EMအရည်ပြုလုပ်ပုံ သိချင်ပါတယ်ခင်ဗျာ။

EM ပြုလုပ်နည်း အမျိုးမျိုး ယခုခေတ်၌ EM ဖျော်ရည်ကို မြေဆွေးပြုလုပ်ရာတွင်းလည်းကောင်း၊ သဘာဝမြေသြဇာရည် ပြုလုပ်ရာတွင်လည်းကောင်း၊ မွေးမြူရေးတွင်လည်းကောင်း၊ အနံဆိုးများ ဖယ်ပျောက်ရာတွင်လည်းကောင်း တွင်ကျယ်စွာ အသုံးပြုကြလေသည်။ EM ဖျော်ရည်ကို အလွယ်ဝယ်ယူနိုင်သော်လည်း အကြီးအကျယ် စိုက်ပျိုးရေးကို တစ်ကယ်လုပ်တော့မည်ဆိုလျင် ကိုယ်တိုင်ပြုလုပ်သုံးစွဲမ တွက်ချေကိုက်ပေလိမ့်မည်။ EM ကို နည်းပေါင်းများစွာဖြင့် ပြုလုပ်နိုင်သည်။ တစ်မျိုးနဲ့တစ်မျိုး ပါဝင်ပစ္စည်း မတူသည့်အတွက် အာနိသင်ကွာခြားမူ အနည်းငယ် ရိသည်။ ပထမနည်း ပါဝင်ပစ္စည်းများ (၁) သင်္ဘောသီး = ၅၀ သား ဝန်းကျင် (၂) ငှက်ပျောသီး = ၅၀ သား ဝန်းကျင် (၃) ရွှေဖရုံသီး = ၅၀ သား ဝန်းကျင် (၄) ကြက်ဥ = ၃-လုံး (၇) ဖွဲနု = ၁- ပိဿာ (၈) တင်လဲရည် = ၂ ပိဿာ (၉) ရေ = ၅လီတာ ဝန်းကျင် (၁၀) ရေ ၈ ဂါလံဆန့် ပလပ်စတစ်ပုံး (သို့) စဥ့်အိုး ပြုလုပ်နည်းအဆင့်ဆင့် ငှက်ပျေားသီး၊ သင်္ဘောသီး၊ ရွေဖရုံသီး၊ တို့ကို ဓါးဖြင့်ပါးပါးလှီးပါ။(အမှည့်ဖြစ်ရမည်။) အခွံများပါ ထည့်ရမည်။ အသီးများကို ရေမဆေးရပါ။ အသီးတွင်ကပ်နေသော အကျိုးပြုပိုးများကို ရေနဲ့ ဆေးလိုက်သလို ဖြစ်တက်သည်။ ပြီးနောက် ပါဝင်ပစ္စည်းအားလုံး ထည့်ပါ။ ပလက်စတစ်အိတ်အကြည်ဖြင့် လုံအောင်အုပ်၍ စီးထားပါ။ အိုးကို အရိပ်ရဲ့ အေးသောနေရာ၌ ထားပေးပါ။ ၂ရက်တစ်ခါ အိုးကို ဖွင့်ပြီး မွေပေးပါ။ ၁ပတ်၊ ၂ပတ်ကြာသော် အဖြူရောင်မှိုများ အနည်းငယ် တက်နေလိမ့်မည်။ ၁၅ ရက်ခန့်ဆို ပိတ်ပါးစဖြင့် စစ်ယူပြီး ဘူးတစ်ဘူးထဲ ထည့်ထားပါ။ ၄င်း EM ပျော်ရည်သည်၆ လ ကျော်သွားပါက အာနိသင် နည်းသွားတက်သည်။ ထိုနည်းသည် ပါဝင်ပစ္စည်း များသော်လည်း မိမိပတ်ဝန်းကျင်၌ အလွယ်ရနိုင်သောပစ္စည်းများနဲ့ လုပ်နည်းဖြစ်သည်။ ဒုတိယနည်း ပါဝင်ပစ္စည်းများ (၁) ဝါးရုံမြေအောက် မြေကြီး = ၅ ကျပ်သား (၂) လက်ဆက်သောနွားသေး = ၁ လီတာ (၃) လက်ဆက်သောနွားချေး = ၆၀ သား (၄) ပဲစိမ်း = ၁၅ ကျပ်သား (၅) တင်လဲရည် = ၃၀ သား (၆) ရေ = ၄ ဂါလန် အထက်ပါ ပါဝင်ပစ္စည်းအားလုံးကို ရောမွေပြီး စဥ့်အိုးထဲ၌ ရက် ၃၀ခန့်ထားပါ။ အိုးအဖုံးလုံအောင် ပိတ်ရမည်။ ၂ ရက်တစ်ခါ အဖုံးဖွင့်ပြီး မွေပေးရမည်။ သတိပြုရန်အချက်သည် အိုး၏ တစ်ဝက်ခန့်ကို လေဟာနယ်ဖြစ်အောင် ထားပေးရမည်။ (အိုးကို ပြည့်နေအောင်မထည့်ပဲ တစ်ဝက်ခန့် လေဟာအဖြစ်ထားပေးရမည်။) အိုးကို အရိပ်ထဲ အေးပြီး ခြောက်သွေ့တဲ့ နေရာတွင် ထားရမည်။ ရက်ပြည့်လျင် ပိတ်ပါးနင့် စစ်ယူပြီး အလုံပိတ်ဘူးထဲ ထည့်ကာ သိုလောင်နိုင်သည်။ ထိုသို့ ပြုလုပ်ဖော်စပ်ခြင်းဖြင့်လည်း EM ကို ရနိုင်သည်။ ၄င်းနည်းသည် ပထမနည်းထက်စာရင် ကုန်ကျစရိတ် နည်းသော နည်းဖြစ်သည်။ တတိယနည်း ပါဝင်ပစ္စည်းများ (၁) အုန်းစိမ်းနုနုအရည် = ၄ လုံး (၂) ပဲငန်ပြာရည် = ၃ ဇွန်း (ထမင်းစားဇွန်း) (၃) နို့ချဥ်ရည် = ၃၀၀ စီစီ (၄) လော်စာတုံး = ၁ တုံး (သို့) yeast = ၂ ဇွန်း (ထမင်းစားဇွန်း) အားလုံးကိုရောပြီး အလုံပိတ်ဘူးထဲ ၇ရက်ခန့် ထားပေးပါ။ ၇ရက် ပြည့်လျင် အကျိုးပြုအဏုဇီဝဖျော်ရည် EM ဦးရည်ရပါပြီ။ ဦးရေကို ပြန်ပွားယူရပါမယ်။ သို့မသာ အကျိုးပြုအဏုဇီဝပျော်ရည် အမြောက်အမြား ရမည်ဖြစ်ပါတယ်။ ဦးရည် ၃ လီတာ၊ ရေ ၁၀ ဂါလန်၊ တင်လဲရည် ၃၀ သား၊ ပဲဆီ ၃၅၀ စီစီကို ပုံးတစ်ပုံးထဲ အဖုံးပိတ်ပြီး ၁၅ ရက်ခန့်ထားပါ။ အကျိုးပြုအဏုဇီဝပိုးတွေ အများအပြား ပွားနေသော EM ပျော်ရည်ကို ရပြီဖြစ်ပါတယ်။ ဒီနည်းကတော့ ပထမနည်း၊ ဒုတိယနည်း ထက်စာရင် ကုန်ကြမ်းနည်းသော နည်းဖြစ်ပါတယ်။ စတုတ္ထနည်း ပါဝင်ပစ္စည်းများ (၁) အုန်းသီးရင့်ရင့်အရည် = ၄လီတာ (၂) တင်လဲရည် = ၁ ပိသာ အုန်းရည်၊ တင်လဲရည်ကို ရောပြီး ပုံးထဲထည့်ပြီး အလုံပိတ်ထားပါ။ ရက် ၃၀ ပြည့်လျင် ရလာသောအရည်သည်လည်း EM ဖြစ်ပါတယ်။ ထိုနည်းတွင် နည်းအားလုံတွင် ကုန်ကြမ်းအနည်းဆုံး၊ အလွယ်ဆုံး နည်းတစ်နည်းဖြစ်သည်။ ဒါပေမဲ့ အထက်တွင် ပြောခဲ့သလို အာနိသင် ပြောင်းလဲမူတော့ ရိနိုင်ပါတယ်။ ရေးသားသူ - Agriculturalist K.S