ပြည်တွင်းပြင်ပစျေးကွက်ဝင် ငရုတ်ကောင်းပင် စိုက်ပျိုးကြမယ်ဆိုရင်..

ငရုတ်ကောင်းပင်ကို စီးပွားဖြစ်စိုက်ပျိုးချင်သော်လည်း ဘယ်ကဘယ်လို စစိုက်ရမှန်းမသိသူတွေနဲ့ စိုက်ပျိုးနည်းစနစ်ဆိုင်ရာ ဗဟုသုတရရှိလိုသူတွေအတွက် ရည်ရွယ်ပြီး၊ မေးမြန်းစူးစမ်း တင်ပြလိုက်ပါတယ်။

ငရုတ်ကောင်းစိုက်ပျိုးတော့မယ်ဆိုရင် ပင်ကြားတန်းကြားအကွာအဝေး ဘယ်လောက်ထားရမလဲ?

ပင်ကြားတန်းကြားကို ၈×၆ ပေ (သို့မဟုတ်) ၇×၇ (သို့မဟုတ်) ၈×၈ ပေ စသဖြင့် အလျဉ်းသင့်သလို ထားနိုင်ပါတယ်။ ၈×၆ ပေ ထားပြီး စိုက်ပျိုးမယ်ဆိုရင် တိုင်အရေအတွက် ၉၀၈ တိုင်၊ ၇×၇ ပေ ဆိုရင် တိုင်အရေအတွက် ၈၉၀ တိုင်၊ ၈×၈ ပေ အကွာအဝေးနဲ့ စိုက်ပျိုးရင်တော့ ၆၈၀ တိုင် စိုက်ပျိုးနိုင်မှာပါ။

ငရုတ်ကောင်းကို သီးညှပ်စိုက်ပျိုးလို့ ရသလား?

ငရုတ်ကောင်းပင်ကို အုန်း၊ ကွမ်းသီး၊ သရက်၊ ဒူးရင်း၊ သီဟိုဠ်၊ သရက်၊ တခြား စီးပွားဖြစ်သစ်မာစိုက်ခင်းတွေနဲ့ သီးထွက်ရရှိနေတဲ့ နှစ်ရှည်ပင်စိုက်ခင်းတွေမှာ သီးညှပ်စိုက်ပျိုးနိုင်ပါတယ်။ သီးညှပ်စိုက်ပျိုးမယ်ဆိုရင် စနစ် (၂) မျိုး နဲ့ စိုက်ပျိုးနိုင်ပါတယ်။

နှစ်ရှည်ပင်ကို တွယ်တိုင်အဖြစ်စိုက်ပျိုးခြင်း- အပင်ခြေမှာ နှစ်ရှည်ပင်ရဲ့ အမြစ်ကို မထိခိုက်စေပဲ၊ (၁)ပေမှ (၂)ပေ အကွာအဝေးမှ စိုက်ကျင်းတူး စိုက်ပျိုးရတာပါ။ ကွမ်းသီးပင်၊ အုန်းပင်၊ စီးပွားဖြစ် သစ်မာစိုက်ခင်းတွေလို ၈×၈ ပေ အထက် ပင်ကြားတန်းကြားစိပ်တဲ့ နှစ်ရှည်ပင်မျိုးတွေမှာတော့ ဒီနည်းစနစ်နဲ့ သီးညှပ်စိုက်ပျိုးတာက အကောင်းဆုံးဖြစ်ပါတယ်။

နှစ်ရှည်ပင် စိုက်တန်းကြားစိုက်ပျိုးခြင်း- ၃၀×၃၀ ပေ စိုက်ပျိုးထားတဲ့ နှစ်ရှည်ပင်တွေမှာတော့ ငရုတ်ကောင်း စိုက်တန်း(၂) တန်းကို ပင်ကြား(၁၀)ပေ အကွာ၊ ဖိုခုံနောက်ဆိုင် စိုက်ပျိုးသင့်ပါတယ်။ ၂၄×၂၄ ပေ အကွာအဝေး စိုက်ပျိုးထားတယ်ဆိုရင်တော့ နှစ်ရှည်ပင် ၂ တန်းကြား (၈) ပေစီ အကွာမှာ ငရုတ်ကောင်းစိုက်တန်း (၂) တန်းကို ပင်ကြား(၈)ပေ အကွားအဝေးနဲ့ ဖိုခုံနောက်ဆိုင် စိုက်ပျိုးသင့်ပါတယ်။

မစိုက်ခင် ပြင်ဆင်ပုံလေးကတော့ - အပင် အောင်မြင်ကြီးထွားလာစေဖို့ စိုက်ကျင်းပြင်ဆင်မှုက အရေးကြီးပါတယ်။ စိုက်ကျင်းကို အကျယ် အနက် ၂×၂×၂ ပေ ပတ်လည် ရှိရပါမယ်။ စိုက်ကျင်းအနီးအနားမှာ ငရုတ်ကောင်းပင် တွယ်တက်ဖို့နဲ့ အမြစ်ကုပ်တွယ်နိုင်ဖို့ အတွက် အသက်ရှင်လျက်ရှိတဲ့ သစ်ပင်ကြီးတွေ၊ တွယ်ပင်၊ တွယ်တိုင်တွေကို စိုက်တန်း အကွာအဝေးအလိုက် စိုက်ပျိုးပါ။ တောင်စောင်းမှာ စိုက်ပျိုးလိုတဲ့အခါ သတ်မှတ်ထားတဲ့ စိုက်ကျင်းနေရာကနေ အချင်း(၃)ပေ ရှိတဲ့ မြေပြန့်ငယ်တွေဖော်ပြီး စိုက်ကျင်းတူး စိုက်ပျိုးနိုင်ပါတယ်။ ကျင်းစာကို မြေသားအပေါ်ယံလွှာ၊ မြေကျက်မြေ၊ နွားချေးအဆွေး၊ သစ်ဆွေးမြေနဲ့ ထရိုင်ဂိုဒါးမားအနည်းငယ်စီ ရောစပ်ပြီး မစိုက်ခင်တစ်လလောက် နှပ်ပေးထားပါ။

ဘယ်ရာသီမှာ စတင်စိုက်ပျိုးသင့်သလဲ?

ငရုတ်ကောင်းပင်ကို ပုံမှန်အားဖြင့် မိုးဦးကျကာလ ဇူလိုင်လကနေ သြဂုတ်လ အတွင်းမှာ စိုက်ပျိုးပါတယ်။ အခု နောက်ပိုင်းမှာ စိုက်ပျိုးရေးစနစ် ထွန်းကားလာတော့ ရေနဲ့ အရိပ်ပေးနိုင်တယ်ဆိုရင် မိုးအရမ်းများတဲ့ ကာလကလွဲပြီး၊ နှစ်ပတ်လည် စိုက်ပျိုးလာကြပါပြီ။ ငရုတ်ကောင်းပျိုးပင် တစ်နှစ်သားအရွယ် (စီလွန် ငရုတ်ကောင်းမျိုး ဆိုရင်) စစိုက်ပြီး တစ်နှစ်အကြာမှာ အသီးသီးပါတယ်။

စတင်စိုက်ပျိုးချိန်မှာ သတိပြုရမယ့်အချက်လေးတွေ

နေအပူရှိန်ကြောင့် အပင်ခြောက်သွေ့မသွားစေဖို့ အရိပ်ကာပေးပါ။ ညနေပိုင်း ကျနေကို သတိထားပေးပါ။ ငရုတ်ကောင်းပင် အစို့သစ်ရှည်လာချိန်မှာ တွယ်တိုင်နဲ့ကပ်အောင် သေချာဂရုတစိုက် ချည်ပေးပါ။ တွယ်တိုင်ကနေ လန်မကျစေဖို့ လိုအပ်ပါတယ်။

နန်းထက်ထက်ချစ်(ABM)

သိလိုသမျှ မေးမြန်းသမျှကို ဖြေဆိုပေးခဲ့တဲ့ ငရုတ်ကောင်းသီးနှံ စီးပွားဖြစ် စိုက်ပျိုးထုတ်လုပ်နေသူ ဦးအောင်ဆန်းဦး (KKO pepper) ကို ကျေးဇူးတင်ပါတယ်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ