ဆရာမနက်ဖြန် ခရမ်းချဥ်သီးခူးရက်ဆိူတော့ ဆေးမဖျန်းရသေးဘူး မနက်ဖြန် ညနေလောက်မှ ဖျန်းရမှာဆရာ ဝယ်စားတဲ့သူတွေအန္တရာယ်ဖြစ်မှာစိုးလို့ အဲ့နေ့ထိတော့ရလောက်ပါသေးတယ်နော့ဆျာ သတိမထားမိတာဆရာ အပင်တော်တော်များများမှာ အဲ့အပင်လေးတွေ အဲ့ပုံစံလေးတွေ စဖြစ်နေပီ နောက်ထပ်လေ မန်ကိုဇက် ၂ ကြိမ် ဂရမ်း ၁ ကြိမ် ဒိုင်ဇီ ၁ကြိမ် ပုံမှန်ဝင်ထားပါရဲ့နဲ့ ဘက်တီးရီးယားမဟုတ်ပဲ အဲ့မှို ရောဂါက ဘာကြောင့်ဝင်ရတာလဲဆရာ အချိန်ရရင်ရှင်းပြပေးပါအူးဆရာ

ခရမ်းချဉ်သီး ခူးဆွတ်ပြီးမှ Metalaxyl ဆေးဖျန်းခြင်းသည် စားသုံးသူအတွက် ပိုမိုဘေးကင်းပါတယ်ခင်ဗျာ။ ဒိုင်ဇီနှင့် ဂရမ်းစသည် မှိုဆေးများ ဖြန်းထားပါလျက်နှင့် နှောင်းပင်နာကျရောဂါ ဖြစ်နေရခြင်းမှာ ၎င်းရောဂါသည် အမှန်တကယ်တွင် မှိုအစစ်မဟုတ်ဘဲ ရေမှိုမျိုးနွယ်ဝင် (Oomycetes) အူးမိုက်စိဖြစ်သောကြောင့် ဆေးမတိုးခြင်း၊ ပင်လုံးပျံ့ဆေးများကို အကြိမ်ကြိမ် သုံးစွဲမိ၍ ဆေးယဉ်ပါးခြင်းနှင့် မိုးများပြီး စိုထိုင်းဆမြင့်မားသော ရာသီဥတုကြောင့် ရောဂါပိုး အဆမတန် ပျံ့နှံ့လွယ်ခြင်းတို့ကြောင့် ဖြစ်ပါတယ်။ ရောဂါထိန်းချုပ်ရန်အတွက် ယခုဖျန်းမည့် Metalaxyl အပြင် ရောဂါမသက်သာပါကနောက်ပိုင်းတွင် Dimethomorph သို့မဟုတ် Cymoxanil ကဲ့သို့သော အူးမိုက်စိမှိုသတ်ဆေးများနှင့် အလှည့်ကျ ပြောင်းလဲဖျန်းပေးရန်၊ နိုက်ထရိုဂျင်မြေဩဇာ လျှော့ချရန်နှင့် ရောဂါရ အရွက်များကို ဆွတ်ခူးဖျက်ဆီးပစ်ရန် အကြံပြုလိုပါတယ်ခင်ဗျာ။ တောင်သူအသုံးပြုထားသည့် မှိုသတ်ဆေးတွေက non- Oomycetesတွေကို အထူးပြုနှိမ်နင်းနိုင်သည့်ဆေးများဖြစ်နေ ပြီး ‌အူးမိုက်စိမှိုရောဂါ‌အပေါ်သက်ရောက်မှုနည်းသည့်ဆေးများဖြစ်နေလို့ပါခင်ဗျာ၊အဓိကတရားခံကရာသီဥတုလည်းပါပါတယ်ခင်ဗျာ