စပါးစိုက်မည်သည့်ရက်သားတွင်မြေသြဇာထည့်ရပါသနည်း

ဖြစ်နိုင်ရင် ယူရီးယား(ပုလဲ),တီစူပါ,ပိုတက် မြေသြဇာတွေကိုသီးခြားစီကျွေးစေချင်ပါတယ်(ကွန်ပေါင်မြေသြဇာတွေထက်ပိုအကျိုးရှိလို့ပါ)။ပုလဲကိုမြေခံမှာမထည့်သင့်ပါဘူး။မြေခံမှာ(စိုက်သမန်းပြင်ချိန်) တီစူပါအိတ်ဝက်+ပိုတက်တစ်စိပ်(တစ်အိတ်ရဲ့၄ပုံ၁ပုံ)ထည့်ပေးရပါမယ်။နောက်ထပ် ပိုတက်တစ်စိပ်ကိုသက်တမ်း၁၁၀..၁၁၅ရက်မျိုးမှာ ရက်၅၀ဝန်းကျင်,၁၃၀..၁၃၅ရက်မျိုးမှာ ရက်၇၀ဝန်းကျင် နဲ့ ၁၄၀..၁၄၅ရက်မျိုးမှာ ၈၅ရက်ဝန်းကျင်တွေမှာ ပိုတက်ကိုဒုတိယအကြိမ်ထပ်ကျွေးပေးရပါမယ်။ယူရီးယား(ပုလဲ)ကိုတော့ ၃ကြိမ်ခွဲကျွေးသင့်ပါတယ်။ယူရီးယား(၁)အိတ်ကို၃ချိုးခွဲပြီး တစ်ကြိမ်ကို ၃ချိုး၁ချိုးစီကျွေးပေးရပါမယ်။ကျွေးရမဲ့အချိန်တွေက ပထမအကြိမ်အဖြစ်ကောက်ပင်လှန်ချိန်မှာကျွေးရပါမယ်။ ဒုတိယအကြိမ်မှာဆိုရင် ..သက်တမ်း၁၁၀..၁၁၅ရက်မျိုးဆိုမှာ၆၂ရက်သား,၁၃၀..၁၃၅ရက်မျိုးမှာ ၈၂ရက်သား,၁၄၀..၁၄၅မျိုးမှာ ၉၇ရက်သား ဝန်းကျင်တွေမှာ​ကျွေးရပါမယ်။တတိယအကြိမ်မှာဆိုရင်..သက်တမ်း..၁၁၀..၁၁၅ရက်မျိုးမှာ ၈၀ရက်သား,၁၃၀..၁၃၅ရက်မျိုးမှာ ရက်၁၀၀,၁၄၀..၁၄၅ရက်မျိုးမှာ ၁၁၅ရက်သားဝန်းကျင်တွေမှာကျွေးပေးရပါတယ်။အပင်ရဲ့လိုအပ်တဲ့အာဟာရကို လိုအပ်တဲ့အချိန်မှာလိုအပ်တဲ့ပမာဏကိုကျွေးမှပိုမိုအကျိုးသက်ရောက်မှုရှိမှာပါ(ယူရီးယား ပုလဲက လေလွင့်ဆုံးရှုံးမှုများတတ်တာကြောင့် မကျွေးခင်၁ရက်ကြိုတင်၍ ပုလဲ၁ဆ+နွားချေးဆွေး/မြေဆွေး ၃ဆကိုသမအောင်ရောမွှေပြီးတာလပတ်ဖြင့်အုပ်ပြီးတစ်ည နှပ်ထားပါ.တစ်ညနှပ်ပြီးနောက် မနက်စောစောကြဲပက်၍ကျွေးပေးပါက လေလွင့်ဆုံးရှုံးမှုနည်းပါးသွားပါသည်.အပင်အတွက်အာဟာဓာတ်ပိုမိုရရှိစေပါသည် )