မြေပဲပင်ရဲ့အောက်ခြေရင်းမှာဒီလိုဖြစ်ရင် အပင်ကညိုးပြီး ခြောက်သွာတယ် ဘာဆေးများဖြုန်းရင်ကောင်းမှာလဲမသိ ဆရာတို့ခင်...

မြေပဲပင်တွင် ကျရောက်နေသော ရောဂါမှာ တောင်သူဦးကြီးတို့ အခေါ် မြေပဲခါးရိရောဂါ (သို့မဟုတ်) ပင်ခြေပုပ်ရောဂါ (Foot and Collar Rot Disease) ဖြစ်ပါတယ်။ မြေပဲပင်ခြေပုပ်/ခါးရိရောဂါသည် Aspergillus niger မှိုပိုးကြောင့် ဖြစ်ပွားပြီး အပင်ခြေတွင် ညိုမည်းပုပ်ခြောက်ကာ ကျိုးပျက်သွားတတ်ပါသည်။ ကုသနှိမ်နင်းရန်အတွက် Foestyl-Al၊ Hymexazol သို့မဟုတ် Azoxystrobin ကဲ့သို့သော မှိုသတ်ဆေးတစ်မျိုးမျိုးကို အပင်ခြေနှင့် အပင်အပေါ်ပိုင်းရော ဖျန်းရပါမယ်။ ရောဂါရအပင်များကို နှုတ်ယူမီးရှို့ဖျက်ဆီးရမည်ဖြစ်ပြီး၊ နောက်ရာသီတွင် ရောဂါကင်းဝေးစေရန် စိုက်ပျိုးခါနီး၌ မျိုးစေ့ကို မှိုသတ်ဆေးဖြင့် သေချာစွာ လူးနယ်စိုက်ပျိုးခြင်းနှင့် စိုက်ခင်းအတွင်း ရေမဝပ်အောင် စီမံခန့်ခွဲခြင်းတို့ကို လုပ်ဆောင်ရပါမယ်။