အခုမှ ကြက်မွေးမြူရေး စလုပ်ချင်လို့ပါဗျ အရမ်းကြီးတော့မဟုတ်ပါဘူး တစ်ပိုင်တစ်နိုင်လေးစမွေးချင်တာပါ ဘာတွေလိုအပ်လဲ...

ကြက်စမွေးဖို့ စဉ်းစားရင် (၁) ဘာအတွက် မွေးမှာလဲ စ စဉ်းစားပါ။ အသားအဓိကလား၊ ဥ ရောင်းမှာလား၊ အကောင်ဖောက် ရောင်းမှာလား၊ စသည်ဖြင့် အဓိက ရည်ရွယ်ချက် ရှိရပါမယ်။ (၂) ကိုယ့်ဒေသရဲ့ ဈေးကွက်ကို သိရပါမယ်။ ဘယ်ဟာက ရောင်းကောင်းမလဲ။ ဘယ်ဈေးတွေ ပေါက်လဲ စသည်ဖြင့်ပါ။ (၃) ကိုယ့်ကျွမ်းကျင်မှုကို သိပါ။ အတွေ့အကြုံ မရှိသေးရင် အကြမ်းခံတာမျိုးက စတင်သင့်ပါတယ်။ (၄) ကိုယ့် ရင်းနှီးမြှုပ်နှံနိုင်မယ့် ငွေကြေးကို ချိန်ဆပါ။ တိုင်းရင်းကြက် တစ်လသား တစ်ကောက်ကို ၄၀၀၀-၅၀၀၀ ကျပ် ရှိပါတယ်။ ယူနန်ကြက်ကြမ်းက ၁၀၀၀၀ ခန့် ရှိပါတယ်။ အသားတိုး (၄၅ ရက်ကြက်) က ရက်သားကြက်ပေါက် တစ်ကောင် ၂၀၀၀ ကျော် ရှိပါတယ်။ ဥစား မဒမ်းမ တစ်ကောင်က ၂၅၀၀၀-၃၀၀၀၀ ရှိပါတယ်။ (၅) ကိုယ့်ဒေသမှာ အစာ ဘာတွေရနိုင်မလဲ။ အစာဖိုး ကုန်ကျစရိတ် သက်သာအောင် ဘယ်လို လုပ်နိုင်မလဲ စဉ်းစားပါ။ (၆) နေရာ အကျယ်အဝန်း ဘယ်လောက် ရှိလဲ တွက်ချက်ပြီး ဘယ်နှစ်ကောင် မွေးနိုင်မလဲ တွက်ဖို့ လိုပါတယ်။ (၇) အထက်က အချက်တွေ စုပေါင်းပြီး ကိုယ့်အတွက် ဘယ်ကြက်က အဆင်ပြေမလဲ စဉ်းစားပြီး ဆက်လက် လေ့လာဖို့ အကြံပြုလိုပါတယ်။