မြေဆီလွှာအတွင်း ဓာတုဒြပ်စင်များပါဝင်မှု(၁)

မြေဆီလွှာအတွင်းပါဝင်သော ဒြပ်စင်များ၏ပမာဏနှင့် အချိုးအစားမှာ ရာသီဥတုတိုက်စားဒဏ်ရမှုနှင့် အခြားဓာတ်ပြုမှုများအပေါ်မူတည်ပြီး အမြဲပြောင်းလဲလျက်ရှိသည်။ မြေဆီလွှာတွင်ပါဝင်သော ဒြပ်စင်တစ်ခုချင်း၏ ပါဝင်မှု၊ ပုံသဏ္ဍာန်နှင့် ဓာတ်ပြောင်းလဲမှုများအား အောက်တွင်ဖော်ပြထားပါသည်။

(၁) ဆီလီကွန်

ဆီလီကွန်သည် အောက်စီဂျင်နှင့် ပေါင်းစပ်၍ ဆီလီကွန်ဒိုင်အောက်ဆိုက်အဖြစ် ၅၀ - ၇၀% ခန့်အထိမြေထဲတွင် ပါဝင်သည်။ ဆီလီကွန်ကို မြေဆီလွှာ အပေါ်ယံအလွှာတွင် တွေ့ရှိရသည်။ ဆီလီကွန်ဓာတ်ကို သဲဆန်သောမြေများတွင် အများဆုံးတွေ့ရှိရသည်။ အထူးသဖြင့် အော်ဂဲနစ်မြေဆွေးဓာတ်ပါဝင်မှုနည်းသော မြေများတွင် ပို၍တွေ့ရှိရသည်။ အထူးသဖြင့် စိုစွတ်ပြီး အပူပိုင်းဒေသရှိမြေများတွင် ရာသီဥတုပြောင်းလဲမှုများခြင်းနှင့် ရေစီးနှင့်အတူ မျောပါပျောက်ဆုံး ခြင်းများကြောင့် ဆီလီကွန်ဓာတ် တဖြည်းဖြည်း ဆုံးရှုံးမှုဖြစ်စေသည်။

(၂) အလူမီနီယမ်

မြေဆီလွှာတစ်ခုတွင် အောက်စီဂျင်နှင့် ဆီလီကွန်ပါဝင်မှုပြီးလျှင် အလူမီနီယမ်သည် တတိယအများဆုံးပါဝင်သော ဒြပ်စင်ဖြစ်သည်။ အလူမီနီယမ်နှင့် အောက်စီဂျင်ပေါင်းစပ်၍ AI2O3 အလူမီနီယမ် အောက်ဆိုဒ်အဖြစ် တွေ့ရပါသည်။ (ဆီလီကွန်ပါဝင်မှုနည်းသောနေရာများတွင် အလူမီနီယမ် ပါဝင်မှုများသည်ကို တွေ့ရသည်။)

(၃) သံဓာတ်

သံဓာတ်သည် အောက်စီဂျင်နှင့် ပေါင်းစပ်၍ သံအောက်ဆိုဒ်အဖြစ် မြေဆီလွှာတွင်တွေ့ရှိရသည်။ ပါဝင်မှု (၁ - ၆%) အထိရှိတတ်သည်။ သံဓာတ်ပါဝင်မှုများသော မြေများတွင် မြေမှုန်များ၏ ဖွဲ့စည်းပေါင်းစပ်မှု ခိုင်မြဲပြီး ရေပေါက်လေပေါက် ပါဝင်မှုကောင်းသည်ကို တွေ့ရှိရသည်။ ရေသွင်းရေထုတ်ညံ့ဖျင်းသော မြေများတွင် သံဓာတ်သည် ဓာတ်လျော့မှုဖြစ်ပြီး အောက်မြေလွှာတွင် သံဓာတ် စုစည်းလွှာ ဖြစ်ပေါ်လာသည်။

(၄) တိုက်တေနီယမ်

တိုက်တေနီယမ်သည် အောက်စီဂျင်နှင့် ပေါင်းစပ်၍ TiO2 အဖြစ် မြေဆီလွှာတွင် တွေ့ရသည်။ ပါဝင်မှု (၀.၂ - ၁) % အထိရှိတတ်သည်။ TiO2 သည် မြေဆီလွှာတွင် ရာသီဥတုချေဖျက်တိုက်စားမှုကို အတော်အသင့်ခံနိုင်ရည်ရှိသောကြောင့် အခြားသောဒြပ်စင်များလျော့နည်းသွားချိန် တိုက်တေနီယမ် အောက်ဆိုဒ် ပါဝင်မှုပိုများလာသည်ကို တွေ့ရသည်။

(၅) ကယ်လ်ဆီယမ်

ကယ်လ်ဆီယမ်သည် အောက်စီဂျင်နှင့် ပေါင်းစပ်၍ ကယ်လ်ဆီယမ်အောက်ဆိုဒ်အဖြစ် မြေဆီလွှာတွင် တွေ့ရှိရသည်။ ပါဝင်မှု ၁% ရှိတတ်သည်။ ကယ်လ်ဆီယမ်အောက်ဆိုဒ်ကို မြေဆီလွှာ၏ အောက်ဆုံးအလွှာတွင် တွေ့ရသည်။ အချို့သောမြေများတွင် ကာဘွန်နိတ်ပုံစံအဖြစ်လည်း တွေ့ရသည်။ ၎င်းမှာထုံးကျောက်ဖြစ်ပြီး မြေဆီလွှာ၏ အောက်ဆုံးအလွှာများ၌ ဂျစ်ပဆန်ပုံစံအဖြစ် တည်ရှိတတ်သည်။

(၆) မဂ္ဂနီဆီယမ်

မဂ္ဂနီဆီယမ်သည် အောက်စီဂျင်နှင့် ပေါင်းစပ်၍ မဂ္ဂနီဆီယမ်အောက်ဆိုဒ်အဖြစ် မြေဆီလွှာ တွင်တွေ့ရသည်။ ပါဝင်မှုမှာ ၁% အောက်တွင်ရှိသည်။ အချို့သော မြေများတွင် ကယ်လ်ဆီယမ် ကာဘွန်နိတ်များနှင့် ပေါင်းစပ်၍ မဂ္ဂနီဆီယမ်ကာဘွန်နိတ်အဖြစ် တွေ့ရှိရသည်။

FSWG မှထုတ်ဝေသော 'မြေဆီလွှာဆရာဝန် 'စာအုပ်မှကောက်နုတ်ဖော်ပြခြင်းဖြစ်ပါသည်။

စာအုပ်ကို ဝယ်ယူလိုပါက အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့် 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်