ပုံမှန်ဆို အသီးလှိုင်လှိုင်ကျနေပြီ တန်းကြား၁၅ပေ ပင်ကြား၆ပေ နှစ်ပင်စိုက် ဟုန်ထိုးသွားလို့အရွက်တွေ ရှင်းပေးတယ် အ...

အကယ်၍စုပ်စားပိုးများကျခဲ့လျင် စုပ်စားပိုးကြောင့်ဖြစ်သည့် ရွှေဖရုံဗိုင်းရပ်စ်ရောဂါသည် ဆေးဖျန်းရုံဖြင့် ကုသ၍မရနိုင်သော ရောဂါဆိုးတစ်ခု ဖြစ်ပါတယ်။ ဤရောဂါသည် ပျပိုး၊ ယင်ဖြူနှင့် လှေးပိုးကဲ့သို့သော စုပ်စားပိုးများမှတစ်ဆင့် ရောဂါရှိသောအပင်မှ ကျန်းမာသောအပင်များဆီသို့ ပျံသန်းကူးစက်စေခြင်း ဖြစ်ပါသည်။ ရောဂါကျရောက်ပါက အရွက်များ တွန့်လိမ်ပိန်းကပ်ခြင်း၊ ရွှေဝါရောင်မိုစေ့ (အစင်းအကျား) ကွက်များ ဖြစ်ပေါ်လာခြင်းနှင့် အပင်ပု၍ ကြီးထွားမှုရပ်တန့်ခြင်းတို့ ဖြစ်တတ်ပါသည်။ ကာကွယ်ရန်အတွက် ရောဂါရပင်များကို ချက်ချင်းနှုတ်ယူမီးရှို့ဖျက်ဆီးရမည်ဖြစ်ပြီး၊ သယ်ဆောင်ကောင်စုပ်စားပိုးများကို အီမီဒါကလိုပရစ် (Imidacloprid) သို့မဟုတ် ဖစ်ပရိုနေး (Fipronil)ကဲ့သို့သော ပင်လုံးပျံ့ဓာတုပိုးသတ်ဆေးများဖြင့် အလှည့်ကျ ပက်ဖြန်းနှိမ်နင်းရပါမယ်။

ပုံပါ ရွှေဖရုံရွက်တွင် တွေ့ရသော လက္ခဏာမှာ ဒေါင်းနီးရွက်ခြောက်ရောဂါ (Downy Mildew) ဖြစ်နိုင်ပါတယ်။ အရွက်ပေါ်တွင် ရွက်ကြောများ ပိတ်ဆို့ထားသည့် အဝါရောင် အကွက်ငယ်လေးများ စတင်ဖြစ်ပေါ်နေပြီး ရောဂါရင့်လာပါက အလယ်မှစ၍ ညိုပြီး ခြောက်သွားတတ်ပါတယ်။ နံနက်စောစောတွင် အရွက်အောက်မျက်နှာပြင်၌ မီးခိုးရောင် သို့မဟုတ် ခရမ်းပုပ်ရောင် မှိုမျှင်အမွှေးအမျှင်များကို သေချာစွာ တွေ့ရှိနိုင်ပါသည်။ ဤရောဂါသည် စိုထိုင်းဆများခြင်းကြောင့် ဖြစ်ပွားတတ်သဖြင့် လေဝင်လေထွက်ကောင်းအောင် အရွက်အိုများကို ဖယ်ရှားဖျက်ဆီးပေးရမည်ဖြစ်ပြီး၊ ရောဂါသက်သာစေရန် ဒိုင်မီသိုမော့ဖ် (Dimethomorph) + Cymoxanil (ဆိုင်မောက်စနေးလ်)ပါဝင်သော မှိုသတ်ဆေးများကို အရွက်အောက်မျက်နှာပြင်ပါ အနှံ့အပြား ရောက်ရှိအောင် ဖျန်းပေးရပါမယ်။စုပ်စားပိုးကြောင့်ဖြစ်သည့်ဗိုင်းရပ်စ်ရောဂါလည်းဖြစ်နိုင်သေးတာကြောင့် စုပ်စားပိုးများကျရောက်ခဲ့ခြင်းရှိ/မရှိ စစ်ဆေးကြည့်ပါဦးဗျ။