ပဲတီစိမ်းစိုက်ချင်လို့ပါ မြေက စပါးတောင်သိပ်မကောင်းဘူးဖြစ်နေတယ် မလုပ်ဖြစ်တာတော့ 3နှစ်လောက်တော့ရှိပြီ ပဲပြန်လုပ်ကြည့်မလို့ အကိုတို့ရေ အကြံလေးပေးပါအုန်းနော် မြေကမြေစေးပါ

သစ်စိမ်းမြေဩဇာ ထည့်ကြည့်ပါလား ပိုက်ဆံလျှော်တို့ ညံပင်တို့လို့

၁။ ပိုးမွှား ရောဂါဒဏ်ခံနိုင်သော ဈေးကွက်ဝင် အထွက်ကောင်းမျိုးကို ရွေးချယ်ပါ။ (ဉပမာ-ရေဆင်း-၉၊ ရေဆင်း -၁၁၊ ရေဆင်း-၁၄)၂။ အပင်ပေါက်ရာခိုင်နှုန်း (၇၅-၈၅) ရှိသည့် မျိုးကို စိုက်ပျိုးပါ။ ၃။ မြေချဉ်ငံဓာတ် (၅.၅-၆.၅) ရှိပြီး ရေမဝပ်သည့် စနယ်မြေစေး၊ နှံးသမမြေများတွင် စိုက်ပျိုးပါ။ ၄။ မိုးကြို၊ မိုးနှောင်းရာသီတွင် အပင်ဉီးရေ (၁၃၀၀၀၀) ရရှိရန် တန်းကြားပင်ကြား (၁၂ လက်မ x ၄ လက်မ) ခြား၍ မျိုးစေ့နှုန်း (၆-၈) ပြည် သုံးစွဲပါ။ ၅။ မိုးရာသီတွင် အပင်ဉီးရေ (၈၇၀၀၀) ရရှိရန် တန်းကြား ပင်ကြား (၁၈ လက်မ x ၄ လက်မ) ခြား၍ မျိုးစေ့နှုန်း (၄-၆) ပြည် သုံးစွဲပါ။ ၆။ မြန်မာပြည်အထက်ပိုင်းတွင် မိုးကြိုရာသီတွင် ဖေဖော်ဝါရီလလယ်မှ မတ်လလယ်၊ မိုးရာသီ၌ မေလလယ်မှ သြဂုတ်လလယ်များတွင် စိုက်ပျိုးပါ။ ၇။ မြန်မာပြည်အောက်ပိုင်းတွင် မိုးနှောင်းသီးထပ်အဖြစ် စိုက်ပျိုးပါက အစိုဓာတ်မီစေရန် နိုဝင်ဘာလတွင်းအပြီး စိုက်ပျိုးပါ။ ၈။ မြေပြင်ချိန်တွင် တစ်ဧက နွားချေး (၁၀၀-၁၅၀) တင်း၊ ပုလဲ (၈) ပြည်၊ တီစူပါ (၂၄) ပြည်၊ ပိုတက်ရှ် (၁၂) ပြည်နှုန်း ထည့်ပေးပါ။ ၉။ ဂျစ်ပဆန်မြေသြဇာကို စိုက်ချိန်တွင် တစ်ဧက ပြည် (၂၀) နှုန်း ထည့်ပေးပါ။ ၁၀။ မြေအောင်းပိုးကာကွယ်ရန် တစ်ဧက လျှင် ဖျူရာဒါန် (၅-၆) ထုပ်ကို စိုက်ကြောင်းတွင် ထည့်ပါ။ ဆောင်းပါးအပြည့်အစုံကိုအောက်ပါလင့်ခ်မှာ လေ့လာပေးပါခင်ဗျ https://greenwaymyanmar.com/posts/cultivation%20of%20green%20gram

မစိုက်တာကြာရင်တော့ ပဲလည်း အထွက်နည်းနိုင်ပါတယ်။ မြေကြီးထဲမှာ ပဲအတွက်လိုအပ်တဲ့ ရိုင်ဇိုဘီယမ်မြစ်ဖုက အားနည်းနေပါတယ်။ စိုက်မယ်ဆိုရင် မျိုးစေ့ကို မြစ်ဖုမြေဩဇာနဲ့ လူးနယ်ပြီး စိုက်စေချင်ပါတယ်။