ကြက်သွန်နီအတွက် မှိုဆေးနဲ့ ပိုးသတ်ဆေး တွဲဖက်မသုံးသင့်သော ဆေးများအကြောင်းသိချင်ပါတယ်ခင်ဗျ။

ရောစပ်မဖျန်းသင့်သော ဓာတုပိုးသတ်ဆေးများ

ခုဏကျနော်မန့်လိုက်တဲ့စာတော့ ဖက်ဖူးတယ်ဗျ၊ တခြားများရှိအုံးမလားလို့ပါခင်ဗျ။

တွဲဖက်မသုံးသင့်သော စိုက်ပျိုးရေးသုံးဆေးများ စိုက်ပျိုးရေးသုံး ဓာတုပစ္စည်းများ ဖြစ်ကြသည့် ပိုးသတ်ဆေးများ ၊ မှိုသတ်ဆေးများ ၊ ပေါင်းသတ်ဆေးများသည် ဓာတုပစ္စည်းများ ဖြစ်သည့်အားလျှော်စွာ တစ်ခုနှင့်တစ်ခု ဓာတ်ပြု၍ ဓာတ်ပျယ်ခြင်းများ ဖြစ်နိုင်သည်။ ထိုသို့ ဖြစ်လာလျှင် မလိုလားအပ်သော ဆိုးကျိုးများနှင့် ဓာတ်ပျယ်သဖြင့် ပိုက်ဆံပေး၍ ဝယ်သုံးရသော်လည်း ငွေကုန် သလောက် ထိရောက်မှုနည်း၍ အကျိုးနည်းခြင်းများ ဖြစ်လာနိုင်သည်။ ထိုကြောင့် သုံးသလောက် အကျိုးရှိစေရန် အောက်ဖော်ပြပါ တွဲဖက်မသုံးသင့်သောစိုက်ပျိုးရေးသုံးဆေးများကို လေ့လာထားသင့်သည်။ တွဲဖက်မသုံးသင့်သောစိုက်ပျိုးရေးသုံးဆေးများ ၁။ ထုံးကန့်ဆေးရည်(LimeSulphur)သည် - (၁) ကာဘာရိုင်(Carbaryl) ပိုးသတ်ဆေး၊ (၂) အယ်ဒီကပ် (Aldricard) ပိုးသတ်ဆေး၊ (၃) ကာဘိုဖျူရန် (Carbofuran) (၄) ကာဘိုဆာဖန်(Carbosulfan) ၊ (၅) ကာဘင်ဒါဇင် ( Carbendazim ) (၆) ကော့ပါးမှိုသတ်ဆေးများ (ဥပမာ။ ။ဘလူးရီးလ်၊ ချန်ပီယမ် ) (၇) ကလိုပိုင်ရီဖော့ (Chlorpyrifos) (၈) ဆိုက်ပါ မီသရင်း (Cypermethrin) (၉) ဒိုင်ကလိုဖော့ (Diclophos) (၁၀) အင်ဒိုဆာဖန် ( Endosulfan) (၁၁) ဖီနိုက်ထရိုသိုင်ရင်(Fenitrothion)၊ဒန်နီတော(Danitol)၊ဆူမီစီဒင်(Sumicidin)ခေါ် ဖန်ဘီလီရိတ် (Fenevelerate) ဆေးများ (၁၂) ဂျပလင်းနစ် အက်စစ်( Gibbrellic acid) (အားဆေး) (၁၃) ကာဆူကာမိုင်စင်( Kasugamycin)ရောဂါသတ်ဆေး (၁၄) မာလာသီယွန် (Malathion) (၁၅) ဂရေ့မို့ဝမ်း(Gramoxone )ပေါင်းသတ်ဆေး စသော ဆေးများနှင့် တွဲမသုံးသင့်ပါ။ ၂။ ဘော်ဒိုဆေးရည်ကို အယ်ဒီကပ် (Aldricard) ခေါ်ပိုးသတ်ဆေး ၊ ကက်ပ်တန်(Captan) မှိုသတ်ဆေး၊ ဖီနိုက်ထရိုသိုင်ရင်(Fenitrothion)၊ဒန်နီတော(Danitol)၊ဆူမီစီဒင်(Sumicidin) ခေါ် ဖန်ဘီလီရိတ်( Fenevelerate)ဆေးများ ၊ ဂျပလင်းနစ် အက်စစ်( Gibbrellic acid) (အားဆေး) ၊ ကာဆူကာမိုင်စင်( Kasugamycin) ရောဂါသတ်ဆေး ၊ မာလာသီယွန် (Malathion) ၊ ဂရေ့မို့ဝမ်း(Gramoxone )ပေါင်းသတ်ဆေး စသည်တို့နှင့်ရောမသုံးရ ။ ၃။ ကပ်ပတန်(Captan) မှိုသတ်ဆေးကို Parashoot စသော (Methyl Parathion) ဆေးများဖြင့် ရောမသုံးရ။ ၄။ ကျူပရိုမက် (Cupromax) cuproxat ခေါ်ကော့ပါးအောက်ဆီကလိုရိုက် (Copper oxychloride ) ကို အောက်ပါဆေးရည်များဖြင့် ရောမသုံးရ။ (က) သိုင်ရမ် (Thiron) (ခ) ဟိုမိုင်း (Homai) (ဂ) မာကျူရီပါသော ဓာတ်ပေါင်းဆေးများ (Mercury Compound) (ဃ) မင်ကိုဇတ် (Mancozeb) (င) မန်းနက် (Maneb) (စ) ဇီးနက် (Zined) (ဆ) ကိုဆိုက် (Kocide) ၅။ အီသနယ် ( Ethnal) မှည့်ဆေးကို မင်ကိုဇတ်(Mancozeb)၊မဲနက်(Maneb)၊ဇီးနက်(Zineb) စသော မှိုသတ်ဆေးများနှင့် ရောမသုံးရ။ ၆။ ဖီနိုက်ထရိုသိုင်ရင်(Fenitrothion)၊ဒန်နီတော(Danitol)၊ဆူမီစီဒင်(Sumicidin) ခေါ် ဖန်ဘီလီရိတ်( Fenevelerate) ဆေးများကို ကလိုရိုပါရီဖော့(Chloropyrifos)ပါသော ဆေးများဖြင့် တွဲမသုံးရ။ ၇။ ဖော့အီသိုင်း (Fosethyl) ဆေးကို ရွက်ဖြန်းမြေသြဇာရည်များနှင့် ရောမသုံးရ။ ၈။ ဂျပလင်းနစ် အက်စစ်( Gibbrellic acid) (အားဆေး)ကို ကလိုရင်းပါသော ပိုးသတ်ဆေးများနှင့် ရောမသုံးရ။ ၉။ ဂလိုင်ဖိုဆိတ်(Glyphosate) ပေါင်းသတ်ဆေးကို အခြား ပေါင်းသတ်ဆေးများနှင့် ရောမဖျန်းရ။ (ဂလိုင်ဖိုဆိတ်သည် ရွေးချယ်မဲ့ ပေါင်းသတ်ဆေး ဖြစ်သည်။) ၁၀။ ဂရေ့မို့ဝမ်း(Gramoxone )ပေါင်းသတ်ဆေးကို ရေဖျော်ဆေးမှုန့်များနှင့် ရောမဖျန်းရ ။ ၁၁။ ဖော့စဖမီဒွန် ( Phosphamidom) ကို ကော့ပါးအောက်ဆီကလိုရိုဒ်၊(Copper oxychloride) ၊ ကက်ပ်တန် (Captan) ၊ ဖောလ်ပက် (Folpet)စသော ဆေးများနှင့် ရောမသုံးရ။ ၁၂။ ပရိုပနေး( Propanil) ကို ရွက်ဖြန်းမြေသြဇာ ၊ ကာဘာမိတ် ( Carbamate)ဆေးများဖြင့် ရောမသုံးရ။ ၁၃။ ဟိုမိုင်း(Homai) ၊ လက်ဘီလီတိတ်(Labilite) ၊ တော့ပ်စင်(Topsin) မှိုသတ်ဆေးများကို ကော့ပါးပါသော အခြားမှိုသတ်ဆေးများ (ဥပမာ။ ။ ဘလူးရှီး (Blueshield)၊ ကိုဆိုက်(Kocide)၊ချန်ပီယမ်(Champion) စသော ဆေးများနှင့် ရောမသုံးရ။ ၁၄။ ကော့ပါးပါသော ဆေးများသည် ဘန်ဇီမီဒယ်ဇိုး( Bezimidazole) အုပ်စုဝင်ဆေများ ဖြစ်ကြသော ကာဘင်ဒါဇင်(Carbendazim)၊ ဘီနိုမိုင်း( Benomyl) စသော ဆေးများနှင့် ရောမသုံးရ။ မူရင်းရေးသားသူအား လေးစားစွာ crd ပေးပါသည်...

ရောစပ်မဖျန်းသင့်သော ဓာတုပိုးသတ်ဆေးများ ဆရာဒို့ဦးလေးရဲ့ ဆာင်းပါးလေးကို လေ့လာဖို့ အကြံပြုလိုပါတယ်ဗျ