နှမ်း​စေ့စုပ်ဂျပိုးကိုဘာ​ဆေးဖျန်းရမလဲလမ်းညွှန်​ပေးပါ

ဟုတ်ကဲ့ရှင့် နှမ်းစေ့စုပ်ဂျပိုးဆိုတဲ့အတိုင်း သူက နှမ်းစေ့တွေကို စုပ်ယူစားသောက်တာမလို့ သူကျတဲ့အချိန်က ရိတ်သိမ်းခါနီးအချိန်ပဲ ဖြစ်ပါတယ် ဒါ့ကြောင့် ဆေးဖျန်းပြီးစောင့်ဆိုင်းရမယ့် ၁၄ရက်ကိုချန်ပြီးမှ ဓာတုဆေးတွေကိုဖျန်းသင့်ပါတယ်။ စွတ်မဖျန်းသင့်ပါဘူးနော်။ အရင်ဆုံးလုပ်ရမှာက နှမ်းသီးတောင့်တွေမှာ ဂျပိုးမဥခဲ့တဲ့ ဥအစုတွေကို ဖျက်ဆီးပစ်ရမှာပါ နှမ်းသီးတောင့်တွေမှာ ဥကထွက်လာရင် အဆင်သင့် စားဖို့စောင့်ဆိုင်းနေတဲ့ သားလောင်းဖြစ်လာမယ့် ဥတွေရာနဲ့ချီပြီး ရှိပါတယ်။ ဒါ့ကြောင့် ဥမြုံတွေကို ဖျက်ဆီးပစ်တာက အတော်လေးထိရောက်ပါတယ် အချိန်တော့ကုန်တာပေါ့နော်။ ဒါပေမယ့်လည်း အဲ့လိုလုပ်လိုက်ခြင်းက လူတွေအတွက် ဓာတ်ကြွင်းအာနိသင်တွေ မကျန်တော့ဘူးပေါ့။ ဆေးဖျန်းချင်ရင်တော့ အဇာတီရက်တင်လို့ခေါ်တဲ့ တမာပိုးသတ်ဆေးကိုတော့ သုံးလို့ရပါတယ် အရမ်းကြီးဆိုးရွားနေတယ်လို့ထင်ရင်တော့ ကာတက်ဟိုက်ဒရိုကလိုရိုက် ဆေးကို ရိတ်မသိမ်းမီ ၁၄ရက်ခွာပြီးဖျန်းပေးပါရှင့် အော်ပြီးတော့ နှမ်းတောင့်တွေမှာ အစုလိုက်စားသောက်နေတဲ့ ဂျပိုးကောင်တွေကိုလည်း တစ်စုတစ်စည်းတည်း ဖမ်းပြီး ဖျက်ဆီးနိုင်ပါသေးတယ် သူတို့အလေ့အထအရ အမြဲ တစ်စုတစ်စည်းတည်း ရှိနေတတ်တော့ နှိမ်နင်းရတာ ပိုအဆင်ပြေပါတယ်