အစိမ်းရောင်လမ်းဘက်တီးရီးယားများသည် သီးနှံပင်များကို ဒုတိယအများဆုံး ရောဂါဖြစ်စေသောသက်ရှိများ ဖြစ်ကြသည်။ ယင်းတို့သည် ဆဲလ်တစ်မျိုးတည်းဖြင့်သာ တည်ဆောက်ကြသောအပင်အုပ်စုဝင်များ ဖြစ်ကြသည်။ အပင်ကရောဂါဖြစ်စေသော ဘက်တီးရီးယားများသည် တိုတောင်းသော ဆလင်ဒါပုံဆဲလ်များ သာဖြစ်ကြသည်။ အချို့၌ ကြာပွတ်ပုံ ယက်မွှေးများပါ၍ ရွေ့လျားနိုင်ကြသည်။ အပင်ရောဂါ ဖြစ်စေသော ဘက်တီးရီးယားများတွင်လည်း အစိမ်းရောင်ခြယ်ဆေးများ မပါရှိပါ။ သို့ဖြစ်၍ ဘက်တီးရီးယားတို့သည် အခြားအပင်များကို မှီခိုစားသောက်ခြင်း၊ သက်မဲ့ဩဂဲနစ်ဓာတ်ပစ္စည်း အပုပ်အဆွေး များကို စားသုံးခြင်းများ ပြုလုပ်ကြသည်။
ဘက်တီးရီးယားတို့သည် နည်းအမျိုးမျိုးဖြင့် လက်ခံသီးနှံပင်ပေါ်သို့ ရောက်လာပြီးလက်ခံပင်၏ သဘာဝအပေါက်များဖြစ်သော လေပေါက်၊ ရေပေါက်၊ သစ်ခေါက်လေပေါက်၊ ပန်းပွင့်၏ ပွင့်ဖတ် အောက်ခြေရှိ ဝတ်ရည်ဂလင်းများနှင့် ဒဏ်ရာအနာများ၊ ပိုးမွှားကိုက်ရာများ စသည်တို့မှ ဝင်ရောက်ကြ၏။ ဘက်တီးရီးယားဆဲလ်များသည် လက်ခံပင်၏ တစ်သျှူးအတွင်းတွင် ပွားများကြပြီး အင်ဇိုင်းများ ထုတ်၍ လက်ခံဆဲလ်နံရံကို ချေဖျက်ကာ အစာများကို စုပ်ယူစားသုံးသည်။ ဤနည်းဖြင့် လက်ခံပင်၌ ရောဂါများဖြစ်ပွားကြသည်။
မြန်မာနိုင်ငံ၌ အဖြစ်များကသာ ဘက်တီးရီးယားကရာဂါများမှာ စပါးရွက်ကခြောက်ရောဂါ၊ အာလူး ညှိုးသေရောဂါ၊ ဝါဒေါင့်ကွက်နှင့် လက်မဲရောဂါ၊ ပဲလောင်မီးရောဂါနှင့် ရှောက်သံပုရာအနာချိုင့်ရောဂါ စသည်တို့ ဖြစ်ကြသည်။
Crd#ရေဆင်းစိုက်ပျိုးရေးတက္ကသိုလ်
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}