ဆရာတို့ခင်ဗျာ.. ကျွန်တော်ခဝဲသီး ပုံမှာပြထားတဲ့အတိုင်းဖြစ်နေလို့ပါ..ဘာဖြစ်တာလဲသိချင်ပါတယ်

ပိုးကြောင့်လား သိနိုင်ရန် - ဝါနေတဲ့ အသီးကင်းလေးတွေကို ဓားနဲ့ အလယ်ကနေ လှီးကြည့်ပါ။ အထဲမှာ ပိုးလောက်ကောင်လေးတွေ တွေ့ရရင်တော့သီးထိုးယင်ကောင်ကျတာ ဖြစ်ပါတယ်။ -အဝါရောင်ထောင်ချောက် ဆွဲပေးရပါမယ်။ ပင်လုံးပြန့်ပိုးသတ်ဆေးဖျန်းပေးရပါမယ်။ ရောဂါကြောင့်လား သိနိုင်ရန် - လတ်တလော မိုးခဏခဏရွာပြီး စိုက်ခင်းထဲ ရေဝပ်/စိုထိုင်းဆများနေရင်တော့ မှိုကြောင့်ဖြစ်တဲ့ အသီးပုပ်ရောဂါဖြစ်နိုင်ပါတယ်။ အသီးပုပ်တွေ ခြံပြင်ဆွဲထုတ်ဖျက်ဆီးပြီး မန်ကိုဇက်ဘ် (Mancozeb) ကဲ့သို့ မှိုသတ်ဆေး ဖျန်းပေးပါ။ အထက်ပါ (၂) ချက်စလုံး မဟုတ်ဘဲ အသီးကင်းတွေ အကုန်လုံး ဝါကြွေနေရင် ကယ်လ်ဆီယမ်နဲ့ ဘိုရွန်ဓာတ်ချို့တဲ့တာ ဖြစ်နိုင်ပါတယ်။ - ကယ်လ်ဆီယမ်-ဘိုရွန် (Calcium-Boron)ပါ ရွက်ဖျန်းမြေသြဇာ ဖျန်းပေးပါ။အပင်ရဲ့ အရွက်တွေမှာပါ အဝါကွက်တွေ ရှိ၊ မရှိနဲ့ စစ်ဆေးလို့ရရှိတဲ့ အခြေအနေလေးကို ကွန်မန့်မှာ ပြန်လည်ဆွေးနွေးပေးပါဦးခင်ဗျာ။