ဘာကြောင့် ဖြစ်တာလဲဗျ တော်တော်များတယ် ဘာဆေးသုံးရမလဲ ဖြေပေးပါအုံး

ပုံပါကွမ်းရွက်များတွင် တွေ့ရသော လက္ခဏာမှာ Xanthomonas ဘက်တီးရီးယားကြောင့် ဖြစ်ပွားသည့် ကွမ်းဆီစွန်း၊ ရိုးမဲ၊ ဆစ်ပြုတ်ရောဂါ ဖြစ်ပါတယ်။ ဤရောဂါသည် ပူနွေးစိုစွတ်သော မိုးရာသီတွင် ကူးစက်မှု အလွန်မြန်ဆန်တတ်ပြီး၊ အရွက်ပေါ်တွင် ဆီစွန်းသကဲ့သို့ အမဲစက်များ ဖြစ်ပေါ်စေကာ ရင့်လာပါက အဆစ်များပုပ်၍ ပြုတ်ထွက်တတ်ပါတယ်။ ကုသရန်အတွက် ရောဂါရအရွက်များနှင့် နွယ်များကို ခြံပြင်ထုတ်၍ မီးရှို့ဖျက်ဆီးပါ၊ ဆေးအနေဖြင့် ကော့ပါးအောက်ဆီကလိုရိုက်(Copper oxychloride)၊ Bismerthiazole၊Oxolinic acid သို့မဟုတ် ကာဆူဂါမိုင်စင်(kasugamycin) ကို ပက်ဖျန်းပေးရပါမယ်။ ရောဂါကျနေစဉ်အတွင်း နိုက်ထရိုဂျင် (ယူရီးယား) မြေဩဇာ ကျွေးခြင်းကို လုံးဝရှောင်ကြဉ်ပြီး အပင်ခံနိုင်ရည်ရှိစေရန် ပိုတက်ရှ်မြေဩဇာကို ဖြည့်တင်းပေးရပါမယ်ခင်ဗျာ။