ကညွတ်ပျိုးပင် ဝယ်စိုက်ချင်ပါတယ်.... ဘယ်မှာ ရနိုင်မလဲခင်ဗျာ ပျိုးပင်စိုက်တဲ့အခါ ဘယ်လို ပြင်ဆင်ပြီး စိုက်ရမလဲဗျ ဘယ်လောက် အကွာအဝေးထားသင့်သလဲ... ကညွတ် အပင် ၁၀၀ စိုက်လျှင် အချိန် မည်မျှရသနည်း.... တစ်ခါခူးပြီးနောက် ထပ်ခူးရန် ရက်မည်မျှကြာအောင် စောင့်ရသနည်း.... အဆင်ပြေလျှင် အပင် ၂၀၀၀ နီးပါ စိုက်ချင်ပါတယ် ခင်ဗျာ.....

မျိုး​စေ့ကို ​မြေပ​ဒေသာကျွန်း စိုက်​ဆေးဆိုင်မှာ ​မေးဝယ်ပါ။ စိုက်နည်းစနစ် စာအုပ်ပါ တပါတည်းဝယ်လို့ရပါတယ်ဗျ။ အခုမှ စစိုက်မှာဖြစ်လို့ ၊အစအဆုံး အ​သေးစိတ်​ဖော်ပြဖို့ခက်ပါတယ်။ (က)မျိုးစေ့ပျိုးထောင်ခြင်း ။ ။ အစေ့မှ ပျိုးထောင်ပါက တစ်နှစ်ခန့် ပျိုးထောင်ရသည်။ အစေ့မှ အပင်ပေါက်ရန် ၂ ပတ်မှ ၆ ပတ် ကြာတတ်သဖြင့် ၃ဝံ စင်တီဂရိတ်ရှိသော ရေတွင် ၃-၄ မိနစ်ခန့် အကြာစိမ်ပြီး စိုက်ခြင်းဖြင့် ၄-၅ ရက်အတွင်း အပင်ပေါက်နိုင်သည်။ ပျိုးခင်းဘောင်များကို ၂-၃ ပေခွာပြုလုပ်၍ ဘောင်များပေါ်တွင် မျိုးစေ့ကို ၃-၄ လက်မခြားခွာပြီး ပျိုးကြဲသင့်သည်။ (ခ) စိုက်ပျိုးခြင်း ။ ။ မြေဆွေးဩဇာဓာတ်များသည့်မြေကို ထွန်ယက်ပြုပြင်ပြီး အကျယ် ၃ ပေ ၊ အနက် ၁ ပေရှိ စိုက်မြောင်းများကို ၄ ပေ ခွာကာတူးဖော်၍ တစ်နှစ်ခန့် ရှိ ပျိုးပင်မှ အမြစ်အုံကို မနာစေဘဲ မိုးဦးကျအချိန်တွင် စိုက်ပျိုးရမည်။ (ဂ) ပြုစု ဂရုစိုက်ခြင်း။ ။ မြေဆွခြင်း၊ ပေါင်းသင်ခြင်းလုပ်ငန်းများကို မကြာမကြာ ပြုလုပ်ပေးရမည်။ ကညွတ်ရိုးကို ဖြူအောင်ပြုလုပ်ရာ၌ ဥတက်များပေါ်တွင် အညှောင့်များ မထွက်မီ ထယ်ထိုးပြီး မြေဖို့ထားရသည်။ (ဃ) ရိတ်သိမ်းခြင်း ။ ။ သက်နုကညွတ်ပင်များ ၂-၃ နှစ်သား အရွယ်တွင် ကညွတ်အစို့ကို ၂ ကြိမ် ၃ ကြိမ်ခန့်သာဖြတ်ယူသင့်သည်။ ၃နှစ်သား ကျော်လျှင်မူ တစ်နှစ်အတွင်း ၄-၅ ကြိမ်အထိ ဖြတ်ယူနိုင်သည်