စိုက်ပျိူးရေး တစ်ခု လုပ်ဆောင်တော့မယ်ဆိုရင် အဓိက အခြေခံ လိုအပ်ချက် ဖြစ်တဲ့ မြေကြီးပြူပြင်နည်းတို့ ပြီးတော့...

ခရမ်းချဉ်စိုက်ပျိုးရာတွင် အောင်မြင်ဖြစ်ထွန်းရန် မြေဆီလွှာကို ၈ လက်မမှ ၁ ပေအနက်အထိ ထယ်ရေးနက်နက်ထိုးပြီး တစ်ဧကလျှင် နွားချေး (သို့) ကြက်ချေးဆွေး တန် ၂ မှ ၅ တန်ခန့်ကို ကွန်ပေါင်းဓာတ်မြေသြဇာများနှင့်အတူ မြေခံအဖြစ် ထည့်သွင်းရပါမယ်။ စိုက်ဘောင်ကို အကျယ် ၃ ပေမှ ၃ ပေခွဲ၊ အမြင့် ၈ လက်မမှ ၁ ပေခန့်အထိ ဖော်ပေးရမည်ဖြစ်ပြီး ရေဝပ်၍ ဘက်တီးရီးယားပင်ညိုးရောဂါမဖြစ်စေရန် ရေထုတ်မြောင်းကို ဘောင်ထက်နက်အောင် တူးရပါမယ်။ ပလတ်စတစ်အုပ်စိုက်ပျိုးရာတွင် ပေါင်းမြက်နှင့် ပိုးမွှားဒဏ် ကာကွယ်နိုင်သည့် ငွေရောင်-အမည်းရောင် (Silver-Black) စိုက်ပျိုးရေးသုံးပလတ်စတစ်ကို စိုက်ဘောင်အစိုဓာတ်ရှိစဉ် အုပ်ပေးရပါမယ်။ ထို့နောက် တစ်ပင်နှင့်တစ်ပင် ၂ ပေ၊ တစ်တန်းနှင့်တစ်တန်း ၃ ပေအကွာတွင် အချင်း ၃ လက်မရှိ စိုက်ကျင်းများဖောက်ကာ ရက် ၂၀ သားရှိ ပျိုးပင်များကို ရွှေ့ပြောင်းစိုက်ပျိုးရပါမယ်ခင်ဗျာ။