ရေနစ်ပြီးပြန်စိုက်တာအဖျားတွေပြက်ထွက်နေတယ်ဘာဆေးဖြန်ရမလဲး

စပါးခင်း ရေကြီးနစ်မြုပ်ပြီးနောက် အပင်များ ပြန်လည်နာလန်ထူလာစေရန် အချိန်မီ ပြုစုပျိုးထောင်ပေးဖို့ အလွန်အရေးကြီးပါတယ်။ စပါးပင်များ ပုပ်ပျက်မသွားစေရန်နှင့် အာဟာရပြန်လည်ရရှိစေရန် အောက်ပါအတိုင်း အဆင့်ဆင့် ဆောင်ရွက်ပေးရပါမယ်။ စပါးခင်း ရေနစ်ပြီးနောက် အပင်များ ပြန်လည်ကောင်းမွန်လာစေရန် ပထမဆုံးအနေဖြင့် ရေနုတ်မြောင်းများဖောက်ကာ ရေကို အမြန်ဆုံး ထုတ်ရပါမယ်။ ထို့နောက် အလင်းမှီစုဖွဲ့ခြင်း ပြန်လုပ်နိုင်ရန် အရွက်ပေါ်ရှိ နုန်းမြေများကို ရေကြည်ဖြင့် ဆေးချပါ။ ရေနစ်ချိန်တွင် အမြစ်များ အလုပ်မလုပ်နိုင်သဖြင့် မြေဩဇာကျွေးခြင်းထက် ယူရီးယား သို့မဟုတ် NPK ပါဝင်သော အပင်ဖျန်းအားဆေးများကို ဦးစွာ ပက်ဖျန်းပေးရပါမယ်။ သို့မဟုတ်Humic Acid (ဟျူးမစ်အက်ဆစ်) ပါဝင်သော ဆေးများကို ဖျန်းပေးပါ။ရေကြီးပြီးနောက် ဘက်တီးရီးယားနှင့် မှိုရောဂါများ ကျရောက်လွယ်သောကြောင့် ရောဂါကျခြင်းရှိမရှိ အမြဲစစ်ပါ။ အပင်များ ပြန်လည်လန်းဆန်းလာပြီး အမြစ်သစ် ထွက်လာသည့် (၅-၇) ရက်ခန့်တွင်မှ တစ်ဧကလျှင် ယူရီးယား (၁၅-၂၀) ပိဿာ နှင့် ပိုတက်စီယမ် (မိုရီယိတ် အော့ဖ် ပိုတက်ရှ် - MOP) (၅-၁၀) ပိဿာ ကို ရောစပ်ပြီးမြေဩဇာကို ပြန်လည်ကျွေးရပါမယ်။။ ပိုတက်စီယမ်သည် အပင်ကို ရောဂါဒဏ်နှင့် ရာသီဥတုဒဏ် ခံနိုင်ရည်ရှိစေပါတယ်။