လယ်မြေ ယာမြေ ပုံစံ ၁၀၅/၁၀၆ နဲ့လွန်ခဲ့သော၂၀၀၈ ကဝယ်ယူခဲ့ပြီး မြေတိုင်းဌာန မှအသိသက်သေ လက်မှတ်ထိုးခဲ့ပါတယ် မိမိမှာ ဝန်ထမ်းဖြစ်နေပါသဖြင့် စေလွှတ်သောနေရာ ဌာနများသို့သွားရောက်တာဝန်ထမ်းဆောင်နေရပါသဖြင့် ပြန်လည်၍မရောက်ဖြစ်ပါ ဆက်သွယ်ရန်ဖုန်းနံပါတ်အားမြေတိုင်းသို့ပေးခဲ့ပါသည် ယခုအခါတွင်ထိုမြေအားမြေတိုင်းစာရေးမှမြေကွက်များရောင်းချရာတွင်ပါဝင်လက်မှတ်ထိုးခြင်း ပုံစံ ၇ အားအခြားသူတစ်ယောက်အားထုတ်ပေးခြင်းများပြုလုပ် နေပါသဖြင့် မည်သို့ဆောင်ရွက်သင့်ပါသလဲ

လေ့လာဖူးသလောက်က ပုံစံ၁၀၅ ဆိုတာမြေပုံကိုပြောတာ၊ ၁၀၆ ကမြေရာဇဝင်။ ဘယ်သူမဆို မိမိသိချင်တဲ့မြေနေရာကို စည်ပင်မြေစာရင်းဌာနကိုသွားပြီး အဲဒီနေရာလေးက မြေပုံထဲစာရင်းရှိသလား စာရင်းသွင်းထားသလား ပါသလားဆိုတာကိုသွားတောင်းယူကြည့်လို့ရတယ်။ သူတို့ဖက်က အထောက်အထားမြေပုံစာရွက်ပြန်ထုတ်ပေးလိုက်တာကိုပဲ ပုံစံ ၁၀၅ ခေါ်တာ။ ပုံစံ၁၀၅ လက်ထဲရှိခြင်း၊ မရှိခြင်းက မြေကိုပိုင်ခြင်းမပိုင်ခြင်းနဲ့ နဲနဲမှမသက်ဆိုင်ဘူး။ ပုံစံ ၁၀၆လဲထိုနည်း၎င်းပဲ။ ၁၀၆က အဲဒီမြေရဲ့ရာဇဝင်ကိုရေးသားမှတ်တမ်းတင်ဖော်ပြထားတဲ့ မြေရာဇဝင်မှတ်တမ်းပါ။ ၁၀၆ကိုလဲ‌ဘယ်သူမဆိုတောင်းယူကြည့်ရှုလို့ရပါတယ်။ ၁၀၅နဲ့၁၀၆လက်ထဲရှိခြင်းဟာ မြေပိုင်ခြင်းမပိုင်ခြင်းကို မထောက်ခံပါဘူး။ နောက်ပိုင်းလယ်မြေကိုအကွက်ရိုက်ရောင်းတဲ့ပွဲစားတော်တော်များများက ပုံစံ၁၀၅ကျပြီးသားမြေလို့ အလွယ်တကူပြောဆိုရောင်းချနေကြပါတယ်၊ မုသားမပါ လက်ာမချောနည်းနဲ့ ဂျင်းထည့်နေကြတာပါ။ တကယ့်တကယ် လယ်ယာမြေလုပ်ပိုင်ခွင့် ပိုင်ဆိုင်ကြောင်းလက်မှတ်က မိမိအမည်ပေါက်ထားတဲ့ ပုံစံ၇ပါ။ ဥယျာဉ်ခြံမြေကတော့ ပုံစံ ၁‌၃ပါ။