စပါးအခြောက်ကျဲခင်း 27ရက်သားပါ ရေနည်းနည်းဝင်ပီး အရောင်ပြောင်း အဖျားလေးတွေဝါနေလို့ပါ ဘာလို့ ဝါသွားတာလဲဗျ ရေဆက်...

အသက် ၂၇ ရက်သား စပါးခင်းတွင် ရေဝပ်မှုကြောင့် အမြစ်များ အောက်ဆီဂျင် ပြတ်လတ်ကာ အာဟာရ မစုပ်ယူနိုင်ဘဲ ဝါလာခြင်း ဖြစ်နိုင်ပါတယ်။ ထို့ကြောင့် လက်ရှိတွင် ရေထပ်မသွင်းသင့်ဘဲ လယ်ခင်းထဲမှ ရေကို ကုန်အောင် ဖောက်ထုတ်ပြီး အမြစ်များ အောက်ဆီဂျင် ပြန်ရစေရန် ခြေရာထင်ရုံမျှ ခြောက်သွေ့အောင် ထားရပါမယ်။ ရေဖောက်ထုတ်ပြီး ၂ ရက်ခန့် အကြာတွင် အမြစ်သစ်များ ထွက်လာစေရန် ယူရီးယားနှင့် ကွန်ပေါင်းမြေသြဇာ အနည်းငယ် ကျွေးပေးသင့်ပြီး၊ အပင်ဖိစီးမှု လျော့ကျစေရန် အမိုင်နိုအက်စစ် (Amino Acid) အားဆေး ဖျန်းပေးသင့်ပါတယ်။ ရေနည်းနည်းဝင်ပြီး ဝပ်နေသည့် ဘေးပတ်ပတ်လည်နေရာများတွင်သာ အရောင်ဖျော့ဝါလာပြီး၊ ရေမရောက်သည့် အလယ်ပိုင်းတွင် စိမ်းနေဆဲဖြစ်ခြင်းမှာ ရေဝပ်မှုကြောင့် အမြစ်များ အောက်ဆီဂျင်ပြတ်လတ်ကာ အစာမစားနိုင်သည့် လက္ခဏာဖြစ်ကြောင်း ပိုမိုထင်ရှားစေပါတယ်။ ထို့ကြောင့် လတ်တလောတွင် ဘေးပတ်ပတ်လည်ရှိ ဝပ်နေသောရေများကို ကုန်အောင် ဖောက်ထုတ်ပစ်ရန် အရေးကြီးပါတယ်။ပေါင်းသတ်ဆေး မဖြန်းရသေးသဖြင့် ဝပ်နေသော ရေများကို ချက်ချင်း ပြန်ဖောက်ထုတ်ပါ။ ထို့နောက် ယူရီးယား ကျွေးပြီး အမိုင်နိုအက်စစ် အားဆေး ဖျန်းပေးပါ၊ စပါးပင်များ အစိမ်းရောင် ပြန်လည် လန်းဆန်းလာသည့် အခါကျမှသာ ပေါင်းသတ်ဆေးကို စနစ်တကျ ပြန်လည် ဖြန်းပေးရပါမယ်ခင်ဗျာ။

Edit ရေနည်းနည်းဝင်တဲ့နေရာက ဘေးတွေမာကွက်ပီးအရောင်ဖျော့သွားတာပါ အလယ်က စိမ်းနေတာက ရေမရောက်သေးတာပါ ဖေ့ပေးကြပါဦးဆရာတို့