ပုံပါဆေးကိုစပါးဘယ်နှစ်ရက်သားမှာဖျန်းသင့်လဲဗျ ဘယ်လောက်စီစီ ထည့်ဖျန်းရမလဲ ပြောပြပါအုံးဆရာတို့ရေ

ပုံကမရှင်းလင်းတော့ ပါဝင်သည့်ရာခိုင်နှုန်းအချိုးအစားများမမြင်ရ၍နှုန်းထား ညွှန်ကြားပေးရန်ခက်ခဲပါတယ်ခင်ဗျ။ ပါဝင်ပစ္စည်းများကတော့ Butachalor+Propanil ပေါင်းသတ်ဆေးအရောဖြစ်ပါတယ်။ မြက်၊မြက်မုံညင်းနှင့် ရွက်ပြန့်ပေါင်းများကို နှိမ်နှင်းရာမှာထိရောက်မှုရှိပါတယ်။ မျိုးစေ့ချပြီးချိန်(သို့) ရွှေ့ပြောင်းစိုက်ပြီးချိန် 7-12ရက်အတွင်းဖျန်းပေးနိုင်မှထိရောက်မှုရှိပါမယ်၊ပေါင်းပင်အရွက်၁ရွက်မှ၃ရွက်ထွက်ချိန်အတွင်းသုံးစွဲနိုင်မှနှိမ်နှင်းနိုင်ပါမယ်။ဆေးဖျန်းပြီး ၃ရက်အတွင်း ရေပါးပါးပြန်သွင်းပေးနိုင်ရင် အထိရောက်ဆုံးပါခင်ဗျာ။ ပါဝင်သည့်ရာခိုင်နှုန်းများကိုသိမှ နှုန်းထားတွက်ချက်ပေးလို့ရမှာဖြစ်ပါတယ်။