ဆီးဖြူသီးယိုထိုးနည်းလေးသိချင်လို့ပါရှင့်

ဆီးဖြူသီးယို ပါဝင်သောပစ္စည်းများ - ဆီးဖြူသီး (၃၀၀)ဂရမ်၊ သကြား(၄၀၀)ဂရမ်၊ ကြက်သွန်ဖြူ (၃)မွှာ၊ ဂျင်းမှုန့် လက်ဖက်ရည်ဇွန်း(၁)ဇွန်း၊ ငရုပ်ကောင်းစေ့(၄)စေ့၊ ဖာလာစေ့ (၂)စေ့ တို့ပဲဖြစ်ပါတယ်။ ပြုပ်လုပ်ပုံအဆင့်ဆင့် (၁) ကြက်သွန်ဖြူကို ညက်အောင် ထောင်းထားပါ။ ဖာလာစေ့များကိုလည်း ညက်အောင်ထောင်းပါ။ (၂) ဆီးဖြူသီးများကို ဒယ်အိုးထဲထည့်ပြီး ပျော့သွားသည်အထိ အပြုပ်ပါ။ ပြီးလျှင် ဆယ်ပြီး အအေးခံထားပါ။ ဆီးဖြူသီးများအေးသွားလျှင် အစေ့ထုတ်ထားပါ။ (၃) ဆီးဖြူသီးများကို ဒယ်အိုးထဲထည့်ပြီး ချေထားပါ။ သကြားထပ်ထည့်ပြီး အပူအနည်းငယ်ပေးပါ။ ဆူလာသည်အထိ အကြာခဏမွှေပေးပါ။ (၄) သကြားတွေ အားလုံးအရည်ပျော်သွားတဲ့အခါ ကြက်သွန်ဖြူ၊ ဂျင်း၊ ငရုပ်ကောင်းစေ့နဲ့ ဖာလာမှုန့်များကို ထည့်ပါ။ (၅) မီးမျှင်းမျှင်းဖြင့် (၆)မိနစ်ခန့်တည်ပေးပါ။ တည်ထားစဉ်အတွင်းမှာလည်း မကြာခဏမွှေပေးပါ။ (၆) ဆီးဖြူသီးယိုများ စေးပျစ်လာပြီဆိုလျှင် မီးပိတ်လိုက်ပါ။ ဖန်ပုလင်းထဲထည့်ပြီး အအေးခံပါ။ ပြီးလျှင် စစားလို့ရပါပြီ။ ရေခဲသေတ္တာထဲမှာ ထည့်ထားလျှင် (၃)လခန့်အထိ ခံပါတယ်။ Ref: harighotra.co.uk မနောချို (မိုမိုလေး)