အမေးအဖြေ

hymexazol သို့မဟုတ် fosetyl -al ပါတာ ဘယ်လိုဆေးတေလဲဗျ ကူညီပါ

@မောင်ကျော်ခိုင် ဘူး၊ ခဝဲနှင့် ရုံးပတီသီးနှံများတွင် ကျရောက်တတ်သော ဒေါင်းနီးမှိုရောဂါ အတွက် အပင်သက်တမ်း ၁၅ ရက်မှ ၂၀ ရက်သားအရွယ်၊ မိုးရွာပြီးချိန်နှင့် ဆီးနှင်းကျဆင်းမှုများချိန်တို့တွင် ကြိုတင်ကာကွယ်ဆေး စတင်ပက်ဖျန်းရပါမယ်။ ရောဂါမကျရောက်မီ ကြိုတင်ကာကွယ်ရန်အတွက် မန်ကိုဇက် (Mancozeb) သို့မဟုတ် ကလိုရိုသာလိုနေးလ် (Chlorothalonil) ကဲ့သို့ ထိသေမှိုသတ်ဆေးများကို အသုံးပြုနိုင်ပါတယ်။ အကယ်၍ အရွက်ပေါ်တွင် အဝါဖျော့ရောင် ထောင့်ချိုးအကွက်များနှင့် အရွက်အောက်တွင် မီးခိုးရောင်မှိုမျှင်များ စတင်တွေ့ရှိပါက မက်တယ်လဇီး + မန်ကိုဇက် (Metalaxyl + Mancozeb)၊ ဆိုင်မောက်ဇနေးလ် + ဒိုင်မီသိုမော့ဖ် (Cymoxanil+Dimethomorph)၊(Azoxystrobin) ပါဝင်သော ပင်လုံးပြန့်မှိုသတ်ဆေးများကို ပြောင်းလဲအသုံးပြုရပါမယ်။ ဆေးဖျန်းသည့်အခါ အရွက်အောက်မျက်နှာပြင်ကို နှံ့စပ်အောင်ဖျန်းပေးရန်နှင့် ဆေးယဉ်ပါးမှုမဖြစ်စေရန် ၇ ရက်မှ ၁၀ ရက်ခြားတစ်ကြိမ် ဆေးအုပ်စု အလှည့်ကျပြောင်းလဲဖျန်းပေးရန် လိုအပ်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

@Khing Hein ထုံးကန့်ဆေးရည် သည် ထိသေမှိုသတ်ဆေး ဖြစ်သောကြောင့် ဒေါင်းနီးနှင့် တောက်တဲ့မြီးရောဂါတို့ကို ကြိုတင်ကာကွယ်ရန်နှင့် ရောဂါအစပျိုးချိန်တွင်သာ ထိန်းချုပ်နိုင်ပြီး ရောဂါပြင်းထန်နေပါက တစ်မျိုးတည်းဖြင့် အပြည့်အဝ မနိုင်ပါဘူး။ သို့သော် မှိုဆဲလ်များကို နေရာစုံမှ တိုက်ခိုက်နိုင်သဖြင့် ဆေးယဉ်ပါးမှု ဖြစ်ပေါ်ခြင်း မရှိသလောက် နည်းပါးပါတယ်။စိုက်ခင်းစီမံခန့်ခွဲမှုအနေဖြင့် ဂျီဗာမရူသမ်နှင့် ဓာတ်မြေဩဇာ တွဲသုံးခြင်းမှာ အလွန်ကောင်းမွန်သော်လည်း ပုလဲမြေဩဇာကို လျှော့ကျွေးပြီး ပိုတက်ရှ်နှင့် ကန့်ဓာတ်ကို ဦးစားပေးရပါမယ်။ လှေးပိုးအတွက် နွားသေးနှင့် မီးခိုးပေါင်းခံရည် ဖျန်းရာတွင် ထုံးကန့်ဆေးနှင့် လုံးဝ ရောမဖျန်းရဘဲ အနည်းဆုံး ၅ ရက်မှ ၇ ရက် ခြားရပါမယ်။ ထို့အတူ မြေဆောင်မှိုအတွက် ထရိုင်ကိုဒါးမားကိုလည်း ထုံးကန့်ဆေးနှင့် ရက်ခြား၍ အသုံးပြုရမည်ဖြစ်ပြီး ပေါင်းသတ်ဆေး ဖျန်းပြီးခါစတွင် အပင်အားဆေး သို့မဟုတ် ဂျီဗာမရူသမ် ဖျန်းပေးခြင်းဖြင့် အပင်စိတ်ဖိစီးမှုကို လျှော့ချနိုင်ပါလိမ့်မယ်ခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

@ကိုသိန်းသန်းဝင်း ပုံတင်မေးပေးပါ။ စပါးပျက်ကျနေတယ်ဆိုတာ စပါးအနှံဂုတ်ကနေကျိုးကျ၊ပျက်ကျတာကိုပြောတာလား

@UTheinAung ကုန်းမြင့်ပိုင်းက အပင်အများစု (တစ်ခင်းလုံးရဲ့ ၆၀% အထက်) ကောင်းကောင်းကျန်နေသေးရင် စရိတ်ထပ်မကုန်အောင် တစ်ကွင်းလုံး ပြန်ထွန်စိုက်စရာ မလိုပါဘူးခင်ဗျာ။ ရေမြုပ်ပျက်စီးသွားတဲ့ အနိမ့်ပိုင်း ကွက်လပ်လေးတွေကိုသာ အစိုဓာတ်ရှိတုန်း မျိုးစေ့အသစ် ပြန်လည်ဖာထေးစိုက်ပျိုးသင့်ပါတယ်။ လက်ရှိကျန်တဲ့ အပင်လေးတွေက ၅ ရက်သားပဲ ရှိသေးတာမို့ အမြစ်ပုပ်ရောဂါနဲ့ ခါးရိရောဂါ ဝင်လွယ်ပါတယ်။ ဒါကြောင့် ရေထုတ်မြောင်း အမြန်ဖောက်ပေးပြီး မှိုသတ်ဆေး (ဥပမာ- Carbendazim သို့မဟုတ် Foestyl Al သို့မဟုတ် Hymexazol သို့မဟုတ် Thiophanate methyl) တစ်မျိုးမျိုးအပင်ခြေဖျန်းပါ။အမြစ်ထွက်အားကောင်းစေမယ့် ရွက်ဖျန်းအားဆေး တစ်မျိုးမျိုးကိုလည်း ဖျန်းပေးပါ။

@မောင်ခိုင်လင်းထွန်း စပါးရွက်လိပ်ရွက်ခေါက်ပိုးကျတာဖြစ်ပါလိမ့်မယ်၊ပူံတင်မေးပေးပါ

@Htet Linn Oo နောက်ဆိုပုံတသ်မေးပေးနိုင်ရင်တော့ရောဂါကျမကျကြည့်ပေးလို့ရပါမယ်ခင်ဗျာ

@Mg Aung ko min မြေကြီး အနည်းငယ် ပြန်ခြောက်သွေ့လာတဲ့အခါ အပင်ရင်းလေးတွေ မထိခိုက်စေဘဲ တုတ်ချောင်းသေးသေးလေးနဲ့ မြေမျက်နှာပြင်ကို ဖွဖွလေး ဆွပေးခြင်းအားဖြင့် အမြစ်လေးတွေ အောက်ဆီဂျင် ရရှိစေပါတယ်။လောလောဆယ် အရေးကြီးဆုံးကတော့ ရေမဝပ်အောင် လုပ်ဖို့နဲ့ မှိုဆေး အမြန်ဆုံး ဖျန်းပေးဖို့ ဖြစ်ပါတယ်။ အပင်လေးတွေ ပြန်ထောင်မတ်လာပြီး သန်မာလာမှသာ ရွက်ဖျန်းအားဆေးကို စနစ်တကျ ဖျန်းပေးပါခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

@Ko Zar သွေးဝမ်းသွားခြင်း၊ အရေပြားနီစက်ထွက်ခြင်း၊ နားရွက်ပြာခြင်းနှင့် အောက်ပိုင်းမသန်စွမ်းခြင်း လက္ခဏာများသည် အာဖရိကဝက်အပြင်းဖျားရောဂါ (ASF)၊ ဝက်ဝမ်းကျရောဂါ (CSF) သို့မဟုတ် ဝက်နားရွက်ပြာရောဂါ (PRRS) နှင့် နောက်ဆက်တွဲ ဘက်တီးရီးယားပိုးဝင်ခြင်းတို့နှင့် ဆင်တူပါတယ်။ လက်ရှိခြံကို အရေးပေါ်စီမံရန်အတွက် နေမကောင်းသောဝက်များကို ချက်ချင်းသီးသန့်ခွဲထားပြီး ဝက်သေကောင်များကို ၆ ပေအနက် တွင်းတူးကာ ထုံးဖြူးမြေမြှုပ်ဖျက်ဆီးရပါမယ်။ ခြံအတွင်း ရွှံ့နွံမစင်များကို ရှင်းလင်းလုပ်ဆောင်ပြီး တိရစ္ဆာန်ဆေးကုဆရာဝန်ထံ အမြန်ဆုံး အကြောင်းကြားသင့်ပါတယ်။ နောက်ထပ်မဖြစ်ပွားစေရန်အတွက် ရောဂါဖြစ်ပွားနေသော ရွာများမှ လူနှင့်ယာဉ် အဝင်အထွက်ကို တင်းကျပ်စွာ တားမြစ်ခြင်း၊ စားကြွင်းစားကျန်များကို မိနစ် ၃၀ ခန့် ပွက်ပွက်ဆူအောင် ကျိုချက်ကျွေးမွေးခြင်း၊ ခြံကို အနည်းဆုံး ၁ လမှ ၂ လခန့် အနားပေးပြီးမှသာ ကာကွယ်ဆေးထိုးပြီးသား ဝက်အသစ်များကို ၂ ပတ်ခန့် သီးသန့်ခွဲစောင့်ကြည့်၍ ပြန်လည်မွေးမြူခြင်းတို့ကို လိုက်နာဆောင်ရွက်ရပါမယ်။ ဘာရောဂါလဲအတိကျသိဖို့ဆိုရင် နီးစပ်ရာတိရစ္ဆာန်ဆရာဝန်ထံ အမြန်ဆုံးပြပြီးကုသမှုခံယူပေးပါ။ ကျွမ်းကျင်တိကုဆရာဝန်‌များဝင်ရောက်ဆွေးနွေးပေးလိုက်ကြပါဦးခင်ဗျာ။ကျွန်တော် ဝါသနာအရလေ့လာသိရှိသလောက်မျှဝေပေးခြင်းဖြစ်ပါတယ်ခင်ဗျာ။ဤအဖြေဖြင့်ပြေလည်သည်အမှန်ခြစ်သတ်မှတ်ပေးနိုင်ပါတယ်ခင်ဗျာ

@Sai Kaung Myat Kyaw Kyaw စပါးစိုက်ပျိုးရေးတွင် အစေ့အဆန်များ အရည်အသွေးကောင်းမွန်စေရန်နှင့် ရိတ်သိမ်းရလွယ်ကူစေရန် စပါးမရိတ်သိမ်းမီ ၁၀ ရက်မှ ၁၄ ရက် (၂ ပတ်ခန့်) အလိုတွင် အောင်ရေကို စတင်ဖြတ်တောက်သင့်ပါတယ်။ စပါးနှံများ ၈၀ ရာခိုင်နှုန်းခန့် ရင့်မှည့်ဝါဝင်းလာချိန် သို့မဟုတ် ပန်းပွင့်ပြီး ရက် ၂၀ မှ ၂၅ ရက်အကြာတွင် ရေဖောက်ထုတ်နိုင်ပါတယ်။ ရေထိန်းအားကောင်းသော ရွှံ့စေးမြေဖြစ်ပါက ရိတ်သိမ်းခါနီး ၁၄ ရက်အလိုတွင် ဖြတ်သင့်ပြီး ရေစိမ့်လွယ်သော သဲဆန်မြေဖြစ်ပါက ၇ ရက်မှ ၁၀ ရက်အလိုတွင် ဖြတ်သင့်ပါတယ်။ အချိန်ကိုက် ရေဖြတ်ပေးခြင်းဖြင့် စပါးစေ့များ အစိုဓာတ်ညီညာစွာ ခြောက်သွေ့ပြီး အကျိုးအကြေနည်းစေသည့်အပြင် စပါးပင်ယိုင်လဲမှု သက်သာခြင်းနှင့် ရိတ်သိမ်းခြွေလှေ့စက်များ အလွယ်တကူ ဝင်ရောက်နိုင်ခြင်း စသည့် အကျိုးကျေးဇူးများ ရရှိစေပါလိမ့်မယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

ပဲခူးတိုင်း၊သနပ်ပင်၊ကဝ နယ် ဖက်ဆိုရင်တော့၊‌ေမြမပြင်မီ pH အရင်တိုင်းစေချင်ပါတယ်။ဖြစ်နိုင်ရင် မြေနမူနာယူပြီး မြေဆီလွှာ စမ်းသပ်စစ်ဆေးစေချင်ပါတယ်။စမ်းသပ်ချက်၊သုံးသပ်အကြံပြုချက် ထွက်လာတဲ့အတိုင်း ပြုပြင်စေချင်ပါတယ်။

@Htay Lin Aung အခုချိန်မှာ ပုံပါဆေးဖျန်းလို့ရပါတယ်ခင်ဗျာ။ Ca-B အချိုးများ ဆေးဖျန်းချင်ပါက ဆေးဆိုင်တွေမှာ ကယ်လ်စီယမ်၊ဘိုရွန်အချိုးများများပါရွက်ဖျန်းအားဆေးပေးပါလို့မေးဝယ်တာကအကောင်းဆုံးပါခင်ဗျာ၊ ဆိုင်က‌ထုတ်ပေးပါလိမ့်မယ်ခင်ဗျာ၊ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ