Covid-19 ကာလအတွင်း အတွေ့အကြုံရှိ ဆိတ်မွေးမြူရေးလုပ်ငန်းများ ဈေးကွက်ထိခိုက်မှု အထိုက်အလျောက်ခံသာ

22/09/2020 10:30 AM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    Covid-19 ကာလအတွင်း အတွေ့အကြုံရှိ ဆိတ်မွေးမြူရေးလုပ်ငန်းများမှာ ကြိုတင်ပြင်ဆင်မှုများရှိသည့်အတွက် ဈေးကွက်ထိခိုက်မှုဒဏ်ကို အထိုက်အလျောက်ခံသာသော်လည်း အတွေ့အကြုံပိုင်းအားနည်းသေးသည့် ခြံငယ်များမှာမူ အခက်အခဲများစွာကြုံတွေ့ရနိုင်ကြောင်း သိရသည်။

ဒီလို ကိုဗစ်ရောဂါကျရောက်တဲ့ အခြေအနေမျိုးကလည်း ဘယ်သူမှမဖြစ်ဖူးဘူးလေ။ ဒီကာလမှာ မွေးမြူရေးတောင်သူအနေနဲ့ ပြောရရင် တော်တော်ရုန်းကန်ရတာပေါ့နော်။ ကျွန်တော်တို့လို အတွေ့အကြုံရှိတဲ့ (ကိုဗစ်မဖြစ်ဖူးပေမယ့် ဈေးကွက်ကျဆင်းတဲ့ အချိန်မျိုးလည်း ကြုံခဲ့ဖူးတယ်) မရောင်းရတဲ့အချိန်တွေကျရင် ဘယ်လိုဖြတ်သန်းမလဲ ကြိုတင်အစီအစဉ်တွေ ဆွဲထားတာရှိတာပေါ့။ အဲ့ဒီတော့ အထိုက်အလျောက် ခံသာနေတာပေါ့။ တခြားခြံတွေကျတော့ မသက်သာလောက်ဘူး။ အလုပ်သမားစရိတ်၊ စားစရိတ် စတာတွေကို အဆင်ပြေအောင် ခြံရှင်တွေကပဲ စီစဉ်ပေးနေရတာကြောင့် အခက်အခဲတွေ များစွာရှိနေနိုင်ပါတယ်။

ဟု မြန်မာနိုင်ငံ ကျွဲ၊ နွား၊ သိုး၊ ဆိတ်တင်ပို့ရောင်းချသူများအသင်း၏ ဒုတိယဥက္ကဌ ဦးထက်သူအောင်က ပြောသည်။

    Covid-19 ကာလမတိုင်ခင်က ပြည်တွင်းရှိ ဆိတ်အရှင် မွေးမြူတင်ပို့မှုများကို နယ်စပ်လမ်းကြောင်းများမှတဆင့် အိမ်နီးချင်းနိုင်ငံတချို့သို့ တင်ပို့ရောင်းချခဲ့ကြသည်။

    လက်ရှိဈေးကွက်တွင် ဆိတ်အကောင်လုံး ချိန်ဆရောင်းချသည့် (ရှင်ချိန်) လက်ကားဈေးနှုန်း အနေဖြင့် အလေးချိန် တစ်ပေါင်လျှင် အရည်အသွေးပေါ်မူတည်ပြီး (၁၅၀၀)ကျပ်မှ (၁၈၀၀)ကျပ် ကြား ဈေးနှုန်းများဖြင့် ရောင်းဝယ်နေသည်။ 

ဈေးကွက်က ကိုဗစ်နဲ့ဆိုတော့ သိတဲ့အတိုင်းပဲ။ လောလောဆယ် ရပ်နေတာပေါ့။ ပြည်တွင်းဈေးကွက်ကလည်း အရောင်းမသွက် ပုံမှန်လေးပဲ သွားနေတယ်။ ဆိုင်တွေက ပါဆယ်စနစ်ဖြစ်သွားတော့ အရောင်းအဝယ်တွေက ကျတာပေါ့နော်။ ဈေးကွက်က ကြိုက်ရောင်းကြိုက်ဝယ်ဖြစ်နေတာပေါ့။ ဈေးကွက်ပျက်တဲ့ အနေအထားမှာကိုရှိတယ်။ ပြည်တွင်းမှာက အသားဈေးကွက်ပဲရှိတာ။ ကျန်တဲ့ဈေးကွက်က နည်းတယ်။ ကိုဗစ်မတိုင်ခင်ကတော့ တရုတ်ကို တင်ပို့တယ်၊ မြဝတီတင်တယ် စသည်ဖြင့် ရန်ကုန်လည်းပို့တယ်။ အခုကျတော့ ပြည်တွင်းဈေးကွက်ပဲ ရှိတယ်။ ကုန်ကပေါနေတော့ ရန်ကုန်ကလူကလည်း အရင်ကလို မန္တလေးအထိ လာစရာမလိုတော့ဘူး။ သူတို့ဆိုင်တွေလည်း တစ်နိုင်တပိုင် နည်းနည်းလေးရောင်းရတော့ အရင်တုန်းကလို အများကြီးမလိုတော့ဘူးလေ။ အဲ့ဒိတော့ နီးစပ်ရာ ပဲခူးတို့ တောင်ငူတို့ကနေပဲ ဝယ်တော့တာပေါ့။ ကျွန်တော်တို့ မန္တလေးဘက်ကတော့ အနီးအနား မိုင်နှစ်ဆယ်၊ မိုင်အစိတ်လောက်ပဲကွာဝေးတဲ့ ဈေးကွက်လေးတွေကိုပဲ ရောင်းနေရတော့တာပေါ့။

ဟု ဦးထက်သူအောင်က ဆက်လက်ပြောသည်။

    ဆိတ်မွေးမြူလုပ်ငန်းများကို မန္တလေးတိုင်း၊ မကွေးတိုင်း၊ ပဲခူးတိုင်း၊ စစ်ကိုင်းတိုင်း၊ ရန်ကုန်တိုင်း စသည်တို့တွင် လုပ်ကိုင်နေပြီး ကျန်တိုင်းဒေသကြီးနှင့် ပြည်နယ်များတွင်လည်း ဒေသအလိုက်မွေးမြူမှုများ ရှိနေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်