စပါးပျိုးထောင်ရာမှာ အညှောင့်ဖောက်ပတ်ရတာလား။ဒီအတိုင်းပတ်ရတာလားခင်မျ။တကယ်မသိလို့ပါ။စပါးပတ်ပြီးရင်ရော ရေမဖောက်ပဲထားရတာလား။ဖောက်ပစ်ရတာလားဗျ။ဖြစ်နိုင်ရင် စပါးပျိုးထောင်နည်း link လေးရှိရင်ပေးကြပါဗျာ။

ကိုရန်နောင်စိုး ၂၅ -၃၀ရက်သားလောက်စိုက်ဖြစ်လောက်ပါတယ်

ပုံမှန် တစ်လသားဝန်းကျင်မှ နုတ်စိုက်ရင်တော့ ပေ၂၀ ပတ်လည်ဆို လုံလောက်ပါတယ် ကိုဇေယျာထွေးရေ

ဟုတ်ကဲ့ ပျိုးသက်ဘယ်နှစ်ရက်မှာစိုက်မှာလဲ အရင်သိပါရစေ

ကိုရန်နောင်စိုး ရေ ပျိုး၂တင်းထောင်အကျယ်အဝန်းလေး သိရင် ခန့်မှန်းပြောပြပေးပါလားဗျာ

ကျနော်သိသလောက်တော့ ဝေမျှပေးပါတယ်

ရပါတယ်ဗျ လယ်သမားချင်းပဲကူညီရမှာပေါ့

ေကျးဇူးတင်ပါတယ်ခင်မျာ။စိတ်ရှည်လက်ရှည်ဖြေကြားပေးလို့.

ရေသွင်းရေထုတ်လုပ်ခိုင်းခြင်းဟာ ပျိုပင်ငယ်လေးများ ရေနာမည်စိုးလို့ပါ။ရေနာသွားပါက ပျိုးအထွက်မကောင်းပါဘူး။

အညှောင့်မဖောက်ပဲနဲ့ပက်လို့ရသလိုဖောက်ပြီးတော့လဲ ပက်လို့ရပါတယ်။ရှင်းအောင်လို့ တစ်နည်းချင်းရှင်းပြပါ့မယ်နော်။ အညှောင့်မဖောက်ပဲ ပက်နည်း ပျိုးခင်းကိုရေများများသွင်းထားပါ ၆လက်မခန့်၊ရေထဲသို့မျိုးစေ့များပက်ပါ၊ရေမပြတ်စေပဲ နှစ်ရက်ခန့် ရေစိမ်ထားပါ၊၃ရက်မြောက်နေ့တွင် နံနက်ပိုင်းရေခါထားပါ၊ရေခါသည့်နေ့မှနှစ်ရက်ခန့်ရေမသွင်းပဲထားပါ၊နောက်ရက်များတွင် ညနေ နေအေးချိန် ရေသွင်းထားပြီး နောက်တစ်နေ့မနက်နေမပူခင် ရေပြန်ခါပါ။ထိုနည်းအတိုင်း အရွက်နှစ်ရွက်မထွက်ခင်ထိလုပ်ပါ၊နောက်ရက်များတွင်ပုံမှန်တိုင်း ရေထည့်ထားနိူင်ပါပြီ။ အညှောင့်ဖောက်ပက်နည်း မျိုးစပါးအိတ်ကိုနှစ်ရက်ခန့် ရေစိမ်ထားပါ။ပြည့်လျှင်ဆယ်ယူပြီး ၂၄နာရီ ခန့်အရိပ်တွင်ထားပါ။မျိုးညှောင့်လေးများပြူထွက်လာပါမည်။အညှောင့်ရှည်နေလျှင် ကျဲပက်မကောင်းသဖြင့် ၂၄နာရီထက်မကြာသင့်ပါ၊ကျဲပက်မည့်အချိန်နဲ့ ချိန်သားကိုက်ပါစေ၊ပျိုးခင်းထဲသို့ ရေ၆လက်မခန့်ထည့်ပါ၊ထို့နောက် ညီညာစွာကျဲပက်ပါ၊နောက်ရက်နေမပူခင် နံနက်ပိုင်းတွင် ရေပြောင်စင်အောင်ထုတ်ပေးပါ၊ညနေ နေအေးလျှင်ပြန်သွင်းထားပါ၊ထိုနည်းအတိုင်း အရွက်နှစ်ရွက်ထွက်သည်ထိပြုလုပ်ပေးပါ၊ကျန်ရက်များတွင် ရေထည့်ထားနိူင်ပြီ ဖြစ်သည်။ မိတ်ဆွေတို့အတွက် ကိုယ်တိုင်ပြုလုပ်ခဲ့ဖူးသော ပျိုးထောင်နည်းများကို အလျဥ်းသင့်လျှင်ဆောင်းပါးအဖြစ် ရေးသားမျှဝေပေးပါ့ဦးမယ်နော်...