စပါးကို ရိတ်သိမ်းရာတွင် စပါးစရိတ်သည့် အချိန်မှ စပြီး ရက်ပေါင်း ဘယ်လောက်ကြာတွင် ရိတ်သိမ်းချိန် နောက်ကျတယ်လို့...

ဟုတ် ရက်ဘယ်လောက်ဆိုတာကတော့ မျိုးပေါ်မှာသက်ဆိုင်ပါတယ်ဗျ။ ဥပမာ မနောသုခဆို ၁၃၅ ရက် သက်တမ်းရှိပါတယ်။ ဒါကလည်း ရာသီဥတုပေါ်မှာ မူတည်ပါတယ်။​ အပူချိန်များရင် စပါးပင်ရဲ့ သက်တမ်းက လျော့သွားတတ်ပါတယ်။ အေးတဲ့အချိန်ဆို သက်တမ်းက နည်းနည်းပိုရှည်ပါတယ်။ ပိုပြီးကောင်းတာကတော့ တောင်သူတွေရဲ့ အခေါ် "မောင်းညိုချိန်" မှာ ရိတ်တာ အကောင်းဆုံး အလေအလွင့်အသက်သာဆုံးပါ။ မောင်းညိုချိန်ဆိုတာ စပါးနှံရဲ့ ၈၅ %၊ အပင်တွေရဲ့ ၈၅ % ဝါတဲ့အချိန်လို့ သတ်မှတ်ကြပါတယ်။ ဒီထက်ပိုကြာသွားရင် အအောင်ဆုံး အဖျားသီးတွေက အခြောက်လွန်သွားပြီး ရိတ်တဲ့အခါမှာ ကြွေကျကျန်ခဲ့နိုင်ပါတယ်။ ဒါကြောင့် ၈၅ % အဝါရောင်ပြောင်းတဲ့ မောင်းညိုချိန်မှာ ရိတ်တာ အကောင်းဆုံးပါ။ အောင်မြင်မှုနည်းတဲ့ အရင်းသီးတွေ စောင့်ရင် ပြည့်ဝတဲ့ အရင်းသီးတွေ ကြွေခဲ့ပါလိမ့်မယ်။ တကယ့်အထွက်က အဖျားသီးတွေပါ။ စပါးက အဖျားသီးကစပြီး အရင်ဆုံးကြီးထွားရင်မှည့်ပါတယ်။