးတွေအများကြီးပါသော်လဲအရင်းပိုင်းကအဖိုပွင့်များဖြစ်ဝတ်မှုန်ကူးဘို့သာဖြစ်ပြီးအဖျားပိုင်ကအပွင့်များကအများအားဖြင့်လိမ်စုံပွင်မျာဖြစ်ပြီးအသီးစိမ်းလေးတွေ့နိုင်တယ်အဲဒီအပွင့်မျိုူကသာအသီးရတယ်မြေသြေဇာကောင်းကောင်းပေးထားရင်အမပွင့်များများပါပြီးအသီးများများတင်တယ်ပန်းပဃင့်ချိန်တွင်ဖြုတ်ပိုးကျရင်ပန်းခိုင်များသစ်ရည်စုပ်ခံရင်လဲအသီးမတင်ဘူးပန်းပွင်ချိန်မှာလည်ကောင်းပိုးကျရင်ကြိုပြီးမီးခိုးမှိုင်းတိုက်ပေးရင်အသီးပိုတင်မယ်
·
282,676
လွန်ခဲ့သော ၁ ရက် က
သရက်ပင်များ ပန်းပွင့်သော်လည်း အသီးမတင်ဘဲ ကြွေကျရခြင်းမှာ သရက်ပန်းခိုင်တွင် သန္ဓေမအောင်နိုင်သော "အဖိုပွင့်" ရာခိုင်နှုန်း ပိုများနေခြင်း၊ ပန်းပွင့်ချိန်တွင် ရာသီဥတုဆိုးရွား၍ ဝတ်မှုန်ကူးပေးမည့် အင်းဆက်များ မလာခြင်းနှင့် ဘိုရွန်၊ ဇင့်ဓာတ် ကဲ့သို့သော အာဟာရများ ချို့တဲ့ခြင်းတို့ကြောင့် ဖြစ်ပါတယ်။ သီးလာသော သရက်သီးများ အောင်မြင်ရန်အတွက် လိင်စုံပွင့်များ သန္ဓေအောင်ပြီးနောက် ကယ်လ်စီယမ်နှင့် ပိုတက်စီယမ်ဓာတ် မျှတစွာရရှိရန် လိုအပ်ပါတယ်။ မသီးနိုင်သော အပွင့်များသည် သရက်ဖြုတ်ပိုး၊ သရက်မှည့်ပျောက်စွန်းမှို (Anthracnose)ရောဂါများ တိုက်ခိုက်ခြင်းကြောင့် မည်းခြောက်ကာ ကြွေကျပျက်စီးသွားရခြင်း ဖြစ်ပါတယ်။ပွင့်ချိန်/သီးချိန်တွင် နိုက်ထရိုဂျင် (ယူရီးယား) ကျွေးခြင်းကို လျှော့ချပြီး ပိုတက်စီယမ် (K) နှင့် ဖော့စဖရပ် (P) ပိုမိုပါဝင်သော မြေသြဇာများကို ပြောင်းလဲကျွေးပါ။ပန်းခိုင်မပွင့်မီနှင့် ပွင့်စအချိန်တွင် ကယ်လ်စီယမ်-ဘိုရွန် (Calcium-Boron) နှင့် ဇင့် (Zinc) ရွက်ဖျန်းအားဆေးကို ပက်ဖျန်းပေးခြင်းဖြင့် အသီးတင်နှုန်း သိသိသာသာ တိုးတက်လာပါလိမ့်မယ်။ဝတ်မှုန်ကူးချိန် (ပွင့်အာချိန်) တွင်မူ အင်းဆက်များ မသေစေရန် ဆေးဖျန်းခြင်းကို ရှောင်ကြဉ်ရပါမယ်။သင့်တော်သော ရေသွင်းမှု (ဥပမာ- အသီးကင်းဝင်ချိန်တွင် တစ်ပတ်တစ်ကြိမ် ရေ သွင်းပေးခြင်း) ကြောင့် အသီးများ တဖြည်းဖြည်း ကြီးထွားအောင်မြင်လာနိုင်ပါတယ်။
.jpg)
