မြေအောင်းပိုးဆိုတာဘာအကောင်တွေလဲဗျ ကျွန်တော် စိုက်ခင်းမှာ တီကောင်နဲ့ခြကောင်တွေပေါနေလို့ မြေအောင်းပိုးတွေရှိခဲ့ရင် သဘာဝပိုးသတ်ဆေးလုပ်နည်းပြောပြပေးပါဗျ

တီကောင်ကတော့ ဖျက်ပိုးမဟုတ်ပါဘူး။ မြေကြီးထဲမှာ အဏုဇီဝပိုးတွေတိုးဖို့အတွက် လုပ်ဆောင်ပေးပါတယ်။ တီကျစ်မြေသြဇာဆိုပြီး အပင်အတွက်အသုံးပြုကြတာကိုရှိပါတယ်။ ခြတို့၊ ဖိုးလမင်းကျိုင်း၊ ငမြှောင်တောင် တွေက မြေအောင်းပိုးတွေပါပဲ။ မြေအောင်းပိုးအတွက်ကို မြေပြင်ကတည်းက မြေအောင်းပိုးသတ်ဆေးတွေထည့်ပေးတာတို့ လုပ်ဆောင်သင့်ပါတယ်။ (ပထမအကြိမ်ထယ်ထိုးပြီးပါက ၃ရက်နေလှမ်းထားပေးပြီးနောက်ဒုတိယအကြိမ် ၁၆သွား ၂စပ်မောင်းပြီးကြမ်းတုန်းရိုက်ပါ။၂ရက်ခန့်အကြာမှာ နောက်တစ်ကြိမ်ထပ်မောင်းပြီးကြမ်းတုန်းရိုက်ပါ။ဒီလိုလုပ်ခြင်းဖြင့် ပိုးလောက်ကောင်တွေ/ရုပ်ဖုံးတွေဟာ ​မြေပေါ်ရောက်လာပြီး နေရောင်နဲ့ထိခြင်း..ငှက်များစားသောက်ခြင်း..ထွန်သွားနဲ့ထိမိခြင်းတို့ကြောင့်သေနိုင်ပါတယ်။ မြေအောင်းပိုးသတ်ဆေး(ပင်လုံးပြန့်ထိသေဆေးအဆိပ်ငွေ့ဆေး)တစ်မျိုးမျိုးကိုမြေပြင်ချိန်မှာထည့်ပေးပါ။ ဒီပိုးတွေဟာရာသီတလျှောက်လုံးဖျက်ဆီးတတ်ပါတယ်။ မြေကြီးအောက်မှာနေတာကြောင့် ဆေးဖျန်း၍မရပါ။) ကွင်းထဲကနည်းပညာအချက်အလက်တွေက ဆရာဦးအေးနိုင်ဆီမှ ပြန်လည်ဖော်ပြပေးခြင်းဖြစ်ပါတယ်။