ကြက်ခြံနဲ့တွဲမွေးသောငါးကန်ကိုဘယ်လိုပြုပြင်ထိန်းသိမ်းရမလဲ

Question

နှင်းဖြူဖြူ · Answer

ငါး နှင့် ကြက် တွဲဖက်မွေးမြူခြင်း အကြောင်း ငါးမွေးတောင်သူများ၏ ၅၀% ခန့်သည် ငါးကန်အပေါ်တွင် ကြက်မွေးခြင်းလုပ်ငန်းကို တွဲဖက် ဆောင် ရွက်နေကြသည်ကိုတွေ့ရှိရပါသည်။ ယခုအချိန်တွင် အစာဈေးနှုံးမြင့်မားမှုကြောင့် ငါးနှင့်ကြက်မွေးမြူသော စနစ်ကို ငါးမွေးတောင်သူများအတော်များ စိတ်ဝင်စားနေကြသည်ကို သိရှိရပါသည်။ ငါးနှင့်ကြက်မွေးမြူ သော စနစ်မှထွက်ရှိသော ငါးသည် ဈေးကွက်တွင် ဈေးနှုံး နည်းပါးခြင်းနှင့် ပြည်ပ ပို့ကုန်အရည်အသွေး မမှီ ခြင်းများစသည့် အားနည်းချက်များ ရှိကြောင်း သိရှိရပါသည်။ ငါးနှင့်ကြက်တွဲဖက်မွေးမြူနည်းစနစ်တွင် ကြက်ချေးကို ငါးမှတိုက်ရိုက်စားသောက်ခြင်း မဟုတ်ပါ။ ကြက်ချေးသည် ငါးကန်အတွင်း ကျရောက်ပြီး၊ နေရောင်ခြည် အကူအညီဖြင့် အပင်မျှောလှေး (Phytoplankton) နှင့် အကောင်မျှောလှေး(Zoo plankton) ပေါက်ဖွားပြီး၊ ရေ၏အရောင်သည် အစိမ်း ရောင်ဖြစ်နေခြင်းဖြစ်ပါသည်။ ကြက်ချေးကြောင့် ပေါက်ဖွားလာသော သဘာဝအစာ အပင်မျှောလှေး နှင့် အကောင်မျှောလှေးများကို ကန်အတွင်းရှိ ငါးများ စားသောက်ပြီးကြီးထွားကြခြင်း ဖြစ်ပါသည်။ ကန်အတွင်း ကြက်ချေးများပါက အပင်မျှောလှေး၊ အကောင်မျှောလှေးပေါက်ဖွားမှု့ အားကောင်းပြီး ရေ၏အရောင်မှာ အစိမ်းရင့်ရောင်မှ အညိုရောင်သို့ပြောင်းလာပြီး ၊ ညအချိန်တွင် ကန်အတွင်း အောက်စီဂျင် ပြတ်လပ်ပြီး ငါးသေဆုံးခြင်းများကြုံတွေ့ရကြောင်းသိရှိရပါသည်။ ရာသီအပြောင်းအလဲများတွင် ငါးရောဂါ များကျရောက်ခြင်းများလည်း ရှိခဲ့ကြောင်းသိရှိရပါသည်။ အဆိုပါကြုံတွေ့ရသောအခက်အခဲများကို ငါးမွေးတောင်သူများမှ တဆင့်သိရှိရခြင်းအပေါ် ဗီယက် နမ်ငါးလုပ်ငန်းအဖွဲ့မှ အောက်ပါအတိုင်း အကြံပြုဆွေးနွေးခဲ့ကြောင်း သိရှိရပါသည်။ ဗီယက်နမ်နိုင်ငံတွင် လွန်ခဲ့သောအနှစ် (၂၀)ကျော်က မြန်မာပြည်တွင် ယခုမွေးနေသော ငါးကြင်းအုပ် စုငါးမျိုးကို မွေးမြူခဲ့ကြောင်းနှင့် ယခုကဲသို့သော အခက်အခဲများ ကြုံတွေ့ခဲရကြောင်း၊ ယခုအချိန်တွင် ဈေးကွက်ဝင် ငါးမျိုစိတ်များ ပြောင်းလဲမွေးမြူကြောင်းကို သိရှိရပါသည်။ ထို့အပြင် သုတေသနပြုချက်အရ ငါးနှင့်ကြက်တွဲဖက်မွေးမြူခဲ့ခြင်းလုပ်ငန်းတွင် ၊ဉစားကြက်တကောင် တနှစ်လျှင် ကြက်ချေး (၁၂.၅)ပိဿာ နှင်. အသားတိုးကြက်တကောင် တနှစ်လျှင် ကြက်ချေး (၁၃.၈)ပိဿာ ထွက်ရှိကြောင်း။ ထို.ကြောင့် ကြက် တကောင် မွေးမြူထားလျှင် ကန်အတွင်းတွင် ငါး (၅)ကောင်မှ (၈)ကောင်အထိမွေးမြူ နိုင်ကြောင်း အကြံပြု ဆွေးနွေးခဲ့ကြောင်းသိရှိရပါသည်။ ဆိုလိုသည်မှာ ငါးတကောင်မှ နေ့စဉ်ထွက်ရှိသော ကြက်ချေးမှ ကန်အတွင်းတွင် ပေါက်ဖွား လာ မည့် အပင်မျှောလှေးနှင့် အကောင်မျှောလှေး (သဘာဝအစာ) များကို ငါး (၅)ကောင် မှ (၈)ကောင်အထိ လုံလောက်စွာ စားသုံးနိုင်ကြောင်းကို ဆိုလိုခြင်းဖြစ်ပါသည်။ ထိုအခါ ရေအရောင် အစိမ်းရင့်ရောင်အထိ ဖြစ် မလာနိုင်ကြောင်း နှင်. နောက်ဆက်တွဲ ကန်ထဲတွင် အောက်စီဂျင် ပြတ်လပ်မှု. နည်းပါးနိုင်ကြောင်း ကို တင် ပြအပ်ပါသည်။ ထိုမှ တဆက်တည်း အဆိုပါ ငါးနှင့်ကြက် တွဲဖက်မွေးသော ငါးကန်မှ အရွယ်ရောက်ငါးများ ထုတ် ရောင်းလိုပါက ၊ တိုက်ရိုက်ဖမ်းပြီးရောင်းချခြင်း မပြု ရန် နှင့် အဆိုပါ ငါးများကို ကန်တစ်ကန် ( ငါးနှင့်ကြက် တွဲဖက်မမွေးသောကန်) သို့ အရှင်ပြောင်းထည့်ပြီး ဖွဲနု ၊ ပဲဖတ် နှင့် အစာတောင့် တခုခုကိုကြွေးပြီး တလ အချိန် ပြန်လည်မွေးမြူပြီးမှ ထုတ်ရောင်းပါက ဈေးကွက်ဝင် ငါးများဖြစ်လာနိုင်ကြောင်း ကိုတင်ပြအပ်ပါ သည်။ Crd#ဦးဆန်းအောင်

ကြက်ခြံနဲ့တွဲမွေးသောငါးကန်ကိုဘယ်လိုပြုပြင်ထိန်းသိမ်းရမလဲ

ဖြေကြားချက် ၁ ခု