၂၀၂၅ ကစပြီး ယူရီးယားတင်သွင်းမှု အဆုံးသတ်နိုင်ဖို့ အိန္ဒိယ ရည်ရွယ်ထား

အိန္ဒိယနိုင်ငံမှာ ယူရီးယားဓာတ်မြေဩဇာစက်ရုံသစ်တွေ ဖွင့်လှစ်ပြီးရင် ပြည်တွင်းထုတ်လုပ်မှု မြင့်တက်လာမှာ ဖြစ်တာကြောင့် ၂၀၂၅ ခုနှစ်ကစပြီး ယူရီးယားတင်သွင်းမှုကို အဆုံးသတ်နိုင်ဖို့ ရည်ရွယ်ထားတယ်လို့ ဓာတ်မြေ ဩဇာဝန်ကြီး Mansukh Mandaviya က ဗုဒ္ဓဟူးနေ့မှာ ပြောဆိုလိုက်ပါတယ်။

ယူရီးယားတင်သွင်းမှု မြင့်မားတဲ့ အိန္ဒိယဟာ တစ်နှစ်တာ ပျမ်းမျှသုံးစွဲမှုပမာဏ တန်ချိန် ၃၅ သန်းအနက် ၃၀ ရာခိုင်နှုန်းကို ပြည်ပကနေ တင်သွင်းနေရတာပါ။

"ကျွန်တော်တို့ဟာ တင်သွင်းယူရီးယားအပေါ် မှီခိုနေရတာကို ၂၀၂၅ မှာ အဆုံးသတ်နိုင်ဖို့ ရည်မှန်းထားပါတယ်။ အဲဒီအချိန်ကျရင် ကျွန်တော်တို့ရဲ့ စက်ရုံသစ်ငါးခု ဖွင့်လှစ်ပြီးနေမှာ ဖြစ်ပါတယ်" လို့ Mansukh Mandaviya က သတင်းထောက်တွေကို ပြောဆိုခဲ့ပါတယ်။

မြောက်ပိုင်း ဥတ္တရဒေသပြည်နယ်ထဲက Gorakhpur မြို့၊ တောင်ပိုင်း တီလန်ဂါနာပြည်နယ်ထဲက Ramagundam မြို့၊ အိန္ဒိယအရှေ့ပိုင်းက Barauni နဲ့ Sindri မြို့တွေမှာ တည်ထားမဲ့ စက်ရုံတွေကနေ နှစ်စဉ် ယူရီးယား တန်ချိန် ၆ ဒသမ ၅ သန်း ထုတ်လုပ်ပေးနိုင်ဖွယ်ရှိပါတယ်။

ယူရီးယားအမှုန်အမွှားငယ်တွေ ပါဝင်တဲ့ အိန္ဒိယ ပြည်တွင်းဖြစ် နာနိုယူရီးယား ထုတ်လုပ်မှုဟာလည်း ၂၀၂၅ ရောက်ရင် တန်ချိန် ငါးသန်းအထိ မြင့်တက်လာမယ်လို့ ၎င်းက ပြောပါတယ်။ ဝန်ကြီးချုပ် နာရန္ဒြာမိုဒီက Ramagundam မြို့က ယူရီးယားစက်ရုံကို နိုဝင်ဘာ ၁၂ ရက်မှာ ဖွင့်ပေးသွားမယ်လို့လည်း ထည့်ပြောသွားခဲ့ပါတယ်။

အိန္ဒိယဟာ လက်ရှိမှာ အိုမန်၊ ကာတာ၊ ဆော်ဒီအာရေဗျနဲ့ ယူအေအီး အပါအဝင် နိုင်ငံများစွာဆီက ယူရီးယား တင်သွင်းနေတာပါ။

အာရှတိုက်ရဲ့ တတိယစီးပွားရေးအင်အားကြီး အိန္ဒိယဟာ နိုင်ငံရဲ့ ကြီးမားလှတဲ့ စိုက်ပျိုးရေးကဏ္ဍအတွက် အပင်အာဟာရတွေ အများအပြား ဖြည့်ဆည်းပေးနေရရပါတယ်။ အိန္ဒိယမှာ စိုက်ပျိုးရေးလုပ်ငန်းက နိုင်ငံလုပ်သားထုအနက် ၆၀ ရာခိုင်နှုန်းကို အလုပ်ပေးထားပြီး ဒေါ်လာ သုံးထရီလီယံနီးပါးရှိတဲ့ စီးပွားရေးအနက် ၁၅ ရာခိုင်နှုန်းခန့်ကို ကျားကန်ပေးထားပါတယ်။

ကမ္ဘာ့မှာ မြေဆီဈေးတွေ ကြီးမြင့်လာတာကြောင့် ၂၀၂၃ မတ် ၃၁ အထိ အကျုံးဝင်တဲ့ လက်ရှိဘဏ္ဍာနှစ်အတွက် အစိုးရက ပေးအပ်ရရတဲ့ ဓာတ်မြေသြဇာ အမေတော်ကြေးငွေဟာ ရူပီး ၂ ဒသမ ၂၅ ထရီလီယံ (ဒေါ်လာ ၂၇ ဒသမ ၂၁ ဘီလီယံ) အထိ စံချိန်တင် မြင့်တက်လာမယ်လို့ Mandaviya က ပြောပါတယ်။ အရင်နှစ်ကတော့ ရူပီး ၁ ဒသမ ၅ ထရီလီယံသာ ပေးခဲ့ရတာဖြစ်ပါတယ်။

ယူရီးယားဟာ အိန္ဒိယက ဓာတ်မြေသြဇာ အမေတော်ကြေးအဖြစ် ပေးအပ်တဲ့အထဲမှာ ၇၀ ရာခိုင်နှုန်းအထိ ပါဝင်နေပါတယ်။

အစိုးရဟာ ယူရီးယားမဟုတ်တဲ့ အခြားဓာတ်မြေသြဇာတွေကို တောင်သူလယ်သမားတွေထံ လျှော့ဈေးနဲ့ ရောင်းချပေးနေတဲ့ ကုမ္ပဏီတွေကိုလည်း ဘဏ္ဍာရေးအထောက်အပံ့သတ်မှတ်ပမာဏတစ်ခု ပံ့ပိုးပေးလျက်ရှိပါတယ်။

အိန္ဒိယအစိုးရဟာ ဗုဒ္ဓဟူးနေ့ကလည်း လက်ရှိဘဏ္ဍာနှစ် ဒုတိယနှစ်ဝက်အတွက် ဖော့စဖရပ်နဲ့ ပိုတက်ရှ်ဓာတ်မြေသြဇာ အမတော်ကြေး ဒုတိယအသုတ်အဖြစ် ရူပီး ၅၁၈ ဒသမ ၇၅ ဘီလျံ ပေးအပ်ဖို့ ခွင့်ပြုခဲ့ပါတယ်။

ဝေယံဟိန်း (B.Ag)

Ref: India aims to end urea imports from 2025 - Reuters

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...