မတ်ပဲ ၁၅ ရက်သားရှိပါပြီ ဂုတ်ကျိူးပြီးသေလို့ မိူဆေးဖြန်းရင်ဘယ်အေအိုင်ကိုဖြန်းသင့်သလဲဆိုတာ ဖြေကြားပေးပါ ဆရာ

ရောဂါဒဏ်ခံနိုင်သောမျိုးကို ရွေးချယ်စိုက်ပျိုးပါ 🌱 သီးနှံမစိုက်ပျိုးမီ မဖြစ်မနေ ထည်ထိုး၊ထွန်မွှေပေးပါ 🌱 သဘာဝမြေဩဇာများကို အသုံးပြုပါက ကောင်းစွာဆွေးမြေ့နေသော သဘာဝမြေဩဇာများကိုသာ အသုံးပြုပါ 🌱စိုက်ခင်းကို ရေမဝပ်ပါစေနဲ့ 🌱 နိုက်ထရိုဂျင် (ပုလဲ) မြေဩဇာကို ပမာဏများများကျွေးခြင်းမှ ရှောင်ကျဉ်ပါ 🌱 ရောဂါကျရောက်လာပါက ရောဂါရအပင်များကို ဖယ်ရှားဖျက်ဆီးပါ 🌱 ပဲတီစိမ်း၊မတ်ပဲ မစိုက်မီ မျိုးစေ့ကို မျိုးစေ့လူးနယ်ဆေးတစ်မျိုးမျိုးဖြင့် လူးနယ်စိုက်ပျိုးပါ။ ပဲတီစိမ်း၊မတ်ပဲစိုက်ခင်းတွေမှာ ခါးရိရောဂါ စတင်ဖြစ်ပွားပါက (၁) အဇိုဆီစထရိုဘင် (Azoxystrobin) (၂) ဟိုင်မန်ဇာဇိုး (Hymexazol) (၃) ဖော့စတိုင်း-အေအယ်လ် (Fosetyl-Al) (၄) ကက်ပ်တန် (Captan) စတဲ့ ဆေးအဆိပ်ပါတဲ့ မှိုသတ်ဆေးတစ်မျိုးမျိုးကို အညွှန်းအတိုင်း အသုံးပြုပေးနိုင်ပါတယ်။ Foestyl -Al, Hymexazolတစ်မျိုးမျိုး ကို အပင်ခြေမြေကြီးစိုရွှဲအောင်ဖျန်းပေးသင့်ပြီး Azoxystrobin ကိုတော့အပင်အပေါ်ပိုင်းတစကြိမ်လောက်ဖျန်းပေးနိုင်ရင် အသေအပျောက်နည်းနိုင်ပါတယ်၊

ခါးရိပြီးတော့လည်းသေပါတယ်ဆရာ မန်ကိုဇတ် ဖြန်းလို့ရလား

မတ်ပဲပင်သေတာအကြောင်းအရင်များစွာရှိပါတယ်၊ အပင်ငယ်စဉ်မှာဂုတ်ကျိုးတာမဟုတ်ဘဲ မြေဆောင်မှိုကြောင့် ခါးရိရောဂါကျတာလည်းဖြစ်နိုင်ပါတယ်သို့မဟုတ် ပင်စည်ထိုးယင်ရှိမရှိသေတဲ့အပင် ပင်စည်ခွဲကြည့်သင့်ပါတယ်၊အခြားရောဂါတွေကြောင့်လည်းဖြစ်နိုင်ပါတယ်၊ပုံမြငါရရင်တော့ ဖြေကြားပေးရပိုအဆင်ပြေပါမယ်ဗျ