အစိမ်းရောင်လမ်း မှစိုက်ပျိုးရေးပညာရှင်များခင်ဗျ အမှန်တကယ်တော့ သဘာဝမြေဩဇာတွေနဲ့ဓာတုမြေဩဇာတွေပေါင်းစပ်အသုံးပြုမှသာ ရေရှည်မှာအောင်မြင်မယ်ဆိုတာတော့အကြမ်းဖျဉ်းသိထားပါတယ် နွား၁ရှဉ်းလောက်ပဲရှိတဲ့တောင်သူ၁ဦးမှာ ခန့်မှန်းလှည်းဖြင့်အစီး၂၅လောက်ပဲ၁နှစ်ပတ်လုံးနေမှရတာပါ အဲဒါလေးကိုဘဲဆောင်းသစ်စိသိမ်းနွေအကူးမှာကတိုက်ကရိုက်ချရတော့နွားချေးတွေကနေပူလေတိုက်နဲ့ အဟာရလည်းမဖြစ်တော့ပါဘူး ကိုသိမ်းစိုးမင်းရဲ့ဆောင်းပါတစ်ခုမှာဂျိဗာမရူသန်ဆိုတဲ့ဆေးနည်းဖတ်ရပါတယ် ဆေး၁ပေပါကိုတစ်ဧကစာလုံလောက်တယ်လို့ဖော်ပြထားပါတယ် ပုလဲ၁လုံး၁သိန်းဝန်းကျင်၁၅ပတ်လည်၁လုံး၂သိန်းကျော်ပေးသုံးနေရတဲ့အချိန်မှာကျွန်တော်တို့အဲဒီထက်ပိုလုပ်နိုင်ပါတယ် ကျွန်တော်တို့နယ်ဘက်မှာက ကကြက်သွန်ပျိုးဖို့တူးထားတဲ့ကန်လေးတွေယာတိုင်းနီးပါးရှိပါတယ် ဂျိဗာမရူသန်ကိုအချိုးအစားများများပြုလုပ်ပြီးဆေးဖျန်းတုံကင်နဲ့ယာသီးနှံမစိုက်ခင်မှာလိုက်ဖျန်းတာမျိုးပြုလုပ်၍ရပါသလား အချိုးအစားများလို့လောင်သွားတာမျိုးဖြစ်နိုင်မလား အပင်တွေပေါ်တိုက်ရိုက်ဖျန်းလို့မရဘူးလား သုံးစွဲခါနီးမှာအခြားအဟာရတွေထပ်ထည့်လို့ရနိုင်မလား ဥပမာ ဟူးမစ်အက်ဆစ် ဖော့စဖိုးရစ်အက်ဆစ် ကြက်သွန်နီ လိုစိုက်ခင်းမျိုးမှာရေသွင်းတဲ့ခရူမှာသွင်းရေနဲ့အတူရောထည့်လို့ရနိုင်မလား မြေပဲ ဂျုံ သီးနှံမှာဘယ်လိုပုံစံနဲ့ထည့်သွင်းသုံးစွဲရမလဲ သိပါရစေ

တောင်သူဦးကြီး မေးမြန်းထားတဲ့ ဂျီဗာမရုသမ် အသုံးပြုနည်းနဲ့ ပတ်သက်ပြီး စနစ်တကျ ပြုလုပ်သုံးစွဲနိုင်ဖို့ အခုလို အကြံပြုလိုပါတယ်။ ၁။ ဂျီဗာမရုသမ်ကို အချိုးအစားများများ ပြုလုပ်ပြီး မြေပြင်ချိန်တွင် သုံးစွဲနိုင်မှု ဂျီဗာမရုသမ်ကို အချိုးအစားများများ ဖော်စပ်ပြီး အသုံးမပြုမီ မြေပြင်ချိန်မှာ မြေပေါ်ဖြန်းပေးတာ ဒါမှမဟုတ် ရေသွင်းမြောင်းကနေ ထည့်ပေးတာဟာ အလွန်ကောင်းမွန်တဲ့ နည်းလမ်းဖြစ်ပါတယ်။ ၎င်းဟာ မြေကြီးထဲမှာရှိတဲ့ အကျိုးပြု အဏုဇီဝပိုးတွေကို နိုးထလာစေပြီး မြေဆီလွှာကို အသက်ဝင်စေတဲ့အတွက် သီးနှံမစိုက်ပျိုးမီ မြေပြင်ချိန်မှာ သုံးစွဲတာကို တိုက်တွန်းပါတယ်။ ၂။ အပင်ပေါ်သို့ တိုက်ရိုက်ဖျန်းခြင်း နှင့် သတိပြုရန်အချက်များ အပင်ပေါ်ကို တိုက်ရိုက်ဖျန်းလို့ ရပါတယ်။ ဒါပေမဲ့ အောက်ပါအချက်တွေကို သတိပြုစေလိုပါတယ် - စစ်ထုတ်ခြင်း: ရွက်ဖျန်းအနေနဲ့ သုံးမယ်ဆိုရင် ဆေးဖျန်းပုံး နော်ဇယ်ခေါင်း မပိတ်အောင် ပိတ်စပါးပါးနဲ့ သေချာစစ်ထုတ်ဖို့ လိုပါတယ်။ ဆေးနှုန်းထား: ရွက်ဖျန်းအဖြစ်သုံးရင် ရေ (၁၀) ဆ၊ ဆေးရည် (၁) ဆ နှုန်းနဲ့ ရောစပ်ရပါမယ်။ (ဥပမာ - ၄ ဂါလံပုံးတစ်ပုံးကို ဆေးရည် ၂ လီတာခန့် ထည့်ပါ)။ အစိမ်းစားသီးနှံများ: ဆလပ်၊ နံနံ စတဲ့ အစိမ်းစားရတဲ့ အရွက်တွေပေါ်ကိုတော့ တိုက်ရိုက်မဖျန်းဘဲ အပင်ခြေကိုပဲ ဖျန်းပေးစေလိုပါတယ်။ ၃။ အခြားအာဟာရများ (Humic/Fulvic Acid) နှင့် တွဲဖက်သုံးစွဲခြင်း ဂျီဗာမရုသမ်ထဲကို Humic Acid သို့မဟုတ် Fulvic Acid တို့ ထပ်မံဖြည့်စွက် အသုံးပြုနိုင်ပါတယ်။ ဒါဟာ မြေဆီလွှာရဲ့ အာဟာရစုပ်ယူမှုကို ပိုမိုကောင်းမွန်စေပြီး အပင်ကြီးထွားမှုကို ပိုမိုမြန်ဆန်စေမှာ ဖြစ်ပါတယ်။ ၄။ ရေသွင်းစိုက်ခင်းများတွင် အသုံးပြုခြင်း ကြက်သွန်စိုက်ခင်းတွေလို ရေသွင်းစိုက်ပျိုးတဲ့ နေရာမျိုးမှာ ရေသွင်းတဲ့အခါ ရေမြောင်းခေါင်းကနေ ဂျီဗာမရုသမ်ရည်ကို တစိမ့်စိမ့်စီးဆင်းစေတဲ့ နည်းလမ်းနဲ့ ထည့်ပေးတာဟာ အထိရောက်ဆုံးနဲ့ လုပ်အားအသက်သာဆုံး ဖြစ်ပါတယ်။ ၅။ မြေပဲ နှင့် ဂျုံ သီးနှံများတွင် အသုံးပြုခြင်း မြေပဲ: မြေပဲဟာ ပဲမျိုးရင်းဝင် ဖြစ်တဲ့အတွက် ဂျီဗာမရုသမ်ထဲက အကျိုးပြုပိုးတွေကြောင့် အမြစ်ဖုတွေ ပိုမိုဖွံ့ဖြိုးလာပြီး နိုက်ထရိုဂျင်ကို ပိုမိုဖမ်းယူနိုင်ပါလိမ့်မယ်။ ဂျုံ: ဂျုံမှာလည်း အပင်ပွားနှုန်း ကောင်းစေဖို့နဲ့ အနှံအောင်စေဖို့အတွက် အသုံးပြုနိုင်ပါတယ်။ အသုံးပြုပုံ: အပင်ပေါက်စုံချိန်၊ ပန်းပွင့်ခါနီးအချိန်နဲ့ သီးကင်း/နှံအောင်ချိန်တွေမှာ အနည်းဆုံး (၃) ကြိမ်ခန့် အသုံးပြုပေးရင် အထွက်နှုန်း သိသိသာသာ တိုးတက်လာမှာ ဖြစ်ပါတယ်။ အကျဉ်းချုပ်အနေဖြင့် - ဂျီဗာမရုသမ်ဟာ ဓာတုမြေသြဇာစရိတ်ကို လျှော့ချပေးရုံတင်မကဘဲ ရေရှည်မှာ မြေသားကို နူးညံ့ပွရွစေတဲ့အတွက် စနစ်တကျ ပွားများသုံးစွဲခြင်းဖြင့် အောင်မြင်တဲ့ စိုက်ပျိုးရေးလုပ်ငန်းကို တည်ဆောက်နိုင်ပါစေကြောင်း ဆန္ဒပြုလိုက်ရပါတယ်ခင်ဗျာ။