နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 160 အပင်အာဟာရ 294 စိုက်ပျိုးနည်း 395 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 838

ဟင်းစားပဲပုပ် စိုက်ပျိုးနည်း

လင်းလင်းထွန်း • Greenovator • 18/12/2019

ဟင်းသီးဟင်းရွက်အဖြစ် စားသုံး၍ရသော ပဲပုပ်တစ်မျိုးသည် ယခုအခါစားသုံးမှု လျင်မြန်စွာတိုးတက်လာပြီး ကိုရီးယား၊ တရုတ်နှင့် ထိုင်ဝမ်နိုင်ငံတို့တွင် စားသုံးမှုများလာသည်။ အစိမ်းရောင်အခွံနှင့် ပဲသီးထောင့်ကို အစာပြေသရေစာအဖြစ် လည်းကောင်း အာဟာရဓာတ်ပြည့်ဝပြီး အရသာရှိသော ဟင်းအဖြစ်လည်းကောင်း ချက်ပြုတ်စားသောက်ကြသည်

အပူပိုင်းနှင့် အပူလျော့ပိုင်းဒေသများရှိ နိုင်ငံများစွာတွင် ပဲပုပ်ကို အစေ့အခြောက်အဖြစ် ကျယ်ကျယ်ပြန့်ပြန့် စိုက်ပျိုးခဲ့ကြသည့်အတွက် ဟင်းစားပဲပုပ်ကိုလည်း အဆင့်သင့် လက်ခံစိုက်ပျိုးလာကြခြင်းဖြစ်သည်။

ဟင်းစားပဲပုပ်များသည် ပဲပုပ်အခြောက်အစေ့ထက် အရွယ်ပိုကြီးကာ ချို၍နှုးညံ့မှုရှိသည်။ နိုင်ငံများစွာတွင် စားသုံးကြပါသည်။ ၎င်းပဲပုပ်စိမ်းတွင် လူတို့အတွက် ထူးကဲကောင်းမွန်ပြီး အာဟာရဓာတ်များ ကြွယ်ဝစွာပါရှိပါသည်။ ဗီတာမင်အေ ကြွယ်ဝစွာပါရှိပြီး ကာဘိုဟိုက်ဒြိတ်၊ ပရိုတင်း(အသားဓာတ်)နှင့် သံဓာတ်များ ကောင်းစွာပါရှိသည်။ ၎င်းသည် အခြားပဲများထက် အာဟာရဓာတ်ကြွယ်ဝပါသည်။

ပြည်တွင်းစားသုံးမှုအပြင် ပြည်ပသို့ပို့ရန်အတွက်ပါ အလားအလာရှိသော သီးနှံတစ်ခု ဖြစ်ပါတယ်။ ပြည်ပစျေးကွက်အတွက် လိုအပ်ချက်များမှာ အစေ့အခြောက် ၁၀၀ အလေးချိန်သည် (၃၀) ဂရမ်နှင့် အထက်ရှိရမည်။ အစေ့များချက်ပြုတ်လျှင် မြန်ဆန်ရမည်။ အနည်းငယ် ချိုရပါမယ်။ ဂျပန်နှင့် ထိုင်ဝမ်ရှိကုန်တိုက်ကြီးများတွင် အအေးခံဟင်းစားပဲပုပ်များ လူကြိုက်များသည့် အနေအထားတွင်ရှိပါသည်။

ရာသီဥတုနှင့် မြေဆီလွှာလိုအပ်ချက်များ

အပူချိန်နှင့်နေ့တာပေါ်မှုတည်ပြီး ပဲပုပ်စိုက်ပျိုးမည့်အချိန်ကို သတ်မှတ်နိုင်ပါသည်။ နေ့တာတိုကာလတွင် (၁၄)နာရီနှင့်အပူချိန် ၂၀ မှ ၃၀ ဒီဂရီစင်တီဂရိတ်သည် ဟင်းစားပဲပုပ်စိုက်ရန် အသင့်တော်ဆုံး ပတ်ဝန်းကျင်အနေအထားဖြစ်ပါတယ်။ သို့သော် ဆောင်းရာသီအေးသောကာလတွင် ၎င်းပဲပုပ်ကို မစိုက်သင့်ပါ။

မြေအချဉ်အငန်ဓာတ် ၆ မှ ၆.၅ ရှိနုန်းမြေသည် ဟင်းစားပဲပုပ်စိုက်ရန် သင့်တော်ပြီး စိုက်ခင်းမြေ၌ ရေနုတ်မြောင်းကောင်းမွန်ရပါမည်။

အရည်အသွေးကောင်းမွန်ပြီး အထွက်နှုန်းကောင်းသော ဟင်းစားပဲပုပ်ရရှိရန်စိုက်ပျိုးနည်း

မြေပြုပြင်ခြင်း

ထယ်ရေးပြင်ခြင်းဖြင့်မြေသားမွလာကာ အစေ့အပင်ပေါက်ကောင်းခြင်း၊ လေဝင်လေထွက်၊ ရေစီးရေလာကောင်းစေခြင်းဖြင့် အပင်ကျန်းမာသန်စွမ်းစေပါတယ်။ ထို့အပြင် အပင်မှအာဟာရဓာတ်များ၊ အစိုဓာတ်၊ အလင်းရောင်တို့ကို ယှဉ်ပြိုင်ရယူသော ပေါင်းပင်များကိုလည်း သေစေပါတယ်။

သီးနှံအထွက်နှုန်းကောင်းရန်နှင့် မြေကြီးအာဟာရဓာတ်ကို ထိန်းထားရန် နိုက်ထရိုဂျင် ၉-၁၀ ကီလိုဂရမ်နှုန်း၊ ဖော့စ်စဖောရပ် ၂၄ ကီလိုဂရမ်နှုန်းနှင့် ပိုတက်စီယမ် ၃၂ ကီလိုဂရမ်နှုန်းဖြင့် မြေတစ်ဧကအတွက် မြေသြဇာကို ရောစပ်၍မြေခံအဖြစ် ကြဲပက်ထည့်ပေးနိုင်ပါတယ်။

မျိုးစေ့ဆေးစီရင်ခြင်းနှင့် မျိုးစေ့ချခြင်း

ပဲမျိုးတစ်မျိုးမျိုး စိုက်ပျိုးခဲ့သောမြေတွင် မျိုးစေ့များကို ရိုင်ဇိုဘီယမ်မြေသြဇာဖြင့် လူးနယ်ပေးရန်မလိုပါ။ သို့သော် စိုက်ခင်းအသစ်ဖြစ်ပါက ပဲပုပ်စေ့ တစ်ကီလိုဂရမ်လျှင် ၎င်းမြေသြဇာ ၁၀၀ နှုန်းဖြင့် လူးနယ်ပေးရပါမယ်။ ထိုသို့ ပြုလုပ်ပေးခြင်းဖြင့် ပဲပင်အမြစ်ဖုများတိုးပွားလာပြီး နိုက်ထရိုဂျင်စုပ်ယူခြင်း ပိုမိုဖြစ်စေပါတယ်။ ထို့ပြင် မြေဆောင်မှိုရောဂါများကိုကာကွယ်နိုင်ရန် သို့မဟုတ် သီရမ်မှိုသတ်ဆေးဖြင့်လည်း မျိုးစေ့များကို ဆေးစီရင်ပေးနိုင်ပါသည်။

စိုက်တန်းတစ်တန်းနှင့် တစ်တန်းအကြား တစ်ပေခွဲခြားပြီး မျိုးစေ့အရွယ်နှင့် စိုက်သောရာသီပေါ်မှုတည်၍ နှစ်လက်မ - လေးလက်မ ကွာခြား၍စိုက်နိုင်ပါသည်။ စိုက်ကျင်းတစ်ကျင်းလျှင် နှစ်စေ့ သုံးစေ့ ထည့်စိုက်ပါ။

မြေသြဇာကျွေးခြင်း

ပထမအကြိမ် မြေသြဇာကိုတစ်ဧကလျှင် နိုက်ဂရိုဂျင် ၉ ကီလိုဂရမ်နှင့် ပိုတက် ၁၀ ကီလိုဂရမ်နှုန်း ပန်းပွင့်ချိန်၌ ထည့်ပေးခြင်းဖြင့် အသီးတောင့်များစွာတင်စေပါသည်။

ရေသွင်းခြင်း

အသီးတောင့်များရစေရန် စိုက်ပျိုးရာသီတစ်လျှောက် မြေအစိုဓာတ်သင့်တင့်စွာရရှိရန် အရေးကြီးပါတယ်။ မြေကြီးအစိုဓာတ်၊ ရာသီဥတုအနေအထားအရ ၁၀ ရက် နှင့် ၁၅ ရက်ခြား တစ်ကြိမ်အသီးတောင့်များကြီးလာသည့် အချိန်ထိရေပေးရပါမည်။ အထူးသဖြင့် ပန်းပွင့်ချိန်နှင့် အစေ့အဆန်ဖြည့်ချိန်ကို အဓိကထား၍ အပင်ရေရရှိရန်လိုအပ်ပါတယ်။

ရိတ်သိမ်းခြင်း

အသီးတောင့် ၈၀ ရာခိုင်နှုန်းရင့်မှည့်လာပါက ရိတ်သိမ်းနိုင်ပါသည်။ ရာသီဥတုအခြေအနေ၊ အပူချိန်နှင့် မိုးပေါ်မှုတည်ပြီး အသီးတောင့်အစိမ်းအဖြစ် ဆွတ်ခူးရန်၊ အစေ့အပင်ပေါက်ညီမှသာ ၆၅ ရက်မှ ၇၅ ရက်ခန်တွင် ရိတ်သိမ်းနိုင်ပါသည်။

ထိုင်ဝမ်နိုင်ငံတွင် အသီးအစိမ်းရောင်မပျက်ဘဲ လတ်လတ်ဆတ်ဆတ်ရှိနေရန် ညသန်းခေါင်ယံအချိန် နှင်းကျ၍ အအေးဓာတ်ရှိနေချိန်၌ အများအားဖြင့် ဆွတ်ခူးလေ့ရှိပါသည်။ နေ့အချိန် ရိတ်သိမ်းပါက အပင်များကို အရိပ်အောက် ထားရန်လိုအပ်ပါမည်။

လင်းလင်းထွန်း

Ref; သီးနှံစိုက်ပျိုးနည်းစနစ်များ

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

Topic 1

ပဲပုပ်စိုက်ပျိုးနည်း

ဆက်စပ်ဆောင်းပါးများ

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

ဆင်းသီဟ

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

စိုက်ပျိုးနည်း

မိုးခေါင်ရေရှားမှုကို ခံနိုင်ရည်ရှိစေမည့် စပါးစိုက်ပျိုးနည်းလမ်းများ

သော်ဇင်

အကြောင်းအရာ ပံ့ပိုးသူ

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

ဆက်စပ်မေးခွန်းများ

စပါးယောင်ခေါ် (တက်ကွက်)အတွက်အကောင်းဆုံးဆေးလေးညွှန်းပေးပါအုံးခင်ဗျာ

Aung Zaw Oo • ဖြေကြားချက် 2 ခု

ခရမ်းပင်ကို ဒီလိုအောက်လက်ချတာ နည်းလမ်းမှန်လားခင်ဗျာ။ ကျွန်တော်စိုက်ခင်းပျက်မှာကြောက်လို့ပါ။

မောင်ပေါက်ကြီး • ဖြေကြားချက် 1 ခု

မန္တလေးအလယ်ပိုင်းသာစည်နယ်မှာစပါးကိုဘလိုစိုက်ပျိုးရင်အစင်ပြေပါသလဲခင်ဗျာပျိုးမထောင်ရသေးပါဘူးခင်ဗျာမိုးကလဲတဖျင်းသုံရွာပြီးစိုက်ပျိုးမိုးကောရပါမလားဗျာမင်းလှကန်မှာလဲရေကနဲနေတော့အကြံပြုပါအုံးခင်ဗျာ

Min zaw Oo • ဖြေကြားချက် 3 ခု

ကျနော်တို့ဒေသက စပါးပြီးရင် ပဲ လုပ်ကြတဲ့အခါ အမြဲ ထွန်ခင်းပဲ လုပ်ကြပါတယ် onlineပေါ်မှာ လေ့လာကြည့်မိသလောက် မထွန်မယက်ပဲ စိုက်တဲ့ ခုတ်ဖုံးနည်းစနစ်က ထွန်ခင်းလုပ်တာထက် သိသိသာသာပို အထွက်ကောင်းနေတာ တွေ့မြငိနေရပါတယ် အပေါ်က မြက်တွေအုပ်ထားပြီး အစိုဓာတ် ထိန်းပေးထားတာ ထွန်ခင်းထက်အပင်အမြင့် တော်တော်သိသာတာ အယ်နီညိုလည်း ရှိတော့ ကျတော့် စိတ်ကူးလေးကို ပြောပြချင်ပါတဟ် (1) ကျတော့်တို့လဟ်တွေက အနိမ့်ပိုင်း နည်းနည်းကျတော့ ခုတ်ဖုံးလုပ်ရတာ အဆင်ပြေပါ့မလား သိချင်ပါတယ် အဆင်ပြေမဟ်ဆို ဘယ်လိုမျိုး လုပ်သင့်ပါသလဲခင်ဗျာ (2) ဒါကတော့ ပုံမှန်အတိုင်း ထွန်မယ် ပဲကြဲမဟ် ကြဲပြီးရင် ရိုးပြတ်တွေ EM ဖြန်းပြီး အပေါ်ကနေ ခပ်ပါးပါး နဲ့ ညီညီညာညာ လိုက်ဖြန့်ပြီး ဖုံးလိုက်ပါမဟ် ထွန်ခင်း ဖြစ်တဲ့ အတွက် အခုလိုလုပ်တာ ပဲ ပင်ပေါက်တာကို ထိခိုက်နိုင်ပါသလားခင်ဗျ ကျတောိ့ရဲ့ စိတ်ကူးကတော့ မြေအစိုဓာတ် ထိန်းနိုင်မယ် ဒါဆို အပင်အားလည်း ကောင်းမဟ်လို့ တွေးမိလို့ပါ လွဲမှားတာများရှိရင်လည်း ဝေဖန်ထောက်ပြပြီး အကြံညဏ်များ ပေး ပေးပါအုံးခင်ဗျာ

Paing Lay • ဖြေကြားချက် 6 ခု

မြေပဲကိုယ်ဘောင်နဲ့စိုက်ပျိုးလို့ရလားခင်ဗျာ စိုက်လို့ရရင်ပုံလေးနဲ့ဖော်ပြပေးကြပါ

Nay G • ဖြေကြားချက် 1 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ

စိုက်ပျိုးရေးဆိုင်ရာ ရေသွင်းနည်းပညာ (အပိုင်း - ၆)

15/08/2026

ရာသီဥတုဖောက်ပြန်မှုကို အန်တုနိုင်မယ့် အစိမ်းရောင်လမ်းရဲ့ “စိုက်ပျိုးမိုးလေဝသ” လုပ်ဆောင်ချက်အသစ်

13/08/2026

ဂန္ဓမာရွက်ပြောက်ရောဂါ ကာကွယ်ကုသနည်းများ

13/08/2026

ရေခဲပြင်ဒေသက စိုက်ပျိုးစီးပွားရေး အကြောင်း

10/08/2026

တစ်ပတ်စာ ဈေးကွက်သုံးသပ်ချက်

09/08/2026

More from လင်းလင်းထွန်း

အားလုံး

ဂေါ်ဖီထုပ်(မုန်လာထုပ်)မှာ ကျရောက်တဲ့ရောဂါများ

14/10/2020

နာနတ်သီးနှင့်ကျန်းမာရေး

17/09/2020

ဆေးဖက်ဝင်ဖန်ခါးသီးအကြောင်း

10/09/2020

ချင်း (ဂျင်း) ဝိုင်

04/09/2020

ဝယ်လိုအားမြင့် ငရုတ်ချိုစိုက်ပျိုးခြင်း

27/07/2020

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....