ပိုတက်သီးသန့်ကျွေးရင်ကောင်းလား အထွက်ကောင်းအောင်ဘာကျွေးရမလဲ

အသက် ၃ လသား ချင်း (ဂျင်း) စိုက်ခင်းသည် ဥတက်များ စတင် ပွားများ ကြီးထွားလာသည့် ကာလ ဖြစ်သဖြင့် ပိုတက်စီယမ်နှင့် ဖော့စ်ဖရပ် ဓာတ် မြင့်မားသော ကွန်ပေါင်း (၁၅-၁၅-၁၅) သို့မဟုတ် (၁၂-၁၂-၁၇) ကဲ့သို့ မြေဩဇာ ဖော်မြူလာမျိုးကို ကေဟူးမစ် ဖြင့်တွဲဖက်ရွေးချယ် ကျွေးရပါမည်။ သုံးစွဲရမည့် နှုန်းထားမှာ တစ်ဧကလျှင် ၅၀ ကီလိုဝင် (၁) အိတ် (သို့မဟုတ်) အပင်တစ်ကျင်းလျှင် ဟင်းစားဇွန်း ၁ ဇွန်းမှ ၂ ဇွန်းခန့် ဖြစ်ပြီး၊ မြေဩဇာ ကျွေးပြီးနောက် အပင်ခြေကို မြေဖို့ပေးခြင်း သို့မဟုတ် မြေဆွေး ဖုံးပေးခြင်းကို မဖြစ်မနေ တွဲဖက် လုပ်ဆောင်ပေးရပါမယ်ခင်ဗျာ။