ရွှေဘိုနယ်မှထွက်ရှိသည့် ပေါ်ဆန်းစပါးမှာ နှစ်စဉ် ဈေးကွက်ကောင်းမွန်ခိုင်မာမှုရှိနေ
စပါးဈေးကွက် မတည်ငြိမ်မှုများ အနည်းနှင့်အများဆိုသလို ရှိနေသော်လည်း ရွှေဘိုနယ်မှထွက်ရှိသည့် ပေါ်ဆန်းစပါးဈေးကွက်မှာမူ နှစ်စဉ် ကောင်းမွန်ခိုင်မာမှုရှိနေကြောင်း ဒေသခံများထံမှ သိရသည်။
"ကျွန်တော်က ပေါ်ဆန်း/ဘေးကြားကို ၃၈ ဧကဝန်းကျင် စိုက်ပျိုးထားပါတယ်။ ပေါ်ဆန်းက ဈေးကွက် ကောင်းတဲ့အပြင် ကျွန်တော်တို့ဒေသမှာစိုက်ပျိုးတဲ့အခါ အရည်အသွေးကောင်းထွက်တာကြောင့် စိုက်ပျိုးဖြစ်ခဲ့တာပါ။ ရွှေဘိုနယ်ကထွက်တဲ့ ပေါ်ဆန်းဆိုရင် အရည်အသွေးကောင်းမွန်တဲ့အတွက် ဝယ်လက်တွေက သိပ်ပြီးဂျီးမများဘူး။ တစ်နိုင်ငံလုံးက စပါးစိုက်တောင်သူတွေထဲမှာ ရွှေဘိုနယ်က တောင်သူတွေက ကံအကောင်းဆုံးလို့ ပြောလို့ရပါတယ်။ ဈေးကွက်ပျက်တာမျိုး မရှိပါဘူး။ ဈေးကွက်ခိုင်မာမှု ရှိနေပါတယ်။"
ဟု စစ်ကိုင်းတိုင်းဒေသကြီး၊ ရွှေဘိုမြို့နယ်၊ လိပ်ချင်းကျေးရွာမှ ပေါ်ဆန်း/ဘေးကြား စိုက်ပျိုးသူ ကိုမျိုးမင်းသန်းက ပြောသည်။
ပေါ်ဆန်း/ဘေးကြားစပါး စိုက်ပျိုးရာတွင် ဒေသတစ်ခုနှင့်တစ်ခု စိုက်ပျိုးနည်းစနစ်နှင့် စိုက်ပျိုးကုန်ကျစရိတ်များ မတူညီဘဲ၊ အကြမ်းဖျဉ်းအားဖြင့် တစ်ဧကစိုက်ပျိုးစရိတ်မှာ ကျပ်(၄)သိန်းမှ ကျပ်(၅)သိန်းအတွင်း ကုန်ကျနိုင်ကြောင်း သိရသည်။
"အထွက်နှုန်းကတော့ တစ်ဧကကို တင်း (၇၀) ကနေ တင်း (၁၀၀) ကြား ထွက်ရှိပါတယ်။ အထွက်နှုန်းက သွင်းအားစု ကျွေးမွေးပုံနဲ့ ပြုစုစောင့်ရှောက်ပုံအပေါ်လည်း မူတည်ပါတယ်။ တစ်ဧက စိုက်ပျိုးစရိတ်ကလည်း တစ်ယောက်နဲ့တစ်ယောက် မတူညီနိုင်ပါဘူး။ တစ်ချို့ကျတော့ မိသားစုဝင်များတော့ ကိုယ့်လယ်ကို ကိုယ်တိုင်စိုက်ပျိုးကြတယ်၊ လုပ်သားစရိတ် မကုန်ကျတာမျိုးလည်း ရှိနိုင်ပါတယ်။ ရွှေဘိုပေါ်ဆန်းစိုက်တယ်ဆိုရင် အဓိကကတော့ မျိုးကောင်းမျိုးသန့် ရရှိဖို့ပါပဲ။ နောက်တစ်ခု သတိထားရတာကတော့ ပိုးမွှားရောဂါ ကျရောက်မှုပါပဲ။ တခြားသီးနှံတွေထက်စာရင် ပိုးမွှားကြိုက်တတ်တဲ့ သီးနှံမို့လို့ပါ။ ကြွက် တို့ ဆစ်ပိုး တို့ ကိုက်တတ်တယ်။ စိုက်ပျိုးတဲ့အခါမှာ အဲ့ဒိအချက်လေးတွေ သတိထားရပါတယ်။"
ဟု ကိုမျိုးမင်းသန်းက ဆက်လက်ပြောသည်။
ရွှေဘိုနယ်မှ ထွက်ရှိသော ပေါ်ဆန်း/ဘေးကြားများကို ကုန်သည်/စက်ပိုင်များမှတဆင့် ရန်ကုန်မြို့နှင့် တခြားဒေသများသို့ တင်ပို့ရောင်းချနေပြီး၊ စပါးဈေးအနေဖြင့် စပါးတင်း (၁၀၀) လျှင် (၁၀) သိန်းကျပ်နှင့်အထက် ရရှိနေကြောင်း သိရှိရသည်။
ဆောင်းပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Saw zayar lin
လွန်ခဲ့သော ၄ နှစ် ကပေါ်ဆန်းစပါးမျိုးကို အစိုကြဲစနစ်သုံးပြီးကြဲပက်လျှင် တစ်ဧက မျိုးစပါးဘယ်လောက်သုံးသင့်ပါသလဲ
ဒေါက်တာမင်းအောင်
လွန်ခဲ့သော ၄ နှစ် ကပေါ်ဆန်းစပါးမျိုး၏မူလ ဇစ်မြစ်သည် ဧရာဝတီ တိုင်းမှဖြစ်သော်လည်း ရွှေဘိုဒေသ၏ ရေမြေရာသီဥတု နေရောင်ခြည်ရရှိမှု ရေသွင်းရေထုတ်ကောင်းမွန်မှု စိုက်ပျိုး စနစ် ကောင်းမွန်မှု မျိုးသန့်ပိုမိုသုံးစွဲနိုင်မှု..... စသည်တို့ကြောင့် အရည်အသွေးမြင့်မားပြီး စားသုံးရာတွင် လူကြိုက်များခြင်းဖြစ်ပါသည်။
ဆက်စပ်မေးခွန်းများ
အဲ့ရာဘာဖစ်တာလည်း
Ah Sai Shesoi • ဖြေကြားချက် 0 ခု
ဆရာ၊ဆရာမတိုခင်ဗျား ကောက်ရိုးမှိုပျိုးနည်း အသေးစိတ်သိချင်ပါတယ်ခင်ဗျာ။နေပြည်တော်ကပါ မှိုမျိုးစေ့ဘယ်မှာဝယ်လို့ရလဲခင် ချင်ဗျ။ဘယ်ရာသီဖြစ်ဖြစ် မှိုပျိုးလိုရ/မရသိချင်ပါတယ်ခင်ဗျ။မှိုပျိုးချင်သူအား လုပ်ဆောင်နိုင်အောင် အသေးစိတ် ပြောကြားပေးစေချင်ပါတယ်။
ဦးမောင်ကို • ဖြေကြားချက် 1 ခု
စိုက်ပျိုးရေးနဲ့မသက်ဆိုင်ပေမဲ့ ဗဟုသုတအနေနဲ့မေးချင်ပါတယ် ဒီနှစ်ဟာဝါထပ်တာလူတိုင်းသိပြီးဖြစ်ပါတယ် ဒီနေ့ စက်တင်ဘာ10ရက်နေ့ဟာ မြန်မာလ ဝါခေါင်လဆုတ်13ရက်ဖြစ်ပါတယ် အရင်နှစ်(2025)ဟာ ဝါမထပ်သောကြောင့် စက်တင်ဘာ 10ရက်(ဒီကနေ့) ဟာ တော်သလင်းလဆုတ်4ရက်ဖြစ်နေပါတယ် ထိုအရာမှာ ဒီနှစ်တော်သလင်းလဟာ အရင်နှစ် တော်သလင်းလထက် နောက်ကျ ကျန်နေပါတယ် ထို့ကြောင့် ဒီလကို တော်သလင်းလလို့ သတ်မှတ်လို့ရပါသလား ဘယ်လိုတေအမှန်ယူရမလဲ ရှင်းပြပေးပါဦးဆရာခင်ဗျ
ဦးစောမောင်ဌေး • ဖြေကြားချက် 1 ခု
ရွှေပန်းပင်ကိုတူးပြီး စိုက်ခင်းထဲမရောက်ခင် အပင်အရိပ်အောက်မှာတစ်လလောက်ထားလို့ရပါသလားခင်ဗျာ ပြီးလျှင်စိုက်ဘောင်ထဲကိုဘာတွေထည့်ထားသင့်သလဲသိပါရစေ
ဦးခိုင်မင်းဇော် • ဖြေကြားချက် 1 ခု
ဆားခါးက သီးနှံတွေအတွက် ဘယ်လိုအကျိုးကျေးဇူးရှိတယ်ဆိုတာ ဗဟုသုတအနေနဲ့သိထားချင်ပါသဖြင့် ဆရာတို့ကျေးဇူးပြု၍ ဖြေကြားပေခဲ့ပါအုံးခဗျာ။
ကိုငြိမ်းဦး • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
တိုင်းဒေသကြီး/ပြည်နယ်များအလိုက် သဘာဝဘေးအန္တရာယ်နှင့် လေးမျက်နှာ ရေကြီးမှု အထူးသုံးသပ်ချက်
10/09/2026
ချည်သားအတွင်းခံ (၂၀၀၀) ကပြောတဲ့ မြေဆီလွှာ
10/09/2026
ထောပတ်သီး ပြည်ပဈေးကွက်ပျောက်၍ ပြည်တွင်းဈေး ကျဆင်း
10/09/2026
ကွက်ဆန်း ဂုံးကောင် သို့မဟုတ် ပြောက်ကျားဂုံး၏ ထူးခြားသောသဘာဝနှင့် အသုံးဝင်ပုံ
09/09/2026
ဗီဒီယို
မတ်ပဲမျိုးစေ့ကို ထုံးဘာလို့ လူးကြတာလဲ
08/09/2026
More from ဒေါ်နန်းထက်ထက်ချစ်
အားလုံး
ဈေးကွက်ကောင်းစောင့်ဆိုင်းလိုသည့်ကြက်သွန်စိုက်ပျိုးသူများအနေဖြင့် သိုလှောင်ရုံကိုစနစ်တကျပြုလုပ်သင့်
25/01/2022
စက်သုံးဆီဈေးနှုန်းများမြင့်တက်နေခြင်းသည် ကြက်သွန်ဈေးကွက်အပေါ် ရိုက်ခတ်မှုရှိနေ
21/01/2022
ကွမ်းသီးအစိုအခြောက်အရောင်းအဝယ်များ အမြဲမပြတ်ရှိနေပြီး ဈေးကွက်ပွင့်လန်းနေ
19/01/2022
ကွမ်းသီးပင်ကို ရေမြေရာသီဥတုအပေါ်မူတည်၍ ခါတော်မီစိုက်ပျိုးစနစ်ဖြင့် စိုက်ပျိုးထုတ်လုပ်လာကြ
18/01/2022
ဈေးကွက်တွင်း ငရုတ်သီးစုပြုံဝင်ရောက်ခြင်းကိုထိန်းချုပ်ရန် တစ်ချို့ဒေသများတွင် ငရုတ်သီးခူးဆွတ်မှု ရပ်ဆိုင်း
17/01/2022
